وصلوا البيت كل زول فيهم إتجه علي غرفتو بدون ما يتكلموا مع بعض ..
مع تعب السفر وموضوع خطوبة (مودة) و الحصل في الحله طير النوم من عيون (ياسر) ما كان عارف (سناء) لسه صاحيه الزمن داك الساعه 1:30ص..' لما قامت قعدة نص السرير حسا بيها
قام براحه ولع النور قال:
_ سناء قولي بسم الله المصحيك لي هسي شنو.
_نفس الشي الخلاك صاحي لي هسي.
_تفتكرى يا سناء نحنا غلطنا في تربيتنا للاولاد ديل.
_والله ما عارفه بس تصرف مودة الليلة خلااني أفكر في السبب الخلاها تكون بالطريقة دي وما وصلتا لى شي.
_خلينا من الحصل ده طلب أخوك نعمل فيو شنو.
_ياسر أنت ما شايف تصرفات البت دي كيف عريس شنو هسي زوول لسه بتصرف كأنو شافع ولو ما قدرنا نغير طريقتا دي ح تفهم ليك موضوع عريس و من الحله . مش عشان في الهند ح ترضي بيهو..
_والله خلاص رأسي ح يطق من التفكير الحل شنو.
_المشكله الأكبر صحباتا كهلن بنفس فهما دة واحدة ساي بتعاين تحت كرعينا مافي ..
_وطالما هي وهم كدة صعب يتغير منها شي ونحنا ضعينا الوقت المفروض يكون كلامنا ليو تأثير عليها.
_لو كلام الود الإسمو أيمن ده ما أثر عليها تاني مافي شي بأثر فيها شوفتا في نظراتو ليها إنو متعمد يتكلم معاها بالطريقه دي.
_والله بقيت ما فاهمه شي اليومين ديل غيرو حياتنا كلها حتي مؤيد ومنى كمان متأثرين بالحاصل.
_أعملي لي كباية شاى.
_هسي.
_أي مصدع شديد.
_طيب..
(سناء) وهي ماشه علي المطبخ لاحظة غرفة (مودة) مضوية قالت تمشي تشوفا مالا نست ما طفت النور ولا لسه صاحية.
(مودة) كانت صاحية أول ما حست في زول جاي ناحية الغرفة إتغطت عملتا فيها نايمه.
(سناء) قعدت جمبها في السرير ختت يدها في رأس( مودة ) 'وهي بتقول :
_بتي من كانت عمرها سنه ما بتنوم والغرفة مضويه - مودة بعرفك صاحيه ما جيت عشان أقول شي حبيت بس أطمئن عليك.
(سناء) قامت متجه للباب نادتا (مودة).
_ماما إستني.
رجعت (سناء) خطوتين حضنت (مودة) كانت بتكبي حاولت تهديها.
_بت بتكبي مالك في شنو.
_بس حاسه نفسي عايزة أبكي.
_يلا أمسحي دموعك في زوول ببكي وامو قريب ليهو .
_أكيد مافي ماما شكرآ لأنك معاي جد كنت محتاجاك جمبي في الوقت دة.
_قولي لي مالك.
_حاسه بلأهانه شديد ما قادرة أنسي كلامات الود الوقح ده كيف يتجرأ يقول إنكم أخفقتوا في تربيتي.
_مودة حبيبة ماما إنت لسه صغيرة وما عارفه للدنيا دي شي والود دة ما غلط كلامو كل صاح كيف تضربي ليك راجل.
_ويعني شنو راجل وهو غلط ولازم يتعاقب.
-العقاب ما بشكل ده جرحتي كبرياؤ كرجل خليتي يحس بالإهانه عشان كدة قال ليك كدة.
_كان غلطو.
_ممكن أطلب منك طلب بدون ما تطلبي مني أي تفسير.
-تأمري .
_تتصلي علي أيمن الصباح تعتذر ليه.
_شنو?? ? انا مستحيل طبعا ولا يحلم بكدة.
-بت مش قولنا بدون نقاش.
_طيب واجيب رقمو من وين الزفت ده.
_الرقم عندي شيلتو منو قبل ما نطلع.
_يعني كنتي مخططة من الأول.
_لازم تحسى بغلطك وتعتذري لو كان غصب ..
_ حاضر..
_تصحبي علي خير.
(سناء) كانت مضطرة تعمل كدة ما كان عندها الرقم
بعد عملت الشاي لى (ياسر) رسلت رساله لي (الاء) ترسل ليها رقم (أيمن) أول ما تصحي.
الصباح زمن الشاى (ياسر) لاحظ علي بتو ملامح وشها متغيرا كأنها ما نامات نهائى ما سالأ .
وهم قاعدين وصلت رساله من (الاء) فيها الرقم.
(سناء) مدت التلفون لي (مودة) قالت ليها تتصل في تلفونا ما عندها رصيد.
(ياسر) إحتار مافهم شي.
_البحصل بينك وبين بتك شنو.
_بفهمك بعدين.
_لا هسي من متين بينا أسرار.
_ده ما سر حاجه في راسي ونفذتها بتك دي مافي زول بقدر يغيرا غير أيمن.
_كيف? ?.
_هسي ح تتصل تعتذر ليو وح تشوف البحصل.
_سناء ده تفكير شنو ياخ بتعرفي الود دة من وين.
_بعرف بتي حتي لو ما بعرفو إطمئن..
(سناء ) لمت العدة دخلت المطبخ.
أما (مودة) ماسكة التلفون مترددة ..
يتبع......
