#لو_اننا_لم_نفترق
15
محمود- اشرلي من بعيد يضحك والرجال بقى يمشي وياه استغربت رجال هيبه وكشخه شمعرفه بي وصل يمي
غسان- ها ابو شكريه ها شمدريك اهلي خو مادرو
لالا بس عمك يله امشي بوسته الحمد لله عالسلامه امشي اصعد دنرجع امك يمكن حيوكف كلبها اذا شافتك
غسان- ها اني حروح وي الحارث اشرتله عيب الرجال جاي مناك لهنا
محمود- ها يله براحتك شفته صعد كدامي بسياره باترول عاليه وطلع كدامي طلعت وراهم لحد موصلنا ميت مره ابويه خابرني وصلنا نزلنا ابويه طلع يركض حضنا يبجي ذبحو ذبيحه والرجال متركه وراه وراه بقينا صافنين هذا منو بهاء سلم وطبينا لبيتهم عمي وكف كال شكو شو كلكم جايين ابتعد ابويه من كدام غسان وطب غسان يركض لابو يبوس بيده. وراسه عمي وكفه مكدر يوكف بعد امه جتي تركض خطيه فحطت بحضنه ايمن بس صافن ودموعه تجري ركض عليه غسان يباوع على رجله ويحضن بي تذكرت شهد باوعلي كال
شهد وين ليش مجتي جيبها جريت نفس بعدها روحي ترجف روح جيبها فدوه
دقيقه دكيت على تلفون البيت ردت الو
تعاي لبيت اهلج اخوج اجه
جيت جيت ركضت لبست ورحت لبيتنا طبيت للبيت شفته واكف مصدكت روحي حضني يبوس بيه ويباوع بعيني ويهمس مرتاحه بس كوليلي مرتاحه
اي اي والله الحمد لله انت شوننك
زين الف الحمد لله زين اخ ربي الحمد لله ولكم عزه شكد ولكم الولد بره
ابو غسان- منو يابه من
ولد صاحبي يوم فدوه سوو طريق ديفوت والله فشله
اي امي صار فوته للاستقبال
غسان-طببته وكعد وياه ابويه وعمي مستغربين بقينه نحجي شسوه مسوه بطلعته اباوع محمود يباوع مستغرب هو وايمن وبهاء بقينا نحجي وطاني اخر شي كارت كال باجررتجي لهالعنوان تسالمت وياه وطلع وره شوي التفتت لاهلي اضحك امي خطيه ممصدكه بطبتي فتت للحمام سبحت وطلعت راسي كله يصيح نرجس اريد اعرف اخبارها بس ها وين دتسوي هاي صارت مو الك بعد طلعت من حياتك افهم افهم كعدت يم امي خطبه كلسا وبايستني مثل ميت طلعو من حلك الموت مداصدك روحي. ايمن كعد يحجيلي عاللي صار اني بس افرك بيدي الحمد لله
حبيبي من باجر ترجع تقدم. عالجامعه ولححك لروحك لتفوتك بعد ولا سنه
ايمن- الله كريم هسه. زين وانت شحسوي
باجر اروح لصاحبي طاني كرته
هاا وبيش يشتغل صاحبك هذا
مقاول كلتها ببرود ونصيت
وين تعرفت عليه
هسه انت شلك دخل كوم حضر اوراقك دتروح باجر تقدم
ماشي ماشي
لعد شهد مرجعت داومت
لا بعد شهر دوامها مو هسه
خوش جريت نفس دتجي هنا لو الچلب ميخليها
لا ولك ولا عبالك متزوجه يوميه الصبح تجي تكمل نومتها وعمك طاير بيها صايرتلي ام بيت ام كصايب
تشوفها مرتاحه
اي الحمد لله داكولك عمي طاير بيها مسويها ام البيت
وامه الحوبه
مو سافرت تسوي عينها
حيييل شبيها
مبيها شي وداعتك الضالم سالم
اي والله تالي شوكت ترجع
ياب شمدريني
دك تلفونه باوعله ارتبك وباوعلي __ ها منو
لاهيج
مترد لعد
ها لا بعدين
يول شعدك اهلاا عدك وحيده موو
ههههه باوعتله دمعت عيني حمد الله عسلامتك غسان
الله يسلمك يله شىيه اريد اناااام بفراش نضيف
نام اخذ راحتك اني صاعد فوك
اخذ راحتك وسلملي على الحلوه الدتحاجيها
هاااا ههههه
دروح روح عباله ابن البارحه لفيت راسي ونمت براحه افكر بباجر
شهد- رجعنا للبيت ذبيت الصايه والشال وبهاء ورايه وعمي ومحمود عمي كال يابه سوينا خيار ولبن
اي عمي صار
محمود- اني حصعد اسبح
شهد- لعد متاكل باوعتله بقلق اندار رفع حاجبه مستغرب هز راسه لا وصعد
سويت اللبن وصعدت اني هم شفته توه طالع من الحمام ينشف شعره واكف كبال المرايه اخذت هدومي وفتت للحمام غسلت وطلعت فليت شعري انشف بي جان ديسوي بالتلفزيون الستلايت ينصب بي ويخلي القنوات--- التلفزيون بصف ميز التواليت امشط ويطفر عليه باوعلي عكد حاجبه
شبيك
شنو دوش خو ما دوش علكيفج
اي هه
شنو هالريحه مخليه حنه
اي ههه البارحه ماما خلتلي
جنها ريحه بيبي بقيت اباوعلها مبتسم زنودها حلوه صارت عيني عليها ودرت وجهي رجعت اكلب تقرب ياخذ باتريات من المجر صار قريب كلش التفت عليه باوع بعيني ورجع يدور
شنو وينها الباتريات
هيانها كدامك
وين طلعيها
هياتها شبيك
جريت نفس مشفتهن اخذتها ووخرت من يمها اني رجال وحاجتي تحرجني ابتعد احسن كعدت عالجربايه باوعت عالساعه ورجعت تمددت موعد الابره. بس احس ممحتاجها خليت ايدي وره راسي دااتفرج فلم كعدت عالمندر مالتها واكرز حب شفتها بقت صافنه باوعتلها
شبيج شتريدين
نعسانه
نامي عالجربايه لحد ميخلص الفلم هناك ميبين الترجمه
اوك تنهدت رحت للجربايه تمددت وتغطيت راسن غفيت من التعب والفرحه
محمود- كمل الفلم التفتت عليها نايمه رايحه بسابع نومه تمددت بفراشها مكدرت انام تكسرت كعدت جريت نفس باوعتلها نايمه والجربايه سفينه نوح كمت تمددت عالطارف كمت اتكلب غير اغفه عاد حتى بتل اابيب كمت افكر ضهر شهد عليه اباوع عليه مبين من جوه ركبتها شوي اثر الحرك منضر بشع ويقهر تقربت اتلمس الفضول كتلني بشكله الغريب تلمست بخفه ايدي فزت بقوه والتفتت تغطي بضهرها تباوعلي بغضب بقيت صافن عاكد حاجبي
شهد- كمت واضم بحرك ضهري
محمود-بلعت ريك تخبلت بس لمست ضهرها رجعت لمندرها اباوع بالمرايه تغطي بروحها حتى وجهه غطته تركتها تامن حسيتها خايفه من كلشي يخص حركها حسيت حراره ببطني بدت وراستجن تقلصت مغصات كطعتني اريد اكوم مااكدر صحت اخخخخ فزت
شهد- فزيت على صوته كمزت باوعتله صاير هلكدوته لاوي روحه على بطنه يتوجع ويركع براسه بالحايط وكفت كدامه محمود همست نصيت لمستواه يباوعلي وعينه مليانه دمع حمرره يرجف جسمه همست حصيح بهاء هز راسه اي لبست روبي ورحت لبهاء اجه ركض ورايه ضربه الابره وكامت يتلوه من الالم اخر شي هدا
بهاء- ها محمود
ممم
دتحس عليه
راسي حار حيطك
هسه باوعت لشهد تسويله كمادات او اني اسويله
لالا اني اسويله هسه روح نام
ديله تلمست كصته مصخن جريت نفس اخاف انطي اي مسكت يتفاعل وي المقوي طلعت وعيني عليه وشهد تحضر بالكمادات
شهد- خليت الكمادات فز من البروده بقه يباوع بعيني واني محاوطه عيونه . باوعلي شفته ترجف كال
تكرهيني
بقيت صافنه --هزيت راسي جج دمعت عيني ماكرهك
كذابه كلتها صوتي يرجف
والله ماكرهك غرغرت عيني انت ابن عمي شون اكرهك
تعبان غمضت عيني تعبان كلش
هسه تطيب وتصير زين تنفسه متسارع مسحت قطره المي النزلت على خده ميله بوجهه على ايدي باوعلي كال
تدرين---جنت اشوفج من تباعين علينا اني وصاحبتج
انصدمت بقيت اباوع بعينه ----ادري بيك دتباوع
ليش تباوعين باوعتلها مستغرب ليش ستستفادين
ماادري بلعت ريك
كليلي ليش الله يخليج
جنت اخاف على فاطمه وتكولي يحبني واني ماصدك بس من اشوف تواصلكم اكول لا يحبها
فاطمه مو خوش بنيه همست
باوعتله انت هم مو ملاك
اني شيطان اني مبيه شي زين
نصيت راسي بس مشفت منك اذيه من تزوجتك ليهسه
جريت نفس انداريت لصفحتها كاعده عالبوفيه البصف راسي باوعت بعينها بقت تباوعلي كالت
محتاج شي
تنهدت مبتسم بهاء حجالج كلشي مو
هزيت راسي اي
عرفت
بس كال مبقه شي وبعد ميحتاج حتى المقوي
الله كريم ----تنهدت زواجنا يمكن حينتهي
عكدت حاجبي ليش تحب وحده
لالا بس اخوج كالي زواجكم شكلي وكتله اي شكلي كال لعد كلمن بطريقه اختي اريدها
وانت شكتله خليت ايدي على حلكي
سكتت شكوله انتي شتكولين كعدت عدل تطلكين تخلصين مني وترجعين لبيتكم اخوج منا وجاي مسوول منج ومصاحبله خوش صاحب يعني ترتاحين
اني مرتاحه
لتنسين بعد امي مجايه
انت شو مادري شون تحجي شنو اتطلك ليش هينه مطلكه
ليش احنا متزوجين رفعت حاجبي
بقيت صافنه عليه انت علوش دتلمح
لا هيج
احجي بعد فرطتها
بقيت صافن عليها اني اريدج همست
نصيت راسي بده جسمي يرجف وكفت لزم ايدي
مو كافي حيصير شهر
ليش دتريد بهالوكت لان اخويه كلك هيج
بقيت ساكت يمكن هزيت راسي يمكن اي
لا لتخاف مااتطلك
زين تعاي احاجيج جريتها من ايدها
شتريد محمود فدوه
تعاي شبيج داحاجيج
هاه كعدت عالجربايه بصفه هو كاعد ومتمدد واني كاعده دايره وجهي عليه بقه يباوع ملامحي من عيوني لطرف انفي لشفافي اباوعله. وانصي بلع ريك اقترب لزم وجهي ايده جبيره ضاع وجهي بين ايده اقشعر جسمي غمضت عيني حسيت وجهه وانفاسه قريبه يرتجف تقرب على شفتي مجرد حسيت بحراره نفسه تذكرت فاطمه ووكفته وياها بالحديقه ابتعدت راسن نفرت يباوعلي بقه لازم وجهي عيونه على شفتي وعيوني ترجف شفته ويبلع ريك
شبيج بيه ريحه مال شرب همست وجسمي كله نحل
لالا
هسه اغسل حلكي وكفت اروح للحمام
لا محمود لا تعال
وكفت انداريت جريت نفس
باوعتله لا الله يخليك
انتي الله يخليج اخوج مراح يتركج
وانت هيج تريدني
هزيت راسي اي بدون صوت انتي حبابه همست وانضف شي بحياتي اول باب للتوبه خليني احاول
اني ماريد عليك الله واذا تريد كوله زواجنا تم واني هم اكوله هيج
وليش اكذب قابل حرام اني رجلج وانتي حلالي خزرتها هيج كارهتني
لا والله بس عدلت دشداشتي من وره شفته غير ملامح وجهه ابتسم
علمود ضهرج
نصيت راسي مرتبكه دمعت عيني خايفه حيضل يلح واني مستحيل اخلي يشوفه
همست لتخجلين مني جريتها من ايدها
لالا جريت ايدي شدد قبضته كمت ابجي واشهك واتوسل بي ضل صافن عليه فاتح حلكه
كافي بس جريتها حضنتها بس حبابه سكتي يله براحتج ضميت راسها بحضني تبجي واشم بعطر شعرها خوش حنه ههه تخبل ريحتها
ههه كمت اضحك وابجي لزمني من وجهي رفعه يضحك بوجهي عبالك زغيره يا الله شنو هاي لج عيب
رفعت راسي باوعتله ابتسم مسح دموعي اول مره اشوف جانبه الايجابي --- محمود بس سوال
جواب غمضت عيني تخصرت احجي طلعيهن
ليش من تبوسها تباوعلي
جنت مبتسم غابت الابتسامه جريت نفس مااعرف شكولج همست بلعت ريك
كولي الصدك
جنت اشوف عيونج شيصير بيها من تباعيلنا اتقرب منها واتخيل براءتج اذا تقربت منج شيصير بيج
نصيت راسي درت وجهي عنه التفت ويايه
تدرين جنت اسوي كل كلمه وادزها الها وكل حركه واعرف فاطمه راح تكولج وجنت دائما اسالها شكالتلج
بس تكولها السلحفاه شكالتلج
جريت نفس من كيد كلبي ومااعرف ليش ديصير بيه هيج
شنو يعني شديصير
بقيت اباوعلها هيج ماكو شي بقيت اباوعلها ضلت تراقب عيوني رجعت تقربت منها تلمست ركبت ذبلت عينها جريتها عليها اقتربت منها بقيت اباوع بعينها غمضت قوي عصرت عينها هديتها روحي براحتج راحت راسن للحمام كعدت عالجربايه مبقه بيه حيل عكب باجر تجي امي اباوع ساعه 3خرب
تمددت شفتها طلعت ونامت بالمندر عفتها براحتها يجي وكتج ------
غسان- الصبح طلعت وره الريوك ورحت للحارث عالعنوان النوحود بالكرت استقبلني بالمكتب مالته مكتب جبير مرتب وضل يعرفني على جماعته. كعدنا نحجي كال شغل دوله مالزم بعد بس بيوت وعائلتي اروح واجي عليها كل شهر العيشه هناك احسن بس شغل ماكو كل فتره اروح اخليلهم فلوس واشوفهم وارجع بوكت سفري انت المسوول
ضليت صافن عليه
لتباوعلي هيج ماعدي ثقه بغيرك وانت مهندس شغلتك بعد
يله عمي الله وايدك كيفت اخذني لكاع 600متر وراواني خريطه رايديها باوعتلها ضحكت باوعتله
ابو مصعب الخارطه هاي كلها اغلاط
شون
باوع شون تدبرها هيج يختنك البيت
اي والله منتبها يله صحح عدل صغر وكبر بالغرف بس لا هواي
خوش ماشي وشوكت نبلش
كيفك اليوم باجر كيفك
ماشي لعد خل ابلش شغل رجعنا للمكتب وكعدت اخطط وارسم نطيتهيا وطلعنا نكص بالكع ونخطط باجر يجي ابو القالب يدك قالب مرجعت لل7بليل من داانزل صاح هاك
ها
هاك هاي خليها جوه ايدك
لا يابه ماريد
عمي اليوم راس الشهر باجر دخذ لتشلع كلبي
اخذتها منه وراح من اعدها 15ورقه خرب عمي طبيت للبيت خليت بايدي امي 10وخليت خمسه جوه ايدي مرت الايام واني مستمر بالشغل سافر الحارث وخله المكتب والكم موضف وياه بامانتي شلت هم حتى السياره خلاها جوه ايدي كمت اروح واجي بيها وبيوم من الايام واني افتر بفروع المنطقه الضهريه وتكسر عليه مره بسياره عاليه وكفنا ثنينا من اباوع زين هاي ايلاف حييل هههه والله ايام البراءه بقت صافنه مصدومه نزلت جامتها كالت
غسان موو !!!
ههه شتكولين انتي شتكولين بقيت اباوعلها تذكرت من تقربت منها باوعتلها بنضره خليتها تصفن اني مو غسان النضيف البريء السجن غيرني كالت
شونك
زين عدلت شعري وانتي شونج
زينه الحمد لله صاير احوال
الحمد لله ماكو شي يبقى على حاله
مممم
يله محتاجه شي داروح
اوكف هاك رقمي اي شي تحتاج هاي خابر
جيبي عادي اخذته وطلعت اشرتلها بسلام اصبعين براسي وطلعت هههههههاي من اجر عدل تنعوج خل اشوف من انعوج ------
