الساعه 2ظ(مودة) طلعت من المحاضرة فتحت تلفونا لقت رسالة(أيمن) بقول فيها (أنا منتظرك برا بعد طلعتي تعالى براك وما تخافي )
دقات قلبها زادت المرة تحديدآ إحساسا غير كل المرات الفاتت ما إتوقعت النتيجة نهائي تفكيرا مشوش ما فاهمه شي
أكتر شي خوفا لما (أيمن) قال ليها تجي براها.
بتفكر لمن وصلت مكان أيمن سلمت عليو
جاب ليها كرسى قعدت'ما قالت ولا كلمه
قال ليها:
_مالك ساكته أها تشربي شنوو?
_ولا شي .
_لا لازم تطلبي حاجه '
_أيمن عليك الله أحكي لي ما عندي أي أعصاب أحتمل أكتر .
_حاضر بحكي.
طلع من شنطتو صور أغلبها من كان صغير مدا ليها أول صور.
_دة منو?
_خالى.
_وخالك هسى الدخلو شنو في قصتك يا ظريف.
_ده أصل القصه.
_كيف?!
_طيب داير أقول شنوو?
_أستغفر لله ياخ ما تتكلم وتبطل تلف وتدور.
_خالى ده أبوي وأخوي وأمي وكل شي في حياتي ما عندي غيرو في الدنيا دي.
_وين أهلك كلهم? أيمن مالك بتبكي مالك?
في شنو ياخ وقفتا قلبي عليك الله إتكلم معاي.
_مودة مافي شي ببكي ساي يمكن دي إول مرة أبكي بسبب الموضوع ده.
_طيب احكي طلع كل الجوواك أنا سمعاك بس بدون بكا.
_قبل كم وعشرين سنه زي ما حكي لي خالى
أنا جيت للدنيا دي بطريقة غير شريعية.
_كيف إنت يا أيمن ده كلام شنو?
_مش قولتا ليك ما تقاطعيني لما أبدا اتكلم من أمس
.
_تمام واصل.
(أيمن) حكى ليها القصة زي ما حكاها ليو خالو علي لسان (أيمن) قال:
قبل كم وعشرين سنه جا للدنيا بطريقة غير شريعية كان ساكن ود عم أمو معاهم في البيت بحجة الشغل إستغلا وجودو في البيت ونسبة إنهم كلهم أهل عادي يكون في البيت يخش ويمرق عادي حصل الحصل والنتيجة كانت وأحد من أخوانا قتلا بدون رحمة عمرها كان (15سنه)
حاولو يتخلصوا من أيمن ختو في شنطة أطفال ختو بعيد من الحله .
_أها والحصل شنو بعدها.
_خالى حسن رفض فكرتهم دي وقتها طردو من البيت كانو خايفين من الفضيحه خاصه بعد هروب ود عمهم'خالي حسن طلع من الحله شالني معاهو جا االخرطوم شال مسؤليه أكبر من سنو الدنيا ضربتو كتير بسببي مافي طريقه يلقي شغل وانا معاهو.
_عمل شنوو??
_يوم قاعد مهموم عند واحدة من ستاات الشاي سالتو مالو حكي ليها كلمتو عن الدار'بدون تفكير وداني هناك .
_كييف??
_ما تستغربي شاب عمرو 19سنه ما عندو خبرة في الحياة معاو شافع عمر يومين يعمل شنو في الدنيا كان ده الحل بس ما نساني كل يوم بعد الشغل بجيني بقعد معاي لما بقيت عمري (7سنين ) جا ساقني سجلني في المدرسه بمساعدة أصحابوا ومعارفوا طلع لي شهاد ميلاد بإسمو وإسم والدة مزيف يعني لليوم ما بعرف إسم إمى يا مودة ..
(أيمن) بحكي ودمعو جاريه كان أول مرة يحكي لي زول ما كان متوقع يجي يوم يحكي لي أي مخلوق لانو ده وعد بينو وبين خالو من الأول ينسي كل شي ويعيش حياتو عادي بس وين يكون عادي الناس عرفت أصل الحكايه لمن رحل خالو من البيت.
الكلام كتير بس حاول يختصرو عشان ما يأخر (مودة)
قعدو أكتر من ساعتين بتكلمو في الموضوع
(مودة) ما كانت عايزة تمشي تخلى (أيمن) بالحاله دي بس هو سبقا وقام قبل ما يتموا كلامهم عشان يوصلا البيت الزمن إتاخر قبل ما يتحركوا قال ليها:
_مودة عندك مطلق الحريه إنك تواصلي معاي في الصداقة أو لا والله بعذررك مهما حصل الزي ما أظن أكون ليهم نصيب ناس تفضل جمبهم بس أعرفي إنك أكتر زول حبيتو شديد بعد خالى .
_ما وقتو الكلام ده يا أيمن ووالله مافي شي إتغير بينا مهما حصل ما ح أتخلي عندك أنت الزول الوحيد الفتح عيوني علي الدنيا دي وخلاني أفهم حاجات كتيرة في وقت قصير.
_ما تبكي طيب.
_قول الكلام ده لي نفسك.
_ههههههه اها ضحكتا أضحكي.
_حاضر يلا أرح...
وصلها (أيمن) وهو بفكر هل هي ح تقدر تواصل معاو بعد العرفتو ولالا حتي لو حصل 'ولو اهلا عرفوا حقيقتو بخلوها تكون مع زول زي (أيمن) ..
يتبع......
