#لو اننا لم نفترق
بارت3
في امان الله طلعت تمشيت وصلت لبيت عمار صاحبي تقريب نفس المستوى اني وياه بالدراسه دكيت الباب كم مره محد رد رفعت راسي لمحت اخته بالحديقه تطلع بكد شهوده اختي نصيت راسي خرب حضي شكو رفعت راسي جني لگلگ صاحت منو
اااني
منو انت
اني صديق عمار عمار موجود
بالشغل عمار
ماشي شكرا رجعت واني اسب بروحي بس لا تكول لاخوها عليه يبصبص شكد فشله يا الله النوب البنيه محجبه وصلت للفرع مالتنا شفت بيت عمي يربطون الجنط عالسياره نصيت راسي طلعت نرجسه دتصعد باوعتلي تبتسم ودارت وجهها امها نترت بيها صعدي عاد محمود طلع والتلفون بيده يحجي ويخلي الغراض عالسوبايه مال سياره نصيت افتح الباب من جوه صاح
هاا غسان الله يساعدك
هلاو عيني ابو شكريه شونك احجي وعيني عليها دارت وجهه من الجامه الخلفيه تباوع وتضحك انزول على عيونج بس وين حيروحون
بشر شطلعت
والله الحمد لله انقبلت هندسه كلي بهاء شخباره
بهاء نجح وهاي اخر سنه اله بالمعهد سنه التجي وي خالي يداوم بالمستشفى عالخير نجاحك والله سبع
ها الله يوفقه كيفتله والله تسلم الله يخليج
زين يله اترخص رايحين لاربيل كم يوم لان ابويه طالع للقاعده سبوع يبقى فكالي انت والسايق ودوهم
اي بالعافيه ترحون وتجون بسلامه
الله يسلمك سلم على عمي يله في امان الله
طلعو وهاي ملتفته تضحك ترجعيلي سالمه نرجوس همست بكلبي اضحك لضحكتها انحفرت بكلبي هالبنيه من الصغر مرت الايام واني شغلي ذبيت حيلي عليه ابو الورشه ابو صاحبي كييف عليه وعلى ايمن وزاد واردي اني واخويه واخيرا بدت الدوام مال الجامعه تهيات اله وباجر اول يوم دوام طبيت للكليه احس عالم ثاني الاستقلال والتقدير حسب معدلك شفت اشكال الوان الفقير والطاك والوسط صادقت كم شاب سوينا كروب عمار صاحبي انقبل تربيه ضليت وحدي الا ان كونت صداقه من كم شاب تكونت بس بعدني مستغرب منهم واحد منهم عده سياره نوعا ما مرتاح ماديا محبيت اصادق اعلى مني حتى ماضل اسحب بروحي اذا رادو طلعه وطبه وبيها صرف صادقت اللي على كدي بلش الدوام. الرسمي وبدت الدراسه مسطرتي والقلم اللي جنت اشوفه بالافلام والمسلسلات صارت بيدي هسه وبعدها عيني على ابو الصدريه البيضه من يفتر بالجامعه جان حلمي الطب بس مصارت ولله الحمد على كلشي الدوام مكثف والدراسه صعبه كمت اتاخر عالورشه والتعب زاد يوم اداوم ويوم لا والدي يكولي ابني معليك المهم دراستك جنت بيوم العطله اضل بايت بالورشه اصلح كم سياره واطلع شغل اسبوع وارجع ارتاح وابلش من الضهر دراسه لليل نرجس كمت من صدك ماشوفها تطلع بخط وترجع بخط واني ملتهي بالدراسه بيبي بدت تتمرض وعمي رجع يروح ويجي يمنا علمودها واضح انه زوجته ماثره عليه كلش بجيته لبيتنا وتستنكف من عدنا من طكو وحتى هى من كاعد بس يفيك ويحجي حجي عبالك مو ابن خير عبالك مشايف وشاف بس يحجي بالفلوس ووالدي يهز براسه مبتسم احسه مرتاح اكثر من عده رغم بساطه حالته ضل فتره يتردد على بيتنا ويتغده يمنا لان عائلته بالشمال ويضل يرررررطن بالامريكان ووالدي بنهايه كل كعده يكوله بهدوء راحو ولا اجو محتلين كل همهم ياخذون مننا لتتوقع يفيدونا بشي يضل صافن عليه ويطلع مرت الايام بيبيتي حالتها تردت عرفناها مواته حاولت قدر الامكان الشغلات التحبها اجيبها الها اشبع من حضنها وهي خطيه بكد مابيها حيل وقوه تمسد على راسي وتقره عليه وبيوم من الايام الصبحيه سلمتها تاذينا هواي لدرجه اني كمت فتره مااكدر اطب للحوش مكان نومتها لان اختنك بس بعد الاربعين امي غيرت الحوش الكرويتات طلعتهن بره وخلت كعده عربيه. بمكانها تغير الهول والبيت كله بس بقت ريحه بيبي المي ورد وسجادتها عالبوفيه بيبي خليلي الطبله كبل لتطلع داريد اصلي حتى ادعيلك اباوع لمكان نومتها وسجودها الله يرحمج بيبي نرجوسه كلبي صارت بالرابع بس ابد مداشوفها صح حايط عالحايط بس اني وعملي ودراستي وقله طلعتي حرمتني منها تبقى نضرتها وعيونها التضحك اخر يوم شفتها بي تبرد ناري رغم احنه ولد عم واخو ابويه بس امي لليوم مماره لبيتهم ولاهي ماره ومعتذره منها مرت الايام واني اصلح السياره بالورشه دخلت سياره عاليه كان عام 2004 السيارت بانواعها طبت ورخصت وحتى النسوان صعدو سيارات. بقيت اباوع عليها كمزت البس شي لان جانت ضهريه حاره واني حتى فانيله نازع استاذي تاركلي الورشه وطلع يتغده واخذ ولده وياه بقيت وحدي ودزتلي امي الغده بيد ايمن لبست تيشرت وجسمي مدهن. نزلت من السياره مره تطلع ب30مكياج وكشخه وذهب والمناضر طاكتها والكذله الطالعه من الحجاب عكدت حاجبي شون تباوع هاي
تفضلي همست بديت اخاف مااعرف ليش وقع نضراتها على جسمي عبالك ادوارنا انعكست صارت هي الرجال واني لالا اني مومره اني صلب رجال وكفت عدل رفعت تك حاجب عليت صوتي
بيش اخدمج
انت شسمك
ليش تحجي وتتنعوص
هيج دااسال
جريت نفس غسان السياره بيها شي
والله حمت. وتبديل دهن اريد
صار هزيت راسي بعدت عيوني عنا فتحت البنيد واشتغل بي تباوعلي من داخل السياره ضجت كمت مااعرف اشتغل
ست خليها السياره ساعه وتعالي عليها
عادي انتضر
جريت نفس استاذي ميقبل ---بس اباوع عالباب اريد واحد يجي حتى ايمن الارعن مااجه بعد
