#بقلم الفتلاويه
الجزء الاخير
#البارت الرابع عشر
قمر .. ياسر والله دا تشوفني ما اكلمها واتجنبها بس مرات ما اتحمل كلامها وارد عليها
بعدين شوكت نرجع لبيتنه والله مشتاقتله
ياسر .. كم يوم ونرجع لان راح يجون سيف وملك
قمر .. والله مشتاقتلهم
ياسر .. ترا اغار
قمر .. فديت اليغار
ياسر .. تعالي اريد بوسه
قمر .. ياسر كافي لا تصير طماع
ياسر .. انطيني بوسه وخلي نطلع يم امي وخالي
قمر .. انطيته بوسه وطلعنه لان ادري بي ما يطلع اله ياخذ البوسه
ديمه .. ياهلا بالعرسان
قمر .. يا والله قديمه يا عرسان صرنه قديمين
ياسر .. منو گلج قديمين ترا بعدنه عرسان 😉
زوجة عمر .. ياسر اليوم فرحان شكو
ياسر .. العنده مثل قمر اكيد يطير من الفرح
قمر .. ياسر ترا اخجل كلش
ياسر .. شلج بيها وينج ووين الخجل 😉
قمر .. عابت شنو اشايفني زعلت
ياسر .. اموت ع زعلج لان احب من اراضيج 😉
قمر .. فهمت كلام ياسر وشنو يقصد خجلني الاسمر
ياسر .. يابه مو خدود اليكول طماطه هاي هيج خجلتي لعد لو ابوسج گدامهم شتسوين
قمر. . ياسر كافي ترا والله اكوم
زوجة عمر .. ياسر خطيه البنيه خجلت عود تغزل بيها بغرفتكم ترا اغار منكم
قمر .. اليوم ملك اجتنه هي وسيف وام سيف ومحمد
ملك .. ولج قموري يا عوبه هيج حلتلج الكعده ويه يسوري ونسيتيني
ياسر .. ماطولها يمي شتصخم بيج
اني رجلها وحبيبها انتي شكو
ملك .. اي عيني بعد ما صارت مريتك نسيت فضلي لوما ازن براسها ٢٤ ساعه واقنع بيها جان هسه انت عزابي
قمر .. يبوو منكم اشبيكم بس تتعاركون
سيف .. تعالي حبيبي ملك مالج شغل بياسر يحب يغثج
ملك .. سيوفي حبيبي بس انت تفهمني من رحتلك فدوه
ياسر .. بدت الهمبله
ملك .. ياسر ترا والله ازعل
ياسر .. يا عوبه تزعلين من ابن عمج لا هاي هي
قمر .. ياسر اترك ملك لخاطري
ياسر .. ولك سيف ذني اجتمعن عليه ولجن اشبيجن دا اتشاقه وياها بس صايرات حساسات من وره الحمل
ملك .. صدك قمر شلون حبلتي وما گلتيلي
قمر .. ملك گالت شلون حبلتي وما گلتيلي لو الكل گام يضحك
ملك .. يا اشبيكم تضحكون گلت شي
ياسر .. ولج اشبيج ثوله شنو تردين اذن حتى تحبل
قمر .. ملك خزتيني ولج
ياسر .. ياله الكل يگوم يبدل خلي نطلع نتونس
قمر .. ملك تعالي انتي اليوم نامي يمي
سيف .. اي مو بكيفج ملك تنام يمج ما اخلي مرتي تنام بعيد عني
ياسر .. ولج قمر شنو تردين تطرديني من فراشي
قمر .. والله شتردون تفهموها افهموها اني وملك انام سوا وانتم دبروا حالكم
ياسر .. ولك سيف الحك ذني متفقات علينه والله اكسر رجلج اذا سويتيها صدك
ملك .. والله لو تطگون روسكم بالحايط اليوم انام اني وقمر سوا
ياسر .. لعد طلعه ماكو
ديمه وسميه .. ياسر عليك الله خلي نطلع مو ترديلك حجه وخلي البنات ينامن براحتهن وبعدين احنه اليوم نريد نجتمع كلنه وانام سويه لان اليوم اللمه تخبل
زوجة عمر .. اي عفيه ياسر وسيف اليوم نريد نفضفض ونسولف
عمر .. اي عيني نجلاء هم صرتي وياهن
زوجة عمر .. عموري حباب بس اليوم والله عدنه سوالف خاصه
ملك .. اي صدگ نريد نسولف سوالف خاصه وما عدنه وقت لان كم يوم ونرجع
ياسر .. ياله امشوا خلي نطلع ومن نرجع يصير خير
قمر .. طلعنه كلنه اني وياسر وسيف وملك ومحمد وديمه وسميه وعمر وزوجته ما رجعنه اله بالوحده ونص بالليل
ضلينه احنه البنات بالغرفه والزلم راحوا نامو بغير غرفه وضلينه نحش ما خلينه وحده ما سلمت منه منا لمن تعبنه وغفينه
ملك .. گعدنه الصبح وشفت قمر وياسر گاعدين بالحديقه وحاطها بحظنه گلت خلي اخبث عليهم
رحت گعدت البنات وطبينه للحديقه
ياسر .. اهو هاي شگعدجن اريد اخذ راحتي ويه مرتي شلون بالله ما اخلص منجن
ديمه .. اكلكم يعني شلون بيكم گولوا اكو ناس عزابيه بهذا البيت
ياسر .. ومنو جابرج ما تزوجين
ديمه .. اريد واحد مثلك اريده يدللني ويحبني بمثل ما تحب قمر
قمر .. والله يا ديمه ما اريد اهبط معنوياتج بس ما راح تلگين مثل ياسر هههه
ملك .. والله واثقه عيوني ليش يابه هذا سيوفي كبدي يموت عليه ويحبني ومدللني عشتوا والله يحبني اكثر ما ياسر يحبج
ياسر .. بدت الغيره ولج ام كرش ترا سيف ما يحبج يقشمر عليج حتى يريد يتزوج عليج
ملك .. انتظر كم شهر وكرش مرتك يصير اكبر من كرشي وبعدين لا تتبله ع حبيبي واثقه بي
سيف .. دخلت للحديقه واسمع ملك تسولف عليه شبگتها من وره
اموت عليج ومنو هذا اليگدر يتزوج عليج لا تصدگين كلام ياسر هذا خبل يحب يغثج
ملك .. اصلا ادري بيك حبيبي ما تسويها
ديمه .. لا هاي هي كملت اروح ادخل للبيت احسلي كلمن ومرته واني وسميه العزابيات
زوجة عمر .. عيوني طيور الحب امشوا نتريگ لان ام ياسر راح تشعلها
قمر .. بقينه ابيت خوال ياسر كم يوم ورجعنه لبيتنه
بعد ما رجعنه تمرضت لان كل مده يصير عندي هبوط بالسكر والضغط واوگع ما ادري بروحي وضليت كم يوم عند اهلي وياسر رجع لدوامه
ياسر .. رجعت للدوام حتى اخذ اجازه لان قمر مريضه وخطيه امها تعتني بيها لو بأخواتها وبيتهم لهذا قررت اخذ اجازه واعتني بحبيبتي علما تصير زينه رجعت من بغداد ورحت لبيت عمي ابو قمر
قمر .. يسوري عمري حمد لله ع سلامتك شو رجعت ليش
ياسر .. علمودك يا حب اخذت اجازه اظل يمج منا لمن تصيرين زينه وهسه خلي نرجع لبيتنه مشتاقلج
قمر .. رجعنه لبيتنه ويوم زينه ويوم مو زينه شكل عندي فقر الدم وخطيه ياسر ابتله بيه هو اليطبخ وينظف وحتى مرات يغسلي لان وصلت حاله بعد ما اكدر اتحرك
ياسر .. قمري حبي خلي نطلع للحديقه اليوم سويت غدا يرد الروح 😉
قمر .. ياسر غمزتك تخوف اكو شي من وره هاي الغمزه
ياسر .. دائما ظالمتني ياله حبي تعالي خلي اشيلج لان اذا تمشين شهر ياله نوصل
قمر .. شفت ياسر مسوي مشاوي ومقبلات ومسويله گعده تخبل
قمر .. يمه فديت الطباخ والله لو ادري من زمان متزوجتك
ياسر .. اي حتى اشبع كرشج
قمر .. عابتلك فهمتني غلط
ياسر .. لعد خلي ندخل لغرفتنه وفهميني قصدج 😉
قمر .. لا عيني خلينه هنا احسن اخاف ع النونو منك
ياسر .. بعده ما اجه وهيج صرتي تحبي اكثر مني لعد لو اجه يمكن انطرد من الغرفه
قمر .. يمه اني اطردك من الغرفه لعد بحظن منو انام انت الاصل والفصل
ياسر .. اي قشمريني بكلامج واني ضعيف گدامج اكلي براسي حلاوه
قمر .. احبك واليحب بلوه تدري اني گدامك ضعيفه كلش وانت قوتي
ياسر .. تدرين اني الوحيد الجنت اشوف ضعفج وانكسارج جنت ادري بيج تمثلين القوه كدام الكل
قمر .. ياسر راح تحبني طول عمرك وما تأذيني وتصير سندي وظهري
ياسر .. ولج انتي بنتي وطفلتي ولو بيدي احطج بداخل گلبي وما اخليج تتأذين من كلشي
بس قمر اريد اطلب منج طلب وما اريدج ترديني
قمر .. اطلب وعيوني وگلبي الك
ياسر .. قمر اذا ولدتي بنيه اريد اسميها إيلين ع اسم اختها الله يرحمها
قمر .. ما طلبت شي صعب تدللين يا احلى ابو إيلين
ملك وسيف راح يصير عدهم ولد ويسموا أيليا
احمد الله الي رزقني احلى اخوان واصدقاء ربي يسعدهم طول العمر
والى هنا تنتهي قصتنا ولا نعرف ما يخبئه لنا الزمن
#الـــنــهــايــــه ةةةة
أنت تقرأ
حكاية قمر
Roman d'amourجريئه_حب_حزن_عشق_هيام قصه حقيقيه تتكلم عن شاب احب ابنة عمه ولكنها لا تعترف بهذا الحب فهل سيكون بينهم نصيب ام لا
