فلنتصارع إذا

الفصل العاشر

نظر مرة أخرى لعمر.. لماذا انكمش هكذا عندما رآها،، جائز ان يكون ذلك المزيج بين الفتاة و الولد ضربته هو ايضا من قبل.!! ابتسم في سخرية وهو يتخيل عمر بين ايديها تلقنه درسا.. عاد من تخيلاته على صوت عمر و
عمر: مالك... انا عايزك تيجي معايا اتقدملها رسمي.!
مالك: تتقدم لمين..
عمر: لأمك يا مالك لأمك ماحنا هنقضيها غباوة شكلك.!
مالك: لا بقولك ايه هتجيب سيرة امي هعملك رز باللبن و هتعشى بيك النهاردة متهزرش.!
عمر:طيب انا عايز اتقدم لملك يا عم مالك.!
نظر مالك للفراغ بأعين ثاقبة وهو سبابته على على ذقنه.. : امممم ملك دي اكيد البنت الي انت هتقابلها..!
عمر: اسم النبي صاينك وحارسك عرفتها لوحدك ولا غشيتها دي.!
مالك وهو يقرص عمر من وجنته: ياخراشي على العسل و اللماضة ياخراشي.!
نظر له عمر بتأفف و لم يعقب.
مالك: احم، طب مش هنخش.؟
عمر: ماهى خرجت..
مالك: خرجت.؟!
عمر: ايوة، لسا شايفها مع اختها خارجين حالا.. الظاهر كدة كبست عليها..
مالك بملل: طب ها، وبعدين.!
عمر بشرود: هكلم اختها الكبيرة.. و بعدين اتقدم رسمي،،
بس ربنا يستر لاحسن اختها ايدها تقيلة و ضربها غبي، دي مدربة مصارعة نسائية.!
مالك بدون اهتمام: اهااا..،، ثم بدء يتفهم.. ايه.! انت قولت ايه.؟
عمر: بقولك هكلم اختها و بعدين اتقدملها رسمي.
مالك: لا الي بعديها.!
عمر: ربنا يستر.!
مالك: قولت اختها مالها يا غبي
عمر: اها اختها مدربة مصارعة نسائية.!
مالك: اسمها....،، اسمها كان ايه ياربي.!
عمر: كاميليا...؟
مالك: أيوة كاميليا هى كاميليا البت دي بتتمرن معايا في التدريب التاني بتاع حسام..
عمر: يا راجل.!!؟ طب تعرف انت بقى انها ساكنة وش رامي على طول.!
مالك باندهاش: رامي رامي صاحبنا.؟؟ أبو رجل مسلوخة.! ( رامي رجله مكسورة..)
عمر بقهقهه: أيوة هو رامي أبو رجل مسلوخة..
مالك: ساكنة قدامه قدامه يعني.؟
عمر: أيوة يابني في نفس العمارة و نفس الدور..
مالك: سبحان الله.!! ايه الصدف دي كلها انا اول مرة اشوف كدة.!
****
اصطحبت كاميليا 'ملك' للشاطئ، هو تود ان تتحدث معها باريحية أكبر.. بهدوء، و البحر أكثر الأماكن هدوءا، صوت الأمواج فقط يصرف و يركل كل الشدائد و المصائب بعيدا.. الهواء النقى ينقى عقلك أيضا، يجعلك تشعر بروحك بدون جسد..
أرادت كاميليا ان تقوم الوضع بينها وبين ملك، هى تريد ان توصل الهدف بإقناع لا باغصاب..
كاميليا: يبقى مين..
ملك: واحد اسمه عمر.
كاميليا: عرفتيه ازاي.؟
****
انهت حصتها التعليمية و شقت مسارها للعودة الي المنزل،، انتظرت المصعد الكهربائي للهبوط.. و بالفعل بعد لحظات هبط المصعد الكهربائي.. اقتربت لتفتح الباب ولكن انفتح الباب تلقائيا واصتدم بجبهتها بقوة.. فصرخت متآوهة.. تفاجأ الشاب بالمصعد من ذلك.. و فرد كفيه أمامه في حركة اعتذارية..
- انا آسف جدا جدا ماشوفتكيش والله..
كانت ملك تنظر للأسفل.. رفعت بصرها له بغل..
ملك: هو انت.؟ انت قصدها بقا.!
عمر: انت.! وانا اقصدك ليه يعني ده غصب عني،، وياستي انا آسف انا بجد ماخدتش بالي منك..
ملك: أيوة أيوة ماهو تمشي مسطول تخبط في بنات الناس وتقول ماخدتش بالي..!
عمر: لا إله إلا الله.!
- في حاجة يا ملك..!
قالتها كاميليا وهى تنظر لعمر نظرات مفترسة..
ملك بشراسة: الأستاذ المحترم رابع مرة يخبط فيا و يقولي ماشوفتكيش.!
عمر: يانهار ابيض رابع مرة ايه يا كدابة انت.! ثم نظر لكاميليا و أكمل : بصي يا آنسة انا فعلا مكنتش شايفها و اعتذرتلها اكتر من مرة وهى الي متفرعنة و مش على بعضها بقا وبتجر شكل.!
كاميليا وهى ترفع إحدى حاجبيها: لا والله.؟! بقا اختي هى الي بتجر شكلك.!
- عوووماااار، انت يلا يا استني متمشيش.!!
أتى الصوت من الاعلى.. نظر ثلاثتهم للأعلى وبعد لحظات نزل 'رامي' من على الدرج وهو يضع كفيه على صدره بنهج..
رامي وهو ينظر لعمر ويمد يده بالمفاتيح..: نسيت مفاتيحك.! ثم نظر لكاميليا و ملك..
رامي: احمم، انتو تعرفو بعض..؟!
ملك بغرور:وانا اعرف الأشكال دي منين يعني.!
عمر: لا دانت لسانك طويل و عايزة تتربي.!
كاميليا وهو تكشف عن ساعديها وتأخذ وضع الاستعداد للهجوم: تتربى، لا دانت شكلك انت الي هتتربى دلوقتي.!
رامي وهو يقف حائذ بينهم: بااااس استهدو بالله وصلو على النبي كدة.! في ايه يا آنسة كاميليا فهميني.؟
ملك: الواد ده مستقصدني و عمال يخبط فيا من الصبح
عمر: فين الي من الصبح ده هى مرتين و الصبح انت الي ماكونتيش شايفة قدامك مش انا.!
رامي: عمر ملوش في الجو ده صدقوني، هو في حاله دائما.. ده بيتكسف من خياله حتى.!
كاميليا: على العموم هعديها المرة دي.. ثم نظرت لرامي، وفهمه كويس انا أقدر اعمل ايه ها.!
ثم جذبت ملك معها لداخل المصعد و انصرفا.!
عمر: يا ساتر.! انا اول مرة اشوف كدة دول مش بنات دول..!
رامي: سلكتك من علقة مش قدها انت يا معلم، دي كاميليا أختها دي معلمة على الشارع كلو محدش يقدر يبصلها حتى بس.!
عمر: ياسلام.! ليه أبوها وزير.!
رامي: ابوهم ميت،، و كاميليا دي هى الي ممشية البيت..