عشره دقايق نقلوا ( أيمن) دخلو غرفة العلميات ' خالو إتوفي قبل ما يصل المستشفي.
أهل ( مودة) منتظرين جيتهم لحدي ما الساعه بقت 8 لا إتصلوا ولا جو ( سناء) مشت تسأل ( مودة) عنهم ما تكون قالت ليهم شي خلاهم ما يجوا خاصه بعد سمعت كلام أبوها.. وقفت خشم الباب وهي بتقول:-
_ مودة يا بت الناس ديل مالم إتاخروا إتصلي عليهم شوفيهم مالم.
_ ما جاين أنسوا الفكرة..
( سناء) إتقدمت خطوتين بإتجاه سرير ( مودة)
_ يا بت ده كلام شنو وعيونك دي مالا كنتي بتبكي .
_ مافي شي بس ما إتفقنا مع أيمن وخلاص.
_ ما اتفقتو بعد الحصل ده كلو يا بت انتي إتخذتي قرار بعد الكلام السمعتي يعني..
_ لا بس خلاص زهجتا وكفايه مشكال لحد هنا...
قبل ما تتم كلاما إتصل تلفونا لقتو رقم ( أيمن) إتردد ترد ختت التلفون في السرير ( سناء) شالت التلفون قالت ترد أقلو تفهم الحاصل شنوو....
الصوت كان غريب عليها ما صوت ( أيمن) ولا خالو...
بعد ما سلم عليها الدكتور قال:-
_ انتي مودة?
_ أنا أمها في شنووو وانت منوو??
_ الزول جابو المستشفي قبل ساعه ليقنا أخر رقم رقمك ده قولنا نديكم خبر ..
_ في شنو مسنشفي ليه ...
_ الشاب الصغير ليهو ساعتين في العمليات بس الحمدلله هسي بخير بس الرجال الكان معاو ربنا يرحمو...
( سناء) التلفون وقع منها ختت يدينا الإتنين في راسا ( مودة) بتسألها فترة وهي ساكته ماقادرة تتكلم بعدها عاينت ليها وعيونا ملانه عتاب لي بتها.
_ مودة عملتي شنو قولتي شنو لي أيمن ضيعتي الود وخالوو..
_ ماما قلبي وقف من التفكير أيمن مالوو الحصل شنو?
_ عمل الحادث وخالو أتوفي ...
_ كيف متين ??
_ قومي البسي عبايتك ارح نشوفوالزول ده ما عندو زول في الدنيا ..
_ ونعرف هوو وين كيف..
_ برجع في تلفونو قومي.
( سناء) كلمت ( ياسر ) بالحاصل هو زاتوو قال ماشي معاهم وقتها كان حاسس بالذنب تجاه ( أيمن) وخالو ساقهم للمستشفي طمنوو علي ( أيمن)
أكتر من شهر في المستشفي ما خلو براهو ولا ساعه لو ( سناء) مافي ( ياسر) بكون قاعد معاو ..
قبل ساعه من خرجو من المستشفي جاهو ياسر قعد جمبو في السرير مسافه مالاقي كلام يقولو ليو مدا ليو ملف فيو ورق ( أيمن) عاين ليو بإستغراب وقال :
