حكاية قمر

الجزء الخامس

#بقلم الفتلاويه

#البارت الخامس
#قمر ..
رحت اني وبابا للمستشفى
ودخلونه لان بعد نص ساعه محمد يدخل للعمليات
كعدت يم راسه بس هو متغير عليه يكلمني بصوت ناصي ومبين عليه التعب مو ذاك محمد الحلو الي اعرفه لا متغير هواي
كلي اني مو گتلج كولشي انتهى بينه وكلت لاهلي ما يكلولج ع مرضي
قمر اتركيني وانسيني اني بعد ما بيه فائده اذا ما متت اليوم اموت باجر لان الفتره الجايه راح اتعب بيها هواي وما اريد ادمر حياتج وياي وهاي كدام ابوج واهلي افسخ خطوبتي منج ولا جني خاطبج
اني بس الدموع تنزل كل الكلام المحضرته طار
ما اصدك محمد راح يروح من عندي بعد ما حبيته وتسودنت بحبه
تشجعت وكدرت انطق
كتله للموت اني وياك ومراح اتركك والطب تطور واكيد بعد ما تسوي العمليه ويستأصلون الورم راح تصير زين وترجع محمد الحلو
هنا ضحك خطيه كلي بعد وين الحلاة متشوفين شلون صرت
كتله بعيوني تبقه حلو
وبعد ما تتشافى نعقد ونزوج ونخلف وراح تسمي الجهال بمثل ما تريد ونعجز سوه ونشوف احفادنه ونتذكر هاي اللحظات
محمد : قمر ابريلي الذمه هسه عرفت ليش گلبي حزين جان
وليش جان ينغزني وينعصر من اگعد وياج الظاهر گلبي جان يعلم ما راح يكمل وياج وراح يصير جوه التراب بس جنت ما محسب لهيج يوم
قمر : اشكل ذمتك اذا تركتني
بدينه سوه نخلص العمر سوه لا تتركني بنص الطريق اكلمه وابجي ما اكدر اسيطر ع دموعي كتله محمد لا تحرگ كلبي عليك وحق عرش ربك ابقى وياك حتلوا جنت بس نفس يصعد وينزل ترا حبي الك مو حب مراهقه انت بس تشجع وادخل للعمليه ومن تطلع نتكلم
محمد : قمر هديتج مالة العقد عند امي اريدج ما تضيعيها منج وضميها تذكار حبنه واذا طلعت من العمليات انهي كلشي وياج
قمر : مو بكيفك تنهي كلشي حتلوا رفضتني ابقى الك
ما طول كم دقيقه وساءت حالته كام يشخر وبلگوه يجر النفس وعيونه صارت حمر وعيونه يديرهن عليه وع امه
اجه الطبيب يركض هو والممرضين طلعونه من الغرفه
ماكو كم دقيقه وطلع الدكتور
وكال
البقيه بحياتكم
اني سمعت هاي الكلمه ما شفت شي كبالي غير بس الغرفه الي موجود بيها محمد
رحت ركضت اله وفتحت الباب ووخرت الغطه عن وجهه وشبگته وبسته براسه وايده
اريده يكعد ماكو كاطع النفس
حطيت راسي ع صدره وبعد ما دريت شصار بالدنيا .

#قمر
بعد ما صحيت لكيت روحي بالمستشفى وتمنيت اكون بحلم ومو حقيقه الي صار بس هيهات يتحقق الي تمنيته بعد ما صحيت جان محمد مطلعي وماخذي للمغيسل كلت لبابا حتى ياخذني لبيت محمد اريد اودعه لان اخر مره راح اشوفه اول شي ما قبل وكلي تطلعين منا للبيت ما اكدر اخذج لان ادري شراح يصير بنتي واعرفج ... اصريت وكتله اذا ما تاخذني اشرد من المستشفى وظليت اتوسل بي وابجي حتى حيل بعد ما بيه للكلام طاقتي راحت وافق بابا وفعلا سندني بيده لان بعد ما اكدر امشي بالكوه امشي واخذت الطريق كوله بس دموعي تجري بدون صوت لان صوتي خاني حرف بعد ما اكدر انطق وصلت للبيت وجان اشوف تابوت محمد هستوه دخلوا للبيت وشفت امه تلكت التابوت وبدون ما ابوه يحظر جنازته لان جان مسافر ردت اوصل للبيت حتى اشبك التابوت وكعت ما كدرت امشي صرت مشلوله اشرت لبابا حتى يدخلني للبيت لان بعد ما اكدر انطق وصلني بالكوه للبيت وكعدت اني وبابا ع قنفات ابداية البيت ما كدرنه ندخل لجوه لان اني ما اكدر امشي وبابا ميصير يدخل لان الزلم طلعت وبقه التابوت شويه يم النسوان وما كدرت اشبك حبيبي بسبب رجليه بقت عيوني ع التابوت ردت انطق باسمه وما كدرت لحد ما دخلوا الزلم وطلعوا التابوت مر من يمي وما كدرت المس التابوت ولا كدرت انطق باسمه ودعته بكلبي وبابا رجعني للبيت وانشليت شلل مؤقت بحيث ما اكدر امشي رجليه ما يساعدني كل ما اكوم اوكع وظليت ع هاي الحاله 16 يوم بابا ما خله طبيب يعتب عليه بس ماكوا فائده الى ان ... انطوه اقتراح ياخذني للساده لان فقد الامل وفعلا رحت للساده وكلوله صار تلبس برجليها ظليت ويه الساده تقريبا اسبوعين وبديت اكدر امشي بس مو كولش لحد ما صار شهر رجعت امشي طبيعي بس حالتي النفسيه زفت واني شهر ما مداومه كدر سيف يسويلي واسطه واجازه حتى ما انفصل وبعد الشهر قرر بابا يرجعني للدوام حتى شويه التهي ورجعت للدوام واني كارهه الكليه وكل مكان كعدت بي اني ومحمد صرت اتجنبه وما امر يمه لان ردت انسه بس هيهات اكدر انسه ضل وياي عالق بالگلب والذاكره صورته وسوالفه وضحگته ما تفارقني خلصت المرحله الاولى بالموت
بالعطله بابا گال خلي نروح لبغداد نتونس
صدك رحنه لبيت اقرباء بابا وضلينه كم يوم يمهم
#ياسر .. خابرني عمي ابو قمر وكلي احنه ابغداد جايين نتونس وشويه اغير جو لقمر لان تعبت هواي اني ما صدگت من سمعت قمر جايه لبغداد من انخطبت لمحمد بعد ما رحتلهم لان ما اكدر اشوفها وهي لابسه حلقة غيري ومن سمعت بخطيبها مات فرحت راح تكولون اناني ويريد الشي بس النفسه
شسوي والكفيل احبها واعشگها   بس خوفي ترفض حبي كلت لعمي ابو قمر عازمهم اليوم بالمطعم
وفعلا رحتلهم واخذتهم للمطعم وشفت حبيبتي شلون متغيره ولابسه اسود باركتلها ع نجاحها وهي هم باركتلي ع نجاحي
ضلينه نسولف اني وعمي ومرت عمي وكل شويه اتباوع لقمر وابتسملها وهي هم تبتسملي بس اني ابتسامتي ابتسامة عاشگ ولهان مو مثلها  ابتسامه متصنعه
ضلينه كم ساعه ورجعتهم للبيت
وگلت لعمي ابو قمر اخذ البنات باجر للزوراء اونسهن هو وافق لان يثق بيه
ثاني يوم اخذتهن للزوراء فررتهم والبنات يلعبن بالمراجيح
بس قمر كاعده كتلها عظم الله اجرج بمحمد وما كدرت اجيكم لان عندي اشغال ودوام
قمر .. معذور ياسر اجرك اعظم
ياسر .. ليش ما تنزعين الاسود صح مات بس دا يشوفج كافي تعذبين روحج وتعذبين اهلج
قمر .. ياسر والله مو بيدي هذا الشي ما اكدر دا اموت لا تشوفني اسولف وامشي والله ميته بس مجرد جسد يتحرك لا اكثر ولا اقل گلي شنو اسوي
ياسر .. هي تحجي واني اتگطع صعبه تشوف محبوبتك تعاني وما تكدر تساعدها والاصعب من تحجي ع غيرك كدامك وهي محاسه بحبك الها ااااه الله يعيني
هسه شفتي العشگ شيسوي اسولف بگلبي
ياسر .. ميخالف قمر انتي لازم تحاولين تنسين وتعيشين حياتج وشبابج 
#قمر
ياسر گلي شلون انسه والله دا اتگطع سجاجين بگلبي تگطعني ومحد يحس بيه والله هسه عرفت شنو معنى العشگ واني جنت الومك
الله راواني العشگ
ياسر .. اشش كافي قمر هاي عود انتي القويه والله راح تنسين بمرور الايام وكافي بواجي هسه الناس شتكول علينه
قمر .. شلون انسه واني مخبله صرت بمحمد والله بكل مكان اشوفه اكله اخذني وياك وخلصني بس ما يرد عليه
ياسر .. قمر انتي لا تفكرين بي وتنسي هاي لان تفكرين بي وحرام الي تسوي ترا هو يتعذب من وراج ابدال ما تبجين اقريله قرأن وادعيله بالرحمه والله يفرح من يشوفج فرحانه
والله يرزقج بأبن الحلال الي يسعدج
قمر .. ههههه ياسر شنو دا تحجي منو گلك اني من بعد محمد اتزوج وگفت ع قبر محمد وگتله اضل خطيبتك للموت وبالقبر اكون الك الزوجه
ياسر .. قمر شنو هذا الكلام مو بكيفج شنو ما تزوجين ومحمد راح لدار حقه
قمر .. دخيل ربك ياسر اسكت كتلك ما اتزوج وهاي حياتي واني حره بيها
ياله گوم خلي نرجع للبيت ضجت كلش  ...
ياسر .. ياله يا بنات خلي نرجع
صعدن البنات بالسياره ردت قمر تگعد يمي بالصدر بس صعدن اخواتها الصغار بالصدر شلون حظ مصخم عندي كل ما اريدها تگعد يمي تجي من تگعد بمكانها
ما حجينه شي بالطريق وفتحت اغنية
( يفر بيه هوى المحبوب يا يمه
يفر بيه وانا المتعوب  )
شغلتها واشوف قمر من المرايه صارت تبجي  ااه يا قمر لعد وگلبي اليبجي عليج من اسنين شفتي لوعة المايحظي بحبيبه انتي هسه صرتي مثلي انتي تتألمين واني اتألم اضعاف المج شلون اكدر اساعدج وما اخليج تتألمين حتى دموعج صارن يأذني ويحرگني
قمر .. من سمعت الاغنيه تذكرت محمد وصرت ابجي درت وجهي  للجامه للشارع ما اريد احد يشوف دموعي ضلن ينزلن ما اسيطر ع دموعي اسمع بالاغنيه وابجي بس بعدين مسحت دموعي وتذكرت من اول ما ياسر فتح هاي الاغنيه بعرس اختي وما عجبتني بس هسه من سمعتها تذكرت ايامي ويه محمد وحبيتها للأغنيه حسيتها دا توصف حالي
كتله ياسر مو هاي نفسها الاغنيه الي علگتها بعرس ازل
ياسر .. اي هي نفسها
قمر .. مبين يا ياسر حبيبتك متعبتك ما عندك صوره الها
ياسر .. صورتها محفوره بالگلب وموبس متعبتني عاميتني مخليتني ما اشوف دربي
قمر .. ليش ما تنساها اذا مو من نصيبك لان دا تعذب روحك
ياسر .. شلون انساها واني لوما هي موجود بالكون اتخبل حتلوا بعيده عني المهم ادري بيها عايشه وتتنفس من نفس الهوا الاتنفسه هاي عندي كفايه
قمر .. لعد قبل شويه تنصحني وتگلي انسي وعيشي حياتج طلعت تنصح وما تطبق
يا خويه احنه اثنيه وگعنه بالعشگ وتأذينه ولو ما عاشگه احسلي جنت اگول عليك بطران لان متعلق بحبيبتك وهي ما تدري بيك تحبها بس هسه حسيت بيك وبألمك
ياسر .. اسولف ويه نفسي واكوللها شلون تحسين بألمي وانتي سبب المي صرتي عليه الجلاد والضحيه
قمر .. ياسر ليش ما تحاول وتخطبها 
ياسر .. اااه يا قمر خليها ع الله ادعيلي تصير من نصيبي
قمر .. ان شاء الله تصير من نصيبك بحق الكفيل ع مثل ما تكول انت هههه
صدگ عود ليش تكول الكفيل خو كول ابو فاضل ع
ياسر .. اني متعود ع هاي الكلمه
الكفيل ع شمحلاها
قمر .. وصلنه ياسر للبيت وبقينه كم يوم ورجعنه لبيتنه لمنطقتنه شگد مشتاقه لحينه ولبيتنه ..

#ملك ....

طبعا مليت من الحزن
خلي اليوم احجيلكم قصتي 😂
راح ابديلكم بالقصه
اني ملك مواليد ١٩٩٢ طويله وضعيفه حلوه احلى من قمر 😉
تعرفت ع قمر بالصف الثاني الابتدائي عن طريق عركه تعاركت اني وصديق قمر همام الفاهي ضربته جلاق 😂
شافتني قمر خوما تسكت واجتني طايره ما اشوف روحي اله واني بالگاع 😂 كمت خو مو اسكت الها عشتوا اني ملك الي الكل تخاف مني انضرب
وتگب العركه ابينه ومن الشعر
بس الصراحه قمر ملختني هههههه همام شرد عاف صديقته وشرد لان جان كيوتي 😂
اجتي المعلمه وانضربنه اثنينه
طلعنه للبيوت وجان اتعارك ويه وحده صف رابع وهم ملختني بس اجتني قمر وخلصتني منها ودرنه اثنينه ع ام الرابع وهم همام شرد 👌من هاي اللحظه صرنه صديقات
راح اسرع الاحداث وصلنه رابع ابتدائي همام انقل انقهرنه عليه
خلصت الابتدائيه وخلصت الاعداديه
وطبينه جامعه وكلكم تعرفون شلون طبينه وشلون قمر انخطبت لمحمد الله يرحمه وشلون مات
ها نسيت اعرفكم ع استاذ سيف ابن خالو شايف روحه بس حباب 😂
هم راح ارجع واعرفكم ع نفسي
اسمي سيف تخرجت من الاداره والاقتصاد وكنت الاول ع دفعتي وتعينت استاذ بجامعة بغداد وانوب انقلت لجامعة كربلاء
وابن خال الخبله ملك وصديق واخ قمر وهم خبله لا يخدعنكم
ماشفت مثلهن طول عمري شكد مرن عليه طالبات بس ما شفت مثل خبالهن
ملك .. خليها سكته هسه انت شلونك ابن خالي وطالعه عليكم حتى ماما تكولي انتي طالعه ع خالج وولد خالج 😂😂😂
وصلنه مرحله ثانيه
وقمر نفسيتها صارت زينه بس لسه بعدها ع ذكرى محمد وما طلعته من گلبها واليخطبها ما تقبل بي
تكلي اريد ابقى ما ازوج لان ما اريد اظلم الي ازوجه لان محمد لسه بگلبي والي ازوجه  اكيد ما راح احبه راح اكون عايشه وياه جسد بدون روح لان گلبي وعقلي وتفكير بمحمد ..
مره من المرات اجينه متأخرين اني وقمر 
فكل وحده راحت لقسمها اني انطردت ما قبلت الدكتوره تدخلني عبالها اجذب 😂 ما اهتميت كلت عادي اروح اشبع بطني خطيه ما بيها اكل
طلعت ورحت للنادي واشوف قمر
كمشتج ولج مواعده منو
مواعده ابوج غير اريد اخلي يزوجني واطردج انتي وامج واخوج من البيت
يا جگمه ولج مو تكولين هذا ابوي الثاني 😒
لا بطلت حبيته وراح اخلي يخطبني 😉 واخليج تحظرين عرسنه
انجبي واكلي نعل كومي اشتريلنه لفات خلي ناكل وكليلي ليش انتي مو بالمحاظره
طردوني 😡من المحاظره هذا السيد الحقير الشايف روحه ابو البنات كبور التاخذه
ههههههه اخ بطني حيل بيج
انجبي
قمر ...
كمت اشتري لفات امري لله واشوف استاذ سيف داخل هو وزميلته
هلا والله اليوم لالعب بي لعب
طبعا علاقتي ويه سيف علاقة اخوه وبينه ميانه 😂
هو ما شافني رحت لملك ولج
ملك  ابن خالج سيوفي  وياه وحده حلوه تعالي نخبث وياه ونخلي يعزمنه ليش حرامات نخسر فلوس وسيف موجود هههههه ..

يتبع ...