#البارت الثامن عشر
بقيت افتر وادخن تحرك بريتي الجكاره ومرمر حلكي من طعم التبغ كعدت باوعت للسما نفس المنضر بس الزمن تغير وهواي شغلات تغيرت كمر ومصاحب النجمه جانت تكول هاي انت الكمر واني نجمتك واني اخالفها واكولها لا انتي الكمر واني النجم غمضت عيني وكفت نفضت التراب عن بجامتي ورجعت للغرفه سديت الباب شحطت بالكاع فزت ابابيل باوعتلها لتخافين اني
- وين رحت
- هنا بالسطح جريت حسره نامي ارتاحي
- بقيت اباوعله عيونه حمر يمكن تذكر حبيبته مثل العرف شفكر باوعلي مبتسم يبرد كلبي تقرب للفراش نام وغطاني وياه بقيت اباوع بعينه مبتسمه
شبيج ابتسمتلها
راح انسيلكياها
منو عكدت حاجبي
اللي ماذيه عينك
جريت حسره ومنو كلج بيها دافكر
اني مو صغيره وادري صعبه عليك.
لا عادي هي تزوجت وعايشه حياتها
شوكت شفتها اخر مره
هه قبل لا ادخل السجن باوعتلها رافع حاجبي بقت مستغربه
ولحد هسه
اي هزيت راسي بالم غمضت
زين اكولك مخابر قطع كلامي
ججج اشششش اريد انام
اوك غمضت ورجعت خليت راسي عالمخده نايم وناطيني ضهره كوه غفيت كعدت الصبح راسن فتت للحمام وطلعت بدلت شفته كام اخذ منشفته محجه شي يفرك بوجهه الضاهر طبيعته من يكعد من النوب من النوع المتعكر مزاجه مو مثلي سبح وطلع بين مارتبت الغرفه بدلنا ونزلنا ننتضر امي وابويه وعمار وشويه وجوي بقو يسولفون واني اخذت على اهله مرت الايام واني احاول قدر الامكان احببه بيه بطاعتي وبحناني لبسي بس كان كلش قليل يتقربلي مو مثل اي عرسان هالشي جان يقلل من ثقتي بروحي ومن يقترب يغمض عينه احسه بعيد عني بغير عالم جنت بكل مره اتذكر عبد الله شون جان يحبني ونضره عينه اللي كانت متنيمني الليل تالي طلع اوووه اني ماريد اتذكر تلعب روحي عمار اخويه تزوج ومرت اخويه كرايبنا صديقتي مرت ايام وبده غسان يسافر واني يتركني جنت اتاذه حيل بسفره لان بديت احبه ومااعرف شون اخلي يحبني لحد مايوم من الايام كعدت وي مرت اخويه دنسولف جنت بايته عد اهلي واخذتنا السوالف
مينا شون تخلين رجلج يحبج
ليش هو ميحبني
لا ولج عمار من اول يموت عليج بس اني داسالج اريد غسان يحبني اكثر شون
هو شونه وياج
هو زين ممقصر بشي مسواكه للبيت وشوكت ماريد اطلع عادي يطلعني بس من احاجي احسه باله غير مكان لو يكلب بالفون ومن يقترب مني هم احس بس هيج يعني يخلص من رغبته
ممم انتي متعرفين تجذبي
شون يعني والله البس هاي بس هم يعني مو كلش
ههه اللبس مو كلشي باعي ابابيل من تروحين تشترين ملابس معروضه عالملكان هم تباعين عالملكان
لا بس عالملابس
اها بالضبط بس لو الملكان تتحرك اكيد يجذبج جسمها سوالفها ضحكتها
ممم فهمت ضربت عكس وتمددت بالفراش ابتسم علميني حبابه باوعتلها بتوسل
بابا شعلمج هو لبسي شي مغري وسويله حركات هسه ينسطر
رفعت حاجبي مبتسمه بخبث رجعت غمضت وغطيت وجهي بيدي اي مااعرف اخجل ردت ابجي
باعي اني هم اخجل اكولج بس انصحج دخلي عاليوتيوب ويعلموج هذا النت دنيا بي
ها
والله شبيج
خوش
ياه حصعد لرجلي قبل لينام
ديله روحي باي صعدت وبقيت وحدي اهلي نايمين دخلت عاليوتيوب وبقيت اكلب واستفاد شوي شوي لكيت روحي اتفرج مقاطع موحلوه واتعلم من حركاتهم باوعت عالساعه ب6الصبح ابتسمت دكيت على غسان دكه والثانيه ثالث دكه رد مخروع
الو ابابيل
هلاو حبيبي سكت مستغرب شكو داكه من الصبح منمتي
لا
ليش شبيج
مشتاقتلك تنهدت مثل متعلمت باليوتيوب اصوات وحركات وهمسات اني الحبيبي هالكلمه مكايلتها قبل هاليوم صارلنا 3شهور متزوجين ولا هو كايلها ----
باجر اجي
مااكدر اصبر همست
ابابيل شبيج
كلتها بدلع مشتاقتلك كومه
ليش ---كلتها مستغرب حالتها خلتني استغرب شبيها اليوم
مااعرف باوعت مسلسل تركي بي لقطات اشتاقيتلك همست
جنت واكف اسوي جاي من كالت هيج طفيت الجاي وكعدت --- ايي
اي
شنو هاللقطات بله
استحي اكول
لا بله وهذا وين شفتي
عاليوتيوب
استفاااد راحت المره
ليش قابل اني صغيره همست
ابابيل شبيج شدتحسين
بس مشتاقه كلش همست
غمضت عيني كلبي دك وتاثر جسمي --- شتريدين
اريدك
شتسوين من تشوفيني
من تجي اشوفك
ابابيل
نعم
انتي بيت اهلج
اي
بعد متباتين بره شقتنا
تدلل تنهدت
تالي شون
شنو حبيبي
النوب حبيبي
انت رجلي وكلشي بحياتي
ممم رحم الله والديهم الاتراك على هالمسلسلات
شكد خبيث هيج اني طابوكه
لا والله بس مو هيج جربت نفس اسمع نفسها
يله حروح انام
ها تنامين
اي
اكيد تنامين
اي لعد شسوي
والله مادري حالتج تخوف
من تجي اطلع شوقي عليك
ماشي يله الله وياج ديري بالج عروحج لتتفرجين مسلسلات زايد
اي
يله في امان الله
غسان غسان
نعم
احبك كلتها وعضيت شفتي مغمضه
بقيت ساكت ابتسمت اثرت بيه هالحجايه شي قليل هزيت راسي يله روحي الله وياج سديته منها صافن بيها تضحك سوالفها الطفوليه ونفس الوكت تتعلم الجراه الله اليعلم وياكن دتكعد يجوز وي مرت عمار رجعت وره يومين للبيت جنت تعبان من هالسفره الطلعتلي من جوه الكع من وره الحارث بس بيها خوش فلوس
ابابيل- اتصلت بي اكثر من مره اساله عن موعد وصوله واخيرا حيجي جنت محضره روحي بلبس نفس اللي بالنت بالمواقع والافلام وصيناه اني ومرت اخويه من الفيس ووصلنا وره يوم تحضرت وبقيت افكر شحسوي بي اول ميطب حضرتله الاكله اللي يحبها تبسي وحضرت الحلو وكعدت انتضر كلسا اباوع لروحي بالمرايه اخذلي فره وارجع اباوع لوجهي ها حمره خفت اطوخها ها شعري انفلت الروله اعدلها كحلتي نزلت عدلتها وارجع اكعد تعبت ورجعت افكر بالحركات اي اول ميطب اكمز عليه احضنه كافي خجل كلام مينا صح اني اخلي يحبني الا اخبله شبيه اني شو جسم وجمال وحتى غمازه عدي. والله جنت مخبلته لعبد الله بنضره يكوم ميعرف يحجي وي ابويه بعد الا ابتعد بس اتخبل مدري شجاه ايع كبر شذكرني بي سمعت سلامه لامه كمزت من مكاني وكفت وره الباب عززه بعيني هاي صدك هيج كدامه حوكف اي اي بلبل هاهي حيصعد قوي روحج انفتح كيلون الشقه وطب ورجع سد الباب ذب الجنطه شغلت الضوه التفتت عكد حاجبه بديت اخجل احس جسمي ماع من الخجل مثل الشمعه تقربت دست على نفسي بقه صافن عليه وعلى لبسي كال
ههه هاي شنو ابابيل منين جايبته هذا مشايفه بس بالمواقع المخيفه تعاي تعاي جانت ميته خجل لبسها مغري يسطر مشت من يمي شكو تعب بيه راح منصيه راسها وخدودها حومرت تقربت مني حضنتني ابتسمت على براءتها حضنتها مكسرت بخاطرها برغم علاقتنا هال3شهور مااحضنها ابد كامت تتنفس سريع. --- شبيج ولج كله تلفونات وحبيات ولبس يسطر
- ااانت رجلي ومن حقي
- عمي حقج محد اخذه منج
A
ابتعدت عنه خزرته اليفكر يقترب منك اذبحه
ها ههه تخوفين والله تنهدت نزعت قميصي اباوع على جسمها اقتربت منها -- ابابيل
نعم همست ونصيت راسي بعدني اخجل منه
شتسوينلي حتى ماروح لغيرج
تعال اكولك شسوي كلتها بدلع داخلي يرجف بس لازم اقوي روحي جريته للفراش بجراءه جان بس صافن على حركاتي متفاجاء ونفس الوكت حسيته كلش تاثر بيه من نضرت عينه عرفت بعدها ابتعدت وعفته غافي بالفراش باوعتله وفتت للحمام افكر باللي صار وليش هيج كان ويايه هالمره غير شي يمكن اخلى مره اقترب بيها مني هالمره تاثيره جان غير شي ضليت افكر بحركات اللي شفتها بالمقاطع واتخيلها وياه حلفت الا اخلي يحبني طلعت من الحمام راسن صبيت وكعدته لان خطيه نام جوعان كعد فات للحمام وطلع اكل حان يباوعني بيتسم برضا واني اخجل من عيونه بعد الصار
غسان- اي ابابيل
ها كلتها ونصيت
اليوم حلو ونستيني تفااجات بيج
ههه انت رجلي
اممم بس شعجب باوعتلها بشك
هيج
شنو هيج
اريدك تحبني
بقيت صافن عليها بلعت اللكمه كومه طتني كلاص مي بقيت اباوعلها شربت وذبيت الكلاص وعيوني بعيونها جريت تفس
شبيك معجبك الاكل
لا طيب كلش بس صافن عليج
ضجت مو
لا بس خاف مااكدر وتنصدمين وتكومين تكرهيني
لا ماكرهك اني احبك
تنهدت كملت اكل وكمت استمر زواجنا بشي اقرب للخيال فعلا كمت اتعلق بيها ومااكدر انام اذا موبحضني بس بعدني محابها بعدها نرجسه مجرد النضر لشباك غرفتها القديم يهز شكو عود يبس بيه ويخضره ابابيل شغلتني رقص وحب ودلال وثقه لابعد حد و نرجسه لحد هسه ممصادفها لانها مسافره تدرس هي وزوجها ايام مرت ومر على زواجنا 8شهور رجعت من الشغل واتفاجا بنشره ضوئيه خفيفه وضلمه الشقه بقيت متفاجا لاهو عيد ميلادي ولاهو عيد زواجنا ولا عيد ميلادها شنو الفلم شغلت الضوه مخليه بمرايه الغرفه صوره مال سونر اشرتلي عليها تبتسم
شنو هاي
باوع وشوف
بقيت اباوع تخوصرت ابتسمت شنو حامل
اي ههه اني حامل
صدك عالخير جريت نفس مبروك
شكرا بس عبالك مفرحت
لا عادي طبعا فرحان حصير اب بعد
يارب-- حضنته قوي حضنني بس مو نفس لهفتي همست باذنه شوكت تحبني
ههه يابه قابل اني اكرهج
لا
بعد شكو
زين لعد يله خل ناكل
----
شهد- بعد مسالتو عني ولا اني الحجيت حياتي صارت من اروع مايكون رغم عقدتي من حركي محمود ملاني حب واغاني نوبات يعصب ويضيع اللحضات الحلوه وميطول يوم يجيني يريد رضايه واني فطيره راسن اضحك مااكدر اكلب خلقتي مشاكل وي مرت عمي مهلصت لحد مافد يوم صبح الصبح وصاحت
لج شهدددددد
ها باجي
ووجعه امي تعاي نزلي
ها شكو شبيج
شباجه بعينج فلوس الخط بالبوفيه مخليتها 250وينهن
باجي اني شعليه مشايلتها
لا اني البارحه شفت اخوج المدلل اجه ونطيتي فلوس عبالج مادري
باجي والله من عدي هاي
اي من مال ابوج بت الفكر مال ابني واكيد اخذتيها من البوفيه وكلتي انطيهيا
باجي ايمن ممحتاج تره مااقبل مااسمحلج نزلت كمت انتر بيها
ادبسز امشي طلعي لبيتكم ولي حراميه بت الفكر
اني مو بت فكر ربينا سوه باجي
لا بت فكر منسيت من انشالت من البيت فلوسي حراميه انتي وامج
امي مو حراميه صحت بصوت عالي ومو احنا البكنا فلوسكم كمت ابجي واصيح والبس بصايتي واحلف ماابقى هنا سمعت صوت ورايه صاح
بسسسس حسج مااسمعه واصعدي لغرفتج
محمود مسمعتها شكالت
مثل مدااكولج اصعدي لغرفتج
مااصعد رايحه لاهلي على يامال دااتحمل تعبببت
محمود- باوعت بعينها غمضت عيني همست صعدي وداعتج ماابقى هنا دقيقه بعد
صعدت فوك لشتي ترجف شوطه سمعته يصبح ويعيط وي امه وامع ترجع وتكول من جانو صغار يشيلون وهو يردها لتحجين هيج
يوووم ولد عمي ماعدهم هالسوالف
انجب انت جنت زعطوط اني جنت عايشه وياهم اخلي الفلوس بمكان ومالكاها
يووم حرام عليج
انت الحرام عليك مرتك هاي اذا متوكفها عد حدها تره تضل تجر منك وتخلي ببطن امها
يوووم اني الجنت اشيل فلوسج من جنت صغير ارتاحيتي
شنوو
اي اني
كذاب،والله العضيم اني اكولج شكد مضيعه وشكم مره مضيعه اني الجنت ابوك منج مو همه ابنج ابنج كمت ادك على صدري انتي مربيتيني عدل جنت بعيني اشوفج من تشيلين من محفضه ابويه وتضمين ومن يسالج تكوليله من اهلي بقت امي صافنه عليه صعدت فوك بعصبيع وركعت باب غرفتي باوعت لشهد صافنه سمعت كل حجينا التفتت عليها جريت نفس. اشرتلها لمي الغراض ولملمي شكو عدج شغلات باجراشوفلي بيت
شهد- بقيت اباوعله سنين وسنين تكول علينا حراميه وهو ساكت ماادري اكرهه ماادري انطي العذر واكول جان صغير انلصمت وبديت الم بالغراض اجه عمي وطلع هو ماخذ فلوس الخط وموديها واشتغل صياح عمي. وكام يكسر بالغراض منزلت جوه بيومها وضلت تدعي عليه وعلى اهلي لحد ماامي سمعت وصل للشارع صوتها خابرتني وكتلها مشكله بينها وبين بهاء لفتها عليها ثاني يوم صاحني عمي واعتذر مني. وفعلا اتصل محمود كال تحضري لكيت بيت اجار مشتمل صغير بعد فرعين عن اهلي لميت الغراض اجه محمود ببيك اب واخذ غراضنا وره شوي اجه بهاء نقل وياه الغرفه والثلاجه رجعت لاهلي بهاليومين بين ما يجهز البيت اشتره الطباخ والكاونترات وغسان خطيه جاب القنفات ايمن رجعلي الفلوس التداينها مني علمود ديشتري ماطور رجعها الي وكمل البيت صارت عدي مملكتي مرت الايام محمود زاد حبه الي من صرنا وحدنا وبهدوء جنت دائما اتحسر عالطفل واندعي غسان صارت مرته بال7عدها بنوته وبهاء خطبتله امه هاله التعرف عليها بالحريق صادقها عن طريق رقمه الدكت عليه هي زواجه بعد شهر
محمود- صارت كلشي بحياتي بس بعدني من اشوفها تصلي وتسجد وترفع راسها الكه بعينها دمعه ودعاء للذريه ادري بيها تتمنى تكون ام نرجس هي الثانيه سقطت مرتين ومااعرف شنو السبب الضاهر والدي مكتوب عليه ميصير اب تحرك بروحي صفنتها
محمود- لازمه بيدها التلفون وتبتسم ماعرف وويامن تتراسل ويامن دتحجين
ههه وي ابابيل
همم شبيها
ماهذه سونر ومصوره الطفل من ديتحرك
هممم شو باوعت فديو باوعت بعين شهد كعدت يمها عالفراش نمت بحضنها
ها شبيك لعبت بشعره
اني ابنج همست بحضنها جمدت وكفت ايدها رجعت تلعب بشعري كالت
حبيبي وروحي انت
وابنج هم
ههه وابني هم حضنتها قوي
همست لتعوفيني شهد
لا حبيبي ليش تكول هيج مستحيل اتركك
تنهدت انشاء الله غفيت بحضنها وكعدت الصبح خطيه ايدها ماخذه طبع مال راسي بستها كعدت وسوت ريوك دك تلفونها راحت ركض عليه غسان ردت باوعتلي خلت ايدها على حلكها
شكو
مرت غسان جابت جتي نور جتي
ههه حمد الله عسلامتها
وديني للمستشفى حباب
اي بعيني كومي بدلي
كمزت ركض تريكنا ورحنا للمستشفى جان غسان واكف ديسجل سجلها المدني وصلناله ساله الممرضه شتسميها كال
نرجس وصلت ووكفت جامده محمود ورايه هم وكف جر نفس باوعلي ورجع باوعله كال
حمد الله عسلامتها غسان
هلاو يوم الالكم ركضت لحضني شهد واللله مردت كلبي الله يرزقهم يارب. جانت فرحانه اكثر مني بنرجس ابابيل كلبت خلقتها من سمعت غيرت الاسم بس مكدرت ماسميها باسمها اي شي يخلي ذكرى الها ببيتي بس راضيتها ورضت بسرعه نرجس الصغيره جانت باب صغيره من باب كبيره للحياه طريقه كلامها جراتها ودلعها ودلالها بعد ست شهور لكيت روحي متعلق ومترط بحب جديد بحين اني حلفت ماحب بعد بس هالشب غصب عني هاي عنكود من كلبي نرجوسه مو نرجسه مثل ما ابابيل جانت تسميها مكمت اكدر اتاخر بالشغل لان اشتاقلها ومكمت اذبها من ايدي لان احس روحي وياها من تزحف احسها نعمه ومتنذب بالكع ابابيل كيفت بحبي لنرجس وشافتها فتحه تطب منها لكلبي رغم البنيه منقصره بس اني كلبي كلب ابن كلب نوبات اتذكر كلشي وتاخذني الصفنه انزل يم امي بغرفتي القديمه اكلب بصورنا جانت هاي من اروع طقوسي كل اربعه خمس ايام انزل اكلب بيهن ابابيل مره طبت وشافتني بقت صافنه انحرجت مني طلعت واني كملت تكليب مهتميت كرنها ضاجت او لا لان بسع ترضه ولازم تعرف اني صعب اشيلها من كلبي وهالشي حاجين قبل نرجسه اخذوها مني غصب ------شهوده كعدت بيت وحد وارتاحت وبهاء تزوج ايمن هاي اخر سنه هندسه بقت رجله من يمشي يكزل ---
ابابيل- نرجوسه قربتني اله هواي ولبيته صح من ينزل يشوف الصور اني اتمرعد بس هي مجرد ورق ليش غاثه روحي اني عليه بي هو حبي لنرجس الصغيره ومداراتي الها ولامه لغسان اشوفه يزيد حبه الي من نضرات عيونه الراضيه بس ولحد الان مكال احبج ولاراح اتعب بيوم عن محاولاتي غسان يستاهل كلبي
