رجعت للبيت بعدما فريت نص المنطقه بله ماحس عروحي ماريد ارجع ماررريد اشوف احد ولا ريد اضلم احد بس اللهفه وين اللهفه بكلبي خاف اكو احتمال ولو واحد بالميه اشوفها بالشباك بقيت امشي لحد ماصارت ب1الا ثلث دك ايمن عليه
ها ايمن
انت وين
بالمنطقه جاي
ديله ياب دنقفل
جيت جريت نفس وسديته ابويه ضل باله رجعت طبيت للبيت فوتت السياره ونزلت رفعت راسي على الشباك هم تحركت البرده اخ يابه كلبي بوكت كمت احس مابي نبض رجع دك من جديد غمضت عيني وطبيت وصلت باب المطبخ اللي يجي بعد الطرمه لكيت ابويه يباوعلي وكفت احس من عيونه يكولي شدتخربط نصيت راسي كال
تعال يابه تعال
بقيت منصي ولحكته بخطواتي الثكيله طببني بهول بيتنا الجوه وسد الباب
اكعد خل احاجيك
صار همست واعرف راح يعتب جريت نفس وكعدت كعد كدامي
الله بالخير
هله يابه الخير بيك
يابه شنو سالفتك من البارحه مو على بعضك
لا يابشوي ضغط الشغل نصيت راسي فركت وجهي بايدي اتهرب من عينه
يابه غسان ابو نرجوسه عائلتك محتاجتك ووكتنا اغبر مو مال واحد يقصر وي عائلته لان راح يجي وكت تندم تكول حرامات مدللت ولا داريت ولا سويت هالشي لجهالي يبقى ببالهم
يابه ليش اني مقصر رفعت راسي اباوعله باستفهام لكيته مبتسم نصه راسه
بابا اني قصرت وياكم
لا يابه ابد لحد هاللحضه جماعتي يحسدوني عليك
بس اني متندم
ليش بويه عليش الندم
بابا لحد هاللحضه اني احس روحي مااخذت كفايتي منكم ومن تربيتكم وتلبيه حاجاتكم بابا وكتنا صعب يله تدبرها وي عائلتك الحلوه الهادئه البسيطه ابابيل بت اصل ووكفت وياك بالرغم من امكانيتك الحمد لله بس تشوفها هي التخبز وهي تسوي مربيات وهي تسوي طرشي سبعه ام بيت
نصيت راسي عرفت قصده
صح لو لا وليدي
اي يابه ممقصر عليها بشي
راح تقصر يابه راح تقصر
خله ايده على رجلي وكال
يابه اكو امور راحت وي وكتها وصدكني انت متوقع انك اذا رجعت لذاك الوكت وصارت مثل ماانت راسم راح ترتاح بس ربك وحده اليعرف عسى ان تكرهو شيئا وهو خير لكم
هزيت راسي اي يابه
لاخسر حبايبك وليدي وانتبه تره الروح تتحمل تتحمل وكلمن عده طاقه وبعد ميكدر يتحمل ينفجر
هزيت راسي اباوع بعينه اعرف قصده على مرتي جريت نفس بحيره دمعت عيني وعيني بعينه كال
شبيك يابه شاللي ماذيك مو مرتاح وعايش حياتك وعائلتك ليش تنتكس
يابه اني نصيت راسي خنكتني العبره بلعت ريك بصعوبه منزل راسي رجع خله ايده على رجلي
شبيك بويه
يابه اني معايش باوعتله احس نار تطلع من عيني بس بله دمع نصيت راسي جر حسره وسكت وارتجه كاتف ايده يباوعلي حاير اباوعله وانصي وارجع اباوعله وانصي اخجل من عينه كال
يابه انت رجال واني مربيك وواثق منك انك مراح تضلم احد سوي اللي تشوفه صح
جر نفس وكال كوم اصعد لبيتك كوم يابه
وكفت منصي همست تصبح على خير الحجي اختنك ببلعومي هي عبره وهي حسره وهو خوف والم وحيره صعدت بخطواتي كوه تشيلني رجلي طبيت للبيت الفوك اختنننننكت حيل ذبيت السويج عالميز البيت اضلم وريحته تخبل نرجوستي نايمه بالجربايه مالتها وابابيل نايمه عالسرير بقيت اباوعلهم احس روحي استعجلت من تزوجت كعدت على طرف سريري صفحتي خليت ايدي على راسي نزعت هدومي ونمت بقيت اباوع عالسكف يابه هالسكف شكد جنت اباوعله من جنت احاجيها بس مجان هيج مزين بسقف ثانوي وثريات جان بي رطوبه بس جنت اشوفه يخبل من تحاجيني بالتلفون غمضت عيني ويامن يجيب النوم رجعت كعدت عفيه هالروح شكد لابت جريت باكيتي وطلعت للسطح افتراباوع عالسطح بعد مبنينا صار بعلو سطحهم جريت نفس اباوع عالحايط الجانت تباوعلي منه هي فوك واني جوه صرنا سوا سيه سبحان الله نفس الحد اتخيل لو مثل قبل اصير كلش قريب منها لان نفس الحايط والعلو افتريت ووكفت كعدت عالدرج مال السطح العالي سمعت خطوات جمدت بلعت ريك اي هاي مشيتها شوي وهم انسدت باب السطح وتزلجت نفس تزليجه قبل غمضت عيني ارتجيت بحايط النثر الورايه دكيت راسي كم دكه بقيت صافن عالكمر والنجوم غمضت عيني وصارت صورته قبل يومين بباب بيتهم. بمخيلتي رجفه حنكها وعبرتها دمرت كياني فتحت عيني وطبيت للبيت نمت غمضت حسيت بال7عالمنبه بس ابد عبالك مغافي كمزت ابابيل باوعتلي تبتسم واني مالي خلك حتى افتح عيني تقربت مني باستني من خدي
حبيبي تتريك
لالا بس حليب حميلي بلاعيمي
لا موزين الله يخليك هسه اسويلك بيضه شرب وي الحليب الدافي
كيفج همست وصدري وبلع مي مقققبط للاخير تقربت من نرجوستي تبتسم تاشرلي اشيلها شلتها حضنتها باوعت بعينها تبتسم بفرح شعرها يخبل مكفوش ومرتب مثل شعر ابابيل اباوع عليها من الجام الفاصل بين الهول والمطبخ تركض منا ومنا جسمها غزال وشكلها محبوب وام بيت وسبعه وصغيره وشايله جمال عمره ميكبر ونرجوسه بيدي شايلها. شليي ناقصها وادور غيرها خطيه مو كافي شبعتها ضيم وعمري مسمعتها حجايه حلوه اخ ربي اني الناقص اني اني الناقصني روحي الاخذوها مني غصب فتت للمطبخ كعدت خلت كدامي البيض فلسته وملحته بقه بس تخلي بحلكي باوعت بعينها هزيت راسي هاهي عاشت ايدج اني اكل
ههه بالعافيه هذا حليبك كعدت كدامي توكل نرجوسه وتباوعلي تبتسم
شبيج باوعتلها بحيره
مابيه شي الصباح اللي اصبح بي بوجهك احلى صباح يصير
ههه نصيت راسي عالاكل رجعت رفعته بلعت ريك ادري بيها تعرف باللي ديصير بس تسوي نفسها متعرف غلست وي تغليستها كملت وطلعت للشغل وصلتني وفوتتني من جوه القران مثل كل يوم صعدت بالسياره وطلعت من الطرمه شفت سياره كامري طلعت من طرمه بيت عمي مو سياره بهاء هاي بهاء عده كورلا مشيت وراها اريد اشوف منو الديسوق عمي حسيت سرع مشيته بلعت ريك هاي هيه معقوله تسوق سياره كبرانه وردتي طلعت من طريقي ومشفتها بس من حركه السياره تخيلتها هي ---رحت لشغلي التهيت نوعا ما بس تفاعلي بالعمل مو نفس حيويه قبل وكلسا احس كلبي يدك سريع من اتذكرها ببيت شهد لو بباب بيتهم رجعت لبيتنا بليل وهم رجعت رفعت راسي البرده تحركت لو بس تشوفلي شكلها حموووت واشوف عيونها صعدت فوك تعشيت شون مجان وتمددت منايم البارحه اريد انام اباوع لابابيل تباوعلي باستفهام اعرف عيونها تكولي شنو متريدني ممشتاق لجسمي ممحتاج كرجل غطيت راسي ماريد احد يطلب مني شي ثواني وغفيت حسيت بحركه الفراش فتحت عيني ابابيل نامت بصفي بقيت مااتحرك على اني نايم بقيت ساعات بدون ملل افكر بيها مغمض عايش وياها نفس خيالات قبل زوجتي وام بيتي وام جهالي لحد ما خنكتني ابابيل بحضنها مع العلم برهاوه ايدها جانت حاضنتني من وره بعدت ايدها ووكمت من فراشي لبست شحاطتي واخذت تلفوني والباكيت وطلعت للسطح ضويت بالتلفون فتحت باب الغرفه اللي عالسطح وطلعت باوعت للسما مغيمه اليوم بقيت افتر بالسطح اريد اسمع خطواتها وادخن ماكو صوت اباوع الموبايل ساعه 2 جريت نفس رجعت طبيت ونمت بس ممرتاح يوم يومين عشره هاي كلها مشايفها ولا سامع خطواتها واني عايش بعذاب البرده التتحرك وياها روحي تقربت من ابابيل بس ارضيها اخلص من واجبيي وبعدني بعذابي لحد ما كام الليل يخنكني مااكدر انام واكضيها بالمكتب نايم عالقنفه والموضفين يكملون الشغل عني بده الشغل يترده واني مغلس تعبان من كلشي لحد ما حان الوكت نفس كل يوم دااتمشه بالسطح واسمع شي وكع بسطحهم طابوكه او اي شي جمدت تقربت من حايطهم مخلي اذني ومغمض عيني سننطه صارت وعبالك اسمع نفس لو اني كثر مدااتخيل والله مادري بقيت اتصنت كحيت وجلبت الكحه اكح واباوع على باب الغرفه خاف تكعد ابابيل على كحتي وارجع اريد اركز هذا نفس لو متوهم سكتت بلعت ريك. بقيت مركز بديت اسمع شهكه بهدوء وجره نفس بعد البجي تبين--- شبيه طاقه خلصت هاي نفسها تذكرت من خابرتني تبجي بيوم العرفت عدي علاقه بايلاف كعدت ورجيت راسي وضهري عالحايط البيننا ادري بيها وراه غمضت عيني كمت ارجف ودموعي جرت خليت راسي على ركبي وحضنت روحي واشهك شهكتي علت واسمع شهكتها وره الحايط كطعتني كلما احس روحي قويت وكبرت يمها ارجع طفل وانسى كل سنين عمري هناك ورج التلفون مخلي صامت من انام لان نرجوسه تفز اذا دك جريته بلهفه واباوع بالشاشه رقم غريب بلعت ريك قربت اذني يم الحايط بعده النفس وجره الشهكه بس بهدوء رديت خليت اذني عالتلفون الحجي ميطلع نفس النفس والشهكه غمضت عيني واحاول اشبع من نفسها مكدرت تحجي ولا اني الكدرت انطق دقايق 3 اربعه واني وياها على هالحال واخيرا همست بعدما هدا نفسها المليان شهكه
همست قسان
صدك انهد حيل لزكت التلفون حححححيييل باذني وابجي ضام راسي بحضني تبجي ويايه اسمععها اسمي من كالته رجعت تذكرت من جانت طفله واخذها بيدي للمدرسه كل مو قف وكل ذكرى وكل موعد تذكرته واخر موقف بيوم زواجها والسجن وشصار بيه متت بس عايش كلبي كمت ماحس بي وهسه رجع دك كوه سكتت سيطرت على روحي وبعدني اسمع شهكتها من وره قساوه الدنيا همست الو رجعت كالت
قسان ورجعت بجت شوي وسكتت ورجعت كالتها كلما تذكر اسمي ترجف روحي وابجي وياها همست
ياگلبه انتي شهكت ابجي ياعمره الفايت ياعذابه احجي بعد لخاطر الللله احجي وابجي
لتبجي
مااكدر مو بيدي كمت اضرب على فخذي
لخاطري همست اشهك لخاطري
اويلي على خاطرح اويلي يا اللله كمت ارجع راسي واضرب بالحايط
قسان
عمره جريت نفس ومسحت وجهي تيشرتي تبلل من الدمع من يم الركبه احجي بعد
شكول كلتها وكمت ابجي
غمضت عيني ارتاحيت احس طلعت القهر اسمعها تبجي واحجي وي روحي عوفها تبجي ترتاح سكتت سحبت نفس همست باالتلفون
اشوفج؟
لا عفيه كمت اشهك من جديد
بس شوي كلتها بتوسل ودموعي تجري كافي كطعتيني سمعت صوت الطابوكه يا الله نفس لهفه قبل من جانت تصعد واسمع صوت صعدتها عالطابوكه كلبي راد يوكف وكفت راسن تقربت من الحايط رفعت راسها نص وجهها بس عيونها وكصتها عيونها دم ضوه الكمر مبين الدمعه البيها تقربت مسحت دموعي ضوجتني غوشت عيني بس بسرعه تطلع غيرها وترجع تتغوش الصور تقربت من الحايط كلش الفاصل البين وجهي ووجهه بس الحايط عيوننه متشابكه والتلفون باذني واذنها نضرتها الكلها الم ونضرتي الله اعلم شونها تعب كلبي بقيت اباوعلها ارجف تنصي تمسح بعينها وترجع ترفع راسها
بس باعيني لتنصين خل اشوفج
ارفع راسي وارجع انصي امسح عيوني
همس بتعب لتنصين لخاطر الله
هزيت راسي اي توها عيوننه تتحاضن واخيرا وضحت الصوره واسمع طبه وكسره شي جوه عده فزينا من حلمنا التفت فاز مستغرب رجع باوعلي كال
بس دقيقه لتروحين لتروحين يمشي وياشر بايده لتروحين جايج بس طب نزلت راسن وطبيت ابجي اتخيل مرته يمه
- طبيت للبيت مخروع اشوف شنو التكسرشغلت الضوه مال مطبخ لكيت ابابيل كاعده بالكع تبجي وبيدها سجينه بلعت ريك خفت اقترب منها ايدها كلها دم تباوعلي وعيونها نار من الدمع اباوع المطبخ كله مواعين مكسره تقربت منها شنو شبيج شكسرتيباوعتلي بكره تريد توكف متكدر ايدها تكطر دم
شبيها ايدج شو
دفعتني بقوه وكامت تضرب على صدري غمضت عيني عرفت شافت كلشي رده فعل ضرباتها رجعني ليوره للحايط ارتجيت مغمض عيني ورخيت جسمي مااعرف شسوي خليها تطلع قهرها ضربت لحد ما تعبت وخلت راسها بصدري تبجي فتحت عيني جريت حسره كعدت عالقنفه اللي بالمطبخ وجريتها لحضني ساكتين وهي تشهك واني الحقير سكران بحبي الاول رفعت رلسها تباوعلي وعيونها كلها دمع اول مره اشوفها تبجي وخرت كدلتها من عينها ومسحت دموعها
حتعوفني مو
سكتت نصيت عيني
ضربته احجييي حتعوفني مو هذا الدتفكر بي انت وياها
لا والله بلعت ريك اول مره اشوفها والله وحدنا
وهسه شنووو كللي بعد هاللقاء شحيصير كمت ابجي واشهك
اباوع على ايدها شبيها ايدج الدم ترس تيشرتي
عوفها خرب حتى ايدي
ابابيل الله يخليج خليت ايدي على راسي وقدمت جسمي لركبتي
احجييي والنبي محمد لا اروح اكول لاخوتها واخليهم يطيحون حضها ام السطوح متستحي
متحملت لزمتها من ركبتها دير باللللج تحجين حجايه لخ ضربت على صدري هااااي عرضي فهمتي
واني شنووو بت شارع فهمني
حس مااسمع باوعت بعينها برطمت ابتعدت عني وراحت ركض للغرفه فتحت الكنتور اباوع من شباك الغرفه اللي عالسطح خاف دتشوفنا سذيت البرده بس تعرف بالديصير اكيد بعد حتى مااسمع صوتها
ابابيل دتسوين
اروح لتهلي شعدي باقيه وانت ابقى وي ام السطوح
كتلللللج لتحجييين حجايه وحدددده صحت بعبو صوتي المزهريه اللي عالميز كسرته التفتت تباوعلي ذبت الجنطه من ايدها ونرجس فززت تصرخ من شافتنه كاعدين سكتت بقيت اباوع هاي اللي راح توكع بيها جريت نفس كالت
لو اني لو هي نترت بي
باوعتلها ونصيت مااكدرنصيت راسي
شنو المتكدر احجي
مااكدر اعوفكم ثنينكم
شنوو لا والله ولك اني حرت شسويت وهي متزوجه وتنام بحضن رجلها
تقربت منها ركض جريت شعرها بقوه اسكتتتتتتي
بقيت صافنه عليه صار يخوف بلعت ريك انت حتعوفني
ماعوفج
حرت شسويت الك دلال وحب ورومانسيه وجنس واغراءوانت ها شويه تفاعلت مو النوب موجوده بحياتك بعد متتقرب مني
بقيت اباوع بعينها نصيت راسي نرجسه مثل الفراشه اعرف بيها اذا حست روحها ذتاذي احد تبتعد بقيت ساكت منصي
غسان باوعتله فاصل من الدنيا
فزيت رفعت راسي
لو اني لو هي
بقيت ساكت نصيت راسي
هاهي عرفت خيارك جريت الجنطه كمت اخلي الخدوم بيها هو صافن على نرجوسه والهدوم من دااخليها اخر شي جر الجنطه كال
متطلعين
الوش باقيه بعد خراع خضره
لخاطر نرجوسه
اربيها وادللها ببيت جدها وانت عيش حياتك
حتعوفني من ترحين بجيت
مفتهمت التفتت عليه شفته مخنوك بعبرته ومنصي مثل الطفل عينننا
شنو كلت
بلعت ريك ضربت على فخذي بس تطلعين تتركني بعد حتى تلفون متخابر
وانت على مو هالشي مبقيني ومتريدني اروح هذا تعبي كله مبعينك خرب حضي اي والله كمت ادك على رجلي شو هذا كعد على ركبهه يبوس بايدي ويبجي
الله يخليج ابوس ايدج ساعديني لج ابابيل مادرين شنو من عذاب تعذبته ولج كمت اضرب اي بايد وابجي لج ربيتها على ايدي بايدي اوديها واجيبها ولج من جانت بكد بنتج اني احبها الله يخليج ابقي والله كلها تنكلب ضدي
بقيت صافنه عليه
الله يخليج منصي وابجي ولازم ايدها احجي بخنكه واكح وابلع ريك تدرين من تزوجت اني بالسجن والقران طلعت روحي. شهور اني مانام شهور نار بصدري لحد ما حسيت روحي متت لج هذا كلبي احس كام ميدك ماااات كمت اضرب على صدري مات بس من شفتها رجع دك اباوع بعينها تبجي ويايه كعدت عالجربايه وجرت راسي لحضنها اباوع بوجهه وارجع اخلي راسي بحضنها اشوف شحتكول راح تقبل لو لا
شتريد مني بعد اذا تحبها هلكد
بلعت ريك اعرف بيها متاذي احد واهلي حينكلبون ضدي اذا ماراحو حاجوها تعوفني
غسان تعبانه والقران
والله اعدل بينكم
انت شدتحجييييي دتكولي تتزوجها يعني ووتوقع اتحمل يعني انت تتحمل اني اتزوج غيرك اباوع بعينه بحيره اريد رد
يعني تردين تتطلكين مسحت دموعي كمت كعدت بصفها
يعني مستعد تطلكني وماعدك غيره اذا اخذني غيرك
اني مااعرف شدااحس نصيت راسي لزمته بيدي بس طيني مجال خل نكعد نحجي بهدوء
احسك طفل صرت
باوعتلها ودرت وجهي جريت الباكيت ورحت للمطبخ لحكتني لمت بالكزاز اباوع ايدها شك شكبره
ايدج
باوعتله ممهتمه شكد خايف عليه
بلعت ريك لخاطر نرجوسه لازم نكمل سوه
هزيت راسي باوعتله متحلفه مو مشكله
شنو قصدج بيني وبين نفسي جنت خايف منها كلش
مااقصد شي سوي اليعجبك
بقيت اباوعلها نصيت راسي التفتت عالبراد شربت مي ووكفت اغسل وجهي بالسنك باوعتلي غسلت ايدها نزعت تيشرتي ذبيته كله دم مشت كدامي للفراش مشيت وراها دكه كلبي اليوم تختلف كلسا اتذكر عيونها واخدر يا الله بحيث ماريد افكر بابابيل وشدتحس وتروح الاحساس ضليمتي الها نمت بررراحه واخر صوره كانت لعيونها ابتسمت وغفيت كعدت ب10الصبح المنبه داك وخلصانه دكته ابابيل نايمه ونرجوسه عكدت حاجبي باوعت عالفون بلكن داكه بس لا مداكه عليه كعدت عدل جسمي سكران نعسان كلجش دكيت عالمساعد مالتي مهندس رضا كتله اليوم مااجي--- اعرف بروحي خربطت هواي بس اليوم استعيد نشاطي واشوف شسوي مدام ابابيل ضمنتها رجعت نمت للوحده يله كعدت حسيت بكمزه ابابيل من الفراش همست واني مغمض تعاي نامي اجيب اكل من بره ونرجوسه بعدها نايمه ردت اوك رجعت نامت وتغطت تقربت من ضهري حضنتني لزمت ايدها متشكر منها ابتسمت وغفيت------
