شهد- مرت كم يوم نرجس جتنا وي رجلها بيومها عمي الصبح قبل ليطلع كال
ها شهوده عمي محتاجه شي
بقيت ساكته المسواك خلص واخجل اكوله نصيت راسي
ابو محمود- ها احجي غير انتي ام البيت
محمود- فضيها دنروح على باب الله
شهد- باوعت لمحمود ورجعت باوعت لعمي --- عمي ماعدنا مسواك
ابو محمود- اي يابه ادري هو اليوم نتسوك بس انتي شتردين تسوين عالغده عيب رجل نرجس جاي
شهد- كيفك عمو
ابو محمود- سوي برياني ومي لحم شوي كشخه واني ادز المسواك من وكت بيد محمود باوعت لمحمود انعقج
شهد- اي عمو صار
ابو محمود - زين كبه حلب تعرفين تسوين
محمود- اي تعرف كلتها ودرت وجهي على ابويه مره رحتلهم جانت دتسوي وي امها
شهد- عمو مو صغيره كلشي اعرف اسوي
تدرين عمي صار شكد مماكل مال بيت ومال السوك مطيبه حشه نعمه الله سوينا كبه حلب اذا صارلج مجال وادا هاي على باجر
اشوف عمي نزل بهاء سامع الحجي كال
شهوده اني اريد بورك
محمود- مو عدنا مطعم باوعت لابويه ياب شنو السالفه منروح للشغل
ابو محمود- احنا شنو نستغلج ابشع استغلال لحد ما تكمل هال3-شهور العطله بعدها دوام وبعد تصيرين ممنوعه من الشغل بس لدراستج
شهد- جريت نفس براحه انشاء الله همست
ابومحمود- يله ياب ديري بالج عالبيت واذا هاي روحي لاهلج
اي عمو بس لتتاخر عالمسواك حتى ينطبخ اللحم زين
اي صار
طلعو واني لبست ورحت لاهلي تعلمت من ماما كم سالفه ورجعت ب11 وره طلعت ميلا الخدامه احلى شي بالدنيا ضحكه ابويه من اطبلهم يحس براحتي ويكرصني من خدي والاستاذ ايمن ديتمشى بالفرع الف الحمد لله ربي رجعت لبيت عمي توني اشيل شعري بربطه حتي ميوكع شعر بالاكل وشلت دشداشتي بملابسي الداخليه دشداشتي ربع ردن فانيلا بس طويله للحجل فانثول بينما يجيبون المسوك سويت كيكه كلت وي الجاي وره الغده سمعت صوت السياره انفتحت الباب وطب محمود ورجع سد الباب نزلت الدشداشه وكفت كدام مرايه الحمام التفتت ضهري خو ممبين منه شي لا ممبين رجعت للمطبخ فتح الباب وطبب الجياس كال
السلام عليكم
عليكم السلام الله يساعدك
هله هاج اخذي المسواكزابويه كال اللحم كله خل تسوي
اباوع كومه لحم باوعتله مو هواي
شعليه اني هو كال احنا ننفذ
هزيت راسي ماشي
وهذا المسواك بعد شتردين كولي اجيب من الاسواق البصفنا
لالا هاهي روح ممحتاجه شي
اني حبقى بعد شعدي رايح عالساعتين جريت نفس صعدت بدلن ونرجزلت بالفانيلا والبرمودا الكابوي طبيت بالنجمطبخ جانت مخليه جدر الضغط
منيلج هذا مال ببيتي مو
اي ههه جبته من بيت اهلي لان اللحم يستوي بسع بي
الله شكد جانت طيب تسوي اليوم حناكل نفي الطعم يعني
بلكن الله ومااتفشل
لا طيب اكلج تره باوعتلها رفعت نضره مبتسمه ونصت كعدت عالميز كدامها العب بالتلفون ريحتيش هاي
كيكه همست بعدها دتصير
كمت باوعت بالفرن
لتفتحه تهبط
لا مافتحه بس داشوفها مبينه طيبه رجعت كعدت جريت نفس مالل كعدت اكلب بالتلفون وهي تلكط تمن --- هذا خوش تمن لو موزين كال احسن نوعيه
والله ريحته طيبه مال عنبر بس كومه وصاخه بي
اي مبين عليه وصخ صار ساعه تنضفين بي
لا اني فاهيه على كيفي اشتغل
ممم تحجي ومتباوع واسمع وماباوع طلعت للحديقه كعدت عالميز والكراسي البره صارلي هواي مجاي هيج وكت للبيت بس بوكت مرضتي وكضيتها نايم شوي وطلعت جابت جاي وقطعه كيكه باوعتلها همست
بالوكت المناسب
بالعافيه دالاحظ روحي ماكرهه ودلاحضه مو محمود الخبيث بس بعده كلبي ممرتاحله من سوالفه كال
من رحتي لبيت عمي شفتي ايمن
اي اي ديتمشى بالفرع الصبح خطيه
خل اخابره يجي شوي
كيفك عفتهوطبيت اكمل شغل طبكت التمن سمعت ضحهم طلعت مديت راسي كال ايمن ها لج وين ماروح اشوفج
ههه على كلبك
محمود- فد قطعه كيكه لايمن وجاي شهد
اي هسه صبيت جاي لايمن وخليت كيكه ووديتها اله يباوعلي اخويه فرحان بيه بس ميعوف الشقه -- جيبي جيبي صايرتلي ام بيت براسي ذاك اليوم جنتي تبجين من امي تكولج ثرمي بصل
شهد- انداريت عليه انت شغاثك شحارك حمامك عفته وطبيت على شغلي كملت كلشي ولملمت الهوسه الفاكهه الكيك وحتى الزلاطه والطرشي بس ملحكت اسوي كبه حلب باجر عود خليت الجاي على نار هاديه وصعدت احضر هدومي شوي وطب محمود كال
حصدمج
شكو
مراح تجي نرجس وكفت فكيت حلكي
شبيج ههه والله مراح يجون كالت صار عده شغل مفاجيء
ذبيت الغراض وكعدت عالجربايه
بقيت اباوعلها خطيه تعبها راح خابرت ابويه قبل لا اصعد كال خابر بيت عمك اعزمهم اصلا مفروض نعزمهم وره العرس ومدام امك مهنا خل نعزمهم كتله يابه لازم انت التعزم كال صح وبالفعل اتصل بيهم بس مكتلها لشهزجد ردت اخليها تضوج بس كلشي محجت وجهه انكلب ضحكني
شهد- طلعتلي هدوم وفتت للحمام اسبح كملت غسل لبست ولفيت شعري بالمنشفه وطلعت راسن باوعلي محمود نضره معرفت افسرها نصه راسه من خليت عيني بعينه سرحت شعري وشلته عالي اي كلام ماكو بيننا لزمت العطر اخلي صاح
هاااا هم حتخلين من هذا العطر
باوعتله وذبيته همزين ذكرني كلتها بداخلي بس هيج ريحته قويه بقه يباوعلي بغضب نصيت راسي شلته ضميته بكنتوره وسديت الباب نزلت اشوف حدر الضغط خاف صفر وفعلا كان مصفر طفيته ورجعت صعدت كال
طلعيلي دشداشتي البيضه
ها
هنا بالكنتور افوت اسبح واطلع البسها
اوك طلعتها اله وعلكتها بالزاويه بس ليش هي نرجس ومراح تجي لل4اجه عمي وبهاء كالولي صبي يابه اهلج هسه يجون
اهليي !!
اندكت الباب محمود نزل بالدشداشه البيضه مرتبه عليه كلش وركض فتح الباب باس ابويه من راسه وكال تفضل عمي طب وياه ايمن باوعت لابويه ضحكت هلو يابه
هله ياب يابه عزمونا كالو بنتك مسويه خوش غده
ههه اي واني مادري انت الراح تجي سوولي مفاجاه باوعت لمحمود ضحك ودار وجهه لايمن كعدنا كلنا كعدت بصف ابويه طاير بيه وكلسا مخلي ايده على صهري يحضني واني اكمز اخاف يحس بضهري كملو الاكل والكل. راضي عننه وايمن ابدى اعجابه امي مقبلت تجي واني كلش زين اعرف ليش حقها امي صاحبه مبدا بعد الغده قدمت جاي وكيك وعمي بس يحجي بيه ومحمود اروح واجي يباوعلي من جوه ليجوه بديت احب عيونه التباوعلي بالبوكه وعيون عمي الفرحانه بيه كملو الجاي ووالدي ترخص وراحو وكلمن راح لغرفته بقه بس محمود كاعد بالهول بصف المطبخ كملت شغلي المواعين وكذا وصعدت ردت ارتاح باوعتله كاعد يكلب بالتلفون شككد يحب التلفون هذا صعد وره شويه ورايه جنت توني مبدله دشداشه ربع ردتجن هم فانيلا مريحه بالنوم بس طويله ذبيت شعري وتوني اتمدد صارت ب10بليل. شفته نزع دشداشته وعلكها ورجع تمدد بالفراش جر نفس باوعته بالمرايه العاكسه خله ايده على بطنه عقج وجهه قبض ايده بده نفسه يضطرب بقيت اباوعله من جوه البطانيه كام يعصر ببطنه ويون
مممم مممم وكف يريد يطلع مكدر كعدت كمزت من فراشي
شبيك همست تقربت منه شبيك شتحس
صيحي بهاء نترت بيها
اي هسه دااطلع ركض
تعاي صحت
ها لبسي شي جسمج محدد اخ يابه اخ
اي لبست روبي وركضت لبهاء ادك بالباب ميرد فتحتها تقربت يمه خجلانه. اابهاء ماكو نايم بهاء يمعود فز
ها شهوده شنو تخربط محمود
اي اي حباب مدري شبي كمت ارجف
لتخافين عادي اصلا اليوم مستغرب تاخر من تخربط طلعت الغراض راسن والابره طلعت طلعت ورايه طبيت لكيته كاعد بالكع يم الجربايه ولازم بطنه
ها ابو شكريه يمعود هه يله هاهي خلصت مبقه شي اخذت ايده وشهد بصفنا باوعتلها جانت خايفه
شهوده كلاص مي فدوه لعينج
اي هسه نزلت ركض طبيت جان محمود يرفس وبهاء يكوله يابه رخي خل ادفع الدوه. لتقلص ومحمود ينتر بي يكول شككت وريدي هيج منك
ههه رحمله والديك عمي طلعت من الغرفه شهد صافنه عليه
شهد- طلع بهاء باوعت لمحمود وكف وتمدد بجربايته. باوعلي ودار وجهه
ليش هيج يصير بيك
معليج غمضت عيني روحي نامي داطفي الضوه
اي همست وبالي بقه مشغول بالسالفه مر يومين واني نفس الوضع ومحمود بليل تجي الحاله يروح لغرفه بهاء ويرجع وره ربع ساعه عادي حتخبل شبي هذا وبيوم من الايام محمود نام وطلعت اخلي الدجاج انكعه لباجر شفت بهاء بالهول يراسل كعدت يمه احاجي
بهاء ممكن سوال
سالي شهوده شكو
اكولك شبي محمود باوعتله مستغربه
ليش مسالتي اله
مقبل يرد حباب كلي
جريت نفس مبي شي الحمد لله ديصير زين هسه جان يبلع حبوب موزينه وهسه تركها وشوي شوي لحد ما جسمه يكوم ميحتاجه للمقوي
بقيت صافنه عليه يعني مخدرات
لا هههه لا مو هالحد فد شي خفيف من المخدرات شكد فطيره ههه كومي كومي صعدي نامي لتضلين تفكرين لتخافين عليه مبي شي
بس خطيه ديتاذى كللش
كومي نامي بابا وحمدي الله وشكري
هزيت رلسي اوك دااصعد سمعت طبكه باب غرفتي معقوله جان كاعد
محمود- اي جنت كاعد وسمعتها من دتحجي وي بهاء علاقتها ببهاء اكثر من علاقتها بيه تحجي ويا وتمون عليه وتتشاقى اكثر من ما تتشاقى ويايه ولو اني مالي واهسها بس اني سامع هواي مصايب بداخل البيوت وي الحموين والجناين تمددت راسن طبت باوعتلي غمضت عيني حسيتها بقت تباوعلي وتنهدت بعدها راحت لفراشها ثاني يوم الصبح نزلت والدي جان طالع قبلي من الفجر عده سفره للبصره طبيت المطبخ لكيتها تتبشبش وياه
اللهم طولج ياروح هاي شون مصيبه جبتلي للبيت اكيد بينهم شي من طبيت سكتو وارتبكت مبتعده بهاء كال اني رايح باي
مرديت عليه بس هي ردت الله وياك باوعتلي ونصت تقربت منها ردت اتاكد مخليه عطر لا ممخليه اقترب وتبتعد كعدت عالميز ساكت كالت
تتريك
انتي شتكولين
كيفك انت
اي سويلي جريت نفس قربت الاكل مالتي كدامه كال
هاي مال بهاء مو
لا والله مالتي
بعد متاكلي شنو ناطيتني اياه نترت بيها بعصبيه
والله علمودك علمود متتاخر
مااتاخر دفعت الماعون بعصبيه
بقيت صافنه سويت بيض وقدمته كدامه اكل من دون ميحجي كلشي بس جان مبين عليه العصبيه بهاء كال هالفتره عصيبه عليه لازم نساعده ونحاول ننسي واني لكون انحسبت مرته لازم ادير بالي عليه -----
غسان- الحرث طلعوه اليوم من طلع روحي طلعت وياه واعدني انه راح يطلعني واني انتضر الرحمه الالهيه خله عدي رقمه. اتصل بيه دائما ودعته وبشخصيتي وكياني هواي منه صار وشاءت الاقدار صدور عفو عام عالمساجين بعام 2009 من دون مساجين الارهاب من دخلو كالو عفو والباجر تطلعون كلشي بيه رجع يعيش من جديد تكون شي اسمه الامل اللي متاكد من سببه وهو دعاء امي. وضليمتي بقيت افكر اول شي خطر على بالي نرجسه شون حتكون رده فعلي من اشوفها وتشوفني والدي ووالدتي تحلفت واني بين جدران السجن انه ايمن دقيقه مينرك الدراسه بعد واختي ارجعها لان اعرف بيها متطيق محمود ولاهو يرغبلها لان مشوهه هو صغير ويكوللها سلحفاه وهي طفله مو عاد هسه صارت مرته شحيسمعها بعد احس هاليوم اطول يوم كضيته بالسجن هالفتره كولها كلهم طبو سبحو وتحضرو للقرار الباجر واني اخر شي سبحت وزينت بي كومه حزن مو بس فرح تعبان وخايف من روحي القديمه والجديده وحاير بحياتي شون حعيشها من دون نرجسه وهي ويايه بكل لحضه من لحضات حياتي اخ ربي كون ماشوفها ابببد
شهد- داسوي العشا الكبب الرادها عمي والبورك الراده بهاء. وبالي مشغول بمحمود وسالفه المه وعلاجه يخوف شكله من يتوجع ومن يصير عصبي يارب شون حضل هيج اني حضل مثل اخته وحيضل عصبي عليه اعرف عمي راد مصلحتي بس بديت اتعب واني احس روحي مو مالته ونايمه وياه نفس الغرفه امي واسالتها المتخلص ها ماما تقرب منج لعد وين نيشانج ماما يداريج يحبج تلبسيله تداري شكوللها وشكذب عليها بعد واني ادري بيها تحس بيه وتدري كلشي
دالف بالكبه وافكر الف واكلي واضم بالمجمده حسيت ورايه احد مد ايده فزيت قطع تفكيري التفتت عليه محمود!!!كمت اتنفس سريع اثر الخرعه بقيت اباوع بوجهه باوعلي مستغرب عيونه حاوطت عيوني وثغر شفتي رجعت خطوه ليوره ورايه الكاونتر شفته ارتبك نصه راسه واخذ كبه من الماعون وكعد عالميز بقيت اباوعله ياكل ويكلب بالتلفون طلعت الكبه وخليت وجبه البورك كمت كلسا اباوعله رفع راسه كال
شكو شبيج صفكج العباس
لا ماكو شي فزيت
صفناتج كثرانه هالايام هزيت راسي اباوعها بشك
لا ليش درت وجهي كمت التكلاه وكمت اضم بالمجمده انترست طب بهاء باوعتله ابتسمت اشرتله تعال
بهاء- ها شوش الله يساعدك محمود باوعتله ميرد عاكد حاجبه يباوع لشهد يشوف شتريد مني
بهاء- هذا شبي رجالج
شبي دتعال شوف شمسويه
لتوكليلي بورك لا يا الله دكليلي كم وحده دااكل فدوه باوعت لمحمود ها شونك اليوم بقه يباوعلي عاكد حاجبه ميرد ويهز برجله بقيت صافن شبي هذا صار فتره خ
شهد- شمدريني خليتله بالماعون محمود كال اني هم خليلي
اي هسه قدمتله عمي جان بالبصره بعده مراجع صارت دنيا ليل صعدت فوك ابدل من ريحه التكلاه شفته دخل للغرفه وتمدد كالعاده ديكلب بالتلفون مهتميت سبحت وبدلت ورجعت ضفرت شعري دشداشتي كيمونه هو ميباوع واني داموت حر واحس كمت اخذ راحتي بوجوده لان ميباوع عليه اخر همه بس بقه ضهري سري الاكبر ماخلي احد يشوفه شفته بالمرايه النعكست وجهه باوع عليه ورجع نصه تنهد بحسره وهز رجله تذكرت كلام بهاء لتخلي يصير عصبي بقيت اباوعله هزيت راسي باستفهام شبيك
شبيه مبيه شي
تقربت منه اكعد عالجربايه نتر كومي منا اريد انام
اي همست تركته هو ميخليني اتقرب منه شسويله بعد فعلا كاشه روحه مني نهايتنا معروفه صارت وسلمت امري لله كمت اغفي فزيت على صوت الونه مالته كمزت باوعتله اصيح بهاء مرد ولا باوع بس يون اباوع خشمه نازف خليت ايدي على صدري يمه خشمك طلع منه دمه باوعلي عصر عينه ولازم بطنه فتحت الباب راسن داروح لبهاء صاح تعاااي عاه-----
وكفت جامده شنو هالكلمه رجعت بلعت ريك فاكه عيني صاح امشي لبسيييي هزيت راسي اي واباوع لخشمه ينزف ركضت البس روبي ورجعت لبهاء اول مدكيت الباب صاح جيت
تعال بسع حباب اهمس خاف عمي يسمع
جيت جيت فتحت الباب وجهه اصفر ها تخريط
ولك طلع من خشمه دم
هاا !!!!!!ركضت على غرفته رفعت راسه باوعتله اصبر مبقه شي هاي كله شي زين ضربته الابره صار عصبي وكام يغلط
هاي شبيك صاح
اطلع ولي من وجهي
بقيت صافن بوجهه باوعت لشهد ايدها على حلكها خايفه طلعت وتركتهم يجوز اكو شي بينهم ميصير اتدخل
شهد- بقه متمدد يتنفس بصعوبه واني واكفه بصفه وايدي على حلكي كال
روحي نامي
اي اي داامشي صاح
تعاي داحاجيج
نعم وكفت كال
كعدي كعدت يمي ببعد كم شبر عالجربايه كوه اجر النفس وجسمي بعدها الرجفه بي بس مكدرت اسكت بعد بلعت ريك باوعت بعينها جانت تسمعني بامعان
عدج شي وي بهاء
ها
عدج شي وي اخوويه
بقيت صافنه بوجه فاتحه حلكي دمعت عيني عرفت معنى الكلمه الكالها قصده عدي شي وي بهاء هزيت راسي نزلت دموعي لا والله بلعت ريك اول مره واحد يتهمني بشرفي بقيت اباوع بعينه يباوعلي بغضب وممصدك الداكوله
اني دائما اشوفكم تسولفون سوه وتتبشبشون
بلعت ريك اساله عنك وعن مرضك كحيت صوتي بده يغيب ويرجع
هزيت راسي دكومي نامي همست
بقيت كاعده اباوع بعيونه ---محمود
التفتت عليها اول مره تذكر اسمي نعم
ليش غلطت عليه اني بت عمك مااستحق هالكلمه
نصيت راسي اعتذر من اتوجع انسى واكوم اخربط
هزيت راسي وكمت من يمه رحت لفراشي شفته تمدد درت وجهي عالكنتور فاتحه عيني اباوعله بالمرايه فتح عيني دار جسمه صفح شافني داباوعله مشال عينه بقه يباوعلي نضرته تقهر اعرف ليش ديحس هيج لان ديحس بنقص متاكده بقينا عين بعين لحد ماغفيت
محمود- كلشي بريء الكاه بين رموشها المكحله وبالعسل اللي بعينها المشخطه عسلي وداخل البوبو مشخطه جمال بسيط وبريء اني كدامها شيطان غفيت من غمضت عينها حسيت الصبح على دكه بهاء للباب فزيت اباوع زنودها مبينه فتحت عينها رفعت راسها كتلها
تغطي زين غطت راسها فتحت الباب ها بهاء
يله كوم تره ب8الا ثلث
اي زين كعدتني نزل واني بدلت شفتها كامت بدلت ونزلت ورايه بهاء دياكل جاي وجبن باوعتلي
اسويلك بيض
لا بس صبي جاي
اوك كمت ماباوع لبهاء من عرفت يشك بيه مرت عمي بعد عشر ايام تجي شايله هم شكبره لطبتها طلعو ورحت لامي بقينا نسولف ونضحك ايمن اليوم طلع للشغل اشتغل جمبر جكاير لان ميكدر يتحرك زايد لحد ميطيب كسره زين بقيت اسولف وياها خلتلي حنه بشعري جنت اموت على ريحتها وكت الغده رجعت بعدما سبحت ببيت اهلي رجعت راسن حضرت غده عمي طب عمي من البصره ركضت عالباب جنت حيل مشتاقتله تعلمت من يجي اركض عليه ابوس ايده وراسه شم راسي يضحك ولج مخليه حنه بيج ريحه امي هالبنيه مصصره تذكرني بامي
هههه اي عمو اليوم خليت حنه
ها لعد الولدمجوي
لا عمي بعدهم
زين ماعدج شي توكلين عمج يبسنجت معدتي من اكل المطاعم
صار عني مسويه كبه حلب
ايباه عاشت ايدج كليلي
كليتله وطب محمود كال السلام عليكم التفت اضحك هلاو اجه عمو
وشبيج فرحانه
ها لا جيف اجه
مممم بيها الخير وينه
بالهول متمدد
حتكلين اني هم حسبي حسابي
صار كليت ووديتلهم اليوم مااجه بهاء كال عدي شغل ابقى بالمستشفى بليل يله ارجع واحنا كاعدين نشرب جاي وره الغده وعمي ديحجيلنا عالبصره كاعده بصفه وايده على جتفي ويسولف دك تلفون محمود الجان يباوع على شعري لان فالته وهو يضوج بس بهاء مموجود واني مدااسوي اكل فمعجبني اشيله ومو كلشي اسمع كلامه هم عدي شخصيه اني رد عالتلفون مستغرب
الو منو
الوالو اي بلي اني ابن عمه لا لا صدك هههههههاي كذاب والله لزمت ايد ابويه واني احجي بالتلفون هاهي رحمه الله والديك ااي ايي هسه رايحله في امان الله سديته جزجريت قميصي الشامره عالقنفه البس يابه حضر ذبيحه اضحك فرحان
شكو وكفت شكو ولك
باوعت لشعد وكفت وي ابويه تباوعلي مستغربه
يابه غسان طلع من السجن عفو عنهم عفو عام رايح اجيبه لتكول لعمي خلي يتفاجا
لالا تتشاقى ي ا اللللله دخيلك يابو فاضل والله البارحه نخيته اخو زينب هذا ميردني
شهد- خليت ايدي على حلكي وعيوني تجري مداصدك الف الجمد لله ربي لبست ركض صاح وين رايحه
لاهلي
لالا من اجي نروح ماريد يدرون اباوعلها طاير ركض اخذت السويج ورحتله للسجن الخابر واحد من الضباط الرشيناهم بوكتي من جنت مسجونكتله دير بالك عليه واي شي اني اجازيه وفعلا اتصل من عرف بالعفو رحت للباب شفته طلع وي واحد ضخم مخلي ابده على كتفه مبتسم صحت لك غسااان باوعلي مستغرب وابتسم---
