بالنسبه لي (مودة) السوق العربي مغامرة حابه تخوضا وهي ما عارفه إنو في ناس حياتهم آرتبط بالمكان ده رغم الحوطه الفيها بس بقو جزء أساسي من يومهم
وهو محطة العابرين ..
(نارمان) كانت بتضحك بأعلي صوت ليها لمن دمعت من خوف (مودة) أثر الخلعه والخوف ظاهر في وشها من شافت كمية الناس والكورايك
والزحمه مافي طريق عشان تعبر إلا تغامر زي ما بتقول.
طلعت تلفونا وهي بترجف ووقع منها كل حاجه طارت في إتجاه.
دنقرت ترفعو دهسا واحد برجلو في يدها
ليقت ليها طريقه تنزل دموعا صرخت فيو ولا عاين ليها .
(نارمان) لسه بتضحك.
-ما تبطلي ظرافة أنا ببكي ولا عليك تتضحكي.
_هههههه عليك الله طلعي مرايه شوفي ووشك ده إتفضلي تلفونك.
_يدي بتوجعني شديد إتصلي علي ماما سريع خليها تجي تسوقني.
_يا شافعه ده إمتحان ليك شووفي الحياة دي فيها شنو.
_يا زووله مالك ومالي ما عايزة أشوف شي ما تقولي لي شافعه زي الزفت داك.
_زفت?? ?!!ده منووو??
_بي سببو أنا في المكان دة والله ما أخلي.
_كدي أرح نشرب موية هناك.
_ووووين? لا طبعآ أشرب من باقه لا والف لا.
_ههههههه خلاث نشتري مويه.
-كدة تمام.
_زولك ده وين وووفهموو شنوو?? .
_بفهمك أهم شي لازم نتنفق عليوو عشان تاني يفكر يستفزني.
_أبشري معاك يا صحبتي..
أشترن المويه بعدها إتجهن للإستاد كانت معركه عديل بالنسبه لي (مودة) عشان تصل بتقيف دقيقه حتي تمشي خطوة..
(أيمن) كان وأقف جمب موقف المربعات منتظر تلفونهم. لأبس قميص بجي وبنطلون جنيز أسود فريم بنفس اللون والساعه ..جزمه بالبجي..معاو شنطة ضهر صغيرة.
إتصل علي(مودة)
_وين انتي واقف لي ساعه ما جيتي.
_انا في جوطتكم دي.
_وصفي لي عشان أجيك معاك منو??
-صحبتي .
_هي من الخرطوم أصلا.
_أي.
_أديني ليها.
وصف لي (نارمان) مكانو أقل من خمسه دقائق شافتو (مودة) من بعيد أشرت عليه بيدها لي (نارمان).
_ياااابت الوود المززز ده لقطي من وووين عامله فيها بريئة تاريك ماااا هيينه يا فلانه.
_هي إستني فكرتي في شنوو.
_ولا شي بسس ده ماا بعمل فيوو اي مقلب ماا بستاهل.
_طيري أمشي بيتكم..
وقتها إتلفت (إيمن) شافهن مشي عليهن سلم والإبتسامه سابقه خطواتو.
_السلام عليكن يا فتيات.
(مودة)
_يسلموك لى أقرب مركز شرطه داير تنتقم مني صاح عشان كده قولتا لي أجيك هنا والله أكلم ليك بابا.
(نارمان)
_هههههه بت أهدي مالك قولي بسم الله 'الود سلم ما شاكلك. حبابك أيمن.
_هسي ده شكل يردو علي.
_ههههههه أيمن كيفك.
-طيب الحمدلله انتوو كيف أرح كفتريا هلا نقعد صحبتك دي تروق شوية .
_طيب أرح.
(مودة)
_ولا خطوة شرطك ونفذتو ليك تاني شنوو.
_لازم نكركم انتو ضيوفي هسي.
(مودة) قدرت ما حاولت ما تتهرب من مشية الكفتريا (نارمان) أصرت عليها.
بعد وصلو وقعدو دقائق (أيمن) بعاين لي (مودة) وبأشر ليها تقوم تجيب العصير حسب إتفاقهم وهو بضحك. (نارمان) ما فاهمه شي.
_هي في شنو عشره دقائق شغالين بعيونكم وإشارات مافي لغه غير دي.
_هههههه أسالي صحبتك في إتفاق بينا من أمس.
_إتفاق يا فردة قوومي جيبي ..
(مودة) غضبانه منهم الأتين قامت تطلب العصير.
ثواني جهز مشت جابتو هي كانت بتفكر ترد لي (أيمن) العملو فيها.
عشان كده قالت تجيب العصير هي.
أول ما وصلت قريب لي مكانو عملت فيها إتعترت كشحت العصير فيو..
(نارمان)
_مودة ده شنو جنيتي ده شنوو العملتي ده.
_هههههه ده نصيبوو وحصل فرحان بنفسووو يستاهل حمام بالعصير.
-أيمن ما قال ولا كلمه قام شال شنطو مشي سأل واحد من الشباب الشغالين في الكفتريا دخل لي جوة.
(نارمان) ما خلت لي صحبتا كلمة ما قالتا ليها تصرفا كان طفولي وواضح إنها متعمدة تعمل كدة ..
دقائق (أيمن) جا مارق لابس جلابيه كأن شي لم يكن...
يتبع......
