حكاية قمر

الجزء الثامن

#بقلم الفتلاويه

#البارت الثامن
قمر : ضليت كاعده يم ملك وما اكدر اتحرك خاف اطخ بياسر
وانوب هاي العوبه بالعناد تحرك
بيه ادري بيها تحب ياسر مثل اخوها وتريدني اتزوجه تكلي ما تلكين واحد يحبج مثله
ملك : من شفت ياسر اجه وكعد يم قمر عرفت ليش تأخروا من ردنه نصعد وياهم 😂 والله ياسر اجتك للحلگ
انوب كمت اخبث ويه قمر كل شويه واحرگها وهي تشاورني وتغلط عليه
قمر : محمد حباب تعال بمكاني واني خلي اجي بمكانك لان تضايقت
ياسر: وهو بكيفج ترحين بالصدر وتكعدين يم سيف ما تستحين
قمر : وانت شكو وتدخل سيف اخوي ودائما اكعد يمه بالصدر
سيف : اني ضليت اضحك عليهم واتباوع لملك 😉
ياسر : سيف بعد قمر لا تگعدها يمك بالصدر واصلا لا توصلها لاي مكان 😡
قمر : شدخلك بيه وتتأمر براحتك
لو ابوي واخوي ميخالف
ياسر : صح لا ابوج ولا اخوج بس خطيبج
قمر : 😳 استغفر الله ياسر ليش تضل تحرگ بأعصابي يا اخي خلي نتكلم بالهداوه شوف والله ما نصلح لبعض
ياسر : اشش راسي گام يوجعني ما احب هذا الكلام  وبعدين شنو هذا المكياج
قمر : والله بكيفي وجهي واحط بي الي اريده
ملك : شبيكم بس تتناكرون يا اخوان ترا اليوم عرس اضحكوا صفگوا والله مليت منكم
سيف : شلون كلام معدل وحلو مثل صاحبته
ياسر : انت اسكت ابو الحب والله هنيالك مو مثل حظي كاعده يمي وشارده مجلبه بصديقتها تخاف لا اكلها
قمر .. شويه حسن الفاظك وكافي تجيب طاريي
ياسر .. كمشت ايدها وعصرتها ولج منو اليحسن الفاظه
#قمر  اخ وخر ايدك لا والله تشوف شي ما يسرك
سيف .. ياسر يمعود عوفها لا تخليني انزل واخليك تسوق
محمد .. ياسر بيك شي ترا ما اقبل تأذي قمر اتركها
ياسر .. وانت منو دخلك حتى ما تقبل ع قمر بت عمي واني حر بيها لو اذبحها محد يحجي
.ملك .. بعد هاي الحجايه الحجاها ياسر صارت عركه بالكلام بين ياسر ومحمد ونزل محمد من السياره بس ياسر بقه يم قمر
قمر .. شفت ياسر عصب صار يخوف وايدي لسه كامشها 😭
ياسر عوف ايدي دا تأذيني
ياسر .. ادنيت عليها وشاورتها كتلها شنو بينج وبين محمد اخو سيف
قمر .. كلمن يشوف الناس بعين طبعه
ياسر .. ترا صح محمد اشگر بس ما يشبه حبيبج المات ☺
قمر .. من شاورني هيج جريت ايدي بس هو قوي ما گدرت اسحبها وبقه كامشها صرت ابجي من گلي صح محمد اشگر بس ما يشبه حبيبج المات 😔 واني اعتبر محمد اخو سيف اخ الي وصديقي من الطفوله يامه جنه نلعب سوا وحتى من كبرنه ضلينه محافظين ع صداقتنه
ملك .. حجيت بصوت ناصي هاي شبيج قمر ليش تبجين
قمر .. مابيه شي ومسحت
دموعي وكلمت ياس بصوت ناصي
خلي ايدي تبقى بأيدك عادي ما اهتم بس لا عبالك يجي يوم واصير ابيتك تحلم بهذا الشي وروح محمد
وايدي الي كامشها دير بالك عليها لان راح احط بيها حلقة زوجي واكيد مو انت 😊من خلصت كلامي هو كمش ايدي بكل قوة حسيت اصابعي تكسرت صحت بصوت عالي سيف وگف السياره ونزل
سيف .. جنت اتباوع لملك وسرحان بيها لان احبها واريد اكلم قمر تحاجيها اذا موافقه حتى اخطبها
فزيت ع صوت قمر ودريت ياسر مأذيها لان اذا عصب يفقد وگفت السياره ونزلت فتحت الباب الي بيها ياسر وگتله انزل اگعد  بالصدر
يمي بالگوه خليته يگوم وكعد بالصدر
سيف .. قمر بيج شي
قمر .. شوف سيف صديقك النذل شسوه بأصابيعي حتى بعد ما اگدر احركهن
ياسر .. خليها تسكت لا والكفيل اليوم موتها يصير ع ايدي
ملك .. ولج قمر اسكتي متشوفي عصب
قمر .. سيف خلي نرجع للبيت الله يخليك والله اختنگت
ياسر .. سيف كمل طريقك واذا رجعت والله اخليك تگلب السياره
سيف .. 😂😂 ضليت ساكت واضحك بگلبي ع ياسر وانقهرت ع قمر لان صدگ شفت اصابعها حمر وانوب تبجي ام دميعه هي من دون سبب دموعها تنزل بسرعه
وانوب ياسر اذاها رادتها حجه حتى تبجي
ملك .. كافي حبي لا تبجين ترا والله ابجي وياج
قمر .. ملك اذا تحاجيني بعد احجايه وحده والله افتح الباب واشمر روحي
ملك .. ادري بقمر عصبيه كلش تركتها براحتها
ياسر .. من سمعت كلام قمر خفت گلت لا صدگ تفتح الباب وتشمر روحها گلت لسيف يقفل الباب
وانوب اسمعها تبجي عصبت بالزايد هي تبجي وگلبي يتگطع وياها كلامها كله سم وسجاجين
نص الطريق بعد ما استحمل بجيها گلت لسيف يرجعنه للبيت
سيف .. ها هههه شو قنعت نرجع للبيت
ياسر .. سيف والله مالي خلگك البيه مكفيني
اوف هاي قمر غير تسكت والله گلبي كام يوجعني ما اتحمل اشوف دموعها وانوب اني سبب دموها واذيتها حيل كله من وره كلامها
انوب خاف تكول لابوها وعيب من عمي
قمر .. ظليت ابجي مو من الم ايدي واصابيعي  لا من الم گلبي وروحي لان لو عندي اخ مو جان شكيتله حالي وشكيتله معاملة ياسر الي استهضمت روحي وما اگدر اگول لابوي لان هو مريض وما اريده يتمرض بالزايد
اذن اذان المغرب واني ادعي لربي بعد ما اگدر اتحمل بجيت بصوت عالي جنت اعاتب ربي لان ما خلانه اخ 
ملك .. من سمعت قمر گامت تبجي بصوت عالي اني هم ما استحملت وبجيت وياها وشبگتها وصرنه اثنينه نبجي لان ادري بيها انقهرت
ياسر .. اني سمعت قمر بجت بصوت عالي واني گلبي مات اريد ادير وجهي الها بعد ما اگدر
سيف .. وگفت السياره ودرت وجهي لملك وقمر ولجن شبيجن ليش تبجن
ياسر .. شبيج قمر لا تخوفيني عليج
ملك .. اني وابجي صرت اصيح ع ياسر تأذيها وتسألها ليش تبجي واني الجنت مخدوعه بيك وعبالي صدك تحبها واساعدك شلون تزوجها والله طلعت ما تستاهل ضفرها
ياسر .. ظليت ساكت من سمعت كلام ملك صدگ اني اذيتها واليحب ما يأذي
سيف .. ملك كافي اسكتي خلي اشوف قمر
قمر خويه بيج شي ايدج توجعج 
قمر .. احاجي سيف واشهگ 😂  مثل الاطفال اول مره اشهگ ما ادري شلون شهگت
گتله ما بيه شي لا تخاف عليه بس خلي نرحع للبيت
سيف .. متأكده ما بيج شي
قمر .. اي والله ما بيه شي
ياسر .. اختنگت وبعد ما اتحمل ابقه بالسياره من سمعت شهگات قمر گلت لسيف راح انزل وخلي هو يكمل طريقه
سيف.. وين تنزل يمعود راح
نوصل
ياسر .. اريد اروح ازور الحسين ع
سيف .. براحتك لان شفته معصب وانقهر
#ياسر ..
من نزلت من السياره رحت ازور الامام الحسين والكفيل ع لان هناك ارتاح
كعدت يم شباك الحسين ع وضليت ابجي بحرگه
دائما اسمع يگولون الرجال ما يبجي بس اني من ادخل لحظرت الحسين والكفيل ع ابجي واشكيلهم حالي لان بس هم الي اكدر ابجي گبالهم 
جان يمي شيخ معمم من خلصت بجي وصلاه سألني وگلي ليش تبجي بحرگه
ياسر .. والله يا مولانا الدنيا تعبتني واني حامل ع ظهري حمل محد يگدر يحمله موت اخواني وموت جنودي الي كل يوم ادفنهم بأيدي وصوت الجرحى من يصيحون من المهم و
بعدها سگتت ما گدرت اگله عذاب قمر
الشيخ .. ليش سكتت بعد ما گلمت و
ياسر .. عوفها ع الله وع مولاي الحسين ع هو يحلها
الشيخ .. والله صار عندي فضول اسمعها منك بعد كلمة ال و
ياسر .. گلت بگلبي خلي اسولفله وافضفض الي بگلبي سولفتله كلشي من اول ما شفت بيها قمر الى ما نزلت من السياره
الشيخ .. والله دوختني بسالفتك شلون تكول احبها وتأذيها
ياسر .. والله هي التخليني ااذيها السانها ما يسكت ودائما تجرحني بكلامها
الشيخ .. تدري انت حرام عليك
لان بايسها وكامش ايدها ومأذيها
ومانعها عن الزواج
ياسر .. بس مولانا والله مو بأيدي ما اكدر اشوفها ويه غيري
الشيخ ..  خويه اذا مقسومه الك تصير وانت اعتقها وخليها    تشوف حياتها لان ما يصير هيج 
ووووو ....
ملك .. بعد ما وصلنه سيف لبيت قمر بقيت يمها ما رحت لبيتنه لان ما اكدر اعوفها وبتت يمها
ملك .. قمر ليش بجيتي ادري بيج اكو سبب ثاني
قمر .. بجيت لان ما عندي اخو اشكيله الي دا يسوي ياسر وياي
لو عندي اخو مو هذا حالي
ملك .. ليش ما تنطين فرصه
لياسر والله يحبج ومو مثل  عمامه طماع
قمر .. ملك گتلج لو يبقى اخر رجال ع الارض ما اخذه
ياسر .. ثاني يوم الصبح رحت لبيت عمي ابو قمر ردت اتعذر من قمر لان اذيتها هواي بس ما طلعتلي وسمعت ملك يمهم گلت لزهراء تصيحها الي
ملك .. نعم ياسر رايد شي اكلمه بوجه ثكيل
ياسر .. ملك اسف خويه والله  افقد من اعصب وما اشوف شي كبالي
ملك .. ياسر اتركها لقمر كافي تعذبها خلي تشوف حياتها
ياسر .. ملك هاي انتي هيج تكولين لا والله ما مرجيه منج
ملك .. ياسر انت شفت بعينك شلون هي ما تريدك
ياسر .. وينها هسه هي صيحيها
ملك .. اتركها معصبه ما تطلع ياسر روح هسه ونشوف بعدين شيصير لان خاف بس تشوفها تصير عركه
ياسر .. صار راح اروح التحق سلميلي عليها ووصلي اسفي الها في امان الله
ملك .. مع السلامه ..
مرت الايام وسيف رجع لماليزيا لان هو دا يدرس ماجستير گال شهر واجي ما اعرف شعنده وليش گلي هم ما ادري
خلص الشهر وصدگ اجه سيف اجازه ومن يجي اجازه
يضل يمنه ٢٤ ساعه شكد غثه سويلي اكل جيبيلي ماي اني خو ما اسكتله
عيني ما تروح لبيتكم شنو فاتحين فندق هنا
يعني شلون نريد ناخذ راحتنه
منو لازمج متاخذين راحتج
لا من جد سيف والله دا اتقيد من وراك انوب من تجي دگ الباب مو تجفت لان لازم البس حجاب
تدللين حبي 😉
😒حبي وفهمناها الغمزه شنو وبعدين لا تكول حبي
يصير خير بعدين تفهمين
مر اسبوعين وسيف ما اجانه
الله شكد راحه البس براحتي واكعد بالمكان الي اريده
اليوم اجتني قمر ..  للبيت وكالعاده بعد ما سلمت ع اهلي اخذت امي ع جهه ما ادري شو هاي الايام صاير بينهن اسرار 😕 بعدين صعدت لغرفتي
اني هم اخذت العصاير ونمنمات وصعدت وراها لكيتها نايمه ع الجربايه تعالي ولج ثوله عندي كلام وياج
جبتلج خطابه 😍😍
جيبي لنفسج بالاول وبعدين خطبي للناس 😒
غبيه ولج اكوم اطيح حظج يا عوبه
اني احجي صدوك جبتلج خطابه وارفضي وشوفي والله انهي علاقتي وياج
😈ولج منو هذا الي عنده هيج معزه عندج
سيف ابن خالج
هاااا 😳😳
وجعا اسمعي هو كلي اخذ رأيج بالبدايه حتى اذا موافقه يدز اهله
كليله ما موافقه
ليش
نسيتي من كال ما اخذ هاي الخبله
شوكت كال ولج
شبيج من بيوم گتيله احنه اثنينه ازوجنه واخذنه بعبينه كال ما اخذ هاي الخبله
ها حيل ولج جان يشاقه وتدرين بي ٢٤ ساعه يشاقه ويانه عادي ما بيها شي
حتلوا ما اقبل
اكلي نعل مو بكيفج راح اخابره واكله موافقه
ليش تفشلين روحج وسيف ما اقبل كليله ما موافقه
هيج مو والله اذا ما وافقتي فلا اعرفج
وعفتها وطلعت رجعت للبيت وخابرت سيف وكتله ع كل الي صار فعلا انقهرت لان حاولت طول هاي الفتره اجمعهم لانهم اعز صديقين واخوان الي
سيف كلي ما عليج بالليل اروحلهم واكلمها
#ملك  .. من بعد ما راحت قمر انقهرت عليها لان اول مره يصير هيج زعل بينه بس حقي من ما اقبل بي
لو يطگ راسه بالحايط ما اقبل بي
وانوب دريت بي يحبني والله لاندمك ع حجايتك هاي بس اصبرلي ..
وفعلا اجه سيف للبيت وكعد ويه ماما وبابا طبعا اهلي يحبوا ما ادري ع شنو 😂
انوب بابا صاحني كلي اكعدي ويه ابن خالج عنده كلام وياج
ما ما اريد اكعد
بابا لا تعاندين واكعدي
امري لله كعدت واهلي طلعوا
شوفي ملك انتي بت عمتي واني شاريج واحبج صايرلي سنه وشويه
اسمعيني للأخير
من كلت اني ما ازوج هاي الخبله جنت اتشاقه
وانتي زينه العقل واصلا اموت ع خبالج وما اريدج تتغيرن طول العمر
ومن وره خبالج حبيتج وهويتج ومراح تلكين واحد يحبج اكثر مني  ووووو ؟؟؟؟
😢😢قشمرني بكلامه شو جنت متحظره حتى ارزله وارفضه
طلعت كلشي ماكو صدوك عوبه 😂
اوك كم يوم واردلك خبر
موافق بس ملك فكري زين تره والله احبج
بگلبي حبتك حيه 😂😂
صار الصبح ما اشوف اله قمر واكفه ع راسي
كيفت بجيتها ادري بيها ما تزعل
قمر .. كومي ولج غسلي وجهج وراح احظر الريوك
طبعا اغلبكم ما تعرفون علاقتي اني وقمر
علاقتنه علاقه اكثر من الاخوات
بيتنه يعتبر بيهتا وامي وابوي يعتبرون امها وابوها واني كذلك بالنسبه لاهل قمر
لهذا نتصرف بحريه ابيت كل وحده بينه
فعلا قمر نزلت  سوت ريوك بيض واجبان وجاي وصمون كهربائي 😂
اسمعي عوبه اريد الجواب اليوم حتى باجر يجون يخطبوج لان سيف مستعجل وراه سفر تنخطبون وتعقدون وبعدين من يخلص دراسه تزوجون
هااا 😌😌 بعدني ما فكرت

اكلج هاي سوالف البنات المستحيات ما تعبر عليه
كولي شفكرتي تره اعرفج اكثر من روحج
.....

يتبع ..