حكاية قمر

الجزء الاول

#بقلم الفتلاويه

الي ميقراها عمره خساره 😍😍😍

أتمنى لكم قراءه ممتعه 😘😘😘😘😘

#حكاية_قمر

مراحب اليوم راح احجيلكم قصتي
اني #قمر من مواليد ١٩٩٢ بشرتي حنطيه اميل للبياض عيوني كبار بس مو كلش رموشي عاديه طولي ١٦٢ سم ضعيفه مرات اشرب مشهي 😂 شخصيتي قويه ولساني طويل والي يدوسلي ع طرف ما اسكتله لهذا يلقبوني بأم لسان عندي غمازه وحده ع خدي الايسر  عندي صديقه وحده واعز من اخواتي اسمها #ملك
اعيش مع ماما وبابا احنه واخواتي   واخوي اني الوسطانيه تعدادي رقم ٣ عندي اخ واحد ومريض ما عدنه لا عمام ولا عمات واهل بابا ميتين من زمان يعني بابا مثل المگطوع من شجره جنت اتمنى لو عندي عمام او اخوان اگدر احتمي بيهم ويكون النه ظهر وسند حالتنه الماديه فوق الجيد بابا عنده املاك تسد عين الشمس سجل اكثر املاكه بأسامينه هنا قامت القيامه من قبل ولد عم بابا لانهم ناس طماعين وما اعرف همه شعليهم بحياتنه قاطعوا بابا وتعاركوا وياه لان سجل الاملاك بأسامينه وكلوله تتعب وتشقى وبعدين املاكك تروح للغربه اولد عم بابا ست ولد وبنات اثنين همه عدهم خير من الله بس يبقون طماعين وياخذون فلوس من بابا طول عمرهم مجايين لبيتنه من يردون فلوس لو يوگعون بمشكله يرحون لمحلات بابا وجانوا دائما يلحون ع بابا حتى يزوج ويخلف ولد بس بابا مجان يسمع الهم لان يحب ماما وتعذب ياله صارت اله وبقه يحبها لحد هذا العمر ونظرته لماما لحد الان نظرة عاشگ
ما جنت اقبل ع سكوت بابا لان دائما يأذوا بس هو يسكت ما يتخذا وياهم موقف يكلي الله اليحاسب ماطول الله موجود اني ما اخاف دائما يعيرون بابا بأبو البنات لان خلفته بنات
ماما وبابا فقراء الى درجه تضوج خلق الله لا يحلون ولا يربطون مالهم شغل بالعالم
طبعا اني المدلله بابا يموت عليه يعزني اكثر من اخواتي واني هم احبه وما اتخيل يومي من دونه جنت اعتبر نفسي ولد مو بنيه لان احب اكون ولد  اكثر طلعاتي وطباتي وگعداتي مع بابا حتى اسراري الي مفروض اتكلمهن الماما جنت اسولفهن لبابا#بقلمي_الفتلاويه
جان بابا متخذ ويانه طريقه المحاظرات يعني كل يوم ينطينه محاظره عن اي موضوع لان جان يخاف علينه لان بنات وهم يثقفنه بكلامه صحيح هو ما مكمل دراسه اخذ شهادة السادس الاعدادي وبطل كمش شغل ابوه الله يرحمه بس جنت احب محاضراته عمره ما ضربنه جان يكول البنيه ما تنضرب لان اذا تنضرب تنكسر وتحس روحها ذليله والبنت لازم تكون ملكه ابيت ابوها  لهذا جنه اذا سوينه غلط يكعد يحجي ويانا من خلال كلامه احنه انحس ع غلطنه ونعتذر بس اني جنت مشاكسه الى اقصى درجه وما زلت الى الان ع طبعي 😊اشوف بابا يختلف عن كل اب وعمري مراح اشوف اب مثل بابا .

هسه خلي نرجع للماضي 
بهاي السنه اني بالثالث متوسط ومعطلين علمود المراجعه
من هنا راح تبدي حياتي وراح يصير تغيير بحياتي خلي نشوف التغيير خير لو شر
قمر .. صباح الخير باباتي
ابو قمر .. صباحك عافيه بويه شو اليوم مغبشه
قمر .. بابا قربت الامتحانات ولازم اراجع والانگليزي مضوجني وخايفه منه وانوب ملك تأخرت
ابو ملك .. يابويه مو گلتلجن خلي ادخلجن دوره بس انتن معاندات
قمر .. بابا والله الدوره مراح تفيدنه لان احنه من الاساس محجرات بالانگليزي راح نقره ونذبها ع الله بس نريد دعائك يا شمعتي
ابو قمر .. والله بويه دائما ادعيلجن الله يوفقجن ويخلصجن من الثالث وترفعن راسي بنجاحجن
قمر .. يبعد نظرهن الله يطول بعمرك يروحي .