نحلان جسمها حبيبتي طانياها كرار مبتسم اني متت بحي شلتها وافتر ريشه صايره هاي التوكع ايدي من الشيل صارت ريشه نييمتها يمي اباوع بعينها هادئه امي بصفي تبوس بايدها
عفيه ماما شبيها هاي
والله يمه مادري شو اني هم كمت اوهس
عفيه ناخذها طبيب
اي اليوم اخذها اني واخوتج. طب ابن عمار الصغير توه يخطي هالفتره كام يتردد لغرفه امي لوجودي واني احضن بي من شاف نرجسه تقرب منها باوعتله ابتسمت ردت روحي كعدته يمه عالجربايه كعدت تريد تلعب وياه بس مبيها حيل مرتجيه عالمخده وتمد ايدها تريد تلعب حبيبتي كمت راسن صبيتلهم اوكلهم سوه بلكن علو واهس يسوري تاكل وفعلا صبيت ياسر ياكل وهي كوه تاخذ تبعد وجهه كلما اقرب اللكمه كوه اكلت اربع لكم طلعت روحي وراها وكلتهم لبن والله شوي اكلت عبالك صار بيها طاقه للعب شوي احسن بقيتهم سوه نزلت مرت عمار تضحك كالت خلصت منه من جتي نرجس ابتسمتلها ضلت تباوع لنرجس
اكولج مخنطله مو
اي
اوديها طبيب يشوفها
اي لازم وديها طبيب ويفتهم دتشرب حليب
اي هسه داسويلها سويتلها والله شربت ورجعتت نامت بس حبيبتي مجلبه بردني وغفت مثل التخاف تهدني بيوم شبعت بجي بس مرتاحه لوجودها بقيت نايمه يمها متحركت للصبح حسيت تلعب بشعري مثل قبل فتحت عيني ابتسمت حضنتها ابوس بيها اليوم وجهها احسن
ماماتي كومي ناكل بيضه بيضه شلته رادت تنزل نزلتها مشيتها احسن الف الحمد لله سويتلها بيض اكلته بنهم. اوكل واحند الله نزل يسوري سويتله اله ورجعت سويتلها. وحده لخ رجعت اكلت صار عدها قابليه للعب كامت تسولف كعد كرار جنت ماعده عالميز الملم بي باوعلي بعتب كال
صباح الخير
هلو مرار همست ونصيت راسي ثغره جبيره صارت بيننا واخويه فقد ثقته بيه للاسف مديقتنع اني مطلعت من تربيتي
- بيج حيل تسوينا ريوك
- التفتت عليه ابتسمت تقرب مني بقه يباوع بعيني
- اي شفته واكف على راسي يريد يحجي ادري بي واني مالي خلك وعيني على نرجوسه. بالطرمه تلعب وي ياسر
- مرتاحه اليوم احس اكثر من البارحه
- الحمد لله ابتسمتله احس اريد ابجي من احاجي تخنكني العبره ونضره العتب بعيونه مدمرتني جريت نفس خليت الاكل واكلنا بهدوء يباوع عليه وياكل اخر شي نطقها
- ليش هيج سويتي مداصدك لهاللحضه
- كرار اني مغلطت برطمت خليت ايدي على عيني مجرد احتاجيت احاجي شخص
- واني وين رحت مو ميت مره كايلج بس تتضايقين تلفون يمج
- ردت احد ماعرفه احجي براحتي وينسى الحجي وامسح كلشي
- وهالشخص اقرب من اخوتج بلبل اني اخوج وبمثابه ابوج
- اي والله هيج احسك مسحت دمرعي جر راسي حضنني وباسني من راسي ارتاحيت للمواجهه وخلصت بعد عمار ولو خطيه كلش متسامح بس هم شايله هم
-
نرجوسه بيومها ماخذناها دكتور محتاجت استعادت نشاطها شوي شوي الحمد لله وتصالحت وي عمار كضيت ايام العده براحه لان نرجس يمي كم مره اجه ابوها عليها يطلعله كرار شايلها ---
غسان- ببا تعاي حبيبي يمي
هي تشوفه تصرخ صراخها يوصل للغرفه حتى متنطي مجال يبوسها مره الثانيه اجه جايبلها لعابه وهم متقبلته بس ايمن مره اجه وي نور ركضت عليه وكعدت وي نور بغرفه ابويه ساعه ونص شبعت منها ضحكنا وسولفنا وحجتلي عن نرجس مرت غسان مع العلم ابد موهاميني
ولج غير وراج صارت ام بيت بس شنو تقريبا شهر الاكل مالتها يصير للبزون لان محد ياكله هسه عاد من كامت تجي شهد تتعلم منها وشوي ارحم بس لج عيني هدوم غيان ولا تكويها جايفه جايفه كتلتني الطرمه لو توذذن متمد ايدها عليها اني بين يوم ويون اغسلها وخطيه خالتي متقبل تكولي يمه بطنج شعلاتها
--
_عمي شونه
-
زين والله بس بعده ضغطه يخربط قبل كم يوم يله تصالح وي غسان
- الله يهديهم مشتاقتله هو وخالتي
- والله هي هم تشتاقلج بس تعرفين عمي متكدر تعوفه
- هاهي الحمد لله
- الحمد لله اني بعد سبوعين اقبط سبعه
- خير انشاء الله دير بالج خاتون تره مو فارغه الحركات الجننه نسويها لتسويها
- ولج وين الي واهس وام الحيويه راحت من بيتنا ولج عيني تعاي سمعي اللواكه من الصبح ايييع تلعب الروح
- اي ليش ماعرفها
- اسكتي شاكتني عمو حبيبي اصبلك جاي خاله خبيبتي اسويلج بيضه ولبسها يخزي والله ليمن كام ميطب بس بليل من هي بغرفتها
- ها
- والله. لج تلبس ستريج جسمها كله مطبع وهي جنها سبونج بوب
- ههههاي خرب يومج نور متجوزين كومي رجلج ديصيحج
- اي اي جيت يله باي ايمن سلم عليج هواي ولو ماميصير يشوفج جان طبلج للغرفه شوكت تكملين العده
- بعد شهر
- خير انشاء الله ديله حبيبي باي
- مرت ايام واني مرتاحه كلش ايمن كل اسبوع يجي ونوبات شهوده وياه
-
تجيب جواد وتجي كدرو مره ياخذون نرجس جابوها وره ساعه فاحطه كالت موتتنا مخلت حتى ابويه يشيلها مجلبه بايمن وابوها بس صافن عليه متقرب
- يو ليش لج جدو يحبج
- يابه تكبر وتكوم هي تجي باعي حبيبه هاي شهريتهع ودير بالج عروحج وعفيه خابريني دائما اني استحي خاف عدج شي
- لا والله ماعدي شي خاف محمود موجود واخابرج اخجل انتي من يصيرلج مجال
- اوك
- بقيت فتره العده بالبيت كاضيتها صلاه موعد سفر كرار تقرب وتقرب مني هالفتره اكثر شايله هم من يسافر شحيصير بيه عبدالله كام ميفوت للبيت كوني لازمه العده انسان محترم لو نا زغاويله القديمه معليه من جنس ادم بعد ابد عيشتي لبنتي بس عرفت نرجس حامل شهوده كالت والله فرحت لان من كالت نرجس بنتي متقبل يقترب منها انعصر كلبي شون ميكون ابوها شلت غسان وايامه من بالي كعدت وي كرار مثل كل يوم بليل
- اي بلبل شناويه
- ها خويه شناويه
- حتخلص عدتج واني وره العده باسبوع موعد سفرتي
- جريت نفس شبيه اني مرتاحه
- ورده شبيج بس مناويه تكملين دراسه
- بقيت صافنه ونرجس
- شبيها نرجوسي امي موجوده ومرت عمار
- استحي اطلع
- لااااا هنا تخاربنا مع الاسف عليج باعي انتي معناها حتوكفين حياتج لان غسان عافج
- لا والله اخر همي هو
- خلللص اعتبري نفسج متزوجتي ونرجس هديه من الله
- اي
- اي تكملين كليه نقدملج
- معدلي قليل ياكليه تقبلني
- اكو اهليه يابه بس كوليلي الج خلك
- ابتسمت نصيت عبالك اخاف اشوف عالم
- لا هاي كعدتج مال عده هيج سوت بيج بعدها تصير سهله حتى نرجس من تكبر تفتخر بيج
- هزيت راسي اي اكمل
- عفيه عليج الخميس انشاء الله نروح لابويه وتزورين النجف ونبات بكربلا شوي ترتاحين ومن نرجع الاحد نروح نقدم
- اوك ابتسمت عمار يباوعلي مايد كلامه كال
- انتي لتشوفين نفسج عاله لو دتكلفيني هو شغل ابوج ودينصرف للبيت كله لتشيلين هم مصروف
- لا ادري بيكم متقصرون نصيت راسي رجعت باوعتلهم ابتسم حسيت روحي جاهزه هزيت راسي اي اكمل كرار باوعلي عينه لمعت جرني حضنني باسني من راسي رفعي راسج انتي اخت كرار عوبه والانسان يغلط مره لان معرض للغلط مو معصوم بس من يكرر الغلط هذا غبي ومصر عالخطا
- صح هزيت راسي ابتسملي عمار جريت نفس براحه وين اني عن هالاحساس كضيت اخلى سنين مصارعه الا اخلي يحبني من امددايه والله كملت عدتي وفعلا زرت وقدمت عالجامعه واجه موعد رحيل كرار تدمررت دمار يومين بس ابجي قبل ليروح جابلي جهاز حديث وكاللي بنتره يووووميه تطبين تخرطين الي تخابريني فديو ونضل نسولف اني وامج ماريد بالي يضل يمج-- جنت مقهوره لان مديقبل يتزوج خطيه مع العلم عمره 33 امي حاولت لحد ماعجزت عنه واجه الدوام وداومت جانت اصعب لحضه عدي من شفت عيون الجوارين تباوعلي متت خجل احس روحي مكسوره بس اخوتي ويايه الحمد لله بلشت تقديم على كليه اداره واقتصاد بالتراث اول ايام صعبه مستغربه بعدها تعرفت على بنيه شوي بدت تسهل عليه عمار الصبح يذبني ويضل يوصي بيه وارجع وي الخط
سلسبيل متركتني يوميه نسولف بليل يوم بيومه ومرت تمرلي للبيت تتغده يمنا لو تتعشى وتحجيلي عن الحارث
- ولج عفته سبوع كمت احوص شتاقيتله تدرين شون رزن من يحجي وتدرين بيه ماحب تلطلط
- اي تالي رجع خابر
- لااا نزلت صوره عالفيس علق عليها واني ممصادقته بس طب لصفحتي وعلق عالصوره كاتب والنعم بالله مانت صوره عالحمد بالله وهالسوالف
- اي تالي
- شتالي هاذ هو هاي قبل يومين واخر مره راسلته قبل سبوه بس كلمه باليوم مثلا ادزله صوره نكته او يدزلي صوره حديقه حلوه وهالسوالف سافر قبل فتره ورجع
- اي تواصلي وبا
- لج اروح اتعلق بالزايد هذا جبير عليه ولو شفت كل الشباب زعاطيط بعده عالرزانه والثكل الشايلهن والجديه
- ها ولج فار راسج
- اسكتي180درجه
- لعد حاجي ولج مخسرانه ووهو راد منج بس كلمه انج توافقين عليه اذا تقدم
- ولج مورجعت راسلته هو مفتح موضوع وشنو معناها من رجعت راسلته معناها اني قابله بس هو مسوي روحه غشيم
- ميخالف ذبي لكط
- شكوله تعال اخطب لا ماريدعيني
- يابه يطبج هرشي ابقي وهسه تلوف عليه وحده وياخذها وذنه جيل هالوكت لوكيات تعرف شون تلف راسه وانتي ابقي بالعيب مالتج
- هاا هيج تمولين
- الرجال نطاجياها من الاخير معجب بيج كالج واريد ادز ناس كمت تجرين بروحج شنو
- ولج مجريت خجلت خرب عمي والله خجلت ميصير وحده تخجل
- لج غبيه هو قابل شاف وجهج هو عالتلفون وانتي انلصمي عباله اخترعتي من عمره وهو شايف روحه جبير وانتي بعدج صغيره استهضمها
- سوده عليه
- دكومي روحي عاد عدي امتحان باجر
- اي يابه ليش لعد ديله باي باجر اخابرج
- باي تعاي نرجوسي خل ننام ماما حتى باجر اجيبلج نستله حضنت بنتي ونمت
- سلسبيل- رجعت للبيت راسي افتر صدك تاخذه غيري النوب بس افكر بي اباوع عالواتس اب متصل. خرب عمي اي اكيد راح من ايدي هاهي دزيت هلو راسن رد
- بس دقيقه مكالمه عمل
- اوك بقيت انتضر واني ممصدكته شوي ورد الو شعجب
- هلو شونك
- زين الحمد لله
- شو من رجعت من السفر بعد متصلت
- والله الشغل مكوم وملتهي عادي اخابرج عيني تغوش من الحروف
- ها اي عادي راسن دك واني اريد اشجع روحي وحجي بلبل براسي رديت وره كم دكه الو
- خو جان كتيلي لتدك اذا متردين تحجي
- لا مو جريت نفس
- هه شبيج
- لا هيج بقيت ساكته
- اي شونج
- زينه الحمد لله
- سيارتج شونها
- ماشيه الحمد لله
- تدرين صار كم شهر مسامع صوتج بس كم رساله نتراسل باليوم
- اي صح هه
- حقج تستغربين
- اي ههه
- شبيج شو مو بطبيعتج
- لاعادي جهالك شونهم
- زينين الحمدلله حصير جد عن قريب
- عالخير بس خطيه
- ليش خطيه منو بنتي
- لا انت
- ليش يعني جيف جد
- اي بعدك صغير وسووك جد
- هاا ههه اني مو صغير جريت نفس
- لا صغير بعدك شباب
- همم زين رحمه الله والديج يعني يصحلي اتزوج مو
- ليش لعد عصرت عيني من كلتها خجلانه خرب بقه بس اكوله تعال كرر عرض الزواج
- والله مره وماعدي
- شون ماعدك
- طلكت متدرين
- هاي شنو شوكت
- صار تقريب الشهرين اخر سفره علكت بيننا واني روحي لخشمي حسيت روحي تطمانت على جهالي وكبرووهي مدتطيقني بعد طلكتها باتفاق
-
- زين مرتاح-
- اي كلش مو معلك بشغله
- اممم
- اي وانتي
- شنو اني شبيه
- همست متتزوجين ضلت ساكته احجي
- شكول
- تتزوجين لو لا
- بقيت ساكته خرب استحي اموله غير يجولي ناس بقيت ساكته
- سلسبيل
- ها نعم
- حلو خجلج
- سكتت
- بس كون اشوفج من تخجلين
- نرديت بس نفسي تسارع
- حتموتين ههه
- لا عادي
- ياعادي نفسج كام يرجف
- اايله تصبح على خير
- ماروح
- شنو
- ماسده
- ليش
- ميعجبني اريد ابقى احاجيج
- بقيت صافنه مادري شسوي
- وانتي هم متردين تسدي جريت نفس وينج من زمان صارلي شكد الح عليج ليش هسه يله شنو الصار
- موجوده بس ماعرف اتصرف غمضت عيني
- اي وشون عرفتي
- كعدت وي صديقتي وواجهتها وكلتلي شتصرف
- ممم جريت نفس يبت الناس انتي وحده عينج شبعانه لا دورتي ويايه ماده ولا غير شي واني جيتج من الاخير كتلج اني وحيد رغم عدي عائله واطفال بس بالغربه واني اختنك هناك اذا ضليت اكثر من سبوعين
- اي
- وكتلج اذا اتقدم اهلج يوافقون طلعتي حتى انتي مموافقه نترت لان جبير عليج
- اني مرديت همست بصوت يكطع
- يعني شنو كلتها متفاجيء يعني جنتي موافقه
- اني مممكلت لا همست
- يعني من كتلج وسكتتي مجنتي رافضه ولج
- سكتت
- احجحجججي لتسكتين
- ليش دتصيح تره اضوج
- لج ضيعتي كم شهر لج احس روحي باجر حموت اني وماريد اضيع لحضه وحده وانتي بسكوتج تضيعين الوكت
- بقيت ساكته
- احجي خلص صبري
- شتريد اكول فهمني
- اذا اتقدم قاطعتني
- اي تقدم
- خرب اهلللج متحجين
- قابل اكولك موافقه تعال اخطبني مدااكدر انعجب باي شاب غيرك استحوذت على فكري برزانتك تره مامو هيج بنيه
- ههه صدك انتي هيج
- اي نترت
- لتعلين صوتج اتضايق،
- بقيت ساكته وهو ساكت
-
باعي سلسبيل جريت نفس اني شراب بس مو مدمن عالمزاج وادور نسوان لان ممكتفي بس وعد اقطعه وتعرفيني من اواعد حجايتي متصير ثنين اذا اخذتج اتركها لهالسوالف
- جزيت نفس اوك
- خايفه مو
- لا همست
- لعد ليش احس متردده
- ماعرف منين طلعتلي
- من الفرع هههه اني فرحان
- بيها الخير
- شوكت ادز ناس
- ماعرف كيفك
- ماريد لحضه تضيع هو شبقه بعمري
- تره بعدك صغير
- مراح تتندمين
- لا واثقه من قراري من زمان
- يعني اذا اريد اداري روحي اداريها اعيشلج فد 35سنه
- اي
- يعني وراها تعيشين وحدج
- يجوز اموت قبلك
- اسم الله عليج
- واله العضيم
- يعني ممتردده ولو واحد بالميه
- ابو مصعب
- حارث كوليسلي حارث ميه مره كتلج
- حارث همست اني من حجيت وياك كمت ياهو الاحاجي من الشباب استصغره واحس سخيف مو مثلك
- امممم وبعد
- اي واني من اول احبذ الشخصيه وانت شخصك ممتكرر
- اممم جريت نفس طلعتي تحبيني
- ههه مادري
- واني ميت بيج بس اخجل اكولها انتي اذا صرتي الي شريد بعد من الدنيا حتى صلاه اكوم اصلي
- بقيت ساكته
- احجي عاد مو وكت خجلج
- ياااا عزه بعيني شكول خبصتني احجي واحجي
- ههههههه والله يكون يمي واضحك على ملامح وجهج. من تحجين هيج
- ههه حروح انام نعست
- اوك جريت نفس خاف اسده وباجر هالحجي يطلع كله حلم
- لا مو حلم روح ارتاح مااقبل بغيرك
- اويلي يمممه كون كرصه من حلكج
- حارث
- هاها تجاوزنا ديله ياب الله وياج سديته الفرحه احس رجعتني عشر سنين ليوره هواي نسوان بحياتي بس جانت الماسه المحصلت عليها ثقافه ورزانه ومطيعه وعاقله وجمال جمال وصغيرونه
- ---
- شهد- مرت ايام من رجعتي وبقه محمود يريد حضنني اكثر يخاف ليفقدني وتقرب مني اكثر سلكتله روحي بس صورتها بذاك اليوم دائما تهجم عليه بهيج لحضات مااكدر اتواصل وياه اغمض عيني لحد مايبتعد احسه منرتاح بس مو بيدي شي
- محمود- بس فتحي عينج اني محمود حبيبج
- لا ماريد
- براحتج هاذ هو ابتعدت عنها بعد مانوعا ارتاحيت فقد تفريغ رغبه بقيت اباوع بعينها تكرهيني مو
- لا والله همست والله ماكرهك جان متخبلت من شفت الحبوب
- بلعت ريك يعني ابو ابنج
- لا مو بس هيج اني بيوم من الايام حبيتك محمود مااكدر اكرهك
- شون انسيج
- الايام كفيله تلمست شعره غمض عينه وغمر راسه بركبتي
