فلنتصارع إذا

الفصل الخامس

مجموعة من فتيات عددهن خمس فقط يدلفن الي الداخل جماعة..
جاب يصر كاميليا رؤوسهن حتى اخمص اقدامهن في استنكار.. جميعهن يرتدن المعروف ب "Top- توب" يصل لنصف بطونهم،، بينما يكاد يغطى صدورهم..و أكتافهم عارية تماما.. ومن الأسفل "شورت" قصير للغاية من اللون الاصفر يصل لاقصر من منتصف افخادهم..شعورهن كانت بألوان عجيبة..هذه ارجواني مختلطا بازرق، وهذه احمر مختلطا باخضر، وواحدة أخرى لونه اشقر متخذا شكل شعور الولاد كثيرا..
- اوووووه ياااسس thank You god متأخرناش على الترينينج.!( تدريب )
اقتربت كاميليا منهن و هى تقول في نفسها: اهى كدة كملت، كنت ناقصة انا النوعية دي ياربي..!
كاميليا: احم، الكل ينتبه ليا من فضلكو.!
بدء الجميع يترك ما كان يفعل و ينتبه لها
- انا كاميليا مختار، الي هدربكو مصارعة.!
نطقت واحدة من الفتيات الخمس المدللات: اووووه شيت هو الكابتن يبقى انت.!!
كاميليا وهى تضع إحدى ايديها على خصرها: ايه في اعتراض.؟
- نو، بس كنت فاكرة انه كابتن مش كابتنة.!
كاميليا في سخرية : اووووه بجد.! يلا hard luck المرة القادمة يا حبيبتي.!... لازم تبقو عارفين حاجة مهمة. المصارعة مهواش تدريب و السلام، ولا هي لعبة عنف و همج ابسلوتلي.. المصارعة ذكاء، نباهة، دفاع عن النفس ضد اي متهور غبي ( في تلك اللحظة تذكرت كاميليا ذلك المتحرش او كما تظن هى " مالك" و أطلقت عينيها شعاع الانتصار و صحة كلامها بعد ان لقنته درسا عنيفا.. )..
حاجات كتير هتكتشفوها مع الوقت و التمرين.. بس حاليا خلينا نعرف معلوماتكم عن المصارعة من حيث قواعدها.؟
صمت يسيطر على المكان لا مجيب..
كاميليا: طب أشهر المصارعين مثلا.؟!
نطقت واحدة من الفتيات المدللة في حماس وهى تقول : اه انا اعرف اندر وير.!
صمتت كاميليا للحظات تحاول استيعاب ما قالته للتو..
كاميليا: معلش انت قولتي ايه.؟!
- اندر ويييير.!! ايه متعرفوش ده مشهور جدا..!
فغرت كاميليا فمها في اندهاش واضح.. كانت تود لو تنشق الأرض و تلتهمها بسبب ذلك التلوث الدنيء الذي أصاب معلوماتها..
كاميليا: طب احم، انت سمعتي غلط. اسمه اندر تيكر مش اندر وير خالص.!!
- ويريفير يعني.!
كاميليا: طب سيبكو دلوقتي من الفتي ده.! ممكن نبدأ التدريب بحركات سهلة للدفاع عن النفس.
ظلت تتحرك كاميليا بينهم و هى تراقبهم حتى وقفت عند فتاة ما..
كاميليا: ممكن انت.! اسمك ايه.؟
- فريدة، فريدة يا كابتن
كاميليا: حلو، تقدري تقوليلي يا فريدة لو ماشية في الشارع..
لم تستطع إنهاء جملتها بسبب فريدة
فريدة : انا مش بمشي في الشارع يا كابتن، معايا عربيتي
كاميليا: طب مثلا انت ماشية بعربيتك و عطلت و نزلتي تدوري على ميكانيكي...
فريدة: مش بدور على ميكانيكي عشان معايا الميكانيكي الخاص بيا بتصل بيه يجيلي على طول يا فندم
كاميليا: طب يا فريدة مثلا مثلا تخيلي معايا كدة مجاش و اضطريتي تنزلي لوحدك و الدنيا متأخرة......
فريدة: مش بفضل متأخرة برا البيت يا كابتن..
كاميليا: طب يا فريدة على وضعك انت.!
اكملت كاميليا سيرها و هى تسب وتلعن في ذلك التدريب ولكنها عزمت على عدم الاستسلام بسهولة.. تنهدت بقوة و انطلقت سهام الإرادة و العزيمة تطق من أعينها ثانية..
وقفت امام واحدة من الفتيات المدللات كاميليا: اسمك ايه.؟
قالت الفتاة بميوعة: نانسي
كاميليا: طيب يا نانسي، قوليلي لو انت كدة بشورتاتك بفخادك بشعرك البغبغاني ده اتعرضت للمعاكسة.. لا معاكسة ايه اتعرضت للتحرش للاغتصاب اي نيلة زفت.. هيكون ردة فعلك ازاي..
شهقت شلة الفتيات تلك بتصنع مصحوب بضحكات خبيثة..
نانسي: هبلغ عنه شور و اخليهم يطفو السيجاريت(cigarette-سيجارة) في (his foot - قدمه).
ضحكت كاميليا ساخرة: مشفتش في عنفك.
....طب وانت يا..؟
- ريم.
كاميليا: وانت يا ريم هتعملي ايه.؟ثم اكملت بسخرية و استخفاف..اوعى تقولي هتخليهم يخبطو صباع رجله الصغير في الكومود لاحسن انا قلبي رهيف ومش هستحمل.
ريم في تباهي وهى تشير لجسمها:اممم توء توء،، انا معنديش مانع اصلا، ازاي حد يشوف حلاوتي و جمالي و يمسك نفسه..
كاميليا: صلاة النبي احسن.! انت منهم بتوع حملة الشعب تعبان.!
ريم:ايه ده.!!؟
كاميليا:متخديش في بالك يا ريم انجوي يا حبيبتي... وجهت كاميليا بصرها نحو فتاة ما بجانبها..و نظرت لها نظرة استفهام..
- ندى، اسمي ندى
كاميليا: طيب وانت يا ندى هتعملي ايه.؟
ندى: محدش يقدر يجي جنبي.. دانا بابي ومامي كان يحبسوهم في السجن بقيت عمرهم..
كاميليا: وهو بابي ومامي شغالين ايه يا ندى.؟
ندى بنظرة فخر: بابي لواء مكافحة مخدرات و مامي دانسير (Dancer-راقصة) في نايت كلب (night clup)
الآن فقط احست كاميليا برغبة عامرة بالغثيان بسبب ذلك الكم من التلوث..
و على الفور انهت ذلك التدريب بوعود على الدخول في الصرامة المرحلة التالية..
***