بلبل- شنو من رجفه بحياتي مشفته هيج عصبي غسان شنو من جان يعصب ويضرب مخايفه منه هيج طلعت بثكل وختمت القران بدربي وصلت للممر البين المطبخ والهول اشوفه يدك باصابعه عالكانونتر ينتضر ومرتجي ضهره عالسنك. مديت راسي كال
تعاي تعاي اشرتلها بايدي منصي راسي ذبيت كطف الجكاره وشفطت اخخخر نفس بقوه شمرته بطرف اصبعي بالحديقه وسديت الباب قوي اباوعلها فزت تخاف تقترب
ها شبيج تعاي شبيييج صحت تقربت مني ووكفت بعد متره
تعاي هناااااا اشرت كبالي
ليش احجي منا شكو شبيك نترت تقدم ركض اشر باصبعه سوالين بس وجاوبي بصراحه وخليني ارتااااااح كام يدك على صدره ارمش وي كل ضربه لان كلش قوي عكدت حاجبي شبي هيج واج بلعت ريك اسال
لللليش رفضتيني صحت بعلو صوتي فاقد احس نار تطلع من ضلوعي
بقيت اباوع على عيونه من صدك خفت بلعت ريك ادير وجهي صاحح باعيييييني وردي مو خادم عدج اني
مادري همست
لتكولين ماادري لا واللي خلقج ابتلي بيج بدون ماحس على روحي
شتريد مني برطمت راح ابحي
لتتبكبكين وتسوين روحج احمد قتيله والقران هسه اموتج احجي بسسسع تره نار بكلبي من سنين واذا اللي ببالي صح يا ابابيل لا تشوفين مني شي تترحمين على ايام غسان بي
بلعت ريك رجعت ليوره هزيت راسي. شبيك متكولي
ليييش رفضتي
مجنت احبك
اللهم طولج ياروح درت وجهي ازفر الهوه نار احس يطلع رجعت انداريت عليها كذبتي وروح ابوج كذبتي تموتين عليه جنتي وتنتضرين التضره ولج مربيج على عيوني مو غشيم اني احجي عاد للليش رفضتي احجي عاااد لزمتها من زندها عبست وجهها تتاالم هديتها اعرف روحي من اعصب اكسرها وماحس على روحي
مردت ساكته بقت بس تباوع عليه مبرطمه واني اصيح احجي وادك عالكاونتر
لان سمعتك كلتها وبجيت
اي اييييي شسمعتي والله لو تموتين بجي مارحمج احجي
احجي عادددد
اعرف كلشي عبد الله كلتها وابتعدت خطوه لخ
شتعرفين يابه شسامعه عليه لج اشرفج واشرف اكبر راس بالعشيره شسامعه لتخليني اغلط حتى على خالي احجي فركت عيوني تعبت جريت الكرسي كعدت بقت واكفه تفرك بيدها نصيت راسي جريت كرسي الها اشرتلها كعدي سكتت هدات روحي كوه حتى تحجي كعدت خايفه بلعت ريك باوعتلها لزم راسي بطرف اصبعي لزمني وجع راس مو طبيعي باوعتلها راح تحجين لو لا
- باوع سمعتك تكول ماحبها
- مكايل هيج اني غمضت عيني صبري بده يخلص باوعتلها عيب عليج تره الكذب للزعط
- غمضت عيني درت وجهي رجعت باوعتله الضاهر مراح يفك ياخه كال كملي حجيج شنو التعرفي
- جريت نفس ماريد احجي
- اهوووووو شلت النفاضه ركعتها صاحت كاغي عاد شبيك تخبلت
- اي تخبلت اشوفج خبالي لزمت ركبتها. احجي
- شبيك عبد
- احجي احجي جرت روحها مني كوه كامت تكح ارتجت عالحايط صاحت شعدك يوميه رايح لصديقك بليل هاااا بقه يباوعلي عاكد حاجبه هز راسه كملي كملي كال
- اي كل يوم طالع واني اعرف كلشي من جنت بنيه سمعت كلشي ولعبت نفسي منك بقه يباوعلي رافع حاجبه فاك حلكه صافن
- اي سمعتك دتكول لعلي ابن خالي سعد
- شكوووول لج احجي كمت اضرب على راسي اني شحاجيي
- كتله اني احب ولد
- شنو يعني صدك متتشاقين وي سلسبيل جنتي لزمت راسي ولج المنننن حاجيه هالحجي خربب----احجييي
- مكايله لاحد والله بس سلبيل
- ولج اني اخر عمري تطلع عليه هيج حجايه لج انييي بحياتي مكايل هالحجايه
- لا والقران اني سمعتك بعرس زمن جنت واكفه وره الباب كمت ابجي خايفه منك كام يضرب بروحه
- صفنت فكيت عيني رجعت كعدت غمضت عيني تذكرت كلامي وي علي على اخو جريت نفس باوعتلها وانتي تصدكين هالكلام همست مبيه جيل احجي بعد
- اني سمعته منك شتريد بعد مسحت دموعي وكف كال
- متدرين شسويتي اليوم كتلتيني والله كتلتيني هزيت براسي مع الاسف عليج ومع الاسف عليه دخلت هيج زعطوطه وغبيه لبيتي جريت نفس اني مااكدر اربط روحي بيج والبيننا لازم ينتهي والحمد لله متقربت منج جريت نفس ارجف باوعت بعينها ضيعتينا بغباءج لو بس سائلتني مواجهتني ضيعتي عمرنا ابابيل باوعتلها مشماز مشيت من يمها لزمتني
- عفيه عبد بس فهمني اباوعله انحل مبي حيل عينه حمر مدمعه باوعلي صفح ودار وجهه ذب نفس كال
- اليوم انتي متتي بعيني عذريني مااكدر اسامحج و اني مو مثل متكولين والكلام مجان يدور عليه على غير شخص طلعت من البيت مكدرت ابقى دقيقه بقيت افتر بالشواع كلبي صار جمره كرهتها كلش
-
رجعت الفجر البيت كام ياكل بيه طبيت لكيتها نايمه وي نرجس فتحت الكنتور طلعت هدومي وخليتها بالجنطه دااخذها واطلع كعدت كالت
عبد وين رايح
مرديت عليها مطايق حتى صوتها
عبد الله يخليك اسفه اني
جريت نفس مسافر جريت جنطتي
بس عبد
مدرتلها بال طلعت صارت امي بوجهي
ها يمه شوكت كعدت
يمه توني اباوعها تباوع بقلق عالجنطه وتباوع بوجهي احم اني حسافر سبوع
يا وين يمه
اا لاربيل عدي شغل دير بالج عالبنات
الله وياك يمه دير بالك عروحك
طلعت روحي فرفحت اذا بقيت شويه لخ اختنننك رجعت للمكتب مكتبنا شقه 3غرف بعماره سكنيه بس تجاري يعني بيها مكاتب مال اعلانات بيها مكاتب مال بناء هندسه وبيها مكاتب عقاريه صعدت للشقه روحي تلوب شسوي طبيعتي احسم الموضوع ماضل اجر واعر بهلاثناء دكلي عمار حسيت اخته كايلتله شي حجايه منا حجايه منا كمت اخربط بالحجي كال انت وين
اني بالمكتب
شعدك يول 11ونص
البيت خنكني
زين تجي يمي
عمار عوفني خل ارتب وضعي
براحتك يابه
سده مني وراح بقيت الليل كله مجطول عالقنفه افكر اخر شي استنتجن اطلك مدااكدر اطيقها بعد احس اي وصل مراح يصير بعد واني ممتقرب منها بعدني خليها ترجع لاهلها لا اول ولا اخر وحده والف من يتمناها عالعقد عمي نطلك مدااكدر بعد هاي مو واعيه لدرجه انه كبرت ومتزمته برايها ولا فكرت تسمعني اول تستفسر مني وشايفتني هيج شون كدرت ترتبط بيه الا اذا علمود الستر وكلام الناس اني شلي بهالخرط اني كضيت حياتي احبها تالي هيج شايفتني لا نفسي ولا مكانتي الاجتماعيه تحملت هالشي اني ذيج غلطت غلطه خصمتها وطلكت والقبلها عم مالي خلك اتحمل خربطه وغباء واسامح ميت مره وينعاد الغلط قررت وثاني يوم الصبح عمار خابرني
عمار البيننا ماله دخل باختك
لا اني من اول كايلك انت اخويه وهي مرتك كلشي ولا علاقتنا تذمر من تزوجت زينه شكتلي
خويه اختك راح انفصل عنها
زين اكدر نكعد نتفاهم
اي تعال قبل ليجون الموضفين شوكت تطلع
فد ساعه
ديله انتضرك بقيت انتضر صدك اجه كعدت حجيت وياه ضل يسالني طيني سبب لان اعرف بيك متسوي هيج من الماكو انت سيد العاقلين ضل يلح خرطتله الاكو والماكو واجتي مواقع بالكلام صرت بيها عصبي وفرفحت هو بس منصي راسه ويهزه بالقبول كملت كلامي التفت عليه كال هاذ هو يعني
اي مااكدر اني والله درت وجهي بعصبيه شجاريلي جايبلي عله اني الاثنين القبلهن طيحو حضضي
بس هاي بت خالك
عمار والقران من البارحه لليوم بس افكر راسي صار طبل يعني بنيه هيج شايفتني وفاضحتني شون تريدني ابقيها اني شمدريني سلسبيل المن حاجيه ومنو كال اختك محاجيه لاحد
جريت نفس اختي ماعدها احدتحجيله غير سلسبيل ولا سلسبيل عدها اخد من صغرهم نعرف صح لو لا وهالموضوع جبير لو حاحيه جان لابد سمعنا صح باوعتله رافع حاجبي
عمار اعذرني
ماشي هاهي براحتك راح امر عليها اخذها وكفت باوع لطولي كال
هسه حتمر
اي لعد شكو مخليها مزهريه جريت نفس
مو بعدهم نايمين باوعت الساعه ب6الصبح باوعتله مستغرب كلب وجهه
مهتمين مشيت كم خطوه جريت نفس من رخصتك
الله وياك كلتها واحس روحي خسرته طلع وكمت بدلت اريد الزم قضيه مااكدر هوسه راسي كله هوسه
بلبل- لل8 دك غسان رساله كاعده
اي كاعده شكو
حضري هدومج جاي عليج
ها
مثل مداكولج
بلعت ريك كمت حضرت هدومي وابجي خسرته مره لخ شوي وسمعت هورن سيارته اخذترالغراض وطلعت بوجهي صارت عمتي كالت شبيج
كتلها شوي متلاغيه وي عبد
يمه متعوفين بيتج
عمه هو دز عمار كله روح اخذها بستها من راسها وطلعت ضلت فاكه حلكها اخذت الغراض ونرجس وطلعت عمار ميباوع بوجهي تركته وكضيت الطريق ابجي وصلنا نزلت راسن والغراض ونرجس كمت انزل بيها شوي شوي عمار يباوعلي بعتب كمت ماباوعله كعدت امي كالت شكو يمه مرديت كملت الغراض تمددت بغرفه ابويه رجعت نيمت نرحس جتي امي يمي كالت شكو
حجيتلها خلت ايدها على حلكها وكالت يمه تبات نار تصبح رماد ارتاحي لتضلين تبجين من عافج الميسمى مصار بيج هيج
ماما عبد الله حباب
يمه لازم الوجوه تنكشف حتى كلبج يلين
هزيت راسي بالرضا ونمت عمار ميحجي ويايه زينه تجي تحجي حجايتين وتطلع تباوعلي بقلق متدخلت بس بالها يمنا كمت من يجي عمار افوت للغرفه عفيه اخوتي شكد شافو مني ضيم كرار دائما يخابر بس محجيتله شكد لح مكتله مااكدر ومن يشوفني ابجي يتركني خابرت سلسبيل حجيتلها كلشي كامت تلطم وتكولي شون عرف اخر شي وصلتله كالت فاك حسابج من الباسوورد والايميل النطيتيهيا وعرف من كلامنا بقيت صافنه شكد كاتبه فشلت حيل خجلت مر كم يوم على هالحاله وعلى غفله خابرت خالتي ام غسان
غسان- نرجس وصلت الشهر الثالث واني مترقب بكل لهفه وهي هم التشتهي يوصل قبل لتكول كمت ماخليها تسوي شي بالبيت تجي فلبينيه 3ساعات الصبح تنضف البيت وتطلع وعلى غفله بليله من الليالي صار عدها وجع كلش قوي. بليلتها جان حضر تجوال متحملت الالم صياح تصيح منه ركضت لبست ولبستها وطلعنا للمستشفى حضر تجوال لحد ما فكو الطريق النا وويانا سياره نجده الف ياعلي وهاي تلوب يمي بينما وصلنا المستشفى صدك متكدر تمشي وبس وكفت مثل بوري وانفتح دم كلش قوي منضر مشايفه ومنو حبيبه كلبي ركضو الاطباء المقيمين ذوله شمفهمهم راحت وكعت كمت ارجف خابرت محمود حسيت روحي صدك وحدي خابرت بهاء وعمي وايمن جوي يتراكضون واخذوها للردهه بعد مطلعو الا وره ساعه الدكتوره المقيمخ بيدها ورقه تكولي وقه عمليه رفع رحم
شنوووو ضربت على كصتي
زوجتك كان عدها حمل خارج الرحم وانفجر الرحم لازم نرفعه
بقيت فاك حلكي دخت لزمني ايمن ضل واكف بهاء يحاحيها كمل ووقع اندار عليه كال اذكر الله وطلع من المستشفى بقيت اتصفن عمي يلوب كدامي اني صدك لو دااحلم يعني بعد ميصير عدها اطفال هاي اذا سمعت تموووت تذكرت حجايه ابابيل الله يحرمك مثل محرمتني ربي والله محرمتها بنتها ورجعتها الها بس ضلمتها هواي بقيت على هالكعده ساعتين وطلعوها بسديه وجههه اصفر جانت نايمه حبيبتي والله لو تصحى وتدري تتخبل مر يومين وعرفت كامت تصيح وتلطم
اخوتها لازميها منرصوب وامها واني من صوب اتوسل بيها وصلت حد البجي ابجي واوتسل بيعا نطوها مهدا يومين 3واسبوع سبوعين رجعت لبيتي مكسوره مو مثل قبل مر شهر وامي بدت تلح عليه
يمه رجع مرتك هاي حوبتها
واني ممهتم
يمه مرتك تحملتك بت حموله هاي متخلف بعد رجعها لو تازوج متريدلك جاهل
يوم رحمه لا الله عوفيني بقت تلح مر شهر ثاني وامي ضلت تلح عليه يمه العمر يمشي تزوج جيبلم ولد ايمن صار عده محمد واني بقيت لا ولد ولا تلد ونرجس متريدني بهالفتره حيل شتاقيتلها حسيت ضلمتها كتلها لاني يوم اريد اشوف بنتي خابريها لابابيل
امي بلهفه اي يمه شكومنها دكتلها
الو ها خاله شونج زينه الحمد لله امورج صحتج عمي شونه شهد الله يجعلكم كملت سلام وكالت يمه كلبي لايب على نرجوسه اني وابوها يصير نجي نسوفها
يا خاله كل الهله بيج غير بتكم خليت ايدي على عيني شلت هم وفعلا العصر ساعه وجوي مدخلت اني ونرجس مقبلت تروح يم ابوها ضلت تصرخ
غسان- شكد حاولت بجبس بنسلته مامو قافله متريدني والنوب تاركها هالفتره صار 9شهور نستني بس قبلت تروح يم امي احسها صايره جبيره تلمست ايدها باوعت بيدها سوار ذهب باوعتلها
منيلج هذا بابا
مردت عليه رجعت امي سالتها
الله حلو هذا منو شترالجيا همست باذن امي وتباوعلي مستغربه كالت بابا صفنت ينجمكن قصدها على عمار خالها ضلينا ساعه وطلعنا خليتلها مصروف اللي جنت كاطعه كم شهر بقت روحي تلوب وامي تنك
هاي كله حوبتها هاي الطفله لعد تشمر بلحمك يمه ميصير
بمه متريدني شسويلها
هاهي من سوات ايدك اول مره بحياتها تنضرب منك وشون ضربه عبالك تنسى هاي تضل ببالها
شوفي يوم حرجع للبيت رحمه لا الله نرجس البيها مكفيها لتجيبين طاري بتي
ماشي خل نشوف تاليها
بس رجعنا للبيت نرجس جانت بالمطبخ تشرب علاجها باوعتلي وباوعت لامي كالت وين جنتو امي مردت عليها باوعتلي
هيج دنتسوك
شومبيدكم مسواك
ضلت تباوعلي بقلق صعدنا فوك وبدت المشاكل كامت تصيح وتعيط رجت تخطب مو
يمعوده المن اخطب صدك جذب
لا لتكذب رحت تخطب خالتي دتنك عليك عبالك مداسمع كلشي اعرف
والله مدااخطب اريد اقنعها ماكو كامت تعيط وتصيح وتضرب بيه انهارت تركت البيت وطلعت صاير مااكدر اكعد بي من مشاكلها ونكها
استمرت مشاكل نرجس وحتى وي امي تعاركت وكامت تخربط بالحجي اني متحملت رزلتها
انتي شبيج تخبلتي امي هاي
ختروووح تريد تزوجك حتموت شون تحبني شووون هي من اول متحبني لا الي ولا لامي
نرجس تخبلللتي بسسس
مااسكت فتهمت مااسكت طلعني بيت وحد
مااطلع منا اني همست من اول متفقين والبيت فارغ
اكرههه لامك
اني هم امره امج بس مخليتها تسمعالحجي ودائما محترمها لخاطرج رغم طلعت اهلي حراميه
اني متحث اخويه يتزوج على مرته وتهدم بيته
مرت اخوج لو متخلففف باوعت بعينها وسكتت كامت تبجي منهاره حاولت اسكت توحشت كامت تملخ بيه انكلبت وتغيرت هواي كمت ماشوف راحه بالبيت طلعت. ورجعت بليل تلكتني امي كسرت عليه كالت
يمه تشب وتطفى بس عمرك ليفوت اني تعبت ومرتك مريضه وكفه متكدر توكف ودتشوف من انفجر الرحم لليوم 4عمليات سوت تشيل اسم الله الاكياس اني حيل مبيه للبيت حايره بابوك المريض لازم تتزوج ياسمه مو عيشه هاي مدايميلك احنا بقيت صافن بكلام امي صح ملامها بس اني مااكدر اكسرها اكثر صعدت فوك والكاها عالدرج سمعت كل كلمه نصيت راسي وفتت بقت تباوعلي وعيونها غركانه دمع لحكتني للغرفه كالت
غسان رجع ابابيل
شوون
حباب لتتزوج اقلها ابابيل شكد مجانت بس مااخذتك مني بنيه عدها كرامه رجعها واعدل بيننا الله يخليك لتنساني حضنتها لتبجين فدوه جريت نفس افكر احسن حل بنيه اعرفها وعايش سنتين وياها مشكله وحده مسوت بس من عرفت حتزوج وحقها خل ارجعها واتعذر منها واول وتالي ام بنتي حجايه نرجس صح بقيت اباوع بعينها
ماريد تغارين منها انتي الاولى والاخيره
ادري حبيبي والله ادري شسوي هاي امر الله
بستها من راسها ونمنا ثاني يوم الصبح حجيت لامي كيفت وراسن كالت اليوم نروح بقيت صافن عليها شون حرجعها شوون حتسامحني الله يدبرها بعد بس خل تجي تصلح حالي تعببت من الهوسه والاهمال انعل ابو الوكت
ابابيل - مر سبوع وعبد ماكو عمار ميحاجيني هالفتره كمت الوب زينه عرفت كلشي كامت تجي يمي تخابره يسال عن نرجس ونوبات يحاجيها اضل اسمع صوته عالسبيكر وهاي دموعي تجري هو بس هذا الشفت منه حب من دون اهلي زينه تباوعلي متعرف شتسوي ولا اني الاعرف شسوي مسال عني ابد
مرت كم يوم ودكت خالتي مره لخ كالت اني وابوها راح نجي نشوفكم كتلها هله بيكم مبيه حيل افكر ليش مليش لان حيل تعبانه بفراك عبد الله كمت اشتاق لحنانه وحبه الي دلاله وسوالفه المحسيني انه اني ذات اهنيه ياخذ رايي بابسط الامور واني بيدي دفرت النعمه
عبدالله- رجعت للبيت بعد طلعتها منه امي توها تريد تحجي يايه نترت والقران حجايه لخ اطلع من البيت عوفيني مو صغير اني اعرف ادبر اموري سكتت طبيت للغرفه اباوع الكنتور فارغ بس التعلاكه بيها روبها لزمته اتلمس واشم بعطرها ذبيته وتمدزت بفراشها المخده كلها عطرها شلت المخده قراصه نرجوسه خنكتني العبره خليت المخده على راسي ونمت مر سبوعين واني بديت اتعب لا بيه ارجع اخابر ادري بروحي مااكدر اعيش هالعيشه ولا بيه اتاقلم وعمار بعد لاخابر ولاكال واني اخجل اخابره بين يوم ويوم اخابر زينه واحجي وي نرجوسه اتمنى بس لسمع صوتها بس ماريد وفجأه خابرعمار كال
عبد الله انت مو بس ابن خالي انت صديق طفولتي وتدري بمعزتك
بقيت سامت فركت وجهي كال
اذا متريدها خليها تروح لحال سبيلها
بقيت ساكت مستغرب ماعرف شسوي جريت نفس يعني شون تروح لحال سبيلها
تنهدت عبد الله خابرو اهل غسان
ايييي نترت وكفت وبعدين حسيت حرجع اخسرها وهالشي دمرني حسيتها مالتي بعد محد يكدر يقرب ناحيتها ---كمل كلامك افندي
هاهي اذا الك نيه ترجعها بعدني ممكمل كلام اندكت الباب وعبد الله سده ذبيت التلفون امي كالت يمه افتح الباب جوي وكفت جريت نفس غسان جان الضهر متصل بيه كال عدي حجي وياك وويه ام نرجس عرفت يريد يرجعها وعبد الله شون ميكون زوجها لا م يعرف كلشي اذا ميريدها يطلكها المن معلكها شو هي العلاقه خربانه خربانه طببتهم للصاله ودخلت امي
غسان- جنت متلهف اشوفها ادورها بين الوجوه مجتي كعدت عدل امي فتحت موضوع كالت
عيني ام عمار اني جايه على الله وعليكم بنيتنا ونريدها اني الله يشهد عليه والله العضيم حالها حال شهد وهي تدري لعد اجي ومتطبدتسلم عليه
والله ام غسان خجلت باوعت لغسان يباوعلي التفتت على عمار يفرك بايده
غسان- بس بعد اذنكم ردتها بحجايه بوجودكم
عمار- جريت نفس اللي حسبته صح وكفت طلعت من الغرفه جانت متمدده بغرفه ابويه اشرتلها
بدلي وتعاي يردوج عكدت حاجبها كالت ماريد اطلع نترت بيها فضيها وكفت لبست جبتها نزلت زينه تباوع لزينه تكولها بعينها نقذيني يطبجج طوب بعد هاهي وياج انتي الخليتي روحج بهالنار وحركتينا وياج محجيت بس داخلي يحجي لبست ومشت ورايه طبيت للصاله التفتت واكفه مدخلت غسان وكف من دخلت شنو هالاحترام والله وكت نسه كعدته هنا والتشمر الشمره التفتت اريدها تطب متدخل صحت
ام نرجس تعاي طبت بثكل منصيه راسها وكفت يمي همست باذنها رفعي راسج لتخزيني اكثر رفعت راسها. راسن اباوع غسان ابتهج مبتسم خالتها جتي عليها تبوس بيها وتبجي هي ساكته
غسان- مااعرف شصار بيه من شفتها هل هو اشتياق لو حب جان مضموم رخت كل اعصابي كعدت بصف اخوها تباوع بس على امي حقج متباوعيلي بس راح اعوضج احاجيها بداخلي واباوعلها مبتسم فتحت امي الموضوع
- يمه بلبل انتي بتي وتدرين بمعزتي وغسان هم عرف معزتج ومتندم وهسه يريد يرجعج ويريد رضاج وشتامرين هو حاضر واني عيوني الج
- ابابيل- دمعت عيني بقيت منصيه يعني شنو هاهي عبد الله ميريدني كلشي انتهى حرجع لهذا الحقير بقيت منصيه سمعت فتحه الباب قوي صوت قوي بنتره
- على شنو الجمعه انشاء الله
- التفتت عبد الله بقيت اباوعله يباوع لغسان بغضب غسان وكف مد ايده عبد الله مسلم عليه
- خيرك المن جاي يابه
- وانت شنو الك خص اخووها كاعد باوعت طبت نرجوستي تركض تضحك فرحت كامت تعرفني صاح عبد الله
-
- شنو الك خص شنوو باوعت لابابيل بغضب تباوعني بتوسل وعينها مليانه دمه وصايره حمره جريت نفس باوعت لغسان اخذ امك واطلع من اللييت
- شنو باوعت لامي ولعمار- وكف كال عبد الله علكيفك مو هيج التفاهم
- عبد-عمار رجاااءا لحد يتدخلل شعدك جاااي هااا
- غسان- انت شلك غرض اريد ارجع ام بنتي
- تحلم توصللها بعد امشي اطلع برره
- انت شلك دخل يابه اهلها موجودين صدك جذب باوعت لعمار شتجنو وصي عليكم واني مادري
- عمار- باوعتله ابتسم باوعت لعبد لا وصي على اختي جريت نفس
- شون يعني
- عبدالله- ابابيل مرتي نترت تفضل اطلع بره حسيت بايد لزمتني من بنطروني توصل لوكبي نصبت راسي نرجوسه همست خايفه بابا باوعتلها ابتسم
- غسان- شووون بله باوعت لابابيل وباوعت لامي وشنو محد يدري وعلى يا اساس يابه بنتي عايشه يم غريب هاي اوكفكم بيها بالمحاكم
- لا والله صددوك حبيبي التكدر تسوي سوي اني وياك كمت احسب حساب خطوه خطوه اخذ امك وتفضل اباوع امه انخطف لونها وكف بغضب جر نرجس صاح بنتي ذجدقيقه متبقى هنا
- اي اخذها احد لازمك واذا صار عليها شي لا اشبيك سبايه
- انت مالك دخل
- ابابيل- صار مصايح بالصاله نرجس هافت غسان جرها يشيلها وهاي تصرخ من الخوف ضل يغلط ويحجي وعبد الله يرادد وهاي تصرخ بابا بابا وتاشر على عبد الله عبد الله تقدم ركض حرها منه بقوه ودفعه
- شبيك مدتشوفها حتموت خوف حضنتها كافي بابا كافي حضنتني مثل العنكبوت وهاي لشتها ترجف وي رجفتي بقه ابوها صافن عاف البيت وطلع كلشي محجه وامه وراه عمار باوعلي يبتسم بعتي واني اتلمس بشعر نرجس
- كافي بابا كافي لتبجين بقيت امسد على راسها التفتت ابابيل تباوعلي وعيونها مستقره الدمعه بيها شافونا هيج طلعت مرت خالي وعمار وسدو الباب نرجس بعدها بحضني ومتقبل تفك رجلها مجلبه كعدت عالقنفه احاول اهداءها شوي شوي فكت طيتها تلفوني وكعدتها بصفي جريت نفس بعدني بغضبي التفتت على ابابيل تباوعلي مترمش وعينها غركانه بالدمع
- شكو طلعتي نترت تشوفيله طولج لو ردتي يتوسل بيج لو شتاقيتيله،
- بلعت ريك هزيت راسي لا بدون صوت وماريد افارك عيونه
لعد ليش كاعده هناا دكيت على يده القنفه
عمار احم راح صوتي عمار جبرني
هزيت راسي امم جريت نفس بقيت اباوع بعينها ولشفافها المبرطمه تريد تبجي
شونج
موزينه راسن جاوبت وبقيت اباوع بعينه
باوعتلها بعتب طيحتي حضي بقت تباوعلي عيونها تشخطت من الحمار البيها ومنفخه نزلت دمعتها قربت ايدي مسحت الدمعه غمضت عينها تشهك وتبجي
استغفر الله كافي بس تبجين همست باوعت لنرجس بتج لتشوفج تنقهر
نصيت راسي مسحت دموعي رفعت راسي باوعتله بقه يباوعلي اريد احجي وشيكول خلي يكول همست
لتعوفني
شنو عكدت حاحبي مسمعت زين والله بقت تباوع بعيني
لتعوفني
هزيت راسي ليش باوعتله رافع حاحبي شنو اليربطنا اني بله جنت احبج بس انتي ليش متردين اعرجوفج وانتي شايفتني سدت حلكي بيدها بقيت صافن لحركتها كالت
احبك ومدااكدر اعيش من دونك
بلعت ريك تنهدت كلبي دكاته وصلت للالف احس روحي عركت وخرت ايدها ومسحت دموعها
كومي حضري هدومج نرجع للبيت
وين لبيتنا بقيت اباوع بعينها
تريدني بعدك
ابابيل عوفيني على راحتي اني من وحدي افك
كومي يله
هزيت راسي اي مسحت دموعي مره لخ طبيت لغرفه امي لميت هدومي
