حكاية قمر

الجزء السابع

#بقلم الفتلاويه

#البارت السابع
نرجع للبنيه ام الماروني
اول شي سلمنه عليها
شلونج حبي وكذا وكذا
قمر..  اكولج حبي خلي انجيبها من الاخير احنه اكوا واحد دازنه خطابه الج وهو استاذ جامعي
شنو رأيج اذا تقبلين حتى ننطيج اسمه والباقي عليج تقبلين لو لا .

#ملك .. 
ما نشوف اله البنيه ضحكت يا هاي شبيها
بيج شي حبي شنو الي يضحك بالموضوع
ام الماروني اسفه والله ضحكت لان اني مزوجه وهنا الصدمه
هااا مزوجه اي والله مزوجه صايرلي ٤ اشهر وهسه حامل بالشهر الاول
گرت عينك سيوفي ما حبيت غير المزوجه 😂😂😂
طبعا رجعنه لسيف حتى نگله
بس قمر  وگفتني
ها شكو ولج
انتظري خلي نتفق ولج اذا سيف دره بيها مزوجه يجوز ما يعزمنه خلي انمثل عليه
ملك ..  شلون يعني قابل مراح يدري بيها مزوجه اكيد راح يسألها
قمر ... لا ولج عوبه خلي نأشرله

شلون يعني
انتي ما عليج بس اضحكي والباقي عليه
اوك تدللين اضحك ليش لا 😂😂😂
وفعلا اتباوع لسيف واضحك وقمر  تسويله علامة اوك بأصبعها
خطيه كام يضحك
وصلنه اله ها بشرن شگالت
قمر .. ما نگول اله تريگنه مو تدللين بس كولن بالاول
ملك ..  لا عيوني الريوگ اولا
وفعلا خطيه اخذنه نتريگ طلبنه بيتزا ولفتين گص اكلناهن كلهن 😂😂😂 من الجوع ما خلينه شي
سيف ..  ها ولجن احجن شكالت
وحده كامت تذبها ع الثانيه
بالاخير كتله سيف الزواج قسمه ونصيب والبنيه ما مقسومه الك لان مزوجه وحامل
يمه سيف  صار عصبي مبين من عيونه
سيف  .. ها شنو هذا الكلام لعد ليش تضحكن بوجهي وتسولي اوك
شنو جذبتن عليه
ملك ..
سيف والله مو قصدنه نخدعك بس شفناك ملهوف عليها ما ردنه نكسر بخاطرك بسرعه ردناك شويه تهدا
حتى بعد ما نعرف شنتكلم 😂😂😂
سيف .. ينظرلنه   بهاي النظره 😡 وكال يصير خير وطلع
ليش هو احنه شسوينه هي قسمه ونصيب والبنيه طلعت مزوجه شو هذا معصب والله يا الله
امشي ولج خلي نطلع
قمر ..  شوفي ابن خالج نسانه وما جابلنه عصير هسه شلون اني اريد عصير
ملك ..  ولج مو بقت عندج ٥٠٠ جيبيها خلي نشتري عصير
واشترينه عصير اثنينه بي 😂😂
وضل سيف كل ما يشوفنه يتباوعلنه 😒 حتى ما يسلم ومن نسلم ما يرد
قمر ..  اكلج ملك يمكن سيف زعلان متشوفين نظراته حتى شو ما يعزمنه ع الريوگ
ملك .. اي ولج اني هم انتبهت بس شنسويله
قابل الصوج منه
امشي ياله خلي نروح اله خطيه كسر خاطري
قمر ... رحناله وطبينه للمكتب
السلام عليكم شوف سيف ندري زعلان علينه بس تره والله جنه جوعانات وخفنه ما تعزمنه اذا دريت بيها مزوجه لهذا كلنه خلي نتريگ ونگلك تره الزواج قسمه ونصيب يجوز الله قاسملك الاحسن واذا تريد تره احنه اثنينه موجودات يمك نصيرلك زوجات 😂😂😂 انت بس تعال اخطب نتگبع وناخذك حتى بعبايتنه مو اله مهر احنه نشتري رجال
#سيف .....
😂😂😂😂مو اگللجن مخبلات شلون اتزوجج وانتي مخطوبه وهاي بت عمتي خبله
ملك ..  طبعا متت من الخجل من قمر  تكلمت هيج لان اعرف شنو قصدها وهي دائما جانت تكلي اتمنى انتي وسيف تزوجون لانكم اعز اصدقائي
فمن سمعت كلامها وجهي صار نار 😂😂😂 اعرف اني المقصوده بكلامها لان هي مخطوبه
.
نرجع لسيف اني من كال عليه خبله صدوك انجرحت 😡😡
لا تكول خبله ما اسمحلك هسه اني ميته عليك والله شايف روحك
عفته وطلعت 😂😂😂
اجه وراي وتأسف
وقبلت اعتذاره علمود قمر فقط..
.#قمر .. مرت الايام وفسخت خطوبتي من علي لان بعد ما تحمل  اعتبره اخوي وما شفت بي زوج الي ع الرغم هو ما قاصره شي شاب خلوق ومؤدب وشهاده وشاغول بس القلوب وما تهوى
#ياسر..
رجعت من المانيا بأمر من الاعلى مني لان داعش دخلو للعراق خابرت سيف وگتله ع رجوعي وبقينه نسولف وگتله باجر اني يمه بس ما سألته ع قمر وهو هم ما جابلي طاريها
ثاني يوم وصلت لسيف وسوالي غده وزرنه وترخصت منه وطلعت لبيت عمي ابو قمر اسلم عليه والتحق بس جنت متردد اوح لبيت عمي ابو قمر لان قمر  اكيد هسه  تزوجت واني من عذاب لعذاب
الله يسعدها
اول ما دگيت الباب طلعتلي اختها بوستها وشلتها گتلها بابا وين گلتلي كاعد هو وقمر يحسبون فلوس ههههههه
انقهرت لان قمر هنا ما ردت اشوفها
لان تبينلي  اني مو بس احبها لا عاشگها ومسودن بعشگها ولو بيدي اطلگها من علي واخذها
راحت زهراء لابوها تخبره
طلعلي عمي شبگني ورحب بيه
اجتي خالتي ام قمر والبنات سلموا عليه
شويه واجتي قمر تضحك وتگلي يا خبيث ليش هيج ما تسأل هيج حلتلك المانيا وبناتها ونسيتنه
ولج لو تدرين شنو بگلبي جان ما گلتي هيج اسولف بگلبي
اتباوع لأصبعها ماكو حلقه كلت بگلبي يجوز ما تلبس حلقه
گتلها شو اليوم هنا قمر جايه زياره لاهلج
ضحگت گلتلي ليش اني وين رحت حتى ازور اهلي
گتلها مو انخطبتي لعلي اكيد طول هاي المده تزوجتي
عمي ابو قمر گلي بويه بنتي ما منها رجيه ما اتصور فد يوم اشوفها لابسه البدله ماطول عايشه بذكرى واحد ميت صايرله سنين
قمر سمعت كلام ابوها بسرعه كامت يمكن زعلت من الكلام
گتله شنو عمي يعني قمر ما تزوجت علي
كلي لا بويه  فسخت خطوبتها  تكولي ما اكدر اعيش وياه علي مثل اخوي وضلت تطلع حجج
خو ما اغصبها ع شي ما تريده وهي حياتها الي تعيشها مو اني اعيشها
فرحت فرح عجيب لو بيدي اوزع ع الناس من فرحي حجيت گتله عمي ميخالف يجوز علي مو من نصيبها وان شاء الله يجيها الاحسن
تعشيت يمهم وهم ضليت صافن ع قمر وشلون تاكل تمنيت اني اوكلها
وقررت اخطبها وما اضيعها من ايدي وغصبا عليها تقبل بيه كافي اني اسنين اتعذب وهي محاسه بيه
تباوعت لقمر وضحكت  حسيت روحي طاير بالهوى بقيت وره العشه كم ساعه وترخصت عمي ابو قمر ما قبل اطلع بس گتله رايح لبيت عمتي ام سيف لان اغراضي كلها هناك وان شاء الله غير يوم اجيكم ...
#ياسر