(أيمن) كان منتظر خبر من (مودة) عشان يجوا للخطوبه عدي يومين ما ردت ليو لأنها هي زاتا منتظرة تعرف اهلها وصلوا لشنو إتصل عليها (أيمن) يسألا عن سبب التأخير شنو'
بعد سلم اليها قال:
_يا السمحه الحاصل شنو?
_أيمون أديني شوية كده بديك خبر.
_صوتك بقول في شي.
_لا بس ماما وبابا عندهم رأي عايزين يسألوا عنك حتي.
_زمان قولتا ليك يا مودة .
_عليك الله يا ايمن ده ما وقت تشائمك ده براي متوترة وووخااايفه شديد يعني ما نااقصه.
_علي أساس انا الخلاص مطمئن خايف أكتر منك من البحصل بس لو عرفوو حقيقتي أعرفي دي نهايتنا.
_كدي ما تسبق الأحداث خلي للمساء ونشوف البحصل وعدني بابا يرد لي اليوم.
_يااااااارب.
_أجي خليك وواثق في ربنا وحبنا .
أثناء ما هم بتكلموا إتصل(سفيان) علي(أيمن)كم مكالمة (أيمن) إستأذن من (مودة) يرد علي صديقو ويرجع ليها بدون ما يذكر ده منو المتصل .
أول ما فتح الخط لي أول مرة (سفيان ) ما يبدأ مكالمتو معاو بالشوق والسلام الحار'
طريقتو مختلفه خلاص.
_أنت يا زول مجنون ولا أهبل ولا الخثحاصل عليك شنو.
_يا صحبي مالك كدي قول بسم الله في شنو?
_لا صحبك ولا بعرفك غلط مني يوم صادقت واحد كذاب وخداع زيك.
_يا سفيان مالك.
_ما سفيان ولا بعرفك.
_يا زول في شنو?.
_الفي إنك تطلع مودة من رأسك خلاص .
_أنا بحبها .
_حب شنو يا كذاب.
_كذاب? ? يا سغيان انا بتقول علي كده.
_حقيقتك إتعرفت يا ود ال...
_ما تكمل فهمتها حتى أنت يا سفيان .
_ما تمثل فيها دور الضحية ووالكلام الفارغ ده لانك ما ح تقتنعني انت تستاهل جائزة اثأفضل ممثل ومؤلف. حكيت لي قصتك الوهمية دي وصدقتها بكل ساذجه.
_يعني لو كنت قولتا ليك الحقيقه كنت ح تكون صديقي من قبل 3سنين لليوم.
-أقلو كنت غفرتا ليك تصرفاتك مع بت عمتي.
_يا سفيان أسمعني والله العظيم مودة ما ضحكتا عليها ولا جبرتها علي شي علاقتنا دي جات كده بدون ما حتي نعرف.
_اسكت وما تجيب أسم مودة علي لسانك تاني أنت مجرد حشرة ما بتسوي أمشي شوف بت مقطوعه من شجرة زيك وإتملا عليها ومن اليوم تمسح رقمي وما عايز أشوف وشك.
(أيمن) ما قدر يقول ولا كلمة دموعو جاريه عشره عشره التلفون وقع منو بدون ما يحس.
(مودة) إتصل أكتر من عشرين مكالمه التلفون مقفول قلقت شديد علي (أيمن) .
وقتها جا أبوها جا راجع نادها بصوت عالى من هي صغير ما حصل كورك فيها بالطريقه دي(سناء) جات جاريه من المطبخ حست في شي.
(مودة) جدعت تلفونا في السرير طلعت جاريه الي الصاله..
يتبع......
