غسان- شل حالي التفكير بيها مااعرف ممرتاح وهذا ثاني شهر يمر عليه بين حيطان السجن اللي مهون عليه بس الحارث بتجاربه وتفكيره ونصايحه هواي اشياء بيه تغيرت وهواي امور كمت اشوفها بغير منضار مشتاق لامي حيل ومشتاق لنرجس ايمن كام يجيني وي بهاء اذا موجود واذا لا يجي وي محمود ونوبات وحده ونوبات وي ابويه الحارث كال ميختاج تجيب اكل ويايه واني مقبلت بس هو يجيبوله هواي وعن لسانه
الحرس ميسنجتاهلون واحد يوكلهم وفعلا كمت اطلب من ايمن كلشي ميجيب اكثر الاكور حجاها الحارث الي عالبناء والمواد واني احاجي على هندسه البيوت وبناءها بحكم خبرتي بالدراسه مرت الايام واجه ايمن جنت اتلهف من يجي حتى اخذ التلفون احاجيها لنرجس وجانت على طول تبجي من تسمع صوتي مجنت اعرف ليش اتوقعت بس لان مشتاقتلي متودتضوك الامرين ----
نرجس- يمه لاهذا ولا ذاك مااقبل بيهم ثنينهم اني مااتزوج غير غساااان افهمي
ام محمود- ابن عمج الشفيه نايم بالحبوس عشر سنين
من وره محنود
انجبي لججج هو ارعن وسوه هالسالفه حتى اقبل بس الله وكعه بسوء ء افعاله
يوم الضلم حرام
باعي نرجس والقران والنزله هذا المعيد اذا رفضتي والله العضيم اروح لامه اطيح حضها واكولها تسحب ابنها من يمج شنو ارضه بالسجن ومخلصنا منه
يمه اني احبه
لج يمه فكررررررر شتاخذي مفكرتي وره عشر سنين يطلع لاوراه ولا كدامه
غسان مهندس يوم
يافدوه لاالله دكاتره وكاعدين ببيوتهم باعي لج هالمره مراح اتهاون تكتلين نفسج تموتيها الولد هذا مترفضي وتتزوجين بعد عليه الفكر ياخذ بنتي والله
مااقبل لو تموتوني
زين لعد براحتج واني اعرف شكول لاخوتج
شفتها جرت المفتاح من وره الباب دتريد تقفل الباب عليه يوم يووووم وين دفعتني قوي وقفلت الباب وراحت كعدت منها ره امي لو اموت مراح تنطيني لغسان دك تلفوني بهالاثناء ايمن اي اكيد هو اليوم يوم الزيازحره رديت الو بلهفه
حبيبي
غسان الحكلي امي قفلت حتخبلني
شكو عمري شبيج
غسان متقدم واحد معيد بالجامعه لو لمي تخبلت وين اروح فهمني
بقيت ساكت ضاغط على سنوني
احجييييي لتسكت
اهداي
شهدا شهدا فهمني
نرجس حبيبي فدوه لكلبج قاومي ويايه
لك غسان اكتلها لروحي وماصير لغيرك
بقيت ساكنجت داخلي يرجف بعدني باول الطريق بعدك ممكمل 3شهور غسان وهاي عشر سنين ربي رحمتك
احجي لتسكت احجي شسوي
ابقي ساكته وبالعقد رفضي
بقيت ساكته هيج تكول
اي
ماشي جريت نفس انت شونك
موزين جريت حسره ابد موزين محتاجج حموت
مو كلنا نصبر اني اسفه اذيتك بس معرفت وين اروح
لاعمري همنا واحد تحسرت محمود شونه
زفت كومه ديباع حبوب وذاك اليوم ضارب مرته فقد من وره عرامتها وراحت لاهلها وخالي اجه طيح حضه
استغفر الله عبالي يوكفلي
هو. اصلا فاصل من الدنيا لو نايم لو بالحديقه نركيله وشرب وابويه ميكدر يحجي شي لان زههك
الله يساعده اهلي شونهم دتشوفيهم
اول بارحه رحت لامك وسولفت وي شهوده شوي ورجعت بله متدري امي
الله كريم
ماكو اكرم منه صير قوي
انشاء الله
يله حبيبي روحي خلص وكتي لتنسين احبج واصبري
كل العمر اصبرلك حبيبي لتخاف الله وياك سديته غمضت عيني كعدت العطله كملت وبدت السنه الجديده هالسنه اني ثاني صيدله وحبيبي بالسجن اني من اليوم محبوسه مرت يومين وامي الباب متفتحها بس من يجي ابويه يخلي الاكل ويطلع ميحجي شي واني اركض اتوسل بيهم. مر اسبوع واني على هالحاله بس بالغرفه ادك بالباب بعصبيه متهتم دراستي وجامعتي وصديقاتي يتصلون واني غايبه بعد مرور اسبوعين بديت اتمرض واختنك تالي الليل وافز اصيح يجيني ابويه يركض وانام بحضنه ابجي بابا الله يخليك حاجيها لامي
بابا حبيبتي امج حقها تره اول مره اطبك وياها رغم وجع كلبج بس غسان ميفيدج بابا حالته تعبانه كلش والاكل كوه يوفره وعشر سنين من عمرج تروح يعني تصفين ب30اذا انتضرتي
بابا انتضره كل عمري
حبيبتي هالحجي مو صح بعدين تتندمين
عافني وطلع مرت ايام وصعدت امي طبت للغرفه تخوصرت بعصبيه. صاحت
باعي لج ام الولد راح تجي العصر واريد من الله متطلعيلها وتكعدين مثل الاوادم. والله ثم والله تشوفين شي ميهجبج
باوعتلها ابتسمت لو تذبحيني فارت وكامت تصيح وتعيط وتكسر بالغراض واني كاعده صافنه عليها وكفت شتريدين مني متكوليلي شتردين
تعرفين كلش زين
واذا مسويت شتسوين تكتليني كتليني بس هاي البقت
اني اعرف شسوي اني اعرف شفتها راحت لغرفتها ركض مشيت وراها اشوف شدتسوي شفتها طلعت عبايتها بعصبيه وركضت جوه يووم وين ويين يوووووم. طلعت للشارع وطبت بيت عمي تصيح اسررراء اسررراء على مرت عمي اسمع مرت عمي من وره الحايط البينا خليت ايدي على وجهي طلعت مرت عمي كالت من. افراح
اي اقراح شوفي لج اني بنتي لو تموتين متاخذيها لابنج الفكر وتكوليله يفك عنها ياخه لا اخلي اخويه يتصرف وياه حتى الزياره يمنعها عليكم
شنو الصار هاي طبتج بعد عشر سنين لبيتي
ديله عيتي عاد هو شون قصر شعشوع على حالكم فكرررررر ولو مو احنا فلا يصيرلكم غرفه لبنتج جان ضلت لهاليوم تنام بنص اخوتها
متكوليلي شبيج امشي طلعي بره
ابنج خلي يشيل بنتي من راسه فاهمه اني اعرف عليش ترسمين بكتي ذهبي بشبابي وهسه تردين تبوكبن بنتي مووو لو تموتين
نرجس- سمعت مرت عمي سكتت وطلعت امي من البيت الجيران التمو على صياحها وعافت الباب مفتوحه وطلعت طبت لبيتنا بقيت اباوعلها لامي بكره جرتني قوي واني ذره حيل مابيه صعدتني فوك ودفعتني ورجعت قفلت الباب غمضت عيني اريد اطلع من هالهوسه تعبببت اريد بس غسان الي مردت غير شي ربي لو تاخذني يمك لو تخليه من نصيبي دخيل اسمك
مرت الايام وضغط امي وحبستها مستمره رفل رجعها خالي وكعدو وي محمود وحاجو انه يجوز من تصرفاته وتالي استنتجو انه حالته النفسيه تعبانه واخويه بغير وادي بهاء بعده مسافر تعبت من هالحاله الامي عيشتني بيها بقت حابستني وبقيت ماداوم شهر واخيرا اجاني اتصال من غسان رديت
الو غسان
ها حبيبي شونج
موزينه غسان
جريت نفس هسه اجه ايمن حجالي
شحجه شكالك
كال امج يوميه رايحه لامي وبالمنطقه تحجي جريت نفس بحسره وكال كليتج مبطليج منها
غسان عفيه شون اني حموت مدااكدر
صح مراح تكدرين تتحملين. هاي عشر سنين هيج تبقى حابستج جريت حسره حبيبي شوفي حياتج كلتها وكعدت بالكع ابجي المساجين والحرس الجاي يباوعلي ايمن وكف كبالي حتى مابين اني شعدي دمع طلعته وياها اريد احجي مااكدر اخر شي كتلها
نرجس روحي الله يوفقج بحياتج حتى لو طلعت اطلع حافس مااكدر اتزوجح
اني ماريد غيرك شدتحجي انت غسان وحبنا
منكدر اني بعد خلصت حياتي. روحي تلحكي لروحج اهلي هواي ديتاذون من وره امج فدوه وافقي وخلصيني امي تكول لايمن مااجاني منه بس وجع راس وفضايح اني تالي عمري هيج امي تكول عليه
اني اسفه غسان همست والله لو بيدي اوكف كل اليحجي واركض ليمك
هاهي محد مات وره احد والله مكاتبلنا نصير سوه
غسان اني نرجسه اني بلياك اموت
اني متت نرجس اني متت لحكي لروحج سديته بوجهه وخليت ايدي علو وجهي وعفت ايمن قبل ليخلص وكت الزياره طلبت من الحرس افوت طبيت الحارث صار بوجي
ها عمي خيرك خو مااهلك بيهم شي
لا عمي لا بس كلبي اخذو مني اشرت على صدري ونصيت ابجي مثل النسوان عاط بيه
بسسسس عيب عليك انت زلمه تبجي على مره كافييي شو باوعني
بقيت منصي ابجي واشهك اموت اذا لزمها غيري امووت اصرخ بداخلي صاح
ارفع راسسسسك دكولك عيب انت زلمه اسكت لا تنحسب عالنسوان كوي كلبك اكثر شي بهالبلد النسوان عليش تبجي
رفعت راسي مسحت دموعي اباوع السجن كله يباوعلي يضحك خجلت من روحي هنا حتى الدمع عيب ومورجوله جريت حسره واتخيلها مزفوفه لغيري ربي كون تطلع روحي قبلهازبس هاي رايدها مرايد هواي بس هاي حققها
نرجس- سده مني واني ممصدكه السمعته منه عقلي مستوعبه بس كلبي مديتقبل امنتياتنه واحلامنا كلها راحت سمعت طكه القفل وابويه واكف بالباب كال تعاي بابا جوه احاجيج
اي يابه
نزلت واني كلام غسان كلمه كلمه براسي اهلي تعبو من فضايح امج فشله عدي هيج ام صارت كدامي درت وجهي مطايقه اشوفها صاحت
شكو نزلتها ماريد اشوفها
حسين- معليج اني وياها تعاي بابا كعدي
نرجس- درت وجهي شفت محمود نايم بالهول متغطي صاير عوده وجوه عينه اسود اخويه حيموت مبقاله شي اكيد رجعت باوعت لابويه كال
بابا نرجس الولد الجاييج خوش ولد وميتفوت وهو دكتور بجامعتكم وعده صيدليه جبيره ومذخر هم بيت وحد وسياره يعني لكطه واول متتخرجين تشتغلين بصيدليته
بقيت منصيه امي تباوعلي رافعه حاجبها وتضرب على فخذها مرديت بقيت منصيه ونار بكلبي منا غسان ومن كره امي ومنا ابويه الديقنع بيه لكم متحسون متخاف ن الله ربي كون البيه بيهم حتى تحسون بيه بقيت ساكته
بابا يجون اليوم لو هم ناجل مثل ذاك اليوم
مرديت ودموعي تجري كامت امي بنتره وصاحت والقران اليوم اروح لاسراء اطيح حضها كله منها الديصير بينه ميت مره كتلها خلي ابني يكف روحه كله منننها هي الدازته عليها حتى يتبربع بفلوسك حسيين حتى تعرف ولد اخوك المكادي
- لبست عبايتها وتصيح وصلت للطرمه وحجي غسان مثل الصدى عفيه لتخلين امج تروح بعد صحت يوووم التفت عليه باوعتلي وصاحت وحوووم تعاي موافقه كلتها واحس روحي تحترك ومخنوكه انداريت على ابويه مشيت من يمه سريع عثرت بالزوليه وكعت لكفني وحضني الخنكه اللي بكلبي طلعتها على صدره وابجيي وهو يهدي بيه
بابا والله لو ادري يفيدج اوكف بوجه امج بس ميفيدج وتنسين لاعبالج بس انتي هيج حسيتي ماكو واحد ماحب وانجرح بس تصير سوالف باوعت بعينها من تجيج بنيه بجمالج وتحبيها مثل ماحبج راح تنسين كلشي راح تكون هي حياتج مثل ماانتي حياتي
بقيت صافنه بعينه المدمعه مسح دموعي من على خدي ابتسم برضا صعدي بابا غسلي وبدلي ونزلي تغدي
هزيت راسي اي صعدت فوك فتت للحمام حسيت داادوخ بس لازمه روحي كملت ونزلت جوه اكلت لكمتين ومحمود كدامي كوه ياكل ورفل دترطن سافرنا ورحنا وجينا وامي تسمعها بكل اذان صافيه كملنا اكل شلت وياهم الغراض عالسنك نترت بيه امي كالت
اصعدي بدلي الناس على جيه وشويه خلي شي بوجهج موشمه ومصفرجه
بقيت اباوع بوجههه يوم شون صرتي ام وانتي ذره حنان مابيج كون حوبتي تطلع بيج وتلوبين مثل مدالوب وعفتها وصعدت بقت ساكته وصافنه لبست كلبيه ومقرره هاهي بعد اني ماعدي خيار ثاني وقررت ماكو شي اسمه كلب غسان من انسجن اخذه تعبت من المللحه والاذيه اهلي واذيه اهله حرام عليه اباوع لروحي بالمرايه جريت نفس والله مراح انساك بس الوكت طايح حظ جنت مقرره كلش كلش اذا مقبلت امي عليك انهزم وياك بس اذا انت مسجون وين اولى وين اروح صار 3شهورحابستني امي وماملت دراستي تركتها ولاخلت بيت عمي يوميه لامه العالم عليهم وتكولهم ابنهم موخوش ولد ويريد ينهي على بنتي احنا وين والنهوه وين ووغسان وين من هالسوالف بس شتكول للعالم بنتي تحبه حيذبون الصوج بيه اخ ياكلبي عمري مراح اعرف الحب ببعدك ولا راح اكول هالكلمه لغيرك بقيت صافنه اني شداسوي صدك يعني لا مستحيل اقبل بغيره مستحيل نزعت هدومي وغسلت مكياجي وكعدت طبت امي كالت ها خاتون شو ممتحضره
يوم لو تحركين البيت عليه اني مراح اقبل تقدمت عليه ركض ضربتني ملختني اول مره امي تضربني بس هي مضربت هي حتى عض وجر شعر جانت دتملخ بيه واني فقدت بس اصيح وابجي لحد ما عافتني وطلعت وقفلت الباب كمت اصيح وابجي انتي مو. ام مو ام رجعت لنفس الحطه ابويه بليل يخلي اكل وفاكهه بثلاجه غرفتي وينزل حتى هو. زعل عليه بس مااكدر مستحيل داانتضر باجر يوم الزياره واحاجي غسان اطمنه بانه محد يكدر يجبرني ومحد يلزمني غيرك اجه يوم الزياره ومتصل بيه خابرت ايمن كال مراد يحاجيج
شنوو
اي كال خليها تشوف حياتها جريت نفس بت عمي غسان سالفته تطول لشوكت تضلين تقاومين سنه سنتين لتخلين غسان شايل قهرج وضميره يانبه حتى بالسجن عوفي ميفيدج وتره مرت عمي مدتعوفنا كلما شافت شهد دعت عليها بالشارع وتتفشل والله صارلها سبوع منداومه لان كالتها امج والله يابه متستحون بنتي من وراكم مبطله وبنتكم تداوم وهالحجي بنص الشارع والعالم تباوع وشهد خجوله وهسه هي خامس ومتقبل تداوم واني كلما شافتني فكت صدرها ودعت ولاجن اخويه خاس بالسجن من وره محمود روحي الله يستر عليج وكفي امج عننا تره تعبنا والله يعني ترضيها توكف ابويه براس الفرع كدام المنطقه تكوله السجن حيربي ابنك وانت مربيته على ياكال نتحمل وهاي بعدها كلما مشت السنين حتزيد يعني ابويه يكول لو نشيل منا وين نروح الله يخليج نرجس تزوجي وروحي عيشي وخلينا نعيش كلنا تاذينا من وره هالحب
نرجس- همست اوك وسديته محبطه واعصابي تلف وكراهيتي لامي زادت بس بقيت مقاومه اكيد الاسبوع الجاي راح يتصل ميتحمل --- ولكيت نفسي انتضره شهر ومااتصل ابد
ايمن- جنت كلما روح مااخذ تلفوني حتى ميتصل وهو راسن يكولي وين تلفونك اموله مجايبه يرد زين تسوي الله يساعد كلبك ياخويه
نرجس- عدت الايام ومرت 5شهور وحبيبي بالسجن وبيوم من الايام ايست بعد طب والدي ديخلي الغراض وكفت لزمته من كتفه كتله يابه خلي يجون
يابه خاف مثل ذيج النوبه
لا يابه هاهي حنجب واسكت
الله يهديج جريت نفس الله يهديج
-----
