شتاقيت لحضنها ونارها احس روحي مجتف استغفر الله بس حبي لنرجس حينسيني متاكد متاكد غفيت بتعب وره 3ساعات كعدت طلعت للحمام سبحت وطلعت بطرك الشورت طبيت للمطبخ لكيت ابويه كاعد وابابيل يمه دتصب جاي عيونها مال نوم احس كلبي ابتهج من شفتها ابتسمت
صباح الخير
هله يابه -- جاوب والدي
باوعتلها ابتسم متباوع بعيني --- بلبل تسوينا ريوك
اي هسه همست بلعت ريك سبحان الله حتى جسمه كام مياثر بيه وجركاته تقززني شنو هالتحويل الصار عدي مااعرف سويت بيض واني اكلي حسيت احد ورايه حجه بصوت ناصي تخلين وياه طماطا
ها
طماطا شبيج هههه داخت بيه مااعرف اني اشوف هيج لان متعلم من تشوفني هيج لازم تحضني كلمتها اتذكرها يعذبني صدرك. من متلبس فانيله
اي عادي هسه اخلي كعدت الحوبه كالت
صباحو حبيبي
هلو نرجس احمم كعدت كالت
اجيبلك تيشرتك
ها اي جيبي كيفج طبت للغرفه بقيت اباوع لابابيل شنو استسلمت تنازلت عني مجانت تحبني لعد ممهتمه ابد بوجودي ولا بوجود نرجس ضجت مااعرف شي بي اختنك طلعت نرجسه كعدت كدامي طلعت جبن خلت ابابيل ماعون البيض بدون متباوعلنا
نرجس- تتريكين ويانا باوعتلها بابتسامه مردت عليه ضحكت طبت يم عمي
بلبل- عمي حبوبك
اي ياب جيبيهن الله يرضى عليج
بالعافيه عمو
الله يعافيج ويباوك بيج يابه روحي عمي روحي نامي
عمو محتاج مني شي
لا يابه مقصرتي
اوك صعدت كم درجه وطلع من المطبخ باوعلي ابتسم من جوه ليجوه غسل عالمغسله وعيونه بالمرايه يباوعلي يبتسم نضراته حلوه بس شو كلبي مديتاثر ابد صرت بله احساس ابتسمتله وصعدت طبيت للغرفه وقفلت الباب خابرت سلسبيل الو ما الو وهالسوالف ومرت ساعه جانت بدوامها وعدها شاغر خربتني ضحك توسلت بيها تجي لان الضهريه كلها نبقى بس اني ونور كالت احاول بلكن تجي
لج اسويلج دولمه والله
ها حتموتي لعمج
لا لج سم الله هذا عمي يسوه العشيره
اي والله اني هم احبه من وراج
شفتي البارحه الصاج نزلته
غير حلكي حمض من يمي
ضميتلج وحده ولج غير التعليقات عبرت ال100
اي ولج البيج مال اكلات كلها تسال عنج وعن ترتيبج وكولها تكول نيال رجلج ميدرون هههههه
اي خرب حضي
اي اي سولفيلي على عبد الله
شسولفلج لج ولا يباوع واني تره متزوجه سلسو لتنسين واحنا ماعدنا هالشي
بس هطيه يبقى يحبج
لا هو باله يمي لان جبيرنا وبت عمته وبس
مممم ماشي ديله شحتغديتي
صدك لج يعني صدك. حتجين
اي وداعتج احاول بس عفيه متاكده مامو احد يمج
اي والله بس نور
والله شكيتيني بنور
هسه تجين وتشوفيها
خوش جايه لعد اريد كيكه
عد عيناج
فديت عويناتج كبد ياه روحي عدي درس
شكرا ست
باي ههه
سديته مكيفه بقيت اتكلب لحد ماغفيت لل11 كمت عالغده كض ركض محضره كلشي اني عمي ميجي عالغده ولا الولد كملت شغل فوك ونزلت عالجوه نضفت وي نور خطيه وغسلنا الطرمه وكعدنا اكلنالنا لكمه خابرت سلسو كالت نص ساعه اني يمج فرحت حيل سنين مشايفتها عالتلفون باقين زلاطه وهالسوالف اندكت الباب ركضت عليه
غسان- دااشتغل شو للعشره معدتي كلبت باوعت عالبطل مال مي كتله للحارث طبعا بي شي المي من اول حسيت طعمه غريب
الحارث- ياب دكول يا الله انت صاير نحس جنك حبله
هههه رحمه الله والديك جريته للجعب واني نحسه معدتي من المي كلش وره ساعه ساعتين احوالي انكلبت حسيت بدوخه ولعبان نفس واذب من راسي صدك يطلع مي بوري تارسه الحارس اله واني جريته للجعب ركض بيه الحارث لاقرب مستفى كالو ماكو شي طوني شي يوقف القيء سبحان الله ساعتين انكلبت احوالي وصلني لبيتنا كال ارجع ارتاح دك الباب طلعتلنه ابابيل مبتسمه وراها استغربت
غسان- السلام عليكم كوه كلتها ومعدتي عاصرتني تفضل ابو مصعب
لا يابه رايح
وين دتعال شوي
لا يابه ارتاح باوعت لمرته اتوقع هاي الاولى الصغيره جتني الضحكه وحاجيلي عنها صار كومه مشتاقلها وممتقبلته ضلت تباوعله بقلق ووجهه جان اصفر اشرتلها تره ماله خلك ديرو بالكم عليه نصت راسها وطبت وراه سديت الباب وطلعت
ابابيل- باوعتله بقلق شبيك شو وجهك اصفر
غسان- باوعتلها ابتسم مبيه حيل معدتي انكلبت من وره المي
سلامتك همست اخذت دوه
اي رحت مستشفى
ه يعني فد مره
اي موكفت قيء لحد مامبقه بيه حيل. تنهدت تمددت بالهول باوعتلها واكفه على راسي حايره ذبت الحجاب تنهدت
شبيج
مابيه شي اسويلك شي
شنو مسويه دولمه
اي درت هي عنه
نرجس راحت يمه تبوس وتحضن
لج ماما وخري بابا اواا
لا عوفيها مشتاقلها بقيت اباوع بعينها جريت نفس اكولج السبلت فوك ديشتغل
اا اي عادي ديشتغل
بقيت اباوع بعينها همست حصعد انام فوك
باوعت بعينه ودرت نجهي حيجوني خطار
هاا عكدت حاجبي
بت خالتي حتجي
مم اوك لعد حفوت للغرفه اخذو راحتكم
اوك بقيت كاعده انتضر تاخرت اخابرها مترد وين صارت هاي
الحارث- طلعت من بيتهم داامشي بالسياره السياره عاليه منصي عالواير مال شاحنه دااشحن التلفون رفعت راسي واشوف سياره صغيره نسميها بالعاميه قندره ههه جنها قندره وتمشي بالشارع وانضرب بالصفحه مالتها وكفت راسن منتبهت عليها لان ناصيه وصغيره باوعت بالجامه الاماميه ليوره هاي بنيه دتسوكوكفت هي هم نزلت عيب اللايت مالتها تكسر بصفحه سيارتي
سلسبيل- نرجزلت على ميفي اباوع عالسياره اللايت مكسر خليت ايدي على حلكي فكيت كل عيوني لا يا الله شهكت صافنه وايدي على حلكي نزل رجال من السياره يطلع باوائل الخمسينات باوعلي وابتسم انداريت عليه وبعدها ايدي على حلكي
- عمي شبيج هه هو لايت بقت ساكته وايدها على حلكها -- يمعوده هسه اصلحه لتخافين اني صوجي
يتصلح
اي ليش لعد ميتصلح
صدك يرجع نفسه دمعت عبني خايفه من صدك شيخلصني منها
شنو مو سيارتج
لا سياره مرت ابويه باوعتله زين شكد يطول
ساعه ويتصلح لتخافين
زين وين المصلح عفيه دليني
يابه شبيك ابردي ابردي
هسه ديله بس دليني الله يخليك
امشي تعاي ورايه نترت بيها خبلتني شلشتني بس عليها خضار بعينها اله يخبل
اي اوك طلع بالسياره وطلعت وراه بالي يم مرت اب يه وبالي مستحيل متنتبه عليها مضروبه بقيت بخوفه وهم شايلته وصلنا لمصلح جان قريب عالمنطقه نزل ونزلت وراه المنطقه كلها زلم اشرلي الرجال اصعدي صعدت حسيت بخوف لا ليش داخاف اني بالشارع اباوع المصلحين كصوني نصيت راسي وكعدت بالسياره تقرب مني الرجال من الشباك دك الشباك نزلت الجامه كال
يابه يكول ساعه وتعال اخذها اوصلج
لا ابقى هنا بالسياره،وين تبقين صدك جذب بقيت صافن على غباءها
لا خاف يبوكوها شون اعوفها عكدت حاجبي
تتشاقين مو جريت نفس طكت روحي بابا نزلي خل اوصلج وساعه واجيبها الج
لا ماريد
ها صدك جذب زين امشي نكعد بمكان شربت نشرب
كلشي ماريد وماريد اطلع من السياره كتفت ايدي ودرت وجهي عنه
بقيت صافن عليها اكولج هي كيو كيو انزلي بابا
ماريد ماريد
لا اله الا الله زين انتي بيتكم وين اخوج يجي بمكانج ولو
ماعدي اخ كلتها ومباوعت عليه
عمي اعتبريني اخوج واني ابقى بالسياره، ميصير مره ذوله صناعيين مطابه مره هنا والنوبه تنتضرين
تنهدت دمعت عيني حايره
زين اجي اني وياج واذا سوو للسياره شي وباكوها بركبتي اصلا اني من ورايه
بقيت حايره سكتت حايره اي اوك نزلت وعيني عليها وببالي قابل شيريد يسوي اصيح والم العالم عليه صعدت بسيارته ليكدام طلع وصلنا لكافتريا قريب بي حديقه نزلنا كال تعاي هنا مبقه شي كلها تلث ارباع الساعه
اوك همست اتاجلفت خاف احد يشوفنا شيكول كعدت كدامه رغم هو خمسيني بس طوله وكشخته واعتناءه بمضهره حلو مرتب طلب عصير فاكهه وكعد
يابه اعتذر وحسبيها عليه
لا عادي بس لان مو مالتي اضوج جاوبت ودرت وجهي تلفوني انتبهت عليه يضوي ويطفى تذكرت بلبل عزه بعيني
الو
وينج خرب غيرتج
ولك غير سويت حادث
الخارث- باوعتله باع الله الحماوه حاد ث هو لايت
سلسبيل- ههه ضحكت صدك يحجي -- لج لا مامو شي بس لايتي تكسر وداسويها تروح تطلعها جارجر مرت ابويه مااجي لا تغدي بالعافيه غير مره ممقسومتلي ديله لا بربج رجلج اجه شجابه بهالوكت كل يوم للعشره همزين مجيت لعد
الحارث- بقيت اباوعها من دتحجي يمكن جايه على بيت غسان سدته باوعتلها ابتسم
شنو
انتي جايه معزومه عليمن
مرديت عبالك طوخ علاقته رديت هيج كرايبي بالفرع
بس لا بيت غسان
بقيت صافنه فاتحه حلكي درت وجهي
شمدريك خربمو صديقي واليوم تخربط عهههههه والله الدنيا صغيره شتصيرين من مرته
بت خالتها واختها يعني بالتربيه والرضاعه
الاولى مو
اي مرته الاولى جريت نفس درت وجهي مخلصت الساعه
لا بعد نص
هففف
صبر صبر اصبري وابردي ليش هلكد تحمين الدنيا سهله تره
ادري همست بدون ماباوعله
ام نرجس شونها
باوعتله ابتسمت نصيت راسي زينه تخبل
اي الله يحفضها لرجلها
تسلم درت وجهي شربت اخر كمع بالعصير
ادزلج على واحد لخ
لا يابه هذا كوه خلصته
اي مبين داشوفج هههه
نصيت خجلانهاخرتك على بيتك وكت غده شكد عيب
لا يابه ماعدي احد تنهدت باوعتلها عبالك حسولف سديت حلكي
مخلصت الساعه
يابه بعد لتخلين بالج يمها
اهووو استغفر الله
جعت تاكلين
لا ماريد هسه ارجع
كيفج وصيت كباب وكعدت انتضر جابو خلو كدامنا باوعت ودارت وجهه
اكلي ويايه
لا ماريد
شويه شاوكي عالواهس وش كباب والله سويت لكمه واكلت
لا تسلم. الريحه سطرتني واني من الصبح عالحليب حتى اضرب يم ابابيل اخر شي استسلمت مديت ايدي راسن قدم الصينيه كدامي مديت ايدي اكلت لكمه شفته يخبل دك تلفونه رد
الو ها يابه لا منرجع عزل اذا تريد اي لا ابو نرجس همات ميجي ماله خلك اي هو كوله الحارث كال نعزل الله وياك سديته شفتها اللكمه بيدها وموكفه اكل صافنه عليه
ها شكو
انت ابو مصعب بقيت فاكه حلكي وبلبل خابصتني بي وكومه تحجي بي
هههه وين تعرفيني اي اني ابو مصعب
خرب درت وجهي والله لو تدري تذبحني كلتها بكلبي
يمعوده انسدت نفسج
لا شبعت والله اكلت هواي اطلبلج ببسي
لا تسلم مخلصت الساعه
مناكل شون نترت بيها ضوجتني دارت وجهه كملت اكل اغسل ونطلع
،هزيت راسي اي. غسل واجه كال يله يابه كومي مشيت وراه صعدنا ورحنا للمصلح نزلت كال
عمي هاي الصالنصه منعوجه لازم تتعدل مالحك خليها لباجر رحت لشباكها كتلها شو هاي نصت تبجي
هاي شنو صغيره انتي عيب
شكوللهم والله مينطوها الي بعد
اني اوصلج واحاجيهم واني اساسا صوجي وتره مبيها شي بس الطعجات بالصالنصه تاذي المحرك لازم تتعدل
بقيت صافنه ماشي من لا جا ره وصلني لبيتنا نزلت ونزل ويايه فتحت الباب من جوه وطبيت صحت مرت ابويه
- الحارث- السلام عليكم حجيه يابه هاي بتكم اني كسره على سيارتها وتكسره اللايتات تره معليها هي
يا عزززه بعيني تالي وين السياره
حجيه كولي يا الله باجر جايبها الكم وهاي هويتي ورقمي باجر الصبح هي بطرمتكم
واني شمدريني تروح مترجع بعد
يابه احنا عرف مو غربه زوج بت خالتها اني مديره اصير بالشغل
ها مديره،اي واله حتى تعرفني واي شي دكو على ابو نرجس
ماشي هاهي بركبتك
اي صار بعيني مو بس ركبتي اباوع للبنيه ابتسمتلي براحه شالت ايدها واشرت مسلمه عليه رجعت للبيت نسيت كل مشاكلي وهمومي وكمت افكر بيها بعدها صغيره يعني اني اكبر منها 20سنه شداسوي اني يمكن منرالجفاف الاني بي هيج صرت دكيت لغسان
الو
ها يول هاي كرايبك ضربتها اليوم بالسياره
كرايبي منو
كرايب ام نرجس
هاا منهاي مجتي اي كالت دتريد تجي ومجتي
بس شنو من حسن ماشاء الله
اي همه كلهم هيج
ماشاء الله اي شوف اني باجر فد لل11يله اجي عدي شغل
اي عادي اني طالع من 6كالعاده اخذ العمال ورايح للموقع
الله يسهل ديله اخذ راحتك
الله وياك سديته منه وطلعت نرجسه بعدها ايه طلعت للهول شفت بلبل بعدها جوه وي نور ديشربون جاي مديت راسي
جوعان مامو اكل
اا سويت شوربه الك مو معدتك كتخربطه باوعتله بقلق ودرت وجهي
ابتسمت جريت نفس عاشت ايدج شفت مرت ايمن طبت لبيتها يمكن قصدها ابقى وحدي وياهاصبت وخلتها كدامي عالميز --- كعدي داحاجيج
ها
غير اليوم بت خالتج ضربها صديقيبسيارتها
شنو عكدت حاجبي هي كالت بس متوقعت يعني صاحبك يباوعلي مبتسم يتامل ملامحي
يابه الحارث مو ديوصلني ضربها نصيت اكل ضكت لكمه غمضت عيني---اممم تخبل
بالعافيه همست ذبت بحجايه وكفت لملمت المطبخ طب عمي ابتسم لوجود غسان فرح بالعلاقه البينا توقع كلشي تمام
ها عمي الله يساعدك
هله ياب
ها تاكل
فد شوي بس ابدل وعود صبي
صار
الله يرضو عليج بنيتي هايابه غسان من وكت اليوم
واللع يابه شوي مالك خلك خله ايده على كتفي يبتسم
لا سلامتك وينها هاي لعد
منوعمي
نرجوستج
ههه توها نامت تعبت من اللعب
هاي ذكيه تطلع ماشاء الله عليها
ههه طب عمي لغرفته التفتت على غسان ابتسم كال
صبيلي جاي من ايدج الحلوه جريت نفس
صار همست نسيت نرجس بت عمه ونسيت اكو وحده ثانيه بحياته نسيت اذيته الي وتعبي نسيت الضرب بكلمه ملت ومن تذكرت رجع انعصر كلبي صبيت الجاي طلع عمي صبيت الاكل وصعدت فوك راسن شوي واندكت الباب اهوووووو مينطي حبايه مجال منو
اني نور
ها نور تعاي
اكولج صبيتي لعمو
اي
زين عادي اصب لايمن
ولج اني المن مسويه لعد مو سويناها سوه
ها خوش ديله حصبله
تره كلنا اكلنا بس هو
ماشي عاشت ايدج
فدوه لكلبج تمددت واحس نار بكلبي شوكت ارتاح باوعت لنرجوستي وسكتت لزمت الفون اكلب بي شفت تعليق وحده كاتبه عفيه اريد مقادير الكيكه نطيتهيا ورساله ثانيه عالحاص رادت مقادير اللحم بعجين علمتها البيج شوي شوي ديزيد ومرت عمار يوميه كايله لعالم صار تقريبا 200متابع الي وهمه هم ينشرون اكلاتهم من يسووها افرح من اشوفها تشبه اكلاتي نزلت وره ساعه عمي موعد دواه شفت نور دتلملم بالمطبخ
ها نور عمو طلع من الغرفه
لانايم بعده
طلع غسان للمطبخ من سمع صوتي
غسان- تقربت منها همست مباوعها بعتب دكيت الباب عليج ليش مفتحتيها
ها شوكت
قبل ساعه
يمكن جنت نايمه بلوعت بعينه الحاوطت وجهي وشفافي وركبتي ماعرف ليش كشت روحي ابتعدت اطلع دوه عمي طبت الحوبه
نرجس- السلام عليكم باوعتلها بالمطبخ وغسان واكف بلباب مال مطبخ عرفت صار شي نار وصارت بيه ها غسان شنو جيت من وكت
اي والله مالي خلك
سلامتك حبيبي تلمست كصته شنو مصخن
لا شوي معدتي تخربطت
خاف مال بيض الصبح
لا يابه هو بيض جريت نفس شونه الشغل
اسكت وخليها اليوم وحده جتي دااضربها ابره مقلصه كلش يمعوده رخي مترخي تالي انكسره الابره بالعضله كوه طلعتها النوبه تصيح وتعيط عليه
يمعوده تسويلنا مصيبه ديربالج
لا ختولي بعد من تجي مااضربها التفتت على ابابيل تباوعلي مبتسمه باستهزاء درت وجهي على غسان
غسان- اكلتي
لا والله جوعانه
تفوتج الدولمه المسويها
صدوك نور مسويه دولمه
اي همست درت وجهي على بلبل متباوعلي دتحضر دوه عمي تخلي بالصينيه
نرجس- طبت ابابيل لغرفه عمي تقربت للطباخ كشفت الجدر باقي شوي صبيت وكعدت اكل غسان كدامي مخلي ايده جوه خده يباوعلي يبتسم
شبيك حبيبي
شكلج حلو من تاكلين بعدج نفس مجنتي صغيره تلزمين الحاشوكه نفس الطريقه
ههههه فدوه لكلبك تتذكر
طبعا كل تفصيل اتذكر احلى ايام جريت نفس كعدت عدل
ابابيل- طلعت من غرفه عمي نور طبت لبيتها وصلت للمطبخ سمعت الغزل كلبي صار حجاره اخاف قبل قسيت هسه صرت حجاره طبيت للمطبخ باوعت للعينتين دتتزقتب اخذت شوربه نرجوستي وصعدت باوعلي غسان من جوه ليجوه مهتميت ولا باوعتله صعدت راسن
مرت كم يوم واني نفس الحاله من الصبح اكعد اشوفه يباوعلي بحسره بلهفه وهي تتموع يمه وتتمضحك كمت احاول اهتم بلبسي لان ايمن ميطب خطيه كمت البس ضيق وافل شعري ومكياج خفيف حتى لو من الصبح بس في سبيل اضوجها بنضرات غسان الي واني لا هامني غسان ولا ابد
صباح الخير عمي
هله يابه ها شحتريكينا
عمي سويت مخلمه ادري بيك تحبها
غسان- طلعت من الغرفه سمعتها باوعتلها لابسه تراك ضيق والشعر مرفوع والمكياج يخبل بلعت ريك اييييي والله فد عاجبني -باوعتله معاجبني ودرت وجهي طلعت للمطبخ لحكني هو وعمي صبيت طلعت الحوبه كعدت شو هاي عاجبتها السالفه تاكل وتمسح ايدها بالحايط اوي شسويلها بس تجي خالتي بعد ماشوفهم وجهيقسمت المخلمه كعدت يم غسان وكامت تاكل وياه شون صلافه بحياتي مشايفه منها
نرجس- حبيبي تره مالحه موزين على عمي عمو مالحه موزين عليك
لاياب هذا رجلج خله هواي ملح من صفحتكم بلبل تعرف
بلبل- باوعتلها معاجبني ودرت وجهي عيون غسان تلحكني وين ماروح طلع عمي وره منطيته الدوه عجبني ابقى العب باعصابهاوكفت عالسنك نزلت نرجوسه مكفوشه هلو مماتي حبيبي --- نصيت عليها اشيلها نص صدري طلع غسان عيونه احس حتخترقني باوعتله مبتسمه بلع ريك حتى نرجس انتبهت التفتت باوعتلي بغضب فتت من يمه بثكل ابتسم دار وجهه وي فوتتي وكفت اتصنط وره الحايط
شبيك غسان
شكوشبيه همست نصت عالجاي اشرب
سلامتك بس راح تاكلها
ههههه لا يابه شنو السالفه تنهدت طبيت بدلت وطلعنا سوه اني ونرجسه بالي مخربط بالاصيله اللي بالبيت عفتها شنو معقوله مشتاقتلي اووف لو بس يصيرلي مجال اتقرب الها ماريد نرجسه تزعل والله تموت قهر لو عرفت اني فوك واني مااتحمل زعلها استغفر الله بالدوام كلشي مكدرت الزم والافكار مخربطه رجعت من وكت للبيت حتى وحدي وياها طبيت راسن كشفت الجداري اويلي ياب سبيناغ بدلت راسن وصعدت فوك دكيت الباب وفتحتها مقفوله ضليت ادك بالباب صوت ابويه رد جوه
منو هاي فوك
هايابه احم اني
يابه مرتك بالسوك وي نور
هاا حكيت راسي نزلت صبيت واكلت شوي وطبو من السوك باوعتلها الكحل بعينها --- ليش مخليه كحله نترت بيها
شنو باوعتله معاجبني
شنو شو معاجبج
لا مسمعتك
هاااااا هزيت راسي هااا باعي كحله بالشارع ماكو واذا شفتها افكس عيونج
سكتت جريت نفس باوعت مطير الماعون كال صبيلي بعد
اي همست باوعت عالساعه وكت جيه الخاتون صبيت لنرجوسه هم داوكلها هو كعد كدامي واني بحضني نرجس ذبيت العجبه لابسه ربع ردت عدلت نفسي لجيتها وفعلا طبت باوعتلي كاعده كدامه وسلمت مبتسمه لغسان بتصنع مهتميت
غسان- تعاي اكلي
حبيبي تعبانه
نرجس اكلي ونامي داير وجهي عليها واحاجيها
اوك جيت بدلت وطلعت راسن ماريد اعوفهم دقيقه كعدت كدامه شوكت جيت
قبل ساعه جريت نفس
من وكت شو
اي ماعدنا شي باوعت لبلبل ونصيت دائما تحاول تغريني بطريقتها من توكل بنتي لو تطلع لسانها وتباوعلي لو تطلع صوت حتى تسويلها واهس بالاكل واني اتخبل ومن اقترب متنطيني مجال حسيت روحي مداسيطر على نفسي كمت طبيت للغرفه وكلب احس يدك سريع شلت التلفون دزيت رساله الها
اليوم اصعدلج لتقفلين الباب
بلبل- بعدني كاعده اوكل نرجوستي وهاي دتتزقنبدالصلفه جتني رساله باوعتها غسان ابتسمت باوعتلي ودارت وجهه ذبيت الجهاز خليك الضاهر مديتحمل بعد خلي يتحرمص بعد كملت اكل نرجوستي وغسلت المواعين وصعدت نزلت وره ساعه تعطرت زايد ولبست بنطرون وبدي تخصيره جسمي المثير الا اخبله فليت شعري وشسورته ومكياج طوخته طلعت دوه عمي دزيته بيد نور لان اخجل كدامه هيج نور تباوعلي وتضحك الرعنه واخيرا طلع من غرفته من شافتي بالمطبخ احسه جمد بقه واكف ميحجي شي ويباوع احس بكل عيونه همست بدلع
تريد شي
احم صبي جاي جريت نفس صبي كعدت روحي ذايبه بنضراتها وجمالها يا الله اني ليش هيج راغب بيها ولا عبالك قبل ساعه تقربت من مرتي اللخ طلعت نرجسه كالت
ها حبيبي اسوي جاي شفت العينتين قربت جاي وكليجه كدامه تباوعله باغراء ولبسها الفاضح واني بالدشداشه الفانيلا وهو مديكدر ميباوع نصه راسه كال
لا هذا موجود همست منصي دتفضحني عيوني باوعت لنرجس صارت عصبيه كملت الجاي بقيت كاعد اباوع على حركاتها وبداخلي اكرل اغريني بعد اليوم صاعدلج صاعدلج لزمت الفون دزيت رساله الها
خبلتيني
ردت ليش ابتسمت من ردت ارتاحيت كلش
جسمج وشكلج مغري اريدج اليوم صاعدلج واريد من الله تقفلين الياب
اوك كتبت مبتسمه بخبث
نرجس- باوعتلهم ثنينهم عينهم بالتلفون مبتسمين تقربت من شاشه غسان طلع راسن باوعلي كال اني رايح لبو مصعب محتاجه شي
لا حبيبي سلامتك باوعتله بعتب مدار بال لنضرتي بسيطه طلع التفتت عليها وكفت متباوعلي ودتصعد كامت تغني مايكدر يحب غيري خطيه يمشي وياها ويباوع عليه صرت اعصاب طبيت لغرفتي مكيجت ولبست اني مو هذا ثوبي اتغالب على رجال اني مثقفه مو مثلها بس لا ماخليها تاخذ غسان هذا حبيبي واذا رجعتله تكلبه عليه بدلالها لان اني مفارغتله مثلها عدي صيدليتي بس اني اعرف شون اتعامل وياها
---
