ابابيل- بقيت صافنه هذا صدك يحجي تذكرت كلشي يربطني بي حبي اله وتعلقي والحرب العشتها وي نفسي كلشي كلشي واذيته الي وصفناته الجانت تهد حيلي قفلت باب غرفه المخزن عليه وبقيته ساعتين يكلب بالصور جانت تدنر كياني ومن يطلع اشغل اغنيه واركص في سبيل ميضل مخنوك شنو اني شكد رخيصه على يامال اني النطيته المجال وهسه جاييني يريد مني حنان لا والله ماريد بعد طلع من عيني وكلبي ضربه الي علمودها واخماله صغرني بعين الكل وبعين الحوبه لالاهاهي بلبل لتميلين نيستاهلج طفيت التيبل لامب لفيت راسي ونمت كعدت الصبح شهد تكعد بيه
هلاو
ها شبيج
مابيه شي شو هذا شككل بس يبجي ماما نايمه وبابا يمها خاف يفز بعد مينام خطيه
تعاي كعدي طينيا باوعتله ولج هذا خشمه مسدود
شنو منشول
لالا بس خشمه بي وصاخه لازم انضفه حتى يجر النفس خطيه مخنوك
سوده عليه خطيه
لتخافين مبي شي نضفت خشمه وهو. يصرخ صعدت نور انجمعنا والجهال نايمين تريكنا كلمن جابت ريوكها وتريكنا سوه نزلو من يمي وره الريوك كمت عالبيت كعدت بنتي ومثل كل يوم بقه الخبز عود الضهر خابرت كرار
هلو كرار
هلو حبيبي شونج
ضايجه كلش خل نطلع
ليش منطلع لعد وين تردين ترحين
اي مكان بس اغير جو ولاخابر عبد الله
ها اني يمه ببيته
صدك سكتت دروح لعد
لا هسه حخابر مرت عمار هم تجي ويانا وعمار ها شتكولين
سكتت اي خوش لعد
وين نروح
يابه اي مكان باوع اكو مكان فاتحي بالجديد مطعم وبي مسبح حلو بالكراده خل نروحله
اي تدللي خل اشوف دبل عمار خاف يبجي ويكول ماعدي
ههههه لا خطيه عمار ميحجي وصار كومه ممطلع مرته
لعد خلي يكبر راسها كدام اخوها خابري ورجعي خابريني ماشي
اوك خابرت عمار كال هاهي ارتاحيت كمت راسن كملت خبز ونزلت جوه 6كرص بطبتي للمطبخ طب غسان والحوبه
غسان- بقيت اباوعلها دتخلي الخبز بالجدر التفتت علينا ودارت وجهه
نرجس- سلام باوعتلها ابتسم مردت كالعاده وصعدت فوك راسن عيون غسان تلحكها جر حسره وطب للغرفه طبيت وراه
شبيك باوعتله مستغربه
ماكو شي شبيه نزعت قميصي تنهدت صبيلنا متت جوع
هسه اشوف خاله شمسويه
امم تمددتغمضت عيني طلعت نرجس من الغرفه واني بالي سافر وي حضن البارحه حسيت تلامس اصابع فتحت عيني نرجس بيدها على حنكي ولحيتي ابتسمت هالحركه من جننا صغار تسويها
دتسوين
مثل قبل
ممم جريت ايدها بستها وخليتها جوه راسي جريت نفس ذوبتني الذكريات احبج نرجس
اني هم والله كوم ناكل
يله كومي تغدينا واهلي بعد مجايين ديشوفون تقديم الحج طلع لو لا سمعت هورن بالباب وراها نزلت ابابيل اني كاعد بالمطبخ وي نرجس صحت
ها وين
التفتت عليه تنهدت اخوتي جايين عليه
اي وين لاهلج يعني
لا دنطلع
وين يابه عكدت حاجبي
مادري كالو نطلع
مممم هزيت راسي طلعت ونرجس بنتي وراها تركض طلعت وراها شفت سياره عبد الله وراها سياره عمار شفتها صعدت يم عمار بس بنتي ركضت على كرار وعبد الله شلت ايدي اسلم ردو وطلعو سديت الباب واني ميت فكره سوده براسي وحده منهن انها عدها علاقه وي عبد الله من تركتها رجعتله بس اذا عدها شي خو تتطلك وتتزوجه رجعت يم نرجس الجانت دتسولف عالصيدليه بقيت اباوعلها بالي غير مكان لحد ماانتبهت سكتت ونصت دمعت عينها
شييج همست حسيت كلبي حيوكف
رفعت راسي انت مو يمي ليش رجعتلي لعد
ها عكدت حاحبي شنو
انت بالك يمها تريدها
لا يابه هه بس داشوف ليوين توصل
هزيت راسي ممصدكه بقيت اباوعله عيد ميلادي اليوم وممتذكره طبيت للغرفه تمددت شوي ولحكتي تقرب مني بلهفه قبل ارتاحيت بقربه لان اثبتلي انه مشتاقلي ويحبني حضنني وغفه على ايدي بعدها بفتره غفيت
غسان- فزيت على صوت جهازها رساله شلته عبالي جهازي رساله عالشاشه مكتوب كل عام وانتي بخير وحده من صديقاتها اوووو اليوم ميلادها شون نسيت تذمرت من جننا نسوي بيت جدو ويسوون الكيك ومن يطفون الضوه اعايدها قبل الكل وهي تعلمت على هالشي كامو بس يطفون الضوه تندار تدورني شوكت اشاورها وابوسها من خدها واكولها كل عام وانتي بخير ابتسمت خابرت ولد ويانا بالشغل هذا شتريده يصير وصيته على كعده بمطعم هاديء وراقي وياها كيكه دزيت صورتها اله وكتله سويها عالكيكه كال سالفه ساعتين رجعت نمت وكعدنا العصر طلعت يم اهلي اشرب جاي وي امي وابوي واشوف شسوو الحمد لله طلع اسم امي بس ابويه خطيه مطالع اسمه وامي كالت ماروح لان ماعوفه يضل بالها بينما شربت الجاي وحجينا وضحكنا على شهد النايمه ليهسه لان البارحه جواد سهرها--- شاورتها
حبيبي ضايج نطلع
باوعتله متفاجاه همست كيفك
يله بدلي تنهدت كلبت عالفيس صفحات الصياغ وصيت مداليه نازكه ورده النرجس كال بليل توصل طلعنا بعدما دزلي اسم المطعم والمكان
وين حنروح
مفاجاه،باوعتلها ابتسم
كيفت لان منسه عيد ميلادي جان كلسا يباوع بالتلفون لحد موصلنا مطعم ضخم كلش حلو نزلنا ولزم ايدي قوي يبتسم جان كلبي طاير من الفرح طبينا وكعدنا مكان صفح المطعم يخبل كعدته ومسبح جبير بصف الميوزه كعدنا شوي وجابو الكيك والشموع تشتغل وشغلو الاغنيه مال ميلاد كلبي جان طاير يباوع بعيني مبتسم همس طفي الشمع طفيتها وتممنيت طفل يجمعني ويقربني منه كصينا الكيك وشاورني عمري بليل تجي هديتج من كعدت عدل شفت بنتي نرجي دتتوجه النا صفنت مستغرب شجابها هنا كمت اتلفت لمحت ميز جبير وبي اهل ابابيل اخوتها
ابابيل- الكهجعده تخبل سولفنا وضحكنا رغم تقييدي بوجود عبد الله بس مدايرتله بال وحتى هو الولد نضره شنو نضره مباوعلي ضل يسولف وي كرار وعمار واخته نرجس ضلت تفتر داير ميدور المسبح شغلو اغنيه الميلاد وجابو كيك لميز من الميوزه ابتسمت من داباوع المن انصدم غمضت عيني ودرت وجهي خجل حسيت ثكل على صدري اباوعه يتهامس وياها ويضحكون والقران ولا مره تذكر ميلادي ليش شبيه شناقصني نصيت راسي كلهم التفتو ورجعو باوعولي خايفين عليه اني ليش مسيطرت ليش دموعي نزلت خرب حضي نرجس ركضت على ابوها لمحته نصيت راسي بصفي عمار كال
والله ميستاهل دمعه منج كومي غسلي دنطلع منا
هزيت راسي واني منصيه اي برفعه راسي شفت عبد الله يجر نفس الجكاره يباوعني بالم وعتب ويجر حسره درت وجهي راسن كرار صار اعصاب غسلت وجهي ورجعت جانو ديكومون من الميز باوعت لغسان شايل نرجس بنتي ويباوع لصفحتنا
غسان-بقيت منحرج من نرجس مرتي ومن ابابيل فاتو من يمنا تقرب كرار اخذ نرجس وابابيل منصيه راسها وره عمار محاوطيها اهلها وطلعو
كرار- ها يابه هه تعاي خالو دنروح
ها انتو هنا
اي هه وين ننهزم منك باوعت للوياه والله بلبل احلى منها بس الحب اعمى اخذت نرجس وطلعت وراهم رجعنا لببيتنا راسن مزاجها تغير
كرار- بلبل شبيج
مابيه شي تنهدت بحسره
ليش ضايجه مو طلعنا وغيرنا جو لتهتمين اله
لا عادي بس يوم عن يوم داكرهه اكثر
يطبه طوب هو الخسرج
تدري كرار ولا فد يوم كلي كل عام وانتي بخير شنو ولا يكولها
ولا يهمج حضنتها ولا تنقهرين
لا هاهي جريت نفس هاهي خلصت نرجس ضلت تتنحس كوم وديني هاي ضاجت
وين دباتي اليوم هنا
مرار هاي متعوده بمكانها وكفت لبست شالي كرار وكف ويايه جر سويج عمار اخيرا تعلم لسيارته وطلع وصلني ورجع
طبيت وصعدت راسن لبيتي مجان اكو احد بالمطبخ بصعدتي الباب مال الحوبه انفتحت منصيت وماريد اشوفهم بقيت لثاني يوم نفس الحاله من اتذكر ماعرف شيصير بيه ثاني يوم كان يوم جمعه صاحت خالتي عليه
نعم خاله
تعاي يمه لتركبين اليوم مسوين على روح عمي وعمتي غده
صار ابتسمت كالت
تعاي جوه لتضلين فوك نور وشهد هنا يمي
اي هسه البس وانزل لبست ونزلت جوه ساعدتهم بالاكل نور ورايه ورايه تتعلم تخربني ضحك وشهد تدردم على ابنها لل12الباب انفتحت والله صار بيه رعب من وره فتحتها وسدتها طلع غسان للمطبخ مزاجه متعكر مثل كل صبح باوعت ونصيت من شافني ابتسم درت وجهي عنه كال
سويلي بيض بتوسل
همست اي من دون ماباوعله حسيت شهد تراقبني بحركاتي وكفت بصفي باوعتلها شبيج
شون تكدرين باوعتلها وعيني مغرغره شون تسيطرين
هههه الحكران كطع المصران
يعني شون تهملي هذا علاج الرجل الخاين خو تطلكي ليش هالعذاب
جريت نفس ابتسم همست باذنها تدرين يمكن لو اروح لاهلي يرتاح اكثر بس لو اكعد هنا وكدامه وميحصلني ويتمنى ضحكه مني لو كلمه عذاب اله اكثر وشغله ثانيه نرجس بيننا شون ااذيها ولج اني عمري 22سنه وابويه مات احس روحي مشبعت منه
- صح كلامج
علاج الرجل الخاين داري بس لتديريله بال بيبيتي جانت تكول يمه داري ولتديريله بال شيحب سوي بس لتباعين بعينه نضره رضا ولتحاجي وتضحكيله
ههه بقيت صافنه بوجهه امي كالت
يمه شهد مخابرتي رجلج وكتيله
ماما غير انتي تخابري شنو داعزمه اني خابري وخابري بهاء وهاله
ها اي صح جيبي التلفون وعمج ابوج يعزمه
غسان- اكو خبز لو خلص تقربت من بلبل احجي بهدوء
ها لا اكو فوك
ممم باوعت بعينها بلعت ريك بيج حيل تجيبلي فد كرصتين
اي هسه اصعد ابدل نونه واجيبلك
خوش همست ابتعدت وعيتي عليها من تصعد الدرج طلعت نرجس من الغرفه باوعتلي ودارت وجهه نزلت راسي
حبيبي تتريك
اا سوولي بيض
ممم خوش تريكت وياه جان ياكل بنهم ويسولف ويحاول يضحك البنات يمكن لان ابابيل وياهم هيج حسيت بس هي مو يمها ولا تضحك وهو عيونه عليها كلسا يباوعلها وياهم لو لا دخل عمي وبهاء وايمن كمزت نور على ايمن وشهد طبت للغرفه ترضع جواد بقت وحدها تسوي زلاطه وغسان متمدد بالهول يباوع عالمطبخ بقيت كاعده اخاف اطب للغرفه ويقترب منها يعني هي لابستك شبيك حتتخبل اهملها مو يمك حب حياتك والله كمت اشك مسويتله شي
ابابيل- كملت شغل دااصعد فوك خالهركالت يمه لتبطين دنصب ونتغده
صار خاله صعدت غسلت وبدلت ورحت يم شهد كلت نتزل سوه
شهد- لبست كلبيتيدالبيضه جابتها امي وي الجهاز وشسوت شعري ورفعته وكدله وكذا وقبل بيوم نور سوتلي وجهي م طلعت كلش حلوه مكيجت خفيف ونزلت وي جواد كاعده يم عمي ويباوع على جواد ممصدك بي سمعت صوت سلامه
محمود- سلام عليكم شونج خاله بستها من راسها جنت اقره الوجوه اخاف اي وجه منكلب يعني عرفو جنت خايف ومنحرج بس الوجوه تبشر بخير الحمد لله طبيت للهول واشوفها كاعده يم ابويه تخبل طالعه ابتسمت نصت على جواد تقربت سلمت على عمي والولد كعدت يمها جريت نفس براحه مديت ايدي اخذ جواد اباوع بوجهه متباوعلي اخذته منها وكامت راسن من يمي ضليت اباوع بوجه جواد يدور حنانه ومديلكاه كام يتنعوص صحت
تعاي هذا جوعان
تقربت اخذته وعيوني ماطايقه تشوفه ابد وكت الغده صاح ابويه على بلبل
تعاي عمي بلبل تعاي يمي
اي عمي جيت كعدت يمه ونرجوستي بصفي اكلنا بس اللكمه متنزل مني كوه خلص الغده وكمنا لملمنا الحمد لله خلصت كعدنا بالهول نشرب جاي وانفتح الموضوع
مدريتي امي طلع اسمها بالحج ومتقبل تروح
ابابيل- ليش خاله متروحين حرامات مدام بيج حيل
يمه عمج وين اعوفه
خاله احنا هنا اني ونور نداري
نرجس - باوعتلها ودرت وجهي حتى تبقى اكثر وكت جوه والله انتي تخوفين كلتها بداخلي
ام غسان- لا يمه يضل بالي
لا خاله روحي وبركبتي اني ادراي شو عمي خطيه يطلع ب12ميرجع لل7بليل ياخذ دواه وينام
اي واله مادري حايره
نور- روحي خاله واني وبلبل ندير بالنا عليه حتى اتعلم الاكل منها
ام غسان- ها والله يمه مادري خل اشوف
نرجس- اي خاله احنا موجودين بليل يمه من تصعد ابابيل فوك احنا بليل يمنا
اي يمه خوش حجي
شهد- باوعت امي لمحمود كالت
يمه محمود هاي مرتك باجر تخلص سبوعين وطرف الخيط بعده ينغز يمكن نرجس هاي ممطلعته كله توديها باجر لو من يجي ايمن
لالا خاله اني اخذها باجر امر عليها باوعت لشهد منصيه على جواد تمسح بوجهه جريت نفس التقت عيني بعين غسان يباوعلي باستغراب جننه حس احنا منتحاجه وكفت اترخص خل انهزم احسلي يله ياب اترخص
وين عمي
لا ياب اروح ارتاح عدي شغل العصر نصيت على جواد بحضنها بسته من راسه رفعت راسي باوعت بعينها منصيه همست باجر حضري هدومج دنرجع سويتيها بله معنى شفتها برطمت عفتهم وطلعت كلبي معصور بلبل- عمي وافق على روحه خاله وبقيته يمنا هو شهر ويكضه شون مجان بعد اسبوع تطلع خالتي
نرجس- احوالي بالصيدليه كلش زينه
غسان- مرتاح كلش بس لو ابابيل تفك حتى اخلص من عذاب الضمير واشتياقي الها تعبني نرجستي كامت تتصرف بدلال ودلع سطرتني ونستني الدنيا
شهد- ومر يومين واجه محمود الصبح سمعت صوته يحاجي امي
زين هو بعده مينام توجعه بطنه
اي مخبلها وحايره بي هي وبلبل ونوبات نور تصعد يمهم
زين نرجس نطته دوه كالت للغازات
متقبل مرتك تكول اخاف انطي اي دوه احنا هم جننا مننطي يمه موزين
ها لعد يضل يبجي خطيه
ها شتسويله ولا يضعف اعصابه
كيفها جريت نفس خاله فدوه لعينج متصيحيها خاف نايمه
لا يوم كاعده بينما تكمل جايك تنزل
ماشي جريت الجاي سمعت خطوات الدرج التفتت شفتها بالجبه والحجاب
شهد- ماما همست هاج جواد دير بالج عليه خليتله مميه ورضعته شبعان هسه هو فد شوي تكعد بلبل بلكن الحك اجي من وكت
ام غسان- ماما كوليلها للدكتوره على كلشي الوجع الديصير ببطنج ووجع راسج خاف الضغط ديصعد لتنسين شي وكوليلها عالنزف
اي ماما باي شفت محمود طلع كدامي نضرات امي المستغربه عليه وعليه انه اني مسلمت عليه حرجتني طلعت راسن وراه فتح بيبان السياره بسويجه
محمود- صعدي همست شفتها واكفه جريت نفس صعدت بالسياره شغلتها شوي وصعدت فريت السياره باوعتلها متباوعلي تباوع كبل بقيت اباوعلها مامو طلعت شوي والمح فاطمه خرابه البيوت وي امها نضراتها وابتسامتها الحقيره استفزتني جريت ايد شهد وبستها شهد بقت صافنه عليها احس ارتبكت طلعتها جرت ايدها راسن تنهدت بتعب
من نرجع تجيبين غراضج دنروح للبيت
نصيت راسي ساكته كلام بلبل يفر براسي كعدتي ببيت اهلي اله رحمه اروح اكعد على خوانيكه واشبعه مغثه قابل شريد اتطلك بس شون حتحمل درت وجهي عالشباك رجعت غزتني الافكار والمنضر الشفته رجع ياكل بيه بدون ماحس دموعي نزلت همزين دايره وجهي عالشباك وكفت السياره على غفله حسيت على روحي مسحت دموعي نزل نزلت بثكل مشه كدامي كال يله همس مشيت وراه رافعه راسي دخلت للدكتوره وهو ضل ينتضر بره كملت وطلعت طلع ورايه رجعت صعدت وصعد ديسوق كال
انتضرج ربع ساعه تلمين كل غراضج وصيحيني انزلهن ماشي احجي وياها مترد رافعه راسها متباوعلي متت اريد بس امان عيونها مصيرج تسامحيني مدام بعدج ساكته احجي وي روحي وصلنا ونزلنا كعدت يم خالتي شوي وترخصت
خاله حصعد اساعدها خاف متكدر تنزل الغراض
اي يوم براحتك
صعدت طبيت لغرفتها راسن بقت منصيه ترضع جوجو همست وين غراضج بيا كنتور
مرديت عليه جر نفس بعصبيه واخذ الجنطه كام شيشوف كدامه يخلي ترس الجنطه واني مو يمي نتر فضيها اني ماباوعله ومطايقه سوالفه نزل الجنطه واجه كعد كدامي كمل جواد رضعته وكمت كملت تلملم
محمود- شفتها كامت تلملم ارتاحيت جريت نفس شلت جواد بيدي كملت خليت جواد عالجربايه وشلت الغراض باوعتلها مناسيه شي هزت راسها بلا ابتسمت بدت تتجاوب ولو عيونها متباوع عليه بس حقها نزلت وتسالمت وي خاله وطلعت وهي ورايه. رجعت للبيت كبل واخذت ويايه كيلو كباب شوي للغده طببت الغراض ضلت واكفه بالطرمه مدري شبيها
فوتي شبيج
شهد- اخاف اطب للبيت بقيت جامده تذكرت كلشي حتى تفاصيل جنت ناسيتها هسه من شفت البيت تذكرتها بديت ارجف وكلبي دكاته تسارعت وصوته يكول فوتي يله شبيج اخاف افوت وارجع اشوف المنضر مخزون بعيني
هاي شبيج شهددد فوتي صحت بيها فزت ونصت راسها طبت بثكل ورايه كملت الغراض وكفت بباب الهول طبيت قبلها التفتت عليها تباوع لمكان كعدتي وي فاطمه ودموعها تنزل معرفت شسوي شغلت الاضويه همست شهد
شهد- ملتفتت عليه بس مسيطرت على دموعي وكف كدامي يتوسل
الله يخليج انسي كلشي ماعرف شون عافتني راحت للغرفه وبعدني كلامي ممكمله جريت نفس تلين متبقى هيج تلين انسيها كلشي ----
ابابيل- بلشت خالتي تحضيرات الحج وبعد كم يوم تسافر البيت مينجرع بله شهد وجوجو بس شنسوي هاي سنه الحياه علمتني خاله على كلشي عمي يحتاجه واتفقنا اني ونور عليه التركيب والصب والدوه على نور حتى ماضل لليل جوه سلسبيل علاقتي قوت بيها كلش ومرت ابوها الله هاديها عليها مدري ليش يمكن لان ماعدها خلفه ميصير عدها حتى السياره خلتها جوه ايدها بس ياويلها اذا غلطت تعرس عليها وعالخلفوها ههه الناس الجوه اني مالي علاقه بيهم صار 3ايام اصلا مشايفتهم وباجر تطلع خالتي وعمي خطيه كلبه مقهور لان حيشتاقلها شكد شفت بحياتي حب مثل حبهم مشفت كعدت الفجر اودعها سمعت صوتها صاحت واني البس الحجاب
ماما بلبل
اي خاله جيت
غسان- صار اربع ايام مشايفها رفعت راسي عالدرج بله ماحس على روحي نزلت باوعتلي ودارت وجهه تبتسم لامي تقربت حضنتها جريت نفس تذكرت من حضنتها ودعنا امي وطلعت اوصلها للمطار وي ايمن وابويه اللي بس يوصي بيها وهي تكوله صار ابويه خايف عليها وراح يتخبل من هسه ديلوب هذا شحيسوي بينا علما يخلص الشهر وصلناها ورجعنا اباوع لايمن اضحك بالمرايه على ابويه داير وجهه عالشباك كلشي ميحجي بقى بس يبجي وصلنا نزل ابويه ايمن هههه
ها شفته
ولك جكه وحده ويبجي وروحه لجدو
ادري ادري اكولك حفوت انام باجر ماروح
ليش يابه احد نطاك اجازه بدون علمي
لك لا التعيينات طالعه خابروني الولد داروح بلكن الله اسمي طالع
ليش يول مقصر وياك من طاح حضك
ولك اريد نفط صار كومه مشام ريحته
ذاك هو وره البيت طبب راسك بالبرميل واشفط
ههههه لا غسان فدوه خليني امارس الشغله الاخبها
كيفك. حريت نفس يعني متجي باجر
لااع
ديله روح نام
اي تصبح على خير
تره صبحنا
اي القصد عهههه
طب ايمن نرجس نايمه باوعت عالفوك جريت نفس لابيه نومه ولابيه بعد ارجع افوت للغرفه صعدت كم درجه بهدوء واسمع صوت فتحه باب غرفتي جوه نرجس فتحتها كالت غسان همس
همم بلعت ريك باوعتلي بحيره همست وين
نزلت جريت نفس باوعت بعينها الدمعت راسن. نرجوسه دتبجي داشوف شبيها بقت تباوع بعيني منصدكه تنهدت
هي مرايدتك الوش ذاب روحك عليها حبيبي اتركها
لا مو علمودها داشوف بنتي
هزيت راسي اي طب للغرفه وتمدد بالفراش تقربت تمددت بصفه تقرب حضني غمضت عيني احس روحي دامنعه من حقها بس هي مرايدته
غسان- اووف يا الله شكد اشتاقيتلها
يتبع
ا
