رجعت للبيت ذبيت الدشداشه دزيتلهع رساله بلهفه اني وحدي بالبيت اريد احاجيج ردي تمددت عالجربايه كلبي يدك سريع استلمت ومردت من دكيت والله لو اعرف للصبح ادك تردين يعني تردين تقرب الاربع دكات ومردت تعبت جريت نفس دزيتلها
تحبين اعبرلج من السطح تره حصير مخبل لتقيسين رزانتي متروحين من ايدي بعد--- ردت
الله يخليك روح
ماروح ماروح ردي تره تصير موزينه -- بديت اعصب واعصابي بدت ترجف عضه شفتي وهزه رجلي دكيت ردت ساكته
الو احجي
مامو رد
نرجستي
ماكو رد جريت نفس اخذت الباكيت وطلعت همست طلعي للسطح --كالت
ماريد
صوتها مخنوك
وكفت دتبجين بلعت ريك
لا
لا دتبجين
غسان عوفني،
والله لو تموتين واموت وهم ماعوفج اطلعي تره تصير موزينه
استغفر الله
اي اي استغفر الله واتوب اليه اطلعيييييي عطت بيها
لتصيح حطلع همست
اسمعي كلام من اول شلعتي كلبي ناقص قهر اني عصبيتي كمت ماسيطر عليها احسها من صوت نفسها متفاجئه بيه جريت نفس مدااكدر بعد اريد اشوفها سمعت صوت الباب مال السطح انفك الزلج بهدوء مشيت بلهفه للسياج البينه شفته تتلفت وصلت يم السياج ونصت راسها
غمضت عيني تعاي همست
هنا كافي
تعاي داحاجيج اصيح واحجي
لا عادي اسمعك اباوعله وادير وجهي الدنسوي خربطه حرام مرته وبنته حجيتها بداخلي
خرب اممممج كمزت من سياجنا على كيفي ورحت لسطحهم ابتعدت كم خطوه لناحيه باب سطحهم
تعاي وين هاي شبيج رفعت ايدي ااشر وعاكد حاجبي مستغرب تصرفها
روح قسان الله يخليك
ماروح وداعتج بس تعاي تقدمت خطوه تجتها رجعت خطوين وكفت بلعت ريك تعبت
شنو خايفه من اشر على روحي التفت على باب السطح الوراها وباوعتلي هزت راسها
لا
لعد ليش متجين
ماريد حنزل نزلت وعافتني
تعاي لج لحكتها لزمتها من ساعدها اباوع عالسطوح الداير مدايرنا خاف احد يلمحنا باوعت بعينها. اويلي يابه شكد مشتاق
ليش خايفه سالتها باوعتها بتوسل ليش صايره ضعيفه رققت لمستي هديت ايدها جريت نفس اني قسانج شبيج
قسان الله يخليك
الله ليخليني بلياج باوعتلها مبتسم طاير بيها
شتريد باوعتله ابتسم جتني الضحكه
ردي شلت الفون مالتي بيدي رفعت حاجبي مبتسم راح ادكلج
هزيت راسي اوك حنزل
عفيه بالسبعه همست كرصت طرف خشمها برقه غمضت وطبت اووو ف ربي رجعت لبيتنا بفراشي تمددت دكيت عليها دكتين وردت
الو
الوو مرحبا
اهلا تفضل
هه والله كلبي موجود عدكم ناسي قبل سنتين دمعت عيني
سكتت معرفت شكوله دمعت عيني
ها ملكيتو يمكم
موجود ومضموم بس خفت لا احد يلعب وياذي
جريت نفس
خو مبي شي قللان زايد
لالا على حاله بس نوبات يزيد من يشتاق
اويلي على الله جريت نفس احجيلي ةلشي
شحجي اسال واجاوبك جريت نفس
عضيت شفتي نرجسه
همم
نرجسه
نعععم
نرجستي همست مغمض
حبيبي همست ونزلت للفراش ذبت مكلتها هالكلمه لغيرك قسما بذات الله
ولا اني وغلاتج
ومرتك
من اول كتلها حب ماعدي والبنيه جاولت بس اني مااكدر جريت نفس كلبي مسجل باسمج نرجس
جريت نفس اغار همست
واني جنت احترك
سقطت مرتين لان مااكدر اربط روحي بي بس بصراحه ثاني مره قبل وفاته بيوم سقطت طفلي بس انقهرت من مات لان مبقاله شي يربطه بهالدنيا ويشيل اسمه بسببي
منين جتج هالقساوه تقتلين ابنج
مدااكدر اتواصل وياه ااابدد وتسال عالقساوه هالقساوه جتني من الدنيا الكشره السوده الحرمتني منك
تنهدت مغمض تعذبت بعدج
مو بكدي اسكت لتجيب طاري العذاب وي كل مره يقترب مني اشوفه انت وبعدها افز الكاه مو انت واكوم ابجي ويبتعد اتحجج اكوله يتغير شكلك وابجي مخله لاشيخ لا سيد يقره عليه يكوله متلبسها جن واني محد يعرف منو المتلبسني
غمضت عيني التجري دمع همست منو المتلبسج
انت انت غسان
عصرت عيني كملي
شكمل هاهي كضاها شهور سفر بره واني اذا وياه بجامعتي بقسم داخلي غير منطقته وهو بغير منطقه نتشاوف بالاجايز نادرا ونوبات ابقى بالقسم الداخلي اتحجج بالدراسه جريت نفس اذيته هواي بس موبيدي مكدرت سنتين خلصت مااعرف شون خلصت سكتت
اي بعد
هاهي من انكتل اهله طوني الصيدليه مالته اكعد بيها اشتغل
وين صايره جريت نفس
عالشارع العام كبال المهند
هااا زين مو بعيده
لالا لزمناها اني وبهاء اخوته كل فتره يجون ياخذون مني دوايات وهاي هي سيارته طونياها لان متمكنين ويدرون بي جان يحبني
شششش ساكت واسمع واتكرضم لحد ماكالت بجيحبني مكدر سكتتها
ههه قسان حتى امي تحبني شفت شسوت بيه
غمضت عيني عضيت شفتي اريد اسده وماريدها ترروح ياالله
غسان
همم
شبيك
مابيه بس محترك
عمري مصرت لغيرك
ولا اني
جريت نفس اكتفيت بهالكلمتين محجيت عن ابابيل اني منا ضميري يانبني النوب اجي احجي بمحاسنها بقيت ساكت
اي سميت بنتك نرجس
اي جريت نفس ردت اي شي يذكوني بيج كلمت صاحو اسمها اتذكرج ببس هي نرجوسه وانتي نرجستي
ههه والله ايام
ترجع لاخافين ونعوضها
الله كريم ومرتك شون
حجيت وياها كلشي كالت ميخالف بس اعدل بيننا كتلها اي بس شلون مااعرف واني اذا اخذج يمكن مراح اكدر افاركج جسم وخيال وعقل وكلب
شون كدرت تقبل
تدري بيه نرجسه من اول تعرف كلشي وتحس بيه من انزل اكلب بالصور مالتج بغرفه ايمن القديمه
اي همست
وتعوفني وتصعدت تره اني مالي جاره كلبي مسجل باسمج
اي سكتت وعيوني تجري سكتنا ثنينا بس نفس
نرجسه همست
عيني
احبج اكثر من قبل خنكتني العبره حلم الطفوله الباكو مني
كمت اشهك وابجي
لتبجين مامو بجي بعد
هزيت راسي اي وامسح بدموعي
اريدج بكل لحضه من حياتي الجايه ويايه اني قبل اسبوع قبطط ،34سنه بس بيها ولدت وجيت للدنيا حبيبي من شفتج بالسطح رجعلي الامل ابلش حياتي وياج
خايفه
ويايه لتخافين
مرتك
لتكولين مرتك وتطلعين حجه تحبيني --- سكتت -- احجيييي صحت كمت املخ بروحي
همست اي
شكد
هواي بجيت هواي كلش
لعد دافعي عن حبج غمضت عيني همست قاومي ويايه لو شمايصير لتعوفيني فاهمه
هزيت راسي اي همست بلعت ريك مرتك وين
عد اهلها ابوها مريض خطيه
شبي
مرض موزين وديسووله عمليه
خطيه محتاجتك هسه
واني محتاجج يعني شون نترت بعصبيه ياذيني شعور التقصير تجاه ابابيل
قسان
ياعمره جريت نفس
اريد انام
ابتسمت نصيت مثل قبل مو
اي همست
تعاي نزلت للفراش والسماعه باذني يله نامي انتي هسه بحضني جريت نفس بلهفه يرجف نفسي كل كلمه ترجعني لقبل دخولي السجن
نمت على صوت نفسها مرتاااااااااااح كلبي طاير وياها مجنت اعرف معنى الجنس بس كلبي ينبض ببرائه كعدت الصبح على صوت ابابيل جايبها اخوها تلمست كصتي والسماعه باذني همست باسمي
غسان غسان حبيبي كوم تاخرت على شغلك
فكيت عيني جريت السماعات بقت تباوعلي بحيره عيونها وارمه من البجي
شونه عمي
موزين كعدت بصفه ابجي موزين غسان ابويه ديموت خله ايده على راسي وكال
يابه وحدي الله تعوذي من الشيطان اذا الله كاتبله عمر يعيش اكثر مني ومنج واذا لا هاي مكتوبتله عله صوت البجي حضنتها ومسدت على راسه كسره كلبي جريت نفس وكفت بدلت مسحت عيونها وسوت ريوك تريكت بكل نفسيه مفتوحه وطلعت فتت عالشارع شفت بهاء ديفتح حبيبي نايم مرتاح مال بارحه دكيتلها واني بالطريق اريد اسمع صوتها من توها كاعده ردت الو
احبج همست مبتسم
هههه
اوف يابه رحت فدوه للضحكه جريت نفس مرتاح. نرجسه
عمري
اني هسه يله عشت جنت ميت
سكتت
احجي ليش تسكتين
اني هم
اسمعي هاي شتكولج
منو ---عله المسجل صوت مياده الحناوي انا بعشقك انه اني كلي لك انا بقينا نسمع لحد ما وصل
حبيبي وصلت من اخابرج اكملج الاغنيه هههه
احبك
اويلي عليه صحت واني بالسياره
خل اشوفك طكلي صوره
ماشي بس انتي هم
ماشي ههه
طكيت صوره بالمناضر الشمسيه بنضره بابتسامه من عكست صورتي بالشاشه بقيت صافن عروحي وجهي مضوي صدك بين عليه الحب تنهدت دزيتها شوي وصلتلي صوره منها بالفراش شويه بيها ضلام بس شسوت بيه هالصوره مكدرت اشتغل كلشي بس اباوعلها عيونها المنفخه مال نوم والفراش الحاضنها اووف يايابببببه رجعت بليل للبيت عيوني عالبرده متحركت دزت رساله بس طبيت كاتبه
لتباوع عالبرده بعد ماحركها زرفت بيها زرف دكيتلها واني طابك السياره بالطرمه
