عده كم يوم وهي غايبه عني لاترفع موبايله من ادك لا تصعد للسطح تعبتني وضليت قلق وممتزن رجعت لنشاط شغلي القديم ابابيل الهدوووووء اللذي يسبق العاصفه احس بيها من افوت للسطح تباوعلي من جوه الفراش اسوي روحي دادخن وارجع بس اني الوب مثل اللي عدها ولاده تعبتني حبيبتي تعبت كلش من بعدها شنو الخرفج ياعمري اباوع لسطحهم وبيدي التلفون ادك عليها ومامو رد رجعت نمت باجر لو ماعرف كشيصير لازم اشوفها او اسمع صوتها اقلها كعدت الصبح ابابيل جانت دتسوي الريوك
بلبل
صفنت اول مره يكول بلبل ---ها عيني صباح الخير
صباح النور اخ يابه تمعصرت دتسوين عكدت حاجبي
داسوي مخلمه يله بدل حضرتلك الهدوم
خوش تنهدت بداخلي اي شهيه ماكو حتى للمي كعدنا تريكنا وابابيل تحجي وتسولف واني بالي طاير بالسطح بس اهز براسي لحد ماسكتت تباوعلي ونصت راسها انتبهت على روحي نصيت عالاكل
انت بالك مو يمي مدتسمعني مو?
ها
هيج ماكو شي عفت الميز وكمت
باوعتلها جريت نفس كمت لبست حذاإئي المسحته وطلعت --- تردين شي
لا سلامتك
باي
الله وياك اوكف هل افوتك من جوه القران
تنهدت بملل فتت وطلعت للشغل التهيت ابو مصعب اجه حجيتله كيفلي مخليها ببالي سالفه شهر هي يمي ومتلهف كلش لليل رجعت باوعت عالبرده اول مطبيت متحركت ماكو صعدت فوك بعدما سلمت على اهلي بقيت كاعد صافن وحسبه تجيبني وميه توديني مو كيفج تعوفيني لو اعرف اكتلج واكتل روحي استغفر الله يعني اني ماارتاح وكفت اشحن تلفوني
غسان توديني لاهلي
لا
ليش حباب
خابري اخوج يجيج مالي خلك
لا انت ويايه ابويه شوي ماله خلك
مااكدر اوديج مبيه حيل احجي وماباوعها وانتر روحي طالعه سكتت صفنت اكدر اروح لبيت عمي اذا راحت علياس يم بهاء التفتت عليه يله بدلي
شكرا حياتمم
حضنتني من ضهري نصيت راسي دااكره روحي طلعنا ذبيتها عد اهلها كعدت شوي وراها ترخصت ضلت تباوع بوجهي
وين حتروح
ابدل دهن للسياره وارجع سالفه ساعه
بقيت اباوع بوجهه كذاب والله بداخلي معقوله تواعد وياهع بس صار سبوع ممحاجيها مدتجاوبه من قلقه وعصبيته وبالسطح متطلع اوووف والله مادري والله الا اطيح حضها ماعدي شي اخسره بعد جريت نفس كعدت اسولف وي امي افتهمت انه عبد الله طلك مرته مديتفاهم وي مره طبعا موده رجالي حجيت وي روحي
طلعت منهم ركض لبيت عمي دكيت الباب مره مرتين طلع عمي ضل صافن ابتسمتله --- ها عمي الله يساعدك
هله ياب تفضل
جيت على بهاء رايده بشغله
اي اي فوت هياته موجود
يا الله كلتها وكلبي مقبوض حالف ماطب البيتهم من وره العكربه بس لازم اتمسكن حتى اتمكن بعدها والله ماخليها تشوف امها اباوع على كشختي بالمرايه العاكسه مال مطبخ ابابيل لان رايح لاهلها بالغت بكشختي دشداشتي والسبحه الذهب والعظر التخر موديل والساعه والمحبس كلبه شعزي وزياني قارن بيني وبين غسان القديم ههه مينعرف هاذ من ذاك صوت بهاء
لككك هااا اول تالي تعال هله بيك تعال
الله يساعدك ابتسمت شونك
زين الحمد لله تفضل طببته للصاله صارت بوجهي مرت عمي باوعتلي تبتسم شكد قبيحه ضلت تباوع متعجبه رفعت حاجبي وراسي
شونك يمه غسان شون صحتك
هه يمه يمه!!!! كاعد تتلوكلي شو هاي هااااا لان طكيت يله ميهم لخاطر العزيز كلشي يهون هله خاله شونج
زينين الحمد لله لا تسال لا تكول
والله هه اعمال وسفر وماكو مجال
اي حقك يمه ذاك اليوم جبنا بسيرتك اني وابو محمود
هه بالخير انشا ء الله
طبعا هو انت وجهك مال شر هاي شنو
باوعتلها رفعت حاجبي والله دنيا بقيت ساكت واكف بباب الصاله وعيني عالدرج كالت
اكولك هاي بيت ام محمد انت باني
يا محمد عكدت حاجبي
هذا اللي عالشارع
ها محمد عطيشي اي اني بنيته فريت السبحه تباوع على فررت ايدي --- ليش شبي
والله خوش بناء يخبل تعجبت من رحت لقرايتهم وكالت غسان بناه
خوش بناء مو رفعت حاجبي
اي اكولك اذا ردت اطبك حايط الطرمه حجر مثل مالتكم شكد يكلف
بلاش خاله افراح بلاش باوعت عالدرج ذبيت حسره
لا يمه تعبك هذا هو انت شكد اخذت من بيت ام محمد
رفعت راسي باوعتلها بمكر ابتسمت هاي فرصتك غسان--- والله صار 150مليون
هااا
فكت عينها كلها ابتسمت حلوه الدنيا من تفتر طبيت للصاله وكعدت يم بهاء سالفه منا وضحكه منا ومااعرف شموله بيش محتاجه وهو هم نسه وكام ديجيب الكهوه دزيت رساله لكمري
ماشوفج يعني جيت لخاطرج وكسرت حلفاني مكدرت بعد اصبر استلمت الرساله بقيت انتضر شوي وردت
حرام عليك عائلتك انساني كافي
ابتسمت جريت نفس الحمد لله ردت كتبتلها من اموت وعائلتي تفاهمت وياها وقبلت اريدج نرجستي مردت بعد وهالشي كافيني نسيت روحي ونسيت ابابيل دكت وره ساعتين
ها غسان تجي لو ابات
ها تردين تباتين باتي بقت ساكته تمنيتها تبات الو
غسان بابا مريض مرض موزين
شون يعني
ذاك المرض كلتها وبجيت منهاره
لاحول ولا قوه الا بالله ديله جاي هسه
اي همست
صدك انقهرت رجعت لبيتهم كعدت وياهم جانو حايرين بالعمليه ماله وهو مديقبل اخر شي مقتنعي ابابيل ميته بجي بقت يم امها بذاك اليوم واني رجعت بس والله ميت قهر بس بعدها اللهفه بيه
