حكاية قمر

الجزء الرابع

#بقلم الفتلاويه

#البارت الرابع
#محمد ... اليوم دزيت امي واختي لبيت قمر بعد ما اخذت المعلومات الاكيد من استاذ سيف
رحت لمكتبه وسألته ع قمر وعرفت انو قمر تكون صديقة بنت عمته فرحت هواي همزين طلعت مو صديقته او خطيبته وكتله اني اريد اخطبها وقصدي شريف ومن هذا الكلام الحلو
هو رحب بيه ووصاني ع قمر وكلي تره هاي اختي واذا ناوي ع شي مو زين ما تخلص مني  ...

#ملك  ...  ولج عوبه ليش مغندبه حتى فشلتينه كدام النسوان هسه شيكولن علينه
اكول انتي اطلعي منها لا تشوفين شي مو زين اني مو كايله لاهلي اني ما ازوج وياهو الي يجي يكلوله ما عدنه بنات للزواج شنو ابتليت ع عمري وكبرت يابه افهموا اني اريد ابقه بلا عرس
ملك ... كبور ولج ما تكيفين يصير عندج زوج واولاد وبنات منو دايملج لو هذا الي براسج محجر ما يفكر
مرت الساعات ومر اليوم الاول واجه اليوم الثاني واني ع عنادي ما موافقه ماما خابرت الخطابه وكلتلهم ما موافقين
....
داومنه واجاني الشاب الحلو الي ما اعرف اسمه جنه كاعدين اني وملك
السلام عليكم
وعليكم السلام خويه
ممكن اتكلم وياج
اي عادي خويه تفضل
ممكن لوحدنه
لا خويه تكلم عادي كدام صديقتي لان هي اختي
اوك لعد خلي نطلع من هاي   الحديقه ونروح لغرفة استاذ سيف.
ملك ...
يا ليش شصاير خوفتنه
لا مصاير شي بس هناك ناخذ راحتنه
وسيف موجود لو لا اذا ما موجود بغرفته منروح
خابره وتأكده انو هو موجود
ورحنه لمكتب سيف
بعد ما سلمنه ع سيف كعدنه وبده محمد بالكلام
قمر اني قبل يومين دزيت امي واختي حتى يخطبنج الي والصراحه وهاي كدام استاذ سيف انتي عجبتيني من اول يوم داومتي بي وما ردت اصارحج لان اني طبعي خجول وخفت لا تصديني واخسرج لهذا اجيت لستاذ سيف واخذت عنوانكم ودزيت اهلي بس انتي رفضتي
وهاي كدام استاذ سيف اخطبج منه واريدج تفكرين زين لان يجوز اول ما دزيت اهلي ما عرفتيني
بس هسه فكري واسألي طلاب الكليه ع اخلاقي
واتمنى ما تنطين جواب هسه
ما اريدج تتسرعين وووو...
وانتهى الحديث...
قمر ..
رجعت للبيت واني افكر بكلام محمد فگلت لباباتي ع كل الي صار
بابا كلي القرار الج وانتي لازم تشوفين مستقبلج والبنيه لزوجها واطفالها خوما تظل طول العمر عد اهلها والاهل ما يدومون والكلام يطول ووو...
رحت خابرت ملك شو هاي فرحانه وكعدت تختار الصالون والتسريحه وشلون راح نختار المكياج ههههه
خبله
با ولج بعدني حتى ما موافقه
شنو هم رايدلج ما توافقين ولج والله تخسرين انتي وين تحصلين واحد هيج يحبج ولج ما تشوفين اخلاقه تخبل لو شكله الي يموت
لا قمر من صدوك لازم تفكرين هلمره لان الولد شاريج واني ما اشوف اي مانع يخليج ما توافقين
لعد وباباتي شلون اعوفه وحده هو وامي واخواتي واخوي
اهوو ولج شنو دا تحسسيني انو ابوج ابنج وطفل بابا شنو من تفكير عندج لو كل البنات تفكر مثلج جان الكل كعدت يم ابهاتها
قمر حبي فكري عدل واي شي تحتاجي اني موجوده
اوك حبي باي
باياات
وكعدت الليل كله افكر
وشلون راح اترك اهلي وكمت ابجي فأتخذت قرار ....
وصلنه للكليه لگينه محمد كاعد ع الكرسي خطيه منتظرنه 😂
كلي هاا شفكرتي
ملك ..  هاي شنو محمد الناس تكول صباح الخير
اسف خويه والله بكثر ما افكر نسيت اصبح
صباح الخير
صباح النور
قمر ..
شوف خويه انت ولد والنعم منك ومن اخلاقك بس اني ما موافقه واتمنى تنسه هذا الموضوع
لا ما انساه لانج ما فكرتي عدل
اسمعي قمر اكيد انتي رفضتيني لانج ما تعرفيني عدل
والله لو معاشرتني وتعرفيني مراح ترفضيني
هاي شنو هذا الكلام خويه
عود خجلت 😂
اني مو اخوج
اول مره اشوف محمد الخجول عصبي 😂 فددوه هو عصب لو صار احلى من الكمر
شو انقهرت عليه خطيه
شوفي قمر  عندي اقتراح اكعدي وياي اسبوع واحد والله راح يتغير رأيك ونكعد داخل الجامعه
شنو هذا الكلام ما تستحي شلون تريدني اكعد وياك وهسه الطلاب اذا شافونه شيكولون شنو تريد تطلع عليه سمعه مو زينه
لا والله مو هذا قصدي بس اجيتج من كل الطرق وانتي دا ترفضيني واذا تردين اني وياج وملك  نكعد حتلوا نص ساعه باليوم
ملك ..
اني اوافق ع اقتراح محمد واشوفه خوش اقتراح
انتي انلصمي ما عليج
شنو ولج ما عليه غير اعرف مصلحتج وما بيها شي تتعرفون ع بعض واذا ما شفتي ملائم الج ذيج الساعه ارفضي براحتج
اخذتها لقمر ع جهه وكلمتها
ولج عوبه انتي اكو واحد يرفس النعمه برجليه متشوفي يحبج ولج هسه انتي وين تلكين واحد مثله
ممم خلي افكر
الصراحه كلام ملك  عجبني وما ادري شو محمد يمكن دخل گلبي 😌
رجعنه لمحمد وكتله موافقه بس ملك  تبقه ويانه ومدة اسبوع مو اكثر
وفعلا كمت امشي واكعد ويه محمد ومرات ملك تجذب عليه وتكولي عندي محاضره
حتى تخليني ويه محمد
وبديت خلال هذا الاسبوع اتعلق بي
قمر .. تدري محمد اني ما جنت متوقعه احبك وبفترة قليل جدا
#محمد .. ماطول نيتي صافيه وياج الله وفقني وزرع حبي بگلبج
#قمر .. واحلى حب