_ياسر في شنو مالك? بتكورك كده? سمعتا الجيران.
_أنا قولتا مودة سوقي مؤيد ومنى وأدخلو جوا.
_ ياسر قول بسم الله وأهدى ما تتكلم معاها وأنت معصب كدة .
_قولتا ليك خليني مع مودة كلام واضح صاح .
_طيب بس بي هداوة بدخل ديل وأجي.
(مودة) قبل ما أبوها يتكلم معاها بدت تبكى لأنها ما حصل شافتو قبل كده جايط كده ولا كورك في واحد منهم
أكتر من دقيقة واقفين بعاين ليها بطريقه غريبه وعيونو شرار بس من الغضب قالت ليو.
_بابا في شنو عليك الله إتكلم نظراتك دي بتقتلني أنا غلطا بشنو والله العظيم بابا ردا لي.
_تلفونك وين??
_في الغرفه.
_أرح قدامي.
_وين غرفتك.
_طيب.
(سناء) كانت مراقبه الوضع من بعيد وخايفه لأنها ما عارفه السبب الخلاهو أكون كدة.
مشت وراهم لغرفة (مودة) تفهم الحاصل شنوو.
_ده التلفون بابا.
_أمسحي رقم الود الليقط ده بسرعه وأحظري من أي مصيبه بتجمعكم أول شي من قلبك .
_ بابا عليك الله دقيقه أفهمك.
_لسه بتكلم معاك بعقلانيه لو زديتي كلمه والله العظيم أكسر عظيمك .
مسحت الرقم بسرعه حظرتو في (الفيس والواتساب) في أقل من دقيقه.
(سناء) وقتها وقفت في نصهم بتعاين لي (ياسر) وتتلف علي (مودة) مافاهمه شي (ياسر) طلع بدون ما يقول شي تاني عرف (مودة) حضنت أمها بتبكي بأعلي صوت ليها أمها سألتا عن الحصل بينا وبين أبوها ردت عليها وهي بتبكي
_ماما هو ذنبو شنو إذا جا للدنيا.
_هو منو ? مودة في شنو ? .
_أيمن يا ماما.
_مالو أيمن بطلي بكا خليني أفهم انتي وأبوك ح تجننوني الليله.
_ماما خليني براي عليك الله .
_الله يعيني عليك خلاص أشوف أبوك يمكن يفهمني خمسه دقائق تلاحقيني عشان أقدر أصلح الوضع بينكم زي ما كان ما عايزة مشاكل في البيت.
من طلعت (سناء) من الغرفه
(مودة) شالت حاولت تتصل علي (أيمن) مسحت الرقم بس كانت حافظاهو في رأسا مسحتو بس عشان ترضي أبوها والمشكله ما تكبر خاصه لأنو شكلو عرف حقيقة (أيمن)
إتصل أكتر من عشرة مرات ما ردة عليها .
رسلت ليهو رساله طلبت منو يرجع ليها أول ما يلقي مكالمتها .
في نفس اللحظة ردا ليها برسالة.
(ياسر)كان في غرفتو قاعد خاتي يدينو الأتنين في راسو الدنيا لافه بيو زعلان كأنو ميت ليهو عزيز.
(سناء) جات قعدت جمبو في السرير نزلت ليو يدينو عاينت ليهو في عيون كان مدمع عاين للأتجاه التاني طوالي ما كان عايزها تشوف دموعو قالت ليو.
_ياسر وقفتا قلبي أنت وبتك مالم مودة غلطت فيشنو.
_مودة ما غلطت كان غلطي ما قدرت أربي بتي صاح ما علمتها كيف تتعامل مع الناس وتعرف معادنهم بتي أنا يا سناء ترتبط بواحد زي ده ليه الراجل إنتهو عشان تحب لي واحد زي الم الراجل في يوم وأعقد علي بتي لزول زي ده.
_ياسر عليك الله فهمني في شنو أيمن مالو.
_ما تجيبي لي سيرتو ود ال... أستغفرالله أحسن ما أتمها أظنك فهمتي.
_لا حول ولا قوة إلا بالله أنا عملتا شنو عملتا شنو في بتي براي سلمتها ليهو ياسر دي مصيبة شنو دي.
_خليك قريبة منها بس الفترة دي وما تقسي عليها لأننا بنعرف ردت فعلها شنو .
قبل ما يتم كلامو جات (منى) جاريه بتنادي في أمها.
_ماما اللحقي مودة ماما تعالي سرريع .
(سناء وياسر) قاموا جاريين علي غرفة بتهم يشافوا االحاصل شنوو?? ?.
يتبع......
