#لو_اننا_لم_نفترق
7
غسان-ايام عدت وبعدها نرجسه ممصالحتني بلشنا امتحانات الكورس الاخير ومحمود قرر عمي يزوجه اجه لبيتنا هو ومحمود وعزمونا كال انسوي حنه عربيه كلابيات وعكل اني جنت بالي يم نرجسه وشوكت ترضه تتصل وتصالحني بعد مابارك والدي لعمي ومحمود واتفقنا على يوم الحنه اللي كانت بقاعه ورحت اني وايمن اجرت دشاديش شي راقي ومرتب اني وياه وعكل وشلت سبحه جدي المذهبه بطرف ايدي بلكن الله من يتزوج يعقل شرايدين احنا فتنا للقاعه جانو ديركصون الحنه بس شباب ضلينا كاعدين شوي ومر علينا بهاء يمكن احسن واحد بيهم هو ونرجسه كعد شويه وراح بعدها اجه محمود باركناله انصدم من شاف السبحه بيدي والصدمه بينت عليه بس محجه شي باركناله وطلعنا رجعنا للبيت باجر اخر امتحان عدي وبعدها اصفط واكعد جوابي بالامتحان زين ولله الحمد بس صار صوتها حسره بكلبي ومستحيل انزل نفسي بعد ---مرت كم يوم بعد العرس امي ماراحت لان معزمو ---
شهد- تزيين البيت والمزايق والركص مال شباب كله اباوع عليه من الشباك والبرده مسدوده الناقص حيتزوج الله يساعد فطم وحالتها من دتسمع صوت المزايق هي اخر فتره حتى الي كرهتني وبعده هو يركص وكلسا يباوع ليفوك عالشباك كمت مااهتم يطبه مرض وان عرف -----
غسان- بعد شهر من زواج محمود وانتهاء الامتحانات برجعتي بليل توني اغفه ودك التلفون ركضت روحي قبل جسمي هذا وكتها اكيد هي متاكد لزمت الجهاز نرجسه والله هي رديت احم صوتي راح
الو
الو همست
نرجسه جريت نفس شونج
زينه وسكتت
مشتاقلج
بقت ساكته
حبيبي مترد الو ماكو رد صعدي للسطح خل اشوفج طاك كلبي عليج همست اوك يابه كلبي رجع يدك صعدت ركض وطلعت انتضر شوي وسمعت خطواتها الحذره وصعدت عالسطح العالي وصعدت عالطابوكه من شفتها مدري شصار بيه شنو من اشتياق مشتاق بقيت كاتف ايدي اباوعلها بعتب ساكت وهي هم واكفه ومنسنده عالسياج تباوعلي عيونها مدمعه واطراف اصابعها عالسياج مرت عشر دقايق واحنا ساكتين بس عيوننا ولهفتها المشتاقه تحجي تقربت منها دارت وجهه عني
همست بعدج زعلانه
غسان
كولي ياروحه لقسان ابتسم اذكرها بحبنا من جانت تكول اسمي هيج ابتسمت ودارت وجهه تقربت مدااكدر بعد قربت وجهي منها اريد اشتم عطرها خليت جبيني يلامس جبينها غمضت عيني رجفت روحي همست واسمع صوت نفسها التغير همست سامحيني عمري فكيت عيني ذايب اباوعلها مغمضه سامحيني لزمت وجهها بيدي اتلمس خدها نزلت دمعه من عيونها مسحتها بيدي جريت راسها لركبتي طولي كان فوك الحايط السياج بشبرين كدرت اخلي راسها بركبتي حسيت برجفه نفسها الحاره همست
مشتاقتلك
اوف الله بعد احجي
اذيتني
الله ياخذني همست الله ياخذني ولاااذيج بيوم لج اني اللي جنت اخاف عليج لا احد يحاجيج ااذيج
من احد يقاسمني بيك اتخبل شهكت ابجي
واني ليش اقسم روحي لغيرج اباوع عيونها تجري ووجهه احمر والدموع صارت مثل الشلال حبيبي لتبجين لا اكتلها لروحي شددت قبضت ايدي على وجهها. معصب بس كافي مااستاهل هالدموع بسسس خزرتها المن هاي الي وتتوقعين استاهل
- اي هزيت راسي اي تستاهل لان انت حبيبي وابن عمي
- غمضت عيني جريت حسره وبعده وجهها بيدي جريتها لركبتي حضنت راسها ضلت تبجي وتشهك روحي انسحلت اعض بشفتي وكلبي يتكطع اويلي يابه لتبجيييين لااحرك روحي هسه عبرت مكدرت على سطحهم
- غسان عزه بعيني دتسوي
- كافي رفعت حاجبي بسسس لتبجين حتخبل جريتها حضنتها قوي هدات تلمست ضهرها مو شهوه ورغبه لا جان حب عذري وطفولي كل الاريده تسكت وترتاح اني مو لغيرها والصار غصب عني راحت ذبلت بيدي مثل الزبد باوعت بعينها سكرانه شبي حبيبي ذاب اروح فدوه لبراءتج ولنقاء كلبج
- احضني قوي
عصرتها بحضني
جنت محتاجه لهالحضن يحسسني بحبك الصادق
اشك صدري واخليج بي ولا شوفج تبجين
اني هواي احبك وخايفه من امي
- عكدت حاجبي شنو
- امي متقبل غسان كلبتلي الدنيا متقبببل نصيت ابجي
- مسحت عيونها بس اهداي بلعت ريك وابوج
- ابوي شتعرفه حجايه امي هي التمشي
- ميخالف السنه خلصت ونشوف شون لتشيلين هم ابتسمت بستها من راسها سمعنا صوت بالسطح الناصي باوعتلي خايفه كمزت راسن لسطحنا ونصيت طبيت اشرتلها نزلي هزت راسها اي نزلت ورحها بيدي يابه شون حضناوف يابه اني شسويت اباوع على ايدي يمه جانت هنا حضنت روحي اووووووف ربي اجعلها من نصيبي بس هاي سويها دخيلك ربي نزلت لله ل انام دكت رديت بلهفه
احبج
هه اموت عليك
امج صعدت
لا بهاء بس مشافني صعد ياخذ بنطرونه باجر يسافر خطيه
الله يوفقه حباب بهاء
اي جريت نفس احبك
اموت عليج اي احجيلي كلشي صار وياج بالهل الشهور العفتيني بيها
اول انت احجي خو مجتك هاي
جتي وتعاركت وياها وراحت بعد مجتي
طبها طوب ختولي
حرامات اضيع كلمه وياج احجي بيها احجيلي عنج
انت اول
اني دااشتغل واجمع مامو جديد جوابي بالامتحان زين لله الحمد
ممم واني هم بس دوام وبيت والتهينا عرس محمود
صدك مرته شونها حبابه وياج لا
رفل فد انفه تكها ماكو لعبت روحنا اذا سوينا مركه بيتنجان كالت هاي شنو خاللله اني امي متسويها تكول بيها كواجليسترول
هههههه ام الكوليسترول
اسكت الصوصج اذا طببناه تكعد تقلد عليه من غير كلسا مقلده على شغله وحجت السفر وكالت السفر لا كولك ولا تكولي محمود بس يقلد عليها من ينزل يخربنا ضحك
ههه ارعن اخوج
اي جريت نفس اكولك شي بس لتكول لاحد
شكو ياستار
عرفت شغله تخوف بس محد يدري بيه ادري
وهي عكدت حاجبي كعدت عدل
باوع ذاك اليوم جنت كاعده انتضر جيتك فاندكت الباب
اوكفي اوكفي شتنتضرين
اهوووو
احجيييي نترت
انتضر جيتك
منين
من الورشه
هااا يعني تنتضرين اجي يله تنامين
اي من اسمع صوت باب مطبخكم انطبك يله ارتاح اكول حينام بعدما يغسل
وعايفتني الوب عليج ليش ياعمري ليش هالجفاء
اذيتني
من الله ياخذني
هم راح اتاذه
اوك حسكت بس شايفه ابوج مو تكولين بيد امج
اي
اني احتمال حتى كنس ومسح اساعدج بي ههه مو بيدي اذا اخذتج راح اعيشج ملكه باهتمامي
بقيت ساكته واني راح اهتم اهتمام بيك امك ممهتمه مثله اداريك بعيني
اووف يابه بس حضن حضن وانام ووراها خل اموت
عفيه لتضل تحجي هيج والله بعد ماحاجيك
لالا حسكت اي كملي
اي وين وصلت نسيتني
من دتنتضريني فدوه لكلبج
اي داانتضربليل شفت الباب اندكت واني اباوع من شباك غرفتي نزل محمود بسكوت بسكوت فتحها طلع صديقه مدري شنطاه وسد الباب اني فكيت باب غرفتي اساله شيريد صديقك اباوع من عالدرج كلها نايمه هو ديصعد وبلع حبايه وصعد راسن رجعت طبيت وهاي صار كم مره يسويها يجي عليه ولد يجيبله حبوب يبلعها ويصعد
- عزه بعينك محمود خاف هاي كبسله
اي لعد شنو
تالي شون هاي تاثر عليه خبل هذا اخوج
بس والله يصحه طبيعي ويروح وي ابوي للشغل
اي قابل تبين بس من يتركها يكوم يصير عصبي ويرجف
هو على غفله يصير عصبي ويكوم يصيح وامي تكوله شبيك ورفل هم تكولها خاله ابنج مخبل
- عزه تكول مخبل على رجلها والله زوجه صالحه ههه
- يمعود اسكت اذا على هاي زين لا تسوي ريوك لرجلها لا غده لا عشه
- لعد شتسوي
- كلشي متسوي بس تداوم وترجع تنام عبالك منتزوج كلها امي حايره بمحمود بعده نفس الشي
- يجوز بعدهم جيف توهم
- والله لو بعد عشر سنين ذوله مامنهم جاره
- الله يوفقهم شعلينا جريت نفس بس اني احب مرتي تداريني ها
- اني من هسه دااكتب وصفات اكل انت تحبها واتعلمعا بس خل اصير يمك واعرفك الدلال باصوله
ههه اوف ربي شوكت
يجي يوم لتخاف باوع تريد الصدك هي حتى ماما متداري بابا مطلعه روحه هو يسويلنا الريوك والغده نصه من بره والعشا حواضر بس تكلي
- هو كلمن وطبيعته شعلينه بس اني احب اكل مال بيت تره
- مو داكولك بس خل اصير بييتك
انشاء الله ربج حاشه يخذل عبده --- بقينا نحجي للصبح علاقتنا رجعت اكثر من اول كمنا منكدر نصعد بالسطح لان مره اخوها شمت وخافت لتحجي صرنا عالشباك والتلفون مرت الايام وفد يوم برجعتي منرالشغل الكه عركه بباب بيت عمي ومصايح مشيت شريه والكه محمود لازمي وديضربون بي والعالم ملتمه تخبلت شون ميكون ابن عمي النوب محد يتقرب لياخذلها بوكس طبيت بنصهم افاكك ماكو مصايح محمود والولد صدمني ضل يضرب شفت الولد الديتعارك وي محمود ضربه على خشمه قوي يمكن كسره محمود ضل ينزف تخبلت لزمته للولد ضربته فقدت لحد ماوكع بالكع التفتت لمحمود اباوع بوجهه بوري وانفتح لك محمود خرب غيرتك شووو رفعت راسه اي والله حتى الخشم رايح صفح التفتت على هذا ابضربته من اباوع متحرك بعد نصيت خليت ايديعلى وجهه اضرب على كيفي يصحه ماكو خليت ايدي عالنبض كللش ضعيف التفتت على محمود يباوعلي خايف العالم كامت تبتعد خايفه سياره شرطه جتي منربعيد بلعت ريك اجوي راسن كتفونا واخذوني اني ومحمود والولد حولو اسعاف واحنا للمركز وبده يحجي محمود بايع سياره للولد بعدها طلعت محوره وابوه زافه رجع على محمود ومحمود كاله لاارجع فلوس ولا ابد لازمه متهجم. وعلكت
سالوني الي كتلهم ابن عمي حاولت افاكمهم مفك ذاك ضل يضرب واني ضربته كم ضربه ووكع بالكع بلعت ريك خايف شوي واجوي اهل الولد صاح ابوه ابني انشل والا انيمكم بالسجن اني راسي افتر ---------
