حكاية قمر

الجزء الثاني عشر

#بقلم الفتلاويه

#البارت الثاني عشر

قمر .. ياسر حلمت بمحمد گتله تزوجت ياسر وهاي حلقته بأيدي هو كمش اصبعي واخذ الحلقه ومشه
خابرت صديقتي وسولفتلها ع الحلم وگلتلي ياسر لو يتمرض لو يموت
ياسر .. قمر اشبيج هيج تصدگين بخرافات وصديقتج شمعرفها تفسر احلام وهذا اني گبالج مابيه شي
قمر .. ياسر الله يخليك خلي نرجع كافي كعدنه هواي هنا اخاف صدگ يصير بيك شي
ياسر .. قموري حبيبتي الاعمار بيد الله هسه ندفع صدقه وكلشي ماكو وخلي نتريگ واخذج ازورج الرضا ع
قمر .. من حلمت بمحمد وگلتلي صديقتي مو زين ع ياسر خفت عليه حسيت گلبي يتگطع وضليت اتخيل صدگ يموت خلص كلامه وشبگته ما اريده يموت تعلمت عليه عبالك بشبگتي اريد احمي من الموت
ياسر .. من شبگتني قمر فرحت بس خفت عليها لان ادري بيها تذكرت محمد من مات
قمر حبيبتي والله مجرد حلم ليش تخوفيني عليج
قمر .. ياسر اخاف صدك تروح من عندي
ياسر .. قمر والله يمج وما اعوفج والاعمار بيد الله ياله گومي خلي نتريگ
قمر .. بعد ما خلصنه ريوگ نزلنه زرنه الرضا وضليت ساعه ابجي وانخه بالرضا يحفظ ياسر
ياسر .. بعد ما طلعنه من الرضا ع ضلت قمر كامشه ايدي لسه تفكر بحلمها 
مر كم يوم واجاني اتصال من  اختي زهراء ساكنه بتركيا گلتلي زينب طلع بيها  مرض الخبيث
قررت اسافر لتركيا حتى اشوف اختي خليت قمر عد خوال امها وگتلها يومين واجيج ضلت مجلبيه بيه وتگلي لا تسافر خاف الطياره توگع بيك وبالموت قنعتها
صدگ رحت يومين شفت اختي ورجعت لحبيبتي بقينه كم يوم بأيران ورجعنه
قمر .. الله ياسر شم هوى العراق شگد يخبل
ياسر .. يخبل لان انتي بي
قمر .. من اروح فدوا الك
ياسر .. ممم اريد احضان ما اريد كلام
قمر .. ياسر كل ما اكلمك تگلي اريد احضان صدگ انت ناقص حنان
ياسر .. عوضيني لعد
قمر .. مو تدلل من تجي امك اكوللها ياسر ناقص حنان وماكو احسن من حنان الام
ياسر .. اتحداج اذا تكلمتي هيج گدام امي
قمر .. والله يمكن لو احجي هيج گدامها تذبحني 😂
قمر ..
بعد ما رجعنه من ايران اكيد الخطار طابه طالعه واليوم راح يجونه خوال ياسر وامه گعدت من الصبح احظر للغده وخابرت ملك تجي تساعدني وياسر هم دا يساعدني لان هو يعرف يطبخ طباخ ماهر
قمر .. يسوري شنطبخ اليوم
ياسر .. اطبخي اليعجبج كلشي من ايدج طيب
اجتي ملك وصرنه نطبخ ومشه الوقت اجوي خوال ياسر وامه وباجي ام سيف وسيف
خواله كلش حبابين بس امه ما اعرف عليمن طالعه اول ما طبيت استلمتني
ام ياسر .. قمر خو ما معذبه ياسر لان ما قصرتي وياه قبل العرس خليتي معلعل ومسودن
ياسر ..  يمه قمر معيشتني ملك ماكو مره مثلها
ام ياسر .. اهم شي راحتك يمه هو منو بقالي غيرك
ياسر .. يمه مو بس راحتي لا راحتي وراحت مرتي
قمر .. فرحت من كلام ياسر كل يوم يثبتلي اني جنت ظالمته
ياسر .. حبيبتي اني راح ابدل وانزل لا تگعدين وحدج ويه امي لان ادري بيها ما تسكت
قمر .. اوك
فرشنه السفره والتمينه خلصنه
اكل
نسوان خوال ياسر غسلن المواعين واني نظفت البيت ظلينه نسولف منا لمن صار الليل 
ياسر .. ياله خوالي خلي نتحظر
قمر .. شكو ياسر وين ترحون
ياسر .. حبيبتي مو نروح بس احنا من يعرس واحد منه ونروح نباركله.نرگصله الجوبي
قمر .. عود ليش
ياسر .. گتلج هاي احنه عدنه هيج عاده
قمر .. صدگ كم دقيقه كامو فتحوا اغاني مالة رگص الجوبي وهم نزل ياسر لابس الدشداشه الاماراتيه ومسوي الغتره الاماراتيه وانطه لسيف شداشه راح لبسها
ملك .. يمه سيوفي طالع تكتل
سيف .. خرب يومج ولج لا تتغزلين بيه هنا لا تخليني هسه اخذج وارجع للبيت
ملك .. لا سيوفي بطلت بس صدگ تكتل
سيف .. ممم اثبتيلي شلون اكتل
ملك .. سيف لا تتقرب تدري بالطفل مو ثابت
سيف .. واني شردت غير بوسه حظن
ملك .. ما عيب عود ابيتنه
سيف .. ما اصبر تعالي حب
قمر .. فتحت الغرفه وشفت سيف وملك يتباوسون يمه عزا والله اسفه ما جنت ادري
سيف .. بعد خربتي علينه شيفيد الاسف
ملك .. سيف كافي متشوفها خجلت
سيف .. ليش تخجل قابل هي ما تبوس ياسر
قمر .. عابتلك سيف اله تخجلني
سيف .. ياله امشن شوفن رگصنه
قمر .. صاروا يرگصون بالساعتين همه بس رگص 😂😂 يخبل الرگص
خلصوا رگص ياسر جاب عشا من السوگ تعشينه من صار وقت النوم
ام ياسر گالت لياسر يجي يفرش يمها وينام
ياسر .. يمه اني عريس شنو اجي افرش يمج خلي انام يم مرتي
ام ياسر .. يمه اني هم اريد اشوف طولك قبل لا اسافر وانت راح تشبع من مرتك
ياسر .. اعرف غاية امي تريد تقهر قمر وما تخليني انام وياها هههه
قمر .. ياسر حبيبي نام اليوم يم امك خطيه وراها سفر بعد كم اسبوع ويجوز ما تلحگ تشوفك
ياسر .. بدت الغيره بين النسوان وانوب قمر تگلي حبيبي 😂
قمر .. والله ما غرت ولا انقهرت بس حبيت اقهر باجي لان هي عبالها اريد ابعد ابنها عنها
ياسر .. رحت وره قمر للغرفه
قمر شو اليوم تگوليلي حبيبي هيج ما تردين تفارگيني
قمر .. لا والله بس لان دريت باجي تريد تقهرني هيج حجيت
ياسر .. ها يعني ترديني ابقه يمج والله ابقه وما اروح لامي
قمر .. لا ياسر هاي امك والها حق عليك
ياسر .. والله مره معدله
قمر .. لا ياسر مو قصة مره معدله بس مثل ما اخاف ع ماما واعاملها بالزين امك هم ام وهم الها احترامها وهي مره جبيره صحيح بينه مشاحنات بس تبقى ام رجلي ومره جبيره ولازم احترمها
ياسر .. احبج واحب كل حرف تنطقي يعني اليوم ماكو بوسه شبگه
قمر .. ياسر گوم لامك عود بعدين
ياسر .. خرب حظي
اگلج قمر هاي شنو بگصتج
قمر .. شنو اشبيها
ياسر .. قشمرت عليها واخذت منها بوسه 😂😂
قمر .. ياسر ليش هيج والله عبالي صدگ گصتي بيها شي عابتلك بعد ما اصدگك
ياسر .. شسويلج غير اريد بوسه وانتي ما تنطين
ياله تصبحين ع خير وتغطي زين جنت اني كل يوم اغطيج اليوم منو يغطيج ههههه
قمر .. انت تعال غطيني وارجع نام 😂 لعد المن تزوجتك
ياسر .. شكو اغطيج مو طردتيني يم امي استحملي اليوم تبردين
قمر .. اهون عليك ابرد
ياسر .. اي تهونين عفتها ورحت نمت نص الليل حسيت رحت للغرفه وصدگ طلعت قمر ما متغطيه من تنام ما ادري شلون توخر الغطه عنها وتبقى مكرفسه غطيتها ورجعت يم امي
ام ياسر .. ها يمه رحت شفت مريتك هيج ما تگدر تفارگها كون حصلت بوسه
ياسر .. شفايتلي نامي يمه
ام ياسر .. والله ما ادري شعجبك بيها
ياسر .. مثل ما ابوي عجبج
ههههه سوالف امي تضحك
قمر .. صار الصبح گعدت حظرت الريوگ لان خواله وراهم طلعه
اجه ياسر ساعدني اني طلعت الاجبان والگيمر وهو وگف يگلي بيض ويسوي جاي
ام ياسر .. اي يمه تزوجت حتى تصير طباخ لمرتك
ياسر .. مو بس طباخ حتى اذا تريدني خباز هم اصيرلها شعندي غيرها  هي هلحبيبه البگلبي
ام ياسر .. وامك يا ابن بطني شو نسيتني
ياسر .. شلون انساج انتي الاصل والفصل بس انتي حبج يختلف عن حب قمر كل وحده والها حب يختلف عن الثانيه
قمر .. باجي لا تظلين واكفه اكعد
ام ياسر .. لا خلي اروح اكعد جوه
واشتغلي انتي لا اتعبين ابني
قمر .. مو تدللين يبعد الروح والريه
ياله ياسر روح اگعد يم امك كافي شغل
ام ياسر .. نسوان اخر وگت
قمر .. ههههه والله امك تونس
ياسر .. هاي الرزايل كلها وتگلي تونس
قمر .. بعد ما خلصوا ريوگ ودعونه وراحوا بقينه بس اني وياسر لملمنه البيت وووو
خلصت اجازت ياسر وراح التحق واني رحت لاهلي لان ما اكدر اگعد وحدي بالبيت
بعد ما رجع ياسر من الدوام رحنه لبيت اهلي بيت اهلي قريب ع بيتنه بعد كم بيت عنه امي خابرتني وگلتلي بيت خالتج ام علي يمنه الي جان خطيبي گلت لياسر ورحنه لبيت اهلي سلمت عليهم وگعدت اسولف ويه علي لان اعتبره اخ وشويه واتباوع لياسر وخزرني وگلي ياله قمر خلي نروح للبيت طلعيلي ملابسي لان وراي طلعه
گتله روح انت طلعهن بسرعه  خزرني واضطريت اگوم وياه وصلنه للبيت اول ما دخلنه جرني من ايدي ودفعني
قمر .. ااخ ياسر اشبيك تخبلت شسويت وهيج تدفعني
ياسر .. يعني ما تدرين شسويتي ما خجلتي من كاعده وتحجين ويه علي وتضحكين
قمر .. وليش حتى اخجل اني شمسويه سوالفي عاديه ويه علي بس انت تحب تكبر الموضوع وتريدلك حجه
ياسر .. لا والله مو اريدلي حجه بس لو شايفه روحج جان خجلتي من نفسج ولج ع الاقل استحي وكولي هو جان بيوم من الايام خطيبي
قمر .. وليش حتى استحي شايفني متحارشه بي شو حتى حجي ما تعرف تحجي
ياسر .. من سمعت هيج كلامها ضربتها راشدي 
قمر .. من ضربني رحت دخلت للغرفه وقفلتها وسمعته طلع من البيت
قمر .. من بعد ما ضربني طلع ما ادري وين راح گمت شفت اثر اصابعه ع خدي واحمر دخلت  بالحمام وصرت ابجي منا لمن شبعت بجي طلعت سويت عشا ولفيت راسي ونمت فرشت فراشي بالگاع لان ما اريد اظل نايمه يمه كرهته من بعد ما مد ايده عليه
ياسر .. من بعد ما ضربت قمر انقهرت حيل بس من وره السانها عصبتي حيل واني مكلمها من قبل گتلها اذا شفتيني عصبت لا تكلميني لان ما اسيطر ع اعصابي
رجعت للبيت شفتها ماكو بالصاله لان هي دائما اشوفها تگعد بالصاله تنتظرني دريت بيها زعلانه
دخلت للغرفه عثرت بشي ما ادري شنو رحت فتحت الضوه وشفتها نايمه جوه بالگاع انوب شطت
نار كعدتها بعصبيه وصوت عالي
قمررر گومي انطمري ع الجربايه لا اكسر اعظامج اني شگتلج من اول ما تزوجنه
قمر .. دريت بي اجه من عثر بفراشي بس ظليت نايمه ما اريد اشوفه وانوب شافني نايمه بالگاع عصب بالزايد لان احنه الرجال الي بعوائلنه ما يقبلون المره تنام بعيد عن زوجها لو مهما كان بينهم صح تزعل بس تبقى وياه بنفس
الفراش
سويت روحي نايمه من سمعت صاح بصوت عالي ما اهتميت بس جنت خايفه لا يمد ايده مره ثانيه
ياسر .. من شفتها نايمه وما تقبل تگوم شلتها وشمرتها ع الجربايه بقوه هي من شلتها وشمرتها فتحت عيونها بس ما حجت شي ادري بيها يمكن تأذت لان شمرتها بقوه رادت تنزل گتلها اذا نزلتي ما تلومين اله روحج اخذت
البطانيه وغطت روحها ونامت
طلعت غسلت وتعشيت وگعدت شويه ع الاخبار
قمر .. من شالني وشمرني ع الجربايه شمرني بقوه صح جسمي ما تأذه بس عضيت شفتي وصارت تأذيني غطيت راسي وبقيت ابجي
بدون صوت تذكرت من بيوم الزفه من گتله ما اريدك تمد ايدگ عليه وحلف بالعباس ع ما يمد ايده
انقهرت حيل لان اكره الرجال الي يمد ايده ع مره وحسيت روحي ضعيفه
ياسر .. ظليت شويه ع الاخبار ودخلت للغرفه انام
اول ما حطيت راسي ع المخده حسيت بيها دا تبجي لان سمعت صوتها تقربت عليها شبگتها من ظهرها وكتلها اسف بس انتي الي
تجاوزتي عليه بكلامج واني گتلج اذا شفتيني عصبي لا تتكلمين وياي
قمر .. ممكن تعوفني اريد انام وما اريد اسمع اسفك خلي الك
ياسر .. قمر حبيبي مو گتلج اسف واعتذر وحقج عليه
قمر .. ياسر اتركني اريد انطمر وراي دوام وابعد عني
ياسر .. لا تكفريني بيج كاعد اكلج اسف واعتذر وانتي تكليلي ابتعد اشبيج انتي ليش ما تحسين شنو هاي القساوه العندج لو تعلمتي ع تعذيبي بس والله اكسر راسج فهمتي لو لا وهاي اني شابگج منا للصبح واريد اشوف شلون تكومين من بين ايديه
قمر .. من كلامه عرفته معصب ضليت ع نومتي وما تكلمت منا للصبح
ياسر .. گعدت الصبح شفتها لسه نايمه وهي عدها دوام بالعناد ما گعدتها كلت خلي تضل اليوم بالبيت لان ما شابع منها شوف ضليت حاضنها ونايم منا لمن صارت ب ٨ ونص كعدت وخرت ايديه بس ما كدرت ظليت محاوطها
قمر ... هاي اشبيك ياسر وخر خلي اكوم ابدل اطلع للدوام
ياسر .. راحت عليج يا دوام اجه الخط وگتله ما تداومين اليوم
قمر .. شنو ومنو گلك ما اداوم شو وخر عني
ياسر .. اش كافي گتلج ماكو دوام اليوم
قمر .. هاي اشبيك دا اكلك وخر ما تشبع انت مو حتى لعبت روحي منك وكرهتك وتمنيت ما موافقه عليك  صرت اعصاب من وره كلام ياسر وبعد ما اعرف شأحجي كمت اتكلم بدون وعي
ياسر .. خليتها تنهي كلامها كمشت شفتها ومردتها بأيدي حيل منا لمن حسيت طلع الدم وهي تصيح وتدفع بأيديه ولج شنو لعبت روحج مني شنو حنيتي لحبيج الي بالكبور مسويتلي منيه وقابله بيه والله لاكسر راسج واذا ع النومه هاي حق من حقوقي وغصبا ما عليج اخذه
بس من هاي الساعه انتي بجهه واني بجهه واله اخليج تمشين عدل

يتبع ...