لكيت نور وابابيل كاعدين وديسوون لبن
صباح الخير
نور- هلاو صباحو باوعت لبلبل منصيه على دولكه اللبن مردت نرجس جتي ركض لامها كالت مااما هذا بابا تحجي خرساوي بس فهمت انه ابوها ديخابر اخذت بلبل التلفون باوعت غسان ديدك صدك وطالعه صورته بالشاشه
بلبل- احم باوعت لنرجس تباوعلي بقلق الو ببرود ودرت وجهي عنها
الو هلو بلبل
هلو
شونج
زينه الحمد لله خليت الدولكه بالثلاجه وهاي تصنمت تباوعلي جامده كمت اتدلع من احجي
البارحه صارت عدي اشكالات
اي همست ابتسم
اليوم بليل اصعدلج
انتضرك ههه همست اضحك كل هالتمثيليه حتى اضوجها
صدك
كالها متلهف
اي والله شبيك ههه
شحتلبسيلي
شتريد البسلك كلتها بصوت همس بس ينسمع
لبسيلي السيت الاسود الستن مشتاقله
اوك صار تدلل
شسويتي غده من ايدج الحلوه
سوينا تمن برياني ومي لحم دجاج تجي من وكت
ها لا اجي فد ب9بليل بس اتعشى بي
اوك تدلل جر نفس ميريد يسد التلفون
مشتاقتلي
مرديت انداريت على نرجس فاتحه عينها كلها من شافتني باوعتلها كامت راسن طبت للغرفه بعصبيه سديت التلفون بوجه غسان هاذ هو خلصت التمثيليه دك مره لخ مرديت عليه كملت شغل شفتها رجعت طلعت من غرفتها طلعت بيض دتكلي شوي واندكت الباب اني واكفه ارتب الخبز بالمجمده جتي نور كالت مره تريد نرجس طلعت نرجس ركض كالت
تعاي ماما فوتي مامو احد
ام محمود- شكو متردين عالتلفون مو داخابرج باوعت عالنمايم الموجوده بالمطبخ مسلمت طبيت للهول وي نرجس
وج هاي شنو مبدلين الكاشي
شكد قديمه ماما اي بدله غسان من بنه سواه مرمر
لا ومسوين نص الحايط فرفوري
اي احسن
جان شحاله مسوي بيت مال اوادم والله وضحكت الدنيا لاسراء وجهالها اي يمه كوليلي شونج
زينه يمه الحمد لله شدتشوفين صرت ام بيت هزيت ايدي
هاهي يمه تفرغي لرجلج باوعت عالشباك مال مطبخ مرته تباوعلي باستغراب باوعت لنرجس لتخلين بت الفكر تسيطر عليه غسان من صغره يحبج
اي ماما جريت نفس
وكلشي لتسوين بالبيت انتي اميره بس اعتني بنفسج عدج خدم 2 ومن يجي غسان سوي روحج تعبانه وانتي السويتي هالشي
اي ماما شعليه اني همه كله ديسوو حالهم حال الخدم جريت نفس
بلبل- طلعت من المطبخ افوت لاحمام اخذ هدوم عمي اغسلهن سمعت حجي امها تكولها هالحجي بقيت صافنه صدك مهانت عليه روحي متت قهر لا بت الكلب اني خدامه اخذت الهدوم وصعدت غسلتهن وجسمي يرجف من حجيها الحقيره كملت شغل ونزلت اني ونور ناكل جانت امها طالعه جتي من يمنا فاتت
هاي شنو مركبين مجاوبناها حجيت لنور شكالو علينا حقدنا ثنينا عليها
مو داحاجيكم نترت عبالك نديسمعون ابابيل كامت تحجي وي نور عاللبن ولا عبالك داحاجيهم اني هم صبيتلي وكعدت بالهول اكل كملت اكل وذبيت النواعين عالسنك صاحت ابابيل
هاي شنو غسليهن نترت بيها مجاوبتني وراحت للغرفه تخبلت شلت المواعين ذبيتها بغرفتها وطلعت رجعت جابتها عالسنك
بلبل-انتي شنو متستحين
نرجس- والله علميني المستحى تخوصرت حتموتين عالنومه
شنو هههه منو ديحجي ام السطوحح
انجبي ادبسز لزمتها من شعرها شفت عمي ديطب للطرمه عفتها تجر بشعري ضلت تصيح
نرجس-اهلج مربوج عدل لا فهم ولا علم بس حايره شون تغرين الرجال وتوكلي حالج حال الخدم والجواري غمضت عيني طب عمي صاح
هاي شنوووو هالحجي نرجسسسسسس
ااا عمو هي البدت اباوعلها كامت تبجي رصعدت ركض فوك هلاووو هاي تمثل نور صعدت وراها عمي لزمني رزلني
عمي عيب عليج البنيه قايمه برجلج وببي وبيج عيب عمي وانتي نازله ضره عليها لازم انتي التقدرين مو تكعدين تسيطرين هاي غسان هيج مطلع عينج اليوم يجي اريد اشوف لو اني بالبيت لو انتو
نرجس- فكيت عيني كلها بلعت ريك كام يتخربط ويرجف طب ايمن على صوت نور صاحت عمو حيتخربط راسن اخذه وراح للمستشفى شوي وطب غسان
شكو شصاير
ماكو شي كلتها واني خايفه كلشي ماكو ذيج الادبسز بدت واني متحملت منا صايره اعصاب من وره المشكله مالتي وهاي استفزتني
غسان- بقيت اباوعلها تقربت منها نرجس حبيبي شصار احجيلي
غسان رفعت راسي هاي مدتكعد راحه درت وجهي اني مدااكدر ابقى بالبيت تره سويلي جاره
وتطلعين قهرج بيها
لا مو هيج بس هيه تتخارش شالت المواعين ذبتها بغرفتي
ليش عكدت حاجبي بلبل ماعدها هالسوالف ليش سوت هيج
تمولي غصبا عنج تغسليها وتكولي ام السطوح
جريت نفس ايمن وابويه طبو ابويه سانده ايمن باوعتلها حسكم ليطلع هسه اول مطب ابويه صاح غسان تعال
نعم يابه اكعد يابه اكعد كدامي
صار جريت الكرسي مال ميز المطبخ وعيوني على نرجس كعدت كدام ابويه كال
صيح بلبل ونرجس وتعال
صار بلعت ريك طبيت لغرفتي تعاي نرجس وخابرت بلبل ردت بثكل تعاي ابويه يريدج نزلت راسن رفعت راسي -- لبسي شي على راسج ايمن هنا باوعت لنرجس متلبس حجاب منه طلعت للمطبخ كعدت وكعدت بصفي نرجس رافعه راسها طبت بلبل صاح ابويه
تعاي يابه تعاي يمي استغفر الله ربي واتوب اليه ايمن ياب روح لبيتك ارتاح
صار يابه
ابر غسان- انت شنو رجال لو مررره صحت بغسان
غسان- عكدت حاجبي بقيت صافن عليه اول مره هيج يحاجيني كمل كلام كال
بت عمك لازمه شعرها تجره تكولها اهلج ماربوج متعرفين بس تغرين رجلج لا والله طلعنا احنا الماربينا
غسان- بلعت ريك باوعت بعتب لنرجس تباوع رافعه راسها وبلبل منصيه راسها باوعت لابويه.كال
لو تعتذر منها والحجي الصار مايتكرر وكلمن عليها شغله لوو اني بالبيت دقيقه ماابقى
نرجس- اني مااعتذر هي البدت عمي متدري شسوت كامت تشكر مواعين بالغرفه مالتي وكفت و كمت اصيح غسان خزرني معدت اباوع العينتين منصيه
ابو غسان- يابه اني ايمن حجالي كلشي شنو خدامه ماخدامه
بلبل- صدك بجيت من كالها ونسيت التمثيل حسيته ابويه
غسان- خدامتيش يابه مره وتشتغل بيت رجلها مشتغله للعالم باوعت لبلبل تبجي شبيها تبجي باوعت لنرجس عكدت حاحبي شكو شصار نرجس نصت بلعت ريك
ابو غسان- افراح مرت عمك جايه وتكوللها خدم عدج وكلشي لتشتغلين بالبيت هي هاي التربيه اني مرت عمك متطب لبيتي شطببها ماريد افتح دفاتر قديمه كلما تطب تسويلنا مشكله باوعت لنرجس لتزعلين مني عمي
غسان- ابويه كام يصيح ويرجف ركضت ابابيل جابتله مي اباوعلها ماعرف شسوي شرب المي وارتاح كال
لو تعتذر منها لو اني ماابقى بالبيت البنيه نازله لخاطري مو تخدم بيكم لو تشوفوها ساكته تدوسوها اني بعدني مميت تره
بلبل- مسحت عيني وكفت اصعد فوك كال عمي
كعدي تعتذر يله تصعدين
اني مااعتذر اني مغلطت بشي جنت احجي وي امي مسمعتها هالحجي هي شعدها تتصنت
ابو غسان-مو هي السمعت نور عمي عيب ميصير انتي بت عائله وناس عيب تتصرفين هيج
عمي هو اني شسويت لو تشوفهم ميحاجوني لا هي ولا ذيج الحيه اللخ
غسلن- صحت بسسسس وكفت اعتذري منها
وكفت صاحت مااعتذر كسرت كلمتي شتريد تطلكني طلكني
ابو غسان- زين واذا كتلج لخاطري
عمي خاطرك عزيز بس اني ممسويه شي
بلبل- دك هورن كرار وكفت عمي من رخصتك اني رايحه لاهلي بليل اجي شوي تعبانه ارتاح وارجع
ابو غسان- باوعتلها جريت نفس باوعت لغسان هزيت راسي اخذي راحتج عمي وسلمينا عليهم
هزيت راسي وصل عمي لبست صايتي وشلت نرجس وطلعت يابه شون حلو الاحسلس صعدت بالسياره اباوع عبد الله بالصدر جريت نفس كمزت عليه نرجس تعلمت عليه كامت تعرفه
كرار- شنو هالابتسامه هاي شعجب
اسكت غير انعلست كلتها وسكتت رجيت راسي عالشباك عبد الله يباوعلي من الجامه الجانبيه عاكد حاجبه بس شافني انتبهت جر نرجس ودار وجهه اخذت تلفونه تلعب وهو محاجاها وكف كرار كال اجيب سمج واجي من هذا بقه كاعد بالسياره حاير شون حينزل عبد الله من يمه كال اني حنزل جلبت بي نرجس شالها ونزل رجعنا لاهلي عبد الله اخذ كرار وطلع بقيت نور خابرتني كالت ولج غير عمي كلب الدنيا وراج وغسان طب لغرفته كام يتعارك وي الحوبه وطلع من البيت واني احاحيها دك تلفوني مكالمه ثانيه غسان رديت بعد مانهيته منها
الو
ها بلبل
ها همست
اني اسف عالصار
بقيت ساكته
بس بعد معليج منها شتسوي متسوي لتضلين تحاربيها
صرت اعصاب اني مالي دخل بيكم تره اني عليه بعمي
اي هاهي لتلحين وياها هي هم نفسيتها تعبانه
هاا
اي والله شغلها راح وهاي
ماشي بلعت ريك كرهته قاطاااات
شوكت ترجعين ابويه كلب الدنيا
جريت نفس رجيت راسي ردت حجايه حلوه اسمع تره انتي مهمه بالبيت الي مو لاحد مكالها بس حاير بالخاتون نزلت دموعي بدون ماحس
الو
هممم
تجين لو لا
مادري خنكتني العبره
تعاي محد يحاجيج بعد
هسه اشوف
اجي عليج اني
بقيت ساكته مخنوكه
يله جيتج تحضري
سديته وغطيت وجهي بيدي طب كرار كال شكووو صاح شبيج شكو
مامو شي بس بديت اتعب
شبي متموليلي شيريد بعد
لك بابا ميحبني صحت بعلو صوتي ميحبني والله العضيم ميحبني حالي حال الحواري هنااك شفته كام يتلفت عالمطبخ ويرجع يباوعلي
بس شوي صوتج
سكتت عبالي علمود ماما خاف تنقهرتتخربط جريت نفس تقرب مني
حبيبي كل انسان اله حد هيج تحبي
المن لك المن احب وروحه لبابا حاله حال الحايط
تلمست راسها لعد المن باقيه
لبنتي متكدر دوني ولا اكدر دونها ولاريد اخرمها من ابوها لبست شالي طلعت لكيت عبد الله بالمطبخ يم اخته واكف وعينه عالباب مال هول من شافني دار وجهه ترخص وطلع باوعت لمرت عمار تباوعلي بحيره عرفت سمعو كلشي يابه طزززززز دك هورن غسان طلعت اني ونرجس كرار يباوعلي خايف عليه طمنته ماكوشي والله طبيت للسياره وطلع غسان دك تلفونه رد
الو ها اي هسه اجيب ميخالف اي زين ماشي هلاو
باوعلي ودار وجهه تنهد كال تتعشين
لا همست ---مخنوكه حيل
حجيت اكل خل اخذلكم ويايه
تعشيت يم اهلي احجي وماباوعله داشوفه وحش شيطان
همس بالعافيه
شكرا نزلت من وصلنا صعدت راسن درجايتين صاح عمي تعاي يابه بلبل
نعم عمي
وين ملاص المي لان ايدج بيها العافيه مبلعت الحبايه انتضرج
دمعت عيني نزلت ركض للبراد جبتله كلاص المي ونطيته اله يباوع بعيني شربه وجر راسي باسني من راسي همس والله ماجوره بكل صبرج هذا
حسيت روحي حضعف وابجي صعدت فوك غسان يباوع ليفوك وبيده علاليك الاكل طب للغرفه ابو يباوع معاجبه طبيت لغرفتي كعدت وره الباب ابجي منهاره من صدك طبيت للمطبخ عجنت هاي طبيعنجتي من انقهر اطب اسوي اكله ارتاح سويت فطيره الجبن وعدي باكلا مسلوكه سويتها فول لريوك الصبح نزلت صورهم عالبيج والتهيت بالفون نيمت نرجس وبقيت كاعده بيومها مجاني نوم عجنت للخبز. مو بي. احب الخبز مال تنور الفجريه خبزت بالسطح ونزلت لكيت عمي توه كاعد باوعلي بمرايه المغسله ابتسم برضا ضحكتله وطبيت للمطبخ حضرتله اكل قررت من اليوم عليه بي وبس لحد ماتجي خالتي وبعد ماانزل حسيت باب غرفه الحوبه انفتح خليت الاكل كدام عمي طب غسان بالفانيلا والشورت غمضت عيني ماريد اشوف جهرته
كال صباح الخير يابه
هله ياب اكعد تريك
خل اغسل وجهي باوعت لبلبل ودرت وجهي مقصر شحجي شكول ميفيد خل اسكت احسن كعدت عالميز خلت كدامي استكان وصبت الجاي وقربت ماعون بيض وباسطرمه من شفته ماعرف شصار بيه كلش احبه وتدري بيه احبه بس لو تباوعلي تبتسم ارتاح عاشت ايدج همست ابويه كام فات للغرفه مالته شوي وطلعت نرجس صباح الخير كالت
هلو حبيبي صباح النور جاوبتها خلصت اخر لكمه بالماعون كالت
الله باسطرمه اكو بعد
مردت عليها بلبل ادري هي مسويتها باوعت لنرجس لا خلص هه اليوم اجيب عود
نرجس- اوك كليت بيضه جانت دتسوي غده
ااا شحتسوين اليوم اساعدج كلتها بدلع غسان كاعد كدامه هالحركات مردت عليه باوعت لغسان نضره يعني باوعها هز راسه برضا عوفيها معناها
بلبل-كملت الطبخ اليوم طبخت بجدر صغير بس الي ولعمي ولو تحترك الدنيا معليه بي بعدبلبل-كملت الطبخ اليوم طبخت بجدر صغير بس الي ولعمي ولو تحترك الدنيا معليه بيهم بعد كملت وصعدت فوك لل11يله نزلت طفيت التبسي جان على نار هاديه ونور شتريد اعلمها اني تسوي بيتها خلص اعلنت الحرب اني طفيته اباوع مواعين الريوك على حالها مالتها ومال غسان معليه بعد طبيت لملمت غرفه عمي طلعت دخت لعبت نفسي نور كالت هلاو صار الاكل مالتي تشوفي
اي اوكفي ركضت عالمغسله ذبيت من راسي يمكن من وره الفول اكلت هواي
نور- باوعت لنرجس تباوعلها عاكده حاجبها --- لج شبيج خاف حامل
بلبل- رفعت راسي دايخه شفت نرجس بباب غرفتها تباوعلنا مستغربه كملت وي نور يمكن همست فايتتني سبوع بس لا مشكله نرجوستي بعدها صغيره هاي تخبلت طبت للغرفه وركعت الباب التفتت على نور همست منين من الحايط احبل هههههههه
طلح حضج بس غير تخبلت
طبها طرب شو خل اشوف طبخج
صار المي لحم شكله طيب
ايدعفيه كله صح عاشت ايدج عوفي على نار هاديه طلعت صبيت لبنتي وكعدت اوكلها واكلت اني ونور هم وكلمن صعد لبيته واخذت جدريته التبسي ويايه فوك من يجي عمي انزله نور صعدت يمي سوينا جسمنا ومكيجنا وسولفنا اباوع تعليقات كومه عالفول ضحكت وكعدت ارد واعلق وحده من البنات طابه خاص كاتبه
ممكن تعلميني عليه خطوه بخطوه
علمتها عليه
ميرادله شي بس تخلي بالمحضره وينهرس وتكلين طماطا وفلفل وبصل وثوم تكليها وتخليها عليها وشوي حراره وهاذ هو على نار هاديه
ها اوك شكرا
تدللي راحت وره ساعه طبتلي جنت داسولف وي نور نزلت نور رديت عليها دازه صور
باعي شو صار هيج
هههه مفصول الفول عن الطماطه ممهديته هواي
شون اهدي
انتي شكبرج
اني ههه اني 30سنه عمري
ومتعرفين تهدي متزوجه
ههه متزوج ومفصول
صفنت انت رجال
اي اكيد
اني اعتذر توقعتك بنيه
اعرف بس عادي
شجابك ببيج كله نسوان
اريد اتعلم طبخ اذا ممكن
ممراح اكدر ارد عليك بعد اعذرني
ليش
اني مره متزوجه وحرام عليه
زين بذر مني شي غلط لا سامح الله كل الردته حالي حال العالم اتعلم طبخ لان عجبني الفول كلش
زين انت ماعدك خوات انقهرت عليه وموطبيعتي ارد عالولد ابد
عدي متزوجات كلهن
امك
موجوده الله يحفضها بس متعرف تسوي ومره جبيره ماريد اتعبها فردت اتعلم اذا تكدرين واذا متردين براحتج بس والله ادعيلج لان كلش عجبني
لا عادي اوك باوع هذه خلي على نار هادئه فد ربع ساعه وغطي وهذا هو يصير كلش طيب
اوك مشكور ام نرجس
هله بيك اباوع اسمه طائر البراق والله عبالي بنيه دخلت على صفحته مناشر شي اصلا قبل كم يوم مسويها الصفحه شعليه راد خدمه وساعدته ذبيت التلفون وكمت لعبت وي نرجوسه شوي وراسلتني نور تره عمي اجه كمزت لبست دشداشتي الصماكيه صح بيها كصف بس مامو احد جوه خليت الاكل على نار هاديه طب عمي من غرفته للنطبخ
ها عمي الله يساعدج
هله عمي اعذرني مادري بيك جيت
لا صبرت روحي بكلاص لبن اني شلون بدلالج من تجي خالتج ترجعني عالدايت
عمي غير تخاف على صحتك شعدها غيرك
والله البيت اصلم دونها
مبقه شي عمي كلها سبوعين وتنور البيت
انشاء الله
الله يخليكم فوك راسنا طب غسان مبتسك يباوع على ايدي الشايله بيها الجدر كال السلام عليكم
عليكم السلام هله يابه اكعد اكعد ويايه
خل ابدل يابه واجيك كله تباسي صار كومه مماكله
بلبل- باوعتله صبيت الماعون كله لعمي وخليتله اللبن والخبز وصعدت وره ساعه نزلت لكيت نور دتصبله جاي باوعتلي غمزتلي طبينا لبيتها
شكو
ولج مام ياكل وي عمي بفد ماعون وطلعت ست الحسن كلها جان ركبتي وي بلبل كلتله مااعرف ومتقبل تعلمني عمي كللها لو تطلبين منها متردج
هههههاي لا والله اردها تالي شكلت
خبز ولبن وباجر تروح لاهلها تعلمها امها ههههه
طبها طوووب صعدت فوك مواعين الريوك والغده مالتهم مغسلتها غسلت بس مال عمي نزلت على كيفي لكيته يحاجيها بالمطبخ
حبيبي تعلمي هذا بيتج
هسه تكول لان رزلها عمي كامت تغسل مواعين
معليج بالليكول هذا بيتج كلبي بستها من رلسها
بلبل- رجيت راسي وغمضت عيني رجعت صعدت فوك لزمت التلفون شفت رساله من البراق
هيج صار يعني وداز صوره وياها جاوبته هاهي بالعافيه جريت نفس رد
اكلته من زماننن يخبل عاشت ايدج
الف عافبه
زين هسه علميني عالكبه
لا ههه هاي صعبه شوي
ليش تره اني ام بيت والله انضف وامسح واسوي تمن
تعرف تسوي تمن زين والله
اي موداكولج ام بيت
خو تزوج وفضها
جربت حضي وي النسوان ميغيد
براحتك الكبه نطيته الوصفه كامله وضل كلسا يسال على شغله خربني ضحك فعلا غير من يومي وكمت كلسا اروح للتلفون اشوف داز رساله لو لا وارجع ارد على رسالته حسيت ماعده احد خطيه لحد مادز صوره للكبه انصدمت
والله عاشت ايدك خوش لف
لا ههه هاي لف الوالده هذا لفي دزلي رساله صوره
يابه خربت ضحك مخبوط وي المشر خضره
هاي شمسوي
هذا الكدرت عليه شسوي
لالا هههه عاشت ايدك
حباب اني
والله قهرتني
والنبي اني هم انقهرت على روحي ههههه
الله يساعدك يابه اشتري وفضها
مطيبه مال سوك تلعب النفس حشه نعمه الله
يابه غير اكله اكو اسهل
علميني واني حاضر اني على غفله اطب للبيت مو دائما نفس الوكت و خطيه امي اكلها ركض ركض الله وكيلج اللحم منستوي وبليل تسويلي شوربه عدس
ههه سوي همبركر سهل وسريع
اي شون
هو لحم وتخليله بقصمات وبيضه وبهارات وصاص وتعجن وتسوي دواير
خرب حروح اجيب لحم شكول للكصاب
كله ههههه كله لحم هبره وبي ليه شوي
خوش
وجيب صمون كهربائي
اي خوش
وفنكر اكو جاهز طيب والله اني استعمله
ماشي
هاهي ولتنسى الببسي
اي طبعا دتعاي تعشي يمنا والله دنزاحمج
لا عادي اني احب اعلم الناس
