#لو_اننا_لم _نفترق
8
دخلونه للتوقيف محمود يباوعلي ويدير وجهه
- جريت نفس وحاجيته شبيك
- متكولي شورطت نفسك هسه اني يايوم واكفلك وراكضلك
- نصيت راسي همست تبقى ابن عمي لعد اعوفه يكسرك بقه ساكت ويهز رجله شوي واجه الشرطي صاح اسمنا طلعنا شكو خوف بالدنيا صار بيه خايف على ابويه اذا سمع امي وايمن وشهد وونرجسه شراح اسوي اذا انسجنت طبيت لكيت ابو الولد نفسه الجان يصيح وعمي وابويه كوه واكف محني باوعلي عيونه حمر وباوع عالكلبجات ونصه راسه حنيه ضهر ابويه كون ميت ولا شايفها ابو الولد يصيح ويكول انت الضربته وميفيدني مالكم كله وابني مكرم ونايم كدامي بقيت ساكت الضابط كال بسس
اشرلي كال انت غسان علي
اي سيدي اني
انت ضربته لمضفر حميد
نعم سيدي
ليش اباوع على عيون الضابط واللي بصفه يكتب عيون ابويه وهمسات استغفاره وعمي ونضره الحنينه وعيون ابو مضفر اللي يريد يملخني بلعت ريك باوعت لمحمود جاوبت سيدي ضرب ابن عمي
تدري انت سطته للولد
سيدي اني ضربته كم ضربه وهو وكع متوقعت -- قاطعني
انت ضربته عالعصب استاذ وسببله شلل وهسه مشي ميكدر يمشي كعده ميكعد
بقيت صافن على اب الولد يضرب على فخذه عمي كال يابه نحلها بالتراضي علاج ابنج اني اكتفل بي وشتامر حاضر اي مبلغ تريده
ابو مضفر- حبيبي اخذناه وكالو ماله جاره مكطوع العصب واذا كام يبقى تك رجل التك الثانيه اعصابها تالفه انت شتخرط واني اي فديه وفصل ماارضى بيه مثل ماابني حياته تدمرت الا ادمر حيات ابنكم
حسين ابو محمود- يابه نسفره لابد اكو جاره
ابو مضفر- انت متفهم صارلنا اربع ايام نفتر بيه حتى للخارج دزينا الاشعه ابني تسكطططط
غسان- من صاح فزيت بلعت ريك رجعت خطوه لبوره ابويه وكع من طوله مكدر يوكف بعد ركضت عليه يابه فدوه لعينك كعدته واباوع عالضابط سيدي دخيلك والدي ميتحمل
حتى تعرف شون تصير رامبو على شباب العالم انت وابن عمك قضيتكم انت وابن عمك ضلت يم ابو الولد لو يتناز لو تنام عشر سنين سجن صاح جعفررررر تعال اخذهم اخذونا وعمي كوم ابويه وابو الولد يتوعدلي محمود يباوعلي وينصي راسه ابويه حيروح من ورايه دخيلك ربي انت اعلم بنيتي شسوي شسوي اطب من مشكله واطلع منها اوكع بالاكبر منها عفيه حظ مايوم انعدل وجر عدل رجعونا للنضاره بينما ياخذ التحقيق مجراه وصعدونا محاكمه وخله عمي محامي جبير ضلت المحاكمه شهر وبهاء يوميه جايينا وجايب اكل وجكاير لمحمود ودواه تذكرت كلام نرجس عالحبوب مااعرف هو مفهمهم انه مال وجع راس مااعرف يدرون ومغلسين ماادري يقشمرون عروحهم خلال بقيتي وي محمود هواي امور تغيرت وجهه نضري بيها وياه شخصيته قويه بس هو مطفيها بسوالفه المكسره وكلمه ابوه ميثنيها وامه ميكسرلها حجايه يخاف منهم موضوع زوجته ابد مفتحه ويايه جنت بس استمع واشوفه قبل ساعات من جيه بهاء يصير عصبي ويتوتر ويكوم يرجف واول ميجي بهاء ينطي الغراض يضل يدور بالعلاكه عالدوه ويبلعه يله يرتاح وياكل لحد الان صافن شون ديدخلوله الدوه ايام مرت وصعدت قضيتنا محكمه وابو الولد مجلب اشتاقيت لحبيبتي وصوتها شنو ممكن تكون رده فعلها هسه شتكول عني ---اخر يوم بالمحاكمه يوم النطق بالحكم المحامي حار شسوه يريد التهمه تبطل وماكو ابويه كاعد وعمي وايمن وبهاء وابو الولد وعمومته اخر شي اننطق الحكم انه محمود ينسجن سنه واني انسجن عشر سنين بقيت فاك حلكي باوعت لابويه لزم راسه يدك عليه وايمن غطه وجهه بقيت صافن لامستحيل يتشاقون محمود صافن يباوعلي ويهمس مراح اعوفه والقوجران مراح اعوفه بس خلي يصبرلي ولو اعرف اهزمك مابقيك هنا
ولك محمود عشر سنين تعرف شنو يعني نستقبلي ضااااع احجي بداخلي وعيوني فاتحها عالاخير جرونا للسجن اني بسجن ومحمود بسجن اول ساعاعات مداصدك وشكل ابويه وايمن محفور بعدها بديت ابجي مثل الجهال كلشي يضيع بهالسنين يعني اصير 34سنه يعني نرجس وحلمي والهندسه كلها تروح ربي دخيلك كمت ابجي بحركه بالزويه واصيح ربي دخيلك همس وبكل صوتي بس محد يسمع السجن جان بي 22مسجون ويايه الريحه تكتل الحياطين سوده من الوصخ سطله على صفحه محطوطه وبوري فوكاها ينكط بيها اباوع عالمساجين ابجي وامسح مستغرب وبعدني احس روحي بحلم هسه اكعد منه محمود خلو بغير سجن وره يومين اجه ابويه وايمن وبهاءجابولي كم غرض واكل خطيه امي حايره شمسويه اخذت تلفون ايمن ابويه ضل يحجي ويايه انت غلطت جان ممكن تسحب ابن عمك ومو تضرب اللي يضربه اني منصي واهز راسي ساكت لحد ماكال الله يفك اسرك ابني جر حسره وكال اني ردتك عون من تكمل كليه وتنجح تالي تنجح وتلفك السجون استغفر الله ربي الف الحمد لله انعصر كلبي عصر شبيدي عليه من ساعه السوده حجالي ايمن كال محمود اليوم حيطلعو ابو كومه دافع فلوس لذوله الناس وتنازلو عنه وشكد حاجاهم علمودك مفاد قافل ابوهم
يعني طلع محمود
اي طلع
زين رحمه جريت نفس ايمن انت هسه رجال البيت ديربالك على شهد وامي وابويه
اي انشاء الله اني هالسنه حاجل جامعه عالسنه التجي اكمل
لااا ليش ولك هي سنتين بقتلك
لا غسلن مااكدر ابويه تره مشي مديكدر يمشي
نصيت راسي خرب حضي اي والله خرب حضي جريت التلفون منه مكدرت اريد اسمع صوتها دكيت عليها كم مره مردت متت بدمي باوعت لايمن دزيت رساله حبيبي ردي اني غسان رجعت دكيت وعيني عالساعه الزياره حتكمل دكيت ردت الو مستغربه
همست حبيبي بجت تشهك بالم
كافي لتبجين عمري
وين عفتني احجي وارجف كلي وين عفتني
حبيبي فدوه لكلبج كوه متحمل مشيت بعيد عن ابويه وايمن خاف يسمعوني دموعي نزلت بله مااحس
غسان راح اموت مشتاقتلك
وحق كل دمعه نزلت منج اني اضعااااف بس اصبري ويايه ولتخذليني
ولك شخذلك 3تقدمولي واني ارفض انت وين واني وين بس انت اللي بكلبي اني اخلي غيرك يلمس مني شعره
اصبري تحملي
انت ماكو منك اذا جنت قبل احبك لان تحبني هسه احبك لان ماكو بالعالم مثلك
تنهدت مبتسم شون يعني
مامو مثلك يدخل للسجن من وره ابن عمه وياريت واحد بيه خظ
اخوج هم داخله نضيف بس يرادله صقل نرجسه
خلي يولي الله لايوفقه
لج اخوج لتدعين
حرمني مننننك صرخت ابجي
صوتها رجفني وصوت انتهت الزياره كطعني ---باي عمري حروح انتهت وقت الزياره
باوع باوع بس اسمعني قسان،
غمضت عيني متنهد لاسمي بشفافها وصوتها ---عمرغسان
احبك بسته بعمق بالتلفون بقه ساكت
ههه بس اطلع اطبقها عليج انتي بس الي
ومستحيل اصير لغيرك
احبج
اموت عليك
في امان الله سديته وخليت الجهاز على كلبي التفتت ايمن ورايه منصي مبتسم مخلي ايده بجيبه
هالك
ههه الاخ عاشق ولهان هيج تحبها
منو عكدت حاجبي اضحك
فتحت باب المدرسه واستقبلتني نرجسه ذبيت التفون على صدره ودفعته --- امشي ولي لك امشي
باوع الوجه ردت العافيه بي
لك احترم نفسك وروح لابوك
اي يله في امان الله وهاي من امي بسته من راسه وطلعت كلبي معصور هذا اخويه حيكضي حياته بالسجن من الله يطيح حضك يامحمود رجعنا للبيت خال محمود جايب مزايق على طلعته وملتمين واني اخويه ضاع مستقبله ابويه المكرود نصه يبحي وفات للبيت بقيت اباوعلهم باستحقار محمود منصي باوعلي ورجع نصه الله شاهد مبين ميت قهر طبيت للبيت امي تلكتني تسالني على اصغر التفاصيل وميته بجي وشهز تترقب عيونها بلهفه حجييييييت لحد ماتعبت رجعت طلعت للورشه مرت الايام بسرعه وتعب فضيعه واخويه كلنا ازوره الكاها مسلي سلي ضعفان بالزايد ومااعرف شسويله
غسان- مر الشهر واني بيت حيطان السجن ساعه ونص فسحتنا بالباحه مال السجن سمعت اشكال الوان قضايا شي بيه تغيير وشي بيه قوه وشي بيه قسى حسيت هالشهر كبرت عشر سنين وحسيت نفسي مايس من هالدنيا ولكيت التفاضل الطبقي حتى بين حيطان السجن ناس ياكلون احسن اكل واحسن لبس وناس ميته جوع ومحد يسال عنها وناس نفسه حارس السجن يتلوكلها بجكاره وتلفون يخابرون بي اهلهم واني من النص محمود بهالشهر زارني مرتين وبينتله ووضحتله عيش حياتك لتضل منكسر بس هو صدمني جان تعبان اكثر مني تانيب الضمير وكراهيته لروحه خلته يروح لابويه بالاسبوع مره يسال عنه ويساعد ايمن بدون محد يدري وبيوم من الايام بليل والمساجين نايمه وانواع الحان الشخير مخلتني انام قبل شهر ونص هيج وكت جنت غافي على همسه احبك نام عمري ارتاح نرجسه ورقتها. اوف ياربي الك الشكوى واني بنص خيالي واسمع ونين ورايه التفتت رجال خمسيتجني يسمو الحارث فزيت جان عاصر روحه متالم رحت يمه
عمي عمي كاعد لو نايم صاح الحكلي مصاريني تتكطع ركضت دكيت باب السجن فز الحرس صاح شكووو
