(مودة) إتوكلت إتصلت على (أيمن) أول ما فتح الخط سمعت صوتو إتذكرت كلامو طوالي فصلت المكالمة .
أقل من دقيقه رجع ليها.ردت ليهو بدون ما تتكلم
_السلام عليكم مودة إزيك.
_أنا ما إتكلمت عرفتني كيف.
_ههههههه في حاجه إسمها نمبربوك يا جاهله حتي لو ما كنت مسجل رقمك.
_ما بسألك في جاهله دي ده غلطي أنا الإتصلت .وأفهم إنك عندك رقمي??
_أكيد .
_ليه??
_السبب!! ??
_كنت متوقع ح تتصلى على عشان لما تتصلي أقول ليك معاي منو تحظري رقمي كمان.
_الثقه دي صارفا من ووين المهم.
_أيوة المهم متصله من صباح الرحمن قاطعه لي نومتى مالك.
_مفتري كمان.
_الله يسامحك يا أخت.
_يختوك في النار ما أختك ولا بعرفك.
_هههههههه شكرا.
_ماما طلبت مني أتصل عليك أعتذر ليك عن الحصل أمس.
_أمس حصل شنو?
_بستفزني .
_مودة انتي لسه شافعه.
_إحترم نفسك.
_خليني أتم كلامي. شافعه بمعني نظرتك للحياة لسه محصورة في جانب واحد تفكيرك ما بتعدي إختيار لون فساتين' أمس ده عندي بنتهي في وقتو.
_ما ناقصه محاضرات كلامك ده وفرو لنفسك يا أستاذ.
_طيب خلينا من دة عندي شرط أقبل إعتذارك.
_ههههه ياخ أنا لسه بسمع في كلامك ده شرف ليك كمان بي شروط والله ده كلام.
_بكرة إنت نازله الجامعه صاح.
_أها.
_بعد تخلص محاصراتك تعزميني كباية عصير من أي كفتريا من كفترياهات الموجودة في السوق العربي أقول ليك كباية موية من أي من طرف السوق..
_هههههههههههه أنا مودة أقيف ليك في السوق وكمان اعزمك كباية عصير هههههه أحلم..
_يلا مع السلامه بكرة الساعه 3 منتظرك في الإستاد..
قفل الخط قبل ما ترد 'كان مبسوط لأنو إتكلم معاها بنفس إسلوبا ويستفزها.
وهي زعلانه عايزة تطرشق'المصيبه هي ما بتعرف السوق العربي حاجه عن السوق العربي.
اليوم كلو تفكر في الموضوع بين تمشي وما تمشي ما وصلت لى قرار نهائي.
قالت تشوف نارمان صديقتا يمكن تديها حلص رسلت ليها علي الواتساب قالت ليها لو بتعرف حاجه عن السوق العربي. بعد نصف ساعه ردت ليها.
- يابت عندك شوق في الجووط ديك.
-ممكن توديني هناك بكرة الساعه 3.
-يا زوله هووي كلو إلا القيامه ديك.
-هههههه عايزة اشوف القيامة دي مالك .
-بوديك بس حاسه في موضوع.
-لما نتلاقه بديك خبر.
-تمام يا فردة لما تصبح.
(مودة) ما عارفه السبب الخلاها تكلم نارمان شنو
ولا هي متؤكدة هي ح تمشي ولالا لأنو تفكيرا جايط وما فاهمه شي.
(سناء) لاحظة لي بتها إنها ما تمام اليوم كلو تفكيرا بعيد
قالت ما ح تسألا .
إتصل علي (أيمن) إتكلمت معاو عشان تفهم الحصل شنو.
تانى يوم الساعه 12 (ياسر) وصل (مودة) الحامعه طلبت ما يجيها بترجع براها بعد نهاية اليوم.
لاقت نارمان قعدن في الجامعه ساعه بعدها طلعن للموصلات.
ساعه وما وصلن (مودة) زهجت شديد .
-يا بت لسه.
_هههههههه قربنا.
_قربنا دي لي ساعه بسمع فيها خلينا ننزل.
_هههههه الصبر جد وصلنا عايني دة الإستاد لكن بوديك جاكسون تشوفي القيامة بعينك .
_شكلو يووم زفت.
_إعتبريها مغامرة أو رحله مجنونه كده.
(مودة) ما عارفه ماشه ووين وجاكسون ده وين حبت فكرة المغامرة قالت تشوف البحصل شنوو ..
يتبع......
