(أيمن) قام من السرير متجه لي باب (الديوان) إتردد بين يمشي ولا لا بقي يتلم براو_البت الهبله دي جنها كواريك هسى لو مشيت ليها تسرخ تلم الناس أقول ليهم شنو ما عندي عذر ضيف وبدخل البيت الساعه 5 صباحآ لا عيب عليك يا أيمن دي ما أخلاقك أللعن إبليس ونوم كلها ساعه الناس تصحى وتشوفا هسي دي كمان بقلقوا عليها مفتريه ساي_
بتكلم وهو واقف في خشم الباب ماسك العتبة بيدينو الإتنين.
(سفيان) العريس بعاين لي صحابو (أيمن) بإندهاش ما عارفو مالو صاحي لي هسي والغريب واقف في الباب فكر أكون ما قدر ينوم عشان تغير المكان.
قام وقف جمبو ختا يدو في كتف(أيمن) إتلفت مخلوع يشوف ده منوو لقاهو (سفيان.
_يا عريس صاحي مالك??!!
_المصحيك أنت شنو? ?
_خليني أنا إنت مالك.
_والله يا صاحبي ما عارف يااخ.
-شكلها قصة عشق المطيرة النوم من عينك كدة وكمان تتكلم براك زي المجنون.
-ههههههه عشق شنوو من متين أنا زول حاجاتي زي دي يا سفيان وزي لو حبا يستاهل يموت لأنو بكون إرتكب أعظم خطأ في حياتو في بت بترضي بي زول زي خليك منها أهلها ديل برضو بي.
_مش قولنا نبطل تفكير بطريقة دي ياخ ربنا ما كريم وبغفر وما باخد زول بذنب غيرو .
_ده تفكيري وتفكيرك بس مجتمعنا غير كدة ربنا بغفر بس الناس بذلوك ..
-صاحبي ماا تفكر في الموضوع كتير مصير الناس تفهم.'خلينا منهم قول لي مالك.
_بفكر في البت الهبله ديك.
_بت هبله?? هسي في هبله بفكرو فيه.
-ههههههه قصدي البت الوقعت قبيل.
_ههههههه هسي خليت بنات الدنيا دي كلها ما ليقت غير مودة بت عمتي سناء يا أخوي تعال نوم ولا تفكر وتدي نفسك فرصه للافكير فيها.
_أنت فهمتا شنوو يا سفيان.
-ما مشكلة فهمتا شنو المشكله البحصل شنو بعد تفكيرك فيها أنت عارف البحصل شنو.
_ياخ نسسيت مش بت عمتك دي دة طرفي منها بس عليك الله إتصل عليها داير أطمئن عليها.
_يا أبو قلب حنين شوف الساعه كم لو إتصلت عليها في الوقت والله تقوم قيامتي يا زول أنا عريس خليني لو ناوي تقوم قيامتك حاول قرب منها كلمتك.
(سفيان) ما طمنو نهائى 'وهم بتونسوا لمن أصبحت صلوا الصبح بعد ساعه جابوا ليهم الشاي في الديون
تاني يوم كان (العزومة) البيت من الساعه( ٩ص ) البيت إتملا ناس مافي طريقه يخش جوة البيت .
إلا بعد الغدا.
أول ما خلص الغدا دخل البيت بفتش في (الاء) بحجة إنو داير كباية شاى
أول ما وقعت عيون علي(مودة) شال أقرب كرسى قعد جمبها.
عاينت ليو بإستغراب.
_عليكم السلام خيرر في حاجه.
-بسم الله هسي مالك منفعله كدة.
_ما ليك علاقة في شنوو قاعد هنا ليه.
_جيت أعتذر بخصوص أمس أنا كنت السبب.
_شكرآ ليك مع السلامه.
(مودة) قامت من الكرسي بصعوبه وهي ما قادرة تمشى
(الاء) جات جارية من بعيد تسندا.
(أيمن) وصل قبيلها خت الكرسي حاول معاها تقعد مسك يدها عشان يساعدها تقعد ضربتو كف ..
يتبع......
