حكاية قمر

الجزء الثالث

#بقلم الفتلاويه

#البارت الثالث
شويه وتعاركن حتى ما استحن مني 😂 بعدين شكرني وراحن واني ظلت عيني ع حبيبتي
هسه رجعتلكم خلي اكمل اني
قمر
بعد ما اخذت الورده شكرنه محمد وبقينه نص ساعه ورحنه لكلية الاداره والاقتصاد لان مسوين حفله علمود عيد الحب بالطريق سألت  ملك ليش اخذت الوردات جان تكلي
ولج انتي تضلين غبيه اني صايرلي فتره مراقبه هذا الولد كل ما يشوفنه يضل يتباوع عليج
ع الخير اجاج عريس وشلون عريس يخبل ربي ما ترزقني بمثل جمال هذا الولد لو بس اعيش وياه يوم واحد قابله 😜 ( #ملاحظه ☺ مهمه اني ملك  ... زوجي اذا قريت هذا الكلام الكتبته ع محمد  لا تضوج   ترا هذا الكلام قبل لا اتزوجك هههه  هسه انت احلى رجل بحياتي  😉 )
  نرجع لقصتنه
قمر : متأكده يتباوعلي يجوز صدفه
ملك : اي والله يتباوعلج واني صايرلي هواي مراقبته ع الخير اجاج عريس وشلون عريس لقطه والله اني ما تخفه عليه خافيه من زمان مراقبته واليوم تأكدت من انطاج الورده اخذتها منه وحبيت اتأكد وطلع تفكيري بمحله ع الخير كللوووشششش  ...
#قمر ..
امشي ولج خلي نلحگ ع الحفله وتدرين بيه ما اقبل اتزوج علمود باباتي
اي يالعوبه ابقي عانس ع گلبي
قمر .. ولج تعالي شوفي ذاك مو ابن خالج تعالي خلي نروح وياه بلكي يگعدنه بالبدايه بعتباره استاذ بالاداره والاقتصاد
يا ملعونه خوش تفكير
وجان نصيح سيف سيوفي انتظرنه
خلي اعرفكم بنفسي
اني #سيف مواليد ١٩٨٤ اشگر وعيوني ملونه طالع ع امي هم حلوه طويل واحب الاناقه واكثر شي احبه سكسوكتي ☺ استاذ بالاداره والاقتصاد تخرجت من جامعة بغداد وكنت الاول ع دفعتي تعينت بجامعة بغداد وانوب انقلت لجامعة كربلاء اصير ابن خال ملك 😏 وصديق قمر  واعتبر اخوها علاقتنه علاقة اخوه اتعرفت عليها من جانت بصف ثاني ابتدائي من جانت تجي لبيت عمتي وربت مع بنت عمتي ملك  وكبرن سوه
خلي نرجع اسمع بنات يصيحلي واعرف هذا الصوت
التفت وطلع تفكيري بمحله صوت الخبلات
اي خبلات الله وكيلكم
ها ولجن شكو لاحگاتني شتردن خاف مسويات شي
ملك..  اشبيك ابن خالوا ع كيفك ويانه ما مسوين شي بس حباب خلينه بالحفله نگعد يمك
شنو تكعدن يمي اله مخبل هسه الي يشوفني شيكول عليه مكعد خبلات يمه لو عاقلات ميخالف
قمر ...
هاي شنو سيف اليشوفك يكول صدوك احنه خبلات وبعدين شنو تريدنه نكعد يم الولد شنو ما تخاف علينه
لا والله ما اخاف عليجن وحدتجن شطول لسانها
ياله امشن اكعدجن يمي امري لله بس الاسمع صوتها ما تخلص مني
ملك ..  گعدنه بالمقدمه  وكل شويه مضوجات سيف بحجايه 😂
وجان يصعد الحلو للمنصه حتى يقرأ قران
ولج قمر صعد الحلو للمنصه هذا الخجول يدبرها لا
لا ولج خطيه لا تكولين عليه هيج مبين حباب
ولجن انلصمن لا والله اطردجن وكافي لغوه زايده
اوك سكتنه بس رحمه لهلك لا تصير علينه استاذ .
#محمد ...
اول ما صعدت حتى اقرأ القرأن شفت حبيبتي كبالي وكاعدات هي وصديقتها يم استاذ سيف كيفت بس من شفت شلون يضحكن وياه ومندمجين سوه انقهرت كلت خاف يصير صديقها او خطيبها بس اني سألت عليها وكالوا ما مخطوبه
خلي اقرأ القران ويصير خير وبديت بقرأة القرأن ...
اول ما بده يقرأ القرأن وسمعت صوته عسبالك عمري كوله مسامعه قرأن صوته بي خشوع وجميل
صدوك عجبني صوته
بعد ما خلصت الحفله ورجعنه بالطريق
ملك .. ها ولج وحق الحسين ع يحبج وانتظري وشوفي اذا ما اعترفلج ...
#قمر .. اهو هم عدتي قوانتج ولج بابا افهمي اني ما ازوج وبعدين باباتي ما يقبل ينطيني اله اخلص جامعه
الكبر مو وجه نعمه دشوفي شلون يگول للگمر غيب واني بمكانك
ولج نذر عليه اذا تزوجتوا اله العب جوله بعد عرس الغاليه
يا عزه العزاج ولج خطبتيني وزوجتيني وراح تولديني ع ساعه
😂😂😂😂
عادي اولدج بس ها مو بالحرام
عابت لهلجهره يا زباله
وخلص اليوم ع خير ومشت الايام
.
قمر .. اليوم عرس اختي #أزل
اكيد الكل جاي من خوالي وولد خوالي وياسر وسيف هم
طلعوا اختي وزفوها
قمر .. بابا احنه نريد نروح ويه اختي للفندق ونرجع حباب انت وصلنه
ابو قمر .. بابا شلون اوصلجن عيب
راح اخلي واحد من ولد خوالجن ياخذجن ويرجعجن
ياسر .. اني سمعت كل الكلام كلت خلي اتبرع اوصلهن يمكن جانت عندي غايه بنفسي ما اعرف السبب
عمي خليني اني اخذهن وارجعهن وسيارتي جبيره
قمر .. اي بابا خلي نروح ويه ياسر
ابو قمر .. ياسر بويه دير بالك ع البنات ترا امانه وانت مثل اخوهن
قمر .. اني وملك تعاركنه نريد نگعد بالصدر هههه حتى نشوف اوضح
بس ياسر كام يصيح بسرعه دفعت ملك وكعدت
ملك .. تعاركت ع كعدت الصدر لان حلوه واكدر اشوف كلشي واتحرك براحتي
عابتلج يا عوبه اني اعلمج والله بالرجعه اني اكعد بالصدر
ياسر. .. ولجن كافي استحن شكبر الوحده صرتن وبعدجن مخبلات وتتعاركن شوكت تعقلن دخيل الحمزه
قمر .. ياسر حباب افتح اغاني حلوه نريد نرگص
ملك .. اي ياسر فدوه انريد ردح
ياسر .. ولجن شو ما تستحن شنو ترگصن واحنه بالشارع وهاي السيارات والله اكسر رجلها الي اشوفها ترگص
قمر .. هسه دفتح الاغاني شگد غثه
ياسر .. عليمن ولج 😡
قمر .. ع ملك ودرت وجهي وغمزتلها 😉
#قمر .. كاعدين بالسياره وياسر كل شويه عدلن حجابجن لا تضحكن من تمر السيارات لان ذوله الشباب هتليه
قمر .. يبووو ياسر طلعتها من خشمنه
خلصت الزفه ووصلنه اختي للفندق وبالطريق ذبينه روحنه لان تعبنه وملك كعدت بالصدر واني بالوره وياسر فاتح اغنية
(. يفر بيه هوى المحبوب  )
#قمر .. ها ياسر مبين بعدك بعذابك
ياسر .. اي بعدني
قمر .. ممممم احجيلي عليها مثلا شكلها اسمها
ملك .. ياسر  عيني كافي تضم علينه ياله طلع كلشي واحجيلنه اليوم ما انعوفك
ياسر .. انطمرن انتن ما عليجن هاي اسرار دوله
قمر .. لا عليك الله ياسر احجيلنه خلي نفرحلك
ياسرر .. ااه شأحجي اذا اني نفسي ما جاي اعترف بحبج يا قمر لان ادري بيج بس اعترفلج ترفضيني عبالج طامع بفلوسكم
ملك .. ياسر وين صفنت
ياسر .. صفنت افكر بحبيبتي
قمر .. والله هنيالها يابه هيج واحد ويفكر بيه ولج ملك لعد احنه شبينه محد يفكر بينه شناقصين ايد رجل
ملك .. يمكن حولات شو حلوات ونازكات بس هو حظ ماكو
ياسر .. هههههه لانجن حولات محد يفكر بيجن
ياسر .. سكتنه وظليت كل شويه اتباوع لقمر من المرايه لان صايره وراي
اشوفها كامت تغفي
حاطه مكياج وطالعه  تخبل وانوب حلگها بي بوسه
ههههه هسه تكولون عليه ما عنده غيره يفكر ابنت عمه هيج
بس اليحب يطير التفكير من عقله
#جمانه .. ياسر صارحتها لو لا
ياسر .. لا والله اخاف من ردت فعلها اخاف اذا اصارحها اخسرها خليني ع الاقل اكدر اسولف وياها واضحك بدون ما تحس بيه احبها
جمانه.. ياسر بس انت هيج دا تضيعها من ايدك يجوز تنخطب وتزوج وتتندم بعدين
ملك .. ياسر كلام جمانه صحيح
#ياسر ..   ولو كلمتها ورفضتني شسوي بهيج حاله
قمر .. طبها مرض ما تفتهم الترفض هيج واحد مثلك عساها بالموت اذا رفضتك
ياسر ..  صحت بصوتي عالي
قمر ما اسمحلج تدعين عليها  صدك عصبتني تدعي ع روحها وما تدري اني اخاف عليها من نسمة الهوى انوب تدعي ع روحها بالموت
#قمر .. هاي اشبيك ياسر تصيح عليه علمودها يابه واني شگلت والله زايده مني مقهوره عليك بعد حتى ما اتدخل بحياتك ولا اسألك وناركم تاكل حطبكم
ياسر .. انجبي لا تلغين زايد يابه اسف واعتذر منج بس والله احبها واخاف عليها من نسمة الهوى
ما تحسين بيه لان ما عاشگه
قمر .. اله مخبله اعشگ واتعذب مثلك ولو اني احس گلبي مراح يحب ولا يعشگ
ياسر .. مو بكيفج الحب يدخل للقلب بدون استأذان ويطيح حظ الواحد مثل ما حظي مطيحه
ملك .. اي والله ياسر صدك حظك طايحظه لانك عشگت وحده ما تستاهلك
جمانه .. ياسر البنيه التحبها من بنات عمك
قمر .. ويع بنات عمه والله اكرهم
ياسر .. ليش ولج تكرهيهم مو ذوله عمامج
قمر .. ماعندي عمام
ياسر .. مثلا اجه واحد من اولاد عمامي وخطبج تقبلين
قمر .. والله الموت اهون الي ولا اخذ واحد منهم لانهم ما يخطبوني لسواد عيوني اكيد طمعانين بفلوسنه
ياسر .. مثلا حبج وكتل روحه عليج ولو انتي لو ما يتزوج
قمر .. طبه مرض خلي يكتل روحه عليه شسويله لو اشوفه ع فراش الموت ما اقبل بي
ملك .. يمه ولج شنو من گلب عندج
قمر .. كلكم  تدرون همه عيونهم ع فلوسنه والله اموت وما اتزوج احد منهم
جمانه .. ع كيفج هسه همه ميتين عليج
قمر .. ميتين ما ميتين المهم اني ما اخذ منهم
ياسر .. حققت الي اريده جنت اختبر قمر بأسألتي واشوفها اذا تقدمت الها تقبل لو لا وتبين من كلامها تموت وما تاخذ من ولد عمها
اليوم قمر بكلامها خلتني ايأس من الدنيا
قمر .. شو صفنت ياسر يابه لا تدعمنه وتموتنه
ياسر .. لا ما صفنت بس راسي دا يأذيني
ملك .. سوده عليه تعبناك من لغثتنه
جمانه .. والله همزين حسيتن تدرن بروحجن لاغوثات
ملك .. اي والله حسيت
ياسر .. انقهرت من كلام قمر عدت تشغيل اغنية ( شگول عليك ) وضليت احرگ بروحي من بعد كلامها حسيتها ضاعت مني كل احلامي صارت سراب
قمر .. راح انام من توصلون گعدوني
جمانه وملك احنه هم نعسنه
ياسر .. رجعت صفنت بالمرايه ع قمر حفظت ملامحها شلون الواحد عنده امتحان وحفظ الماده وضل كل شويه يراجع بيها اني هيج حفظت صورت قمر كل شويه اتباوعلها
ضليت اسوق والبنات نامن ومن وصلت للبيت گعدتهن
جمانه .. ياله ولجن ملك وقمر انزلن
ياسر .. نزلنه وشفت قمر شايلة عبايتها الاسلاميه وطلعن رجليها ثلج عجبني اشتعلوا عمامي
صحت بيها ولج عوبه نزلي عبايتج متشوفين رجليج
قمر .. وانت شكو تتباوع 😒
ياسر .. هسه ع جمالج واتباوعلج
قمر .. ياسر صدگ اني مو حلوه عليك القرأن كول والله ما ازعل
ياسر .. يعني شكلج عادي حالج حال اي بنيه
بگلبي گلت والله انتي اجمل بنيه شافتها عيوني
قمر .. هذا الجمال كله وتكول عليه عاديه  صدگ ماعندك ذوق هسه تطلع حبيبتك وحده قبيحه
ياسر .. تدرين حبيبتي بعيوني اجمل النساء
قمر .. اي يا كاظم الساهر بس عوزك تغني
ياسر .. اي اغني ليش لا تستاهل حبيبتي اغنيلها
قمر .. فدوا للرومانسي والله حبيبتك هنيالها بيك ع الاقل بشوش وتشاقه بس الغبيه ما مقدره النعمه تصبح ع خير طفيت اروح انام...

#ياسر ..  وصلت البنات وبتت ابيت عمي والصبح طلعت لبغداد
وضليت افكر بقمر ااخ الغبيه ابد ما تنتبه لنظراتي 
شراح اسوي  حتى انساها لان ادري طريقي وياها مسدود من بعد كلامها

#مشت الايام

قمر ..

اليوم اني وبالدوام اجتني بنيه وسألتني ع منطقتي بحجة تريد تسوي ويانه خط وسألتني ع اسم ابوي واخذت رقمي
ما اجه ابالي انو احد دازها
وفعلا جان محمد دازها حتى يندل بيتنه 🙈
كضينه كم اسبوع عادي ما بي احداث غير معاركنه اني وملك ومرات نتعارك ويه سيف بس بيوم الامتحان نعزمه حتى ينطينه الاسأله ونتلوگله 😂
واذا ما انطانه الاسأله نروحله للبيت
ولج انتظري خليلي مجال عابت لهلجهره
اني ملك ❤
اليوم تعاركنه ويه سيف ابن خالوا لان باجر امتحانه وما يقبل ينطينه الاسأله
بعد ما رجعنه من الدوام قررنه اني وقمر نروح لبيت خالوا ونتمسكن حتى يأثر ع سيف وناخذ الاسأله
وفعلا رحنه للبيت وتمسكنه وخالوا ضغط ع سيف حتى ينطينه الاسأله
خطيه تعبناه ههههه بس يستاهل ابو سكسوكه
واحنه ابيت خالو اجه لقمر  اتصال
الو هلو باباتي شلونك حبيبي خو ما بيك شي  ......
الي فهمته انو ابو قمر راح يجي ياخذنه من بيت خالوا لان جايهم خطار
المهم اجه ابو قمر وركبنه بالسياره المسافه ع بيت قمر قليله ١٠ دقائق ونوصل
وصلنه للبيت اجتي ام قمر وكلتلها اجوج خطابه ادخلي خوه انتي وملك سلمن ع الناس لان يردن يشوفنج
هنا اني عصبت ورفضت بدون ما اشوف الناس منو كللهم يجون وشلون عرفوني ومنو كللهم اني اريد ازوج
يا ولج ماما شبيج شنو قابل انتي تعرفين الخطابه
لا ماما ما اعرفهم بس اني ما اريد ازوج وبعدني صغيره
خاله ملك  اقنعي صديقتج وادخلن وراي لان عيب من الناس هسه شيكولون عليه
اوك خاله لا تهتمين هسه اسحلها سحل وادخلها
وفعلا ضليت اقنع بقمر حتى تدخل
ودخلت الخانم بعد ما طلعت روحي دخلنه اني وقمر واشوف المريه الجبيره تخبل وبتها بعد احلى يبو ع الجمال
بس قمر كاعده ومغندبه ظلن يسألن ع عمرها ومنا ومنا بس بدون ما يكولن انو محمد الي دازهن

....

يتبع ...