(سناء) طلبت من (أيمن) يمشي عشان ما تحصل مشكله تانيه بينو وبين (ياسر) ما طلع إلا بعد ما حلفت ليو تطمنو علي (مودة) وتوريها أخبارها إول بإول
صدق كلاما وطلع.
(مودة) الدكتور جا رجع ليها الدرب عدت ساعه. وهي فاقدة الوعى
أول ما فتحت سألت من( أيمن ) خايفه أكون كبرت المشكله بينهم أمها طمنتا قالت ليها طلع بعد ما الدكتور طمنو عليها.
بعد 4ساعات (مودة) رجعت البيت مع أهلها (ياسر وسناء) فضلوا معاها لمن نامت حتى رجعوا غرفتهم بدون ما يتكلموا مع بعض
حاسين الأتنين إنهم السبب في الحصل لي بتهم.
(سناء) نست وعدها لي (أيمن) وهو ما إتصل عليها خايف يرد ليو أبو ( مودة ) فضل منتظر يومين علي الحال ده لا أكل ولا شرب شي
خالو خاف عليو شديد قرر يحسم الموضوع من أساسو
بعدها بيوم زار أهل (مودة) من شافتو عرفتو لأنهم إتلاقو قبل كده.
بعد ما سلم عليهم وجابو لي الضيافه عرف نفسو لأنو .. بعدها قال ليهم:
_ مستغربين أنا جاي ليه المفروض زول زي ما يكون عندو عين يرافعا بس أن ما شايف ولدي غلط ولا ندمان لأنو هو سمح لنفسو يحب بتكم مع إنو عارف الفرق الإجتماعي والمادي بينهم..
رد ليهو (ياسر)
_ خلصتا كلامك يا أستاذ?
_ لا طبعا.
_ قول العندك عشان نحنا وارانا مشوار سريع.
_ ما باخد من وقتك كتير يا دكتور إذاكان أهلي إطردوني ما بزعل عشان زول غريب طردني من بيتو بس دايراك تفكر في أيمن بشكل إنساني بعيد عن العواطف والفوارق البينكم هل هو أخطأ بشي? هل هو كان عارف روحو بجي في الدنيا دي بالطريقة ?? أمو الماتت عمرها 15 سنه لسه ما عارفه عن الدنيا شي ليه هو يتعاقب علي هو ما ليو دخل بيو.
إتدخلت ( سناء) وهي بتقول:
_ أستاذ حسن نحنا ما قولنا ليو ذنب بالحصل ولا نحنا عندنا مشكله معاو بس لو كنت في مكانا حتي ترضي بتك تتربط بواحد زي ده.
_ لو كان متربي زي تربيتي لي أيمن والله أوافق بدون تفكير.
_ ده لأنك في البر بتقول كده.
(ياسر) زهج شديد من طريقتو في الكلام قال ليهو:
_ لو كملتا كلامك ممكن تتفضل وبتمني ما أشوفك تاني.
_ شكر لحسن ضيافتك يا دكتور .
(حسن) ما قدر يتحمل إهانة ( ياسر) ليو لمن دمع غشا دموعوا وطلع طوالي
قرر يمشي يشاكل (أيمن) بقسوة عشان يطلع ( مودة) من راسو ..
#نواصــــــــل.
#نســــــــــــــــرينه.
#مودة
#بقلم:_ نسرين محمدأدم (ح20)
_أيمن وين انت يا زفت تعال في الحوش انا دايرك وكلامنا ح يكون نهائي ما داير نقاش بعدها يا ولد ما تجي.
(حسن) كان متعمد يتكلم بالطريقة دي مع ( أيمن) ما حصل من كان صغير شاكلو دائماً بتكلم معاو بحكمة عشان كلامو اكون ليه فائدة.
قعد في السرير في حووش منتظر متين ( أيمن) يجي عدت كم دقيقة ما طلع ( أيمن) من جوة
قام مشي يشوفو بحضر في التلفزيون ولا الحاصل شنو ?
دخل البرندا لقاهو متكيء علي الكرسي محموم جسم زي النار
( حسن) سندو للأوضه غاطاهو طلع بسرعه جاب ليو حبوب( بدول ) من الدكان الجمبهم
بعدها عمل ليهو كمادات عشان يخفف ليو الحرار بس بدون فائدة.
قدر ما حاول يودي المستشفي (أيمن) رفض ثلاثه أيام الحمه في مكانها ورافض ياكل ولا يشرب كأنو بعاقب نفسو علي الحصل خالو محتار يعمل شنو وهو ما عندو زول يلجأ ليو يساعدو في موضوع ( أيمن) ما بقدر يخلي وهو كدة ولا عندو حل غير يدعى ربنا وينتظر الأيام الجاية فيها شنو رغم خوفو علي ( أيمن) بس مجبور ينتظر وهو ما عارف بنتظر شنوو??
( مودة) نفس الشي محمومه أمها وأبوها ما عارفين يتصرفو معاها كيف ودوها الدكتور ولا إتغير شي لأنها لا بتاكل ولا بتشرب إسبوع وهي في الحال ده قريب لشهر
(سناء) حست إنها ممكن تفقد بتها مشت تتكم مع ياسر يشوفوا حل في موضوع بتهم ..
_ ياسر عاجباك حال البت دي?
_ سناء الموضوع ده إتقفل لو تموت ما بخليها ترتبط بي الحيوان ده.
_ ياسر من متين وانت قاسي كده البت بتضيع قدامنا لا جامعه ولا صحتا لمتين.
_ لمن تطبل حركات شفع بتبقي كويسه.
_ البت دي عنيدة وما ح تتنازل انت بتعرف كده?.
_ يومين ثلاثه بتنسي وترجع زي ماكان.
_ ثلاثه شهور وهي بالحال ده وكل يوم بتقول نفس الكلام ده كفاية لحد هنا.
_ قصدك شنوو.
_ يعني ما بخلي بتي تموت قدامي وما أعمل شي.
_ أفهم شنو من كلامك ده.
_ م ح أكسر كلامك يا ياسر بس برضو أخلي بتي تضيع كده.
_ برضو ما فهمتك قاصدة شنو?! !
_يعني يا العايزهو بتي يحصل إو سايقة أولادي وم ح تشوفنا للأبد وأنت عارف كلمتي واحدة ما بتتغير..
- بتهدديني يا سناء?
_ أفهما زي ما أنتَ داير عندك زمن للمساء منتظرة ردك لو م حصل لما تشرق ما بتلقي زول فينا في البيت الخيار الأخير ليك...
حصل الكان خايف منو ياسر من زمان ح يتخرب بيتو بسبب الموضوع ده
صعبه عليو يسلم بتو لي واحد ما عندو أصل والأصعب إنو يفقد أسرتو كلها بسبب قرار ح ياخدو و متأكد زوجتو كانت جادة في كل كلمة قالتا وهو مضطر ياخد حل نهائي ....
يتبع......
