حكاية قمر

الجزء الحادي عشر

#بقلم الفتلاويه

.#البارت الحادي عشر 
(طبعا ياسر من اول مره خطب بيها واعترف لقمر صايرلهم ثلاث سنوات ) والان يمكن اوكو امل ينجمعون خلي نشوف الاحداث )
ياسر .. يعني الافهمه اكو امل
قمر .. ان شاء الله
لعد اذا هيج يومين والمعامله تخلص
قمر ... شلون تخلص وانت گلت تطول
ياسر .. بت عمي مو بس انتي تستغلين اني ردت اطول وياج حتى اشبع شوف منج
قمر .. يعني طلعت استغلالي حظرتك
ياسر .. غير ابن عمج ونفس الدم والاستغلال يمشي بدمنه
قمر .. صخونه 😒
ياسر .. مقبوله منج اسامحج عليها لان اليوم فرحان 😉
قمر .. بعد يومين خلصت المعامله ورجع حقنه وصار الوقت الي اكعد بي ويه ياسر
ياسر ... ها ست قمر هسه خلصنه كلشي خلي نسولف ماطول ابوج موجود سولفي
قمر .. ياسر راح اوافق عليك بس عندي اشروط قبلت بيهن خير ما قبلت كل واحد بطريقه
ياسر .. وهاي گدام عمي من هسه موافق ع شروطج
قمر هسه اسمعهن بالاول وبعدين وافق
ياسر .. كولي شروطج
قمر .. اول شي هجره لألمانيا او غير دوله ماكو واذا ردت تهاجر طلگني وهاجر
ثاني شرط .ما اكعد ابغداد  تأجرلي بيت يم اهلي
ثالث شرط . اهلك ما يدخلون بحياتنه نهائياً  وهاي كل شروطي
ياسر .. واني موافق عليهن وتحظروا عگب باجر المشيه اروح اخبر خوالي وعمامي والعقد هم 😉
قمر .. يا من صدگ تحجي
ياسر .. لعد شنو اجذب اني ما صدگت قبلتي خاف انوب تغيرين رأيج ولو بيدي اعقد عليج هسه
#ياسر .. بعد اليومين خبرت خوالي الدليم وعمامي ال فتله وجبت مشيه شكبرها تستاهل حبيبتي هيج مشيه السيارات ترست الشارع وعقدنه
قمر .. سوينه حفله ع گدنه بمناسبة العقد اجه ياسر لبسني الذهب هو مشتري بدون ما ادري كل شويه ويشاورني ياله امشي خلي نروح للغرفه واني اخزر بي
ياسر .. بعد ما عقدنه اريد ابقه وياها وحدنه والصراحه اشتهيت ابوسها 😂😉 بس هي كل ما اگلها نگوم تخزرني وما تقبل طگت روحي جريت ايدها ورحنه دخلنه للغرفه ضلت ملك تركض ورانه تريد تدخل ويانه طردتها
ملك .. شفت ياسر يحوص كل شويه ومشاور قمر شو شويه وگام وجرها وياه للغرفه اني رگضت وراهم ردت اخبث وياها طردني 😭 ضليت ادگ بالباب حتى يفتحها
ياسر .. واخيراً بقينه لوحدنه ليش من اكلج كومي ما تقبلين
قمر .. يعني شلون تريدني اكوم وياك مو عيب من النسوان
ياسر .. ليش وانتي ماشيه ويه منو غير صرت رجلج ياله تعاي اطيني بوسه
قمر .. والله لو تطلع نخله براسك هسه اصيح والم كل الي بالبيت عليك
ياسر .. زعجني الضرب ع الباب هاي ملك دا تضرب بالباب تريد تدخل خبيثه خابرت رجلها حتى يجي يخلصني منها وانوب قمر ما تقبل تنطيني بوسه خرب حظي المصخم
قمر حبيبتي بس بوسه ولج هاي بوسة العقد مباركه تخلي ايامنه كلها عسل
قمر .. لا تجذب عليه گتلك ماكو بوسه
ياسر .. طگت روحي جريتها شو ولج تعالي الظاهر ما تجين بالطيب كمشتها واخذت منها بوسه
بس سمعت دگ بالباب قوي اله شويه وتتفلش نزينه اثنينه طلع النذل سيف هو ومرته  بالباب عود ردته عون طلع فرعون
ماخلوني اتهنه ابوستي الله ياخذهم
ولك سيف يا نذل مو وگفت وياك بعقدك وعرسك هيج تسوي ع الاقل خليني اشبگها بس
سيف .. كافي ولك اطلع موتت البنيه
ملك .. ياسر حباب خلينه اطب يمكم
ياسر .. شتسوين اطبين يمنه اخذي رجلج وروحي لاي غرفه 😂
ولا تنسين انتي حامل
قمر .. متت من الخجل من سيف
شفت ياسر من وراك خجلت من سيف ياله خلي نطلع
ياسر .. اي وتطلعين هيج گدام سيف متشوفين هدومج مشلحه تعالي شبگيني اريد اصدگ انتي صرتي الي
قمر .. ياسر مو هسه بعدين
ياسر .. من اشتعلوا عشيرتج ولج اريد شبگه تكليلي بعدين تعالي حبيبتي وفتحت اديه اثنينهن ما قبلت تجي رحت اني وشبگتها شبگتها بكل قوتي اريد احس صدگ هي صارت الي
قمر .. ياسر اشبيك اعظامي كسرتهن شايف روحك شگد قوي وطويل حتى بعد ما انشاف من طولك 😭
ياسر .. حبيبتي صدگ صرتي الي
قمر .. يمه شبيك ياسر لا تتخبل
ياسر .. هسه گولي صرتي الي وحلالي  مو
قمر .. اي صرت الك وحلالك
ياسر .. لعد تعالي خلي اشبع من شفتج وبستها منا لمن حسيت بيها اختنگت انوب هي ما تعرف تبوس هههه بس ميخالف اعلمها
قمر .. عابتلك ياسر والله راح تخليني ابطل
ياسر.. مو هو بكيفج تبطلين بعد صرتي الي والله لاعيشج احلى عيشه واخلي ضحكتج ما تفارگ وجهج تدرين ما مصدگ انتي هسه الي
قمر .. لا عيني صدگ
ياسر .. اشتعلوا عمامي
قمر .. امين ههههه
ياسر .. كيفتي يا خبله
خلص العقد ولگيت بيت جبير  يم اهل قمر اجرته وفرشته ع السريع اشتغل اني وسيف ومحمد  بالبيت وعمي ابو قمر ما قصر وينه
اختاريت الفرش والاثاث ع ذوقي والغرفه مالة النوم قمر اختارتها واختارت اثاث المطبخ طلع البيت كلش مرتب .
ياسر ..جنت اقشمر ع قمر اكلها تعالي خلي نفرش البيت وانظفه حتى اخذ راحتي وياها بس جنت كل ما اكلها انطيني بوسه ما تقبل راسها يابس
اجرها وابوسها ما تجي اله بالعين الحمره
مرات تقبل تنطيني بوسه ومرات تعاند واني هم ما اشبع منها 😂😂 كل شويه وطالب بوسه
قمر ... كل مده ونروح اني وياسر نعزل بالبيت ونشوف النواقص كل شويه واجاني تعبت انطيني  بوسه خلي اتقوه ضوجني ما يشبع شنو من رجال
يكلي محروم منج صايرلي ١٠ سنوات اريد تعويض عن العذاب
بيوم دا نفرش اجتي ام ياسر هي وملك لان هي اجتي من المانيا علمود قرب عرسنه وگعدت ابيت بنت عمها ام سيف  طبت للبيت وشافتنه دا تنباوس ما ادري شلون دخلت واحنه غالقين  الباب 😂
ام ياسر .. اي يمه اشبع بوس منها والله لتطيح حظك عفت البنات كلهن ما لگيت غير بنت ابو البنات شعجبك بيها عفت بنات المانيا الشگرات وما حبيت غيرها
ياسر ... يمه اني شگتلج مو ما تحجين ويه قمر اي شي صارت مرتي وما اقبل اي احد يحجي عليها وبعدين ليش اجيتي للبيت ومدريج اني هنا
#قمر .. من سمعت كلام ام ياسر صدگ انقهرت ردت ارد عليها بس ياسر تكلم
ام ياسر ... بعدك ما تزوجتها وگلبتك عليه لعد اذا تزوجتك يمكن حتى بعد ما نشوفك
ياسر .. استغفر الله ملك ليش جبتيها
ملك .. ياسر والله مو اني هي سألت سيف  وكالت تريد تشوف بيتك وسيف وصلنه للبيت عباله محد بي بس انت
ام ياسر .. ليش تطردني من بيتك يسوري والله زمن بت ابو البنات صارت هي الامره والناهيه
ياسر ... قمر روحي لبيتكم
وانتي ملك ترحين ويه قمر لبيتهم لو اوصلج ويه امي لعيالج
ملك .. لا خلي اروح ويه قمر بعدين اخابر سيف يجي ياخذني
قمر ... شفتي ملك شلون ام ياسر رزلتني هاي بعدني ما اخذت ابنها هيج سوت وياي
ملك .. ميخالف ام وتغار ع ابنها وهم تخاف عليه
قمر .. لعد واني شمسويتلها حتى هيج تكرهني كله من سيف گتله ما اروح وياك للبيت بس هو اصر اله اروح
#قمر .. مرت الايام وبقه يوم واحد للعرس ورحت اني وياسر حتى نفرش فرشة العرس فرشتها بسرعه وطلعت من الغرفه لان ادري بياسر ما يگعد راحه
ياسر .. شفت قمر تفرش بالفرشه ع السريع تريد تفلت مني هههه خليتها تخلص فرش وطلعت من الغرفه وكمشتها گتلها لو تنطيني   بوسه لو ؟؟؟!
هي بسرعه گلتلي انطيك بوسه
جنت دا ابوس بيها وطب ابوها للبيت شافنه هي بسرعه وخرت مني وصات حمره من الخجل
قمر .. اجه بابا واني دا ابوس ياسر شگد خجلت وخفت بسرعه گتله والله بابا ياسر الجبرني ابوسه اني ما عليه 😭 اعيوني دمعت من الخجل 😂
مرت الايام واجه موعد العرس سنه 1\1\2018
#ملك ..  رحت للصالون اني وقمر وباجي ام سيف
خلصنه مكياج ورحنه للقاعه وام ياسر ما تگعد راحه 😂 كل شويه وحاجيه حجايه ساعه تكول يا بعدكم بالعراق اعراسكم مو مختلطه احنه بألمانيا اعراسنه مختلطه ههههه
لو تحجي ع قمر خلصتها بس لغثه 😂
اجت الزفه ودخل عمو ابو قمر شفته شبگ قمر وگام يبجي وهي هم تبجي شو اني هم انقهرت ونزلن دموعي 😂 دخل ياسر بزيه العسكر ورتبته التلمع ودخلوا وياه الضابط والعميد وووو  ورتبات هواي والجنود جايين امة محمد كلهم جايين  ههههه بس هو طالع يخبل بزيه العسكري
يمه انوب دخل روحي وعمري سيوفي الكبد طالع يكتل بقاطه النيلي  فديت حبيبي الاشگر ابو سكسوكه بدت المزيقه والرگص واشوف ياسر وسيف يرگصون فرحانيين
طلع ياسر من الرگص اجتي امه باسته وسلمت عليه وگلتله شوف تزوجتها هسه بس اذا شفت السعاده وياها اعتب عليه
شفت بابا وعفت ياسر وامه ما عرفت شنو رد ياسر ع امه  رحت لبابا طالع حلو ههههه شبگته
ابو ملك .. ها بابا اشبيج
ملك .. مشتاقتلك
سيف .. ملك شنو تشبگين عمي واني مالي شبگه
ملك .. عزا شلون شفتني
سيف .. غير من اول ما دخلت اني ما شلت عيني عنج
ابو ملك .. احم شو نسيتوني واگف يمكم
ملك .. يا بابا والله اسفه كله من سيف
سيف .. عمي لعد تريدني اشوف هذا الجمال كله وما احصلي شبگه لو بوسه هم حرام
ملك .. سيف كافي فشلتني گدام بابا
ابو ملك .. اي عمي هم حقك بس ع كيفك ويه بنتي
ملك .. بابا كافي والله خجلتوني
ابو ملك .. صار تدللين راح اسكت اروح اشوف امج وين خاف تتأخر بالطلعه
ملك .. سيف يعني ما گدرت تصبر اله تخجلني گدام بابا

ياسر .. رجعت للرگص وگتلهم اريدكم تدگون اريد اشبع رگص بعرسي وما جذبو خبر اصوات الطبول علت واني طبيت بالنص وارگص وطب وياي سيف وخوالي وولد خوالي اهل الدليم معروفين برگصهم هم ما قصروا
اجيت لحبيبتي رفعت شويه من  البرنص بستها براسها ونزلته ولج هذا الجمال كله الي
قمر .. لا عيني هذا الجمال الي
ياسر .. ادري بالعروس تخجل شو انتي ما تخجلين خهههه
  وشاورتها گتلها اريد بوسه من الشفه
قمر .. ياسر لا تخجلني هو اني بالگوه گاعده
ياسر .. من ذكرت البوسه خجلتي هههه
قمر .. ياسر امشي روح ارگص راح تخليني ارجع لبيتنه ويه بابا
ياسر .. انسي بعد اني من هاي اللحظه ابوج وامج واختج وحبيبج ورجلج واخوج وكلشي بحياتج اني اصيره الج
قمر .. دمعت عيوني من كلامه ياسر راح تسعدني ومن تعصب ما تمد ايدك عليه مثل ما سويت قبل
ياسر .. صح هو هسه مو محله الكلام بس شوفي وحق الكفيل ان شاء الله ايدي تنشل اذا تنمد عليج واني من جنت امد ايدي عليج والله مو بقصد لان انتي تجرحيني بكلامج وجنت اخاف لا ترحين لواحد غيري
ياسر .. كافي سوالف الناس تباوع علينه من نوصل للفندق نسولف
قمر .. حباب خلي نطلع بعد ما  اگدر رجلينه صارن يوجعني من الخوف 
ياسر .. هاي هيج مستعجله 😂
قمر .. عابتلك شلون تفكير عندك
ياسر .. اش اجتي ملك تريد تسمع شنحجي وعليج الله لا تگليلها خلي تموت بحصرتها هههه خلي اروح اكمل رگص
ملك .. قمر هذا ياسر شيشاورج
قمر .. سوالفه البايخه يشاورني بيها 😂 ويگلي لا تكولين لملك
ملك .. اني اعلمك يا يسوري هسه صرت مو زين بعد ما اخذت حبيبتك عابتلج انتي ورجلج

#قمر .. من طلعنه من القاعه وگفنه وما اسمع اله الطلق اذاني انطرمت من الطلق وانوب  الجنود واصدقائه يهوسوله
وسمعتهم يگلوله واخير تزوجت الجلمود 😠😠
اني جلمود 😠 كله من ياسر جان يگلي گلبج جلمود
ركبنه بالسيارات  شاورت ياسر منو الجلمود ها
ياسر .. انتي
قمر .. وتعترف حظرتك
ياسر .. والله من جنتي معذبتني جنت اگول كبالهم عليج جلمود
والله احلى جلمود صار بحياتي
رحنه للفندق وملك وسيف حجزوا ويانه بنفس الفندق رادو يحتفلون بعيد رأس السنه 😍😍😉
كافي خلصنه العرس 😂😂😂
#قمر .. صار الصبح وگعدنه ع دگ الباب طلعوا ماما وبابا جايين جايبيلنه ريوگ راح ياسر دگ الباب ع ملك وسيف اجو تريگوا ويانه
بقينه كم ساعه سلمت ع ماما وبابا وملك وسيف وطلعنه لأيران
#ياسر .. اخذت ملك وطلعنه لايران نتونس اجرنه فندق واستراحينه وطلعتها حتى
اونسها فرينه اماكن هواي
قمر .. بعد ما گضينه كم يوم بأيران خابروني خوال امي الي ساكنين بأيران وعزموني اني وياسر
رحنه يمهم وبقينه لليل ورجعنه ضلينه نتمشه
ياسر .. قمر احبج
قمر .. تحب الكعبه ان شاء الله
ياسر .. يجي يوم وراح اخليج تكليلي اني هم احبك
قمر .. ياسر والله اگولها بس اصبر عليه ادري بيك دا تتعذب ما بيدي حيله
ياسر .. قمر المهم انتي هسه يمي هاي تسوه عندي هواي واصبر عليج صبرت ١٠ سنوات ما اصبر ع القليل
قمر .. هنيالي بيك اتمنى لو كل الرجال مثلك متفهمين هيج
ياسر .. ما اريد كلمات اريد احضان ههه
قمر .. عابتلك دائما تخرب كلامي
ياسر .. جنت طالع اجيب ريوگ ودخلت للفندق واسمع قمر تبجي بسرعه رحتلها للغرفه
قمر اشبيج ليش تبجين صاير شي يوجعج شي

يتبع ...