غسان- نرجس عن قريب زواجها وايمن مديكول شوكت كل الكاله انها وافقت وعن قريب تسافر عمان يم اخوها وتكمل جامعتها هلكد بيه وجع والم يوميه اكول يمكن اليوم لزمها ويمكن باسها الحارث رغم اذيته الي بالكلام بس ينطيني قوه لدرجه مره ضربني من شافني باحد زوايا الحمام ابجي مكدرت اتحمل دخل ضربني ورجعت ضربته ضلينا نتعارك هو عمره45سنه بس قوي حيل واني ابجي واضرب بي وهو يضرب ويصيح بعد بعد طلع حركتك طلع نارك يامره واني اشدد ضربتي دميته ودماني كعدنا نرتاح يباوعلي ارجع راسي واضربه بحايط الحمام المساجين التمو علينا مكيفين عركه اخر شي دخلونا للسجن انتهاء الفسحه المشكله ماعدي غيره اقترب منه ومشكلتي ماادك ميانه وي اي احد كعدت بصفه ماباوعله التفت عليه يدخن نطاني الجكاره كال
هاك احرك قهرك
اني بهالحاله ردت اسوي اي شي غلط مثل المتعارك استغفر الله مثل اليريد يسوي ذنب. حتى ميحس روحه انضلم من ربه تعبت كثر ماكلت ليش ياربي مو اني ماشي عالصراط المستقيم جريت. النفس كمت اكح صاح
صير رجال يول صيررر رجال
هزيت راسي جريت نفس لخ بلهفه المجنون رجعت كحيت ضميت الكحه واباوعله عيوني حمر ومدمعه هز راسه برضا جرني لحضنه للحضه حسيت بقوه والم ردت اطلعها بهالحضن صح حضنه يختلف عن حضن ابويه الكله صبر وايمان وتقوى بس هالحضن طاني قوه غريبه بجيت شوي وسكتت طفت شبيه جروح كال
اخر مره اشوفك تبجي عيب الرجال يبجي
صار سكتت باوعتله اريد بعد جكاير
هههه تدلل اذا على هاي تدلل
بقه يباوع بعيني انت ممتوفر بهالدنيا بعد والسجن حيخليك انسان ثاني وشغلك ويايه حيربيك ويصقلك غسان
هزيت راسي الله كريم الايام تمر واخيرا امي مرت للسجن من شفتها روحي طارت ركضت ابوس بيدها تباوعلي ممصدكه كعدت احجي وياها وكت الزياره سالتها شخبار نرجسه كالت
تزوجت وسافرت
بلعت ريك بس مبجيت تعلمت اخليها بين ضلوعي هزيت راسي الله يوفقها
الله كريم ماما حبيبي ابوك الاسبوع اليجي يجيك وايمن وياه
خوش شهوده شونها مشتاقلها
اسكت ميته قهر عليك ويوميه تدعيلك
اي يمه فدوه ادعيلي
والله متوكع من حلكي يايوم
يوم راضيه عني شفتها سكتت ونصت راسها
يمه انت معدنك ذهب انت خلاصه تعبي وتربيتي وادري بالله مراح يخذلني بس انت لتترك صلاتك
لا يوم متاركها جريت نفس. يمه محمود شونه
والله مااعرف بس ايمن كال مديصير عده جهال وراحت مرته للطبيب تحلل وطلع مبيها شي واجه خاله اخذه حلل طلع نسبه الذكوره عده صفر
لابربجح فكيت عيني بداخلي هاي القاضيه بعد تذكرت الحبوب الياخذها اكيد من وراها
تالي امه تخبلت وهسه يردون يطلكوها اهلها منه لان ميخلف اول البارحه اجه حجه لابوك ويبجي وابوك بقه صافن يومين بحالته. شيسويله بس خطيه يقهر
ديحي عدنا
اي كل يومين يجي بس شغاديلك عوده وجوه عينه اسود جنه مصاص دماء
بقيت فاك حلكي هذا بس لا يموت راحت امي وبقيت صافن بحاله محمود قهرني ---
محمود- بهالفتره تقربت حيل من عمي والدي ميفهم ودائما بيد الوالده ومردت عمي يكرهني من وره سالفه غسان كمت كلما اختنك من البيت ونك امي اروح لعمي اضل اسولف وياه وهو ينصحني بالافضل نصيحته مجنت اسويها لان اني بعد عبرت خط الاصلاح الحبوب هلكتني ومدااكدر امتنع عنها اي جانب مقاومه مبقى عمي ميعرف بسالفه الحبوب ولا يدخل نفسه خطيه بس يكيف من يشوفني اطب عليه
شهد- طبيت من المدرسه --- هلاو يوم
هله يمه
حوعانه شمسويه اكل احجي وانزع بالحجاب
بدلي ونزلي مسويه تشربايه بس بقت الزلاطه يله بسع
اوك التفتت عالهول مديت راسي واشوف محمود كاعد يم ابويه اوهووو شكد كريه نصه راسه راسن من شافني ياعيني شكد عفيف طلعت راسن بله ماسلم صاح ابويه بنتره
شهددد
نعم يابه وكفت
تعاي سلمي على ابن عمج بابا
رجعت طبيت باوعتله شونك محمود كلتها من وره خشمي رفع راسه باوعلي ورجع نصه هلو شهد هلو
عفتهم وصعدت فوك كبل بدلت ونزلت للمطبخ سويت زلاطه واسمع ابويه يلح عليه يبقى عالاكل واحنا مسوين تشربايه هو هذا وين ياكل هالاكل
محمود- لا والله عمي مااشتهي
لا يابه شون يصير دكعد مرت عمك مسويه شون تشربايه
لاعمي تشكر وكفت وفاتت شهد كالت بابا ماما تكول صبيت تفضلو
محمود- باوعت لعمي اشرلي مبتسم بتعب مشيت كدامه وكفت انزع الحذاء لان المطبخ مفروش بينما الهول لا واني طاب بحذائي من باب الهول الخارجي وشهد عبالها طبيت المطبخ متوقعت بعدني بالباب عمي فاتح المطبخ يفرش بالسفره وي مرت عمي اسمع همس شهد
هو هذا وين ياكل هالاكل مديت راسي شافتني انصدمت نصت فشلانه
ليش موجننا ناكل سوه فد صينيه رفعت تك ح. اجب فريت ايدي طبيت للمطبخ عناد بيها الا آكل شلهت ايدي شفتها جتي صبت الها بماعون وخلت زلاطه وطلعت من المطبخ عمي كالها كعدي ويانا
ام غسان- عوفها براحتها
محمود- هالفتره جانت صعبه عليه رغم هالك نفسي بالشغل وي ابويه ورغم الحبوب المقاطعها بس حسيت روحي بعدما اكتشفت ماعدي خلفه معدوم من كلشي طلكت رفل يمكن هالشي الوحيد الزين رغم العلاقه الحميميه جانت بيننا بشكل يومي بس اي مشاعر ماعدي مجرد جسم وهي هم كذلك اعصابي بدت ترجف قررت من نفسي بعدما كمت اكعد كعدات متواصله وي عمي اترك الحبوب بس يومين وفقدت مكدرت قررت اروح لطبيب مرت الايام ومرحت وفجاه ايمن اندعم عالشارع
شهد- اخر عاصفه ببيتنا هالسنه ايمن وضربته وكع بالفراش الضربه بفخذه انكسر عضم الفخذ من صدك ضلينا بله معيل حالتنا تردت وغسان محد كام يوصلله غيرمحمود و بهاء كم مره وشددنا عليهم ميكلون انه ايمن انضرب والدي تمرض لمرضه ايمن لكيت عمي كل فتره يسوك ويجيب للبيت محمود دائما يمر بس والدي ميتقبل منهم اي مساعده والدتي باعت الذهب لكيت روحي مااكدر حتى على مصروف المدرسه والروحه والجيه واللبس والدفاتر والمستلزمات هالسنه سادس واي ملزمه مااكدر اشتري كمت مااعرف اقره فاطمه تزوجت وراحت سكنت بكربلا بيت زوجها لكيت روحي اترك الدراسه وايمن مر 3شهور ميتحرك من الفراش والدي من مرضه لمرضه ووالدتي كامت تخبز للعالم واني اسوي كيك وفطاير ويشترون مني حالتنا تردت للاخير عشه ليله ماعدنا من غير علاج ايمن اللي عمي مكتلف بي
غسان- اعرف اهلي ملو مني وماريد اجبرهم يجون بعد خليهم براحتهم رغم اشتياقي الهم بس اذيتهم هواي ايمن حبيبي اكيد شايل البيت شيل حقه ميجي اصلا كمت اكيف من ميجون عشر سنين هواي خلي كلمن يعيش حياته -----------
----
من جانب اخر وعلى بعد اربعه فروع من نفس مكان بيت ام غسان وام محمود تربت ورده مدلله لوالدها واخوتها ---
ابابيل ---
ماعساني ان اقول عنك
اعن الجمال اتكلم
ام عن الاخلاق اللتي تربيتي عليها
ام على قوه وعنفوانك الشخصيه
ابابيل عماد
سكنه المحيط سابقا وحاليا اعتذر عن ذكر مكان السكن
عدي خمس خوات واخوه 2
صف سادس ادبي موكلش شاطره وصلت بالدفرات دلوعه اهلي ومغرمه ومخطوبه لابن خالي الجبير اكبر مني ب7سنين من صغري يعشقني ومدللني وكلهم يعرفون اني اله وهو الي هيبه ومحامي وعده مكتب وميلزم قضيه اله يربحها ووالده شيخ عشيره يعني امور العشيره كلها هو يحلها عده خوات 2 وماعده اخوه احواله ممتازه في حين انه احوال والدي من ذوي الدخل المتوسط اعشقه حد الموت وافرح من يطب لدرجه الكنتور كله اكومه بالكع احير شلبس خواتي كلهن متزوجات واخوتي متزوجين واحد منهم طالع كاعد يم بيت اهل مرته ماجر والثاني يمنا مرت اخويه اقبال علاقتي بيها نوعا ما زينه علاقتي بابن خالي عبد الله بس نضرات وغزل من يشوفله فرصه محد يسمعنا بيها وكل مره من يفوت لبيتنا لازم جايب شغله وياه على الاساس هالسنه تصير خطوبه رسميه بس وفاه بيبيتي اجلتها سنه تمنيت فد يوم يخابرني ويحاجيني بس جان اكبر من هالشي بالاضافه انه محاوطني بعينه وين ماروح واي وكت او فرصه يصيرله مجال يغتنمها ويجيني للمدرسه يباوعلي من بعيد ويبتسم ومره تقرب طاني جبس ابو الخل ليز يدري بيه احبه ابتسملي وكال فدوه لخدج الحلو وراح صديقاتي تخبلو عليه جاييني بقاط ومرتب هيبه حبيبي
عبد الله - مااعرف شكول عنها حبيبتي بنتي ربيبتي كل حياتي وعاطفتي الها اتذكر قبل 18سنه جنت صف اول ابتدائي وجابت عمتي وراح ابويه بلهفه يزورها لان جانت من زمان اخر طفل جابته قبل ابابيل بعشر سنين والدي يحب اخته لدرجه التعلق هي الربته وزوجها هم صديقه لذلك عائلتنا متقاربه جدا عمتي جابت ورحنالهم لحد هسه اذكر هاللحضه
---
الله عمه تخبل خل اشيلها
هاك اخذها شيلها
خلتها بيدي بكماطها حضنتها ً مكيف باوعت لابويه بابا خل اخذها ويايه العب بيها
ابو عبد الله - هههه بعدين بابا تكبر وتاخذها وتلعب بيها هههههه
عبد الله - ضحكو كلهم وعمتي لزمت بطنها خربانه ضحك بوكتها جنترطفل مااعرف ليش هالضحك واني مكيف باللي بيدي مثل اللعابه لمت حلكها تباوعلي عاكده حاجبها تخبلت عصرتها بحضني اخذوها ركض مني ووالدي من يومها كال
ترى هاي اريدها لعبد الله رغم جنت طفل بس اعرف شنو يعني زواج بس مو بالمعنى الصحيح وشفتها تكبر كدامي واتخبل اذا احد كاسها. او صاح بيها او لعب وياها حتى اصيح واكولهم ابويه كال هاي مالتي كبرت اكثر صرت متوسطه وبديت احبها وهي صف ثاني ابتدائي تتدلع وتتمركص واني اكزكز عليها وصلت صف سادس صارت صف خامس ابتدائي عرفت من كلام امي وخواتي بينهم واني اتصنت عليهم شيكولون عنها عرفت انها بلغت فاتحت والدي
يابه شوكت اتزوجها
ضحك والدي هوايييي وكال يابه تخرج وصير رجال وازفها عليك بيدي وعمتك تكول هي هم تموت عليه
ضحكت فرحان والدي كان صديقي المقرب لان ماعدي اخوه ايام مرت واني وكفت على رجلي وصار عدي مكتب طبعا برعايه الوالد لو ماهو واني بشطارتي بعد كمت اربح القضايا شوي شوي طشيت وانعرفت وحبها وي كل قضيه يزيد واخذلهازشي بسيط انطي لاختي تنطي الها مره شال ومره علبه ماكنتوش لان ادري بيها تحب النساتل ومره كوستم عجبني كلش واني امشي بالشارع اخذته عمتي جانت مكيفه بيه تدري ماادخللها بغلط ومردت اكسر الثقه مال عمتي مع العلم اكدر اخابرها عن طريق اختي بس اعرف بعمتي تنقهر ومردت اخسرها بس تبقى كم كلمه تحرك وتجدد مشاعرها دائما وتخليها تدري انه اني عالوعد واحبها كل يوم اكثر من قبل وتكبر بعيني نضيفه مرتبه ام بيت برغم متعرف تطبخ بس تتعلم واريدها تكمل دراستها هالفقره التعبانه الضايج منها مستواها مو كلش وهالسنه سادس لو خاطبها ومتزوجين قبل وفاه ببيتي جان اني درستها بس للاسف ببيتي توفت واضطرينا ناجل الموضوع سنه بالنسبه الي اي احد من عشيرتنا يوكع بمصيبه الكاه مخابرني وهالشي يزيد ثقتي بنفسي ولد خوالي وعمامي قريبين مني واني جبيرهم وانصحهم واساعدهم صار عرس وحده من بنات عماتي ورحنا لبيتهم كانت حنه بنات وعمتي احتاجت زلم وياها وهي ماعدها بس 4بنات رحنا اني وولد خالي وولد عماتي هم كرايب ناس ماخذه من ناس جبنا الكراسي وناس جابت الاكل وناس الديجي كملنا شغل كالت اصعدو فوك بغرفتي ولتطلعون منها لتبقوني وحدي بيت مبي زلم عدنا عرس بس بنات جفتو علينا شون واحنا مخشلات الولد كيفو لان كلها نسوان بس عمتي لعبتها صح صعدنا وصعدت ورانا قفلت الباب علينا خربت ضحك عليهم اكو باب مشتركه تطلع على غرفه ثانيه ماعرف غرفه منو بالضبط كعدت اني وابن خالي غيث هذا هم مثلي جبير اخوته وشايل همهم
ابابيل- رحنا للعرس وصعدت امكيج بت عمتي كالت تره الولد هنا صوتكم كلهم سكتو ونسمع حجيهم سمعت نبره حسره يم الباب وكلسا يرتجي بالباب الفاصل بين الغرفتين والباب تطلع صوت عبالي حينفتح وافز طلع مقفول كملو كلهم مكياج وصارت صنطه يمي وبعدهم الولد يحجون قربت اذني يم الباب اسمعه من يحجي فدوه لهيبتك وطريقك كلامك بقيت اتصنط
عبد الله - انت شبيك وي اخوك حابسه تكول عمتي
طيح حضضي صخمني
شكو شبي سكت مرد عليه يمعود احجي
شحجي اسكت احسن
غيث اكو شي تره خوفتني خاف علمود لبسه الحصر والزناجيل تره واجلد هالوكت كلهم هيج
عبد الله اسكت احسنلك
يمعود لتخبلني احجي اني وياك ايد وحده نصير هوسه البنات بصفنا بالغرفه دوختني بس ردت تصير صنطه كاعد بصف غيث حتى محد من الولد يسمعنا لان مراد احد يسمع الولد ملتهين اللي يكلب بالموبايل واللي ديبدل ويخابر عمتي يريد ينزل يطلع طلعو كلهم بقينا اني وغيث وحدنا اخيرا
احجي لك تره خوفتني
مامو شي مااكدر احجي
والقران ازعل منك فد يوم حجيت شي اني لاحد طلعتلك سر
هذا مو سر هذا صخام وجه عبد الله
احجيلي خل نوصل لحل جر نفس وكال احمد اخويه عده مكسرات
ادري بيها شرب ونسوان غير عادي يجي يوم يصحى لروحه
اكو اشياء مستحيل يجوز منها عبد الله
مثليش الشرب شفته ضحك ودار وجهه احجي ولك موتتني
احمد عده علاقات بولد
حجاها ونصه راسه يهز برجله ضرب على فخذه اخويه مصادقله واحد عرفت شكو حابسه وليش وعرفت ليش هو ساكت
بقيت فاتح حلكي بلعت ريك هاي نكسه راس للعشيره والله نكوم نخجل نطلع للباب كلشي مكتله بقينا ساكتين والهوسه البصفنا مخلصت وترت اعصابي اكثر جريت نفس شون عرفت
عرفت
لك يابه احجي شون عرفت يجوز غلطان هز راسه ميباوعلي يباوع عالشباك وكال
عرفت وخلص
خرب غيرتك دحجيييي صارت صنطه نزلن اخييرا احجي خل افهم تره راسي حيطك ميرد بس يهز رجله متوتر انت اكيد غلطان
لا مغلطان متاكد. هو كلي
شون كلك اخاف ديداهرك انت هواي تلح وياه يول انتبهت صارت كلش صنطه وصوت الباب الثاني بالغرفه البصفنا انسد باوعتله غيث يعني اني ادور ولد واجي اكولك غيث تره ادور ولد شسوي الحك عليه مدااكدر اسيطر بقه ساكت يهز براسه وبرجله ميرد جريت نفس سكتنا سمعت فتحه الباب اللي بصفنا ورجعت انسدت
ابابيل- سمعته كال كلام عقلي مستوعبه كمت ارجف لعبت روحي منه كلبي حسيته يرجف مكدرت حتى اوكف ركض لبست صايتي نزلت جوه على امي خواتي كلهم كاعدات اللي تركص واللي كاعده تقدم وي عمتي
ماما
ها ماما شو منزعتي صايتج
ماما اريد اروح برطمت كل احلامي راحت لعبت نفسي منه وكع وكع حييل من نضري
شبيج حبيبتي
ماما ترحين ويايه لو لا
لج شبيج تونا جينا
لعد حخابر عمار اخويه يجي عليه باي -----
يتبع
اعتذر عالتاخير بنوتتي مالها خلك 😔
