#البارت العشرون
عبد الله ابن خالي تزوج قبل 4شهور بالكوه وهم بخطوبته سمعت كومه مشاكل سوه وي خطيبته لا رحت لعرسه واا شفت مرته عدي فضول قاتل اريد اشوف شكلها وهل بعده على سوالفه لو بطلهن هزيت راسي احاول اشيله من تفكيري عيب عليه افكر بي بعد زواجي همزين افكارنا مابيها صوت جان بينت وصاخه عقلنا وماضي كلوبنا رجعت نمت ونرجوسه يمي حتى مااجه شافها وهو متعلم الا يضل يبوس ويحضن بيها قبل طلعتنه يكعدها ويعوفها ويروح اليوم حتى مااجه شافها هلكد مسيطره علي مشاهره القديمه اوف ربي طلعها من كلبه لخاطري بداعت صلاتي الاصليها
غسان- مر الليل عليه عذاب صوتها الغايب منه الامل واللهفه وحيويه قبل هدني هد طلعت من الدنيا من وره كلمتين بس اني اعرف نبرتها واعرف من خلال نبرتها شدتحس بقيت اتذكر كل كلمه وكل لقاء تمنيت ابابيل متصعد تمنيت ابقه وحدي بهالهدوء وفعلا مصعدت من حصرت. عقلي استنتجت انه اني اناني بمشاعري محسبت حساب هالمره شنو ذنبها شدتحس اجفص ببطنها ومتزعل بضحكه مني تنسه كلشي ماخليني اتعب روحي واعتذر مي مي بيدي بس اني مو بيدي ربابه كلبي نرجس وحلمي الطفولي رفعت راسي للسمه مكدرت ابقه بالبيت اختنكت كلت اطلع واروح للشركه حتى تصعد ببيتها خطيه شتاقيت لبنتي شرياني الينبض بالحياه احس من اباوعلها تلعب كدامي عباره عن خلاصه غسان القديم الخالي من الهموم اخ ربي حسره تجر حسره طعم حلكي ممرمر من البارحه الريوك لليوم فتحت الثلاجه طلعت حليب شربته ارجع للواقع غسان كافي لخاطر نرجوسه بنتك لبست شون مجان ورحت اباوع الساعه ب5حتى الحارس هم نايم فتحت القفاله وكعدت شغلت الضوايات طلعت الاوراق وكعدت اكلب مدام ماعدي شي خل اراجع القطع والخرايط مال بناء كمت اكلب خريطه خريطه شبيه شبيه احسن شغل ولا غلطه حرامات تضيع عمرك انت مو قليل باوع اعمالك ماكو مثلهن ساعه ودك تلفوني رساله الحارث ابتسمت
بعد ساعه اكول بالعاصمه اكعد اشوفك لو طالع لمكان العمل
ههه ابو مصعب اني بالمكتب خويك رجعتله الذكريات وانهزم من البيت --- رديت عليه
اف اف يمعود هالمشاعر متفيدك ترجعك ليوره
شبيدي على كلبي الاعوج
هههه ماشي يابه بس اوصل الاهل اجيك ولايكون بخاطرك بس خليها ببالك الديصير عدك مااله اي فايده وماريد اعذبك تره هي بعصمه رجل ثاني
جريت نفس--- صح كلامك استاذي انتضرك منتريك تره
ماشي مراح اتريك ناكل سوه عاجبني باكلا عراقيه بالدهن الحر
تدلل ابو مصعب هسه نوصيلك بس توصل بسلامه
ماشي ياب نتشاوف بخير
ذبيت الجهاز فركت وجهي وراسي وكمت خليت راسي جوه مي المغسله اللي بالمكتب اصحصح من اوهامي وعدلت روحي وكعدت بدو الموضفين يجون العمال منهم والمحامي والمقاولين اللي ينهون الاعمال اللي بالطابو الحمد لله التهيت ووصل الحارث حجايه منا حجايه منا صار الضهر وكلمن لبيته عزمنا ابو مصعب اني والمره على عشه وي اهله كال نتعارف لان حاجي لاهله عني رحبت بالفكره شوي اعوض عن خربطه البارحه السويتها والله ضميري انبني تجاهه شنو ذنبها بله مدلله اهلها جانت رجعت للبيت صعدت نرجوستي بالحجله بس شافتني عاطت وغمضت عينها ابتسمت روحي ردتلي شلتها وبقيت اشم بيها مديت راسي للمطبخ ابابيل جانت لابسه بنطرون موديل المشكك ويلك هم كابوي نفس لون البنطرون دتسوي عصير وي الغده وهي جسمها يغري بقيت اباوع لضهرها ونرجوستي بيدي طلعت صوت فزت التفتت ابتسمتلها ابتسمت جتي بثكل لحضني تشوفني اقبل لو لا جريتها وحضنتها وبستها من راسها نرجوسه تضرب على راسها بالخرخاشه البيدها تغار الضاهر من امها عليه
لج لا هههه لا بابا ماما خطيه ابابيل سوت روحها تبجي وتباوعلها برطمت وياها
لااا. بلبل موزين نفسيتها لا بابا حبيبي جريت نفس باوعتلها.
شمسويه اكل
حشيت دجاجه ابتسمت ترس كلبي الفرح مجرد مبتسملي
اووو ابدل واجيج
اوكي ههه نزع ملابسه واجه كعد صبيت وكعدنا ناكل وها تحومي بالحجله واجرها نطتها عضمه يله وكفت باوعلها ضحك
شنو جلب انتي باباتي
خليها تحك بيها سنونها
ههه باوعت لابابيل بلعت ريك -- اا اليوم الحارث عازمنا عالعشا
انت ومنو عكدت حاجبي اول مره يحجي بامور الشغل
اني وياج غير
صدك يعني اجي وياك
كيفج تردين رفعت حاجبي احجي واكل
اي اجي ههه
ماشي كملت اكل وشربت العصير والجاي تمددت فاتت من يمي تنيم نرجوسه اباوع على شكه بنطرونها وبياض رجلها المبين من الشك
هاي منو مشككه باوعتله بتصنيف اتلمس الجزء الضاهر من جسدها
باوعتله ونصيت راسي عرفت يريد قربي خليت نرجس بفراشها وجيت يمه ازحف على ايدي حاوطت جسمه ازجف عليه باوعت لعينه مبتسم يباوع لشفتي تقربت بسته جرني حسيته يكفر عن ذنبه جان مختلف عن كل مره رقيق كلش وحنين زاد بحضنه وقبلاته الرقيقه خبلني نمنا وراها وكعدنا على مناغاه نرجس شفته كام شالها من الفراش يلعبها بعدها نزل واني كملت ترتيب اتحضر لليل جنت كلش متشوقه حسيته يريد يتباها بيه وردت ارفع راسه وفعلا رحنا وتعرفت على زوجه الحارث تطلع بكد مامه شوي اصغر بناته عده متزوجه وحده ووحده لا بالكليه اللي بالكليه بكدي حبابات تونست وياهم تخبلو على نرجوستي تعشينا وطلعنا توسلت بمرته وبناته يجون يمنا فد يوم كالو الله كريم مبين كعدتهم موقته ويرجعون للخارج رجعت للبيت نسيت الصار كله بقيت فرحانه بيومها بليل انتضرته ينام يغفه واخذت الجهاز فتت للحمام رحت على المكالمات اباوع مال البارحه الضهر شفت رقم غريب حتى منسجله باسم مسحته من المكالمات دورته بالاسماء مخازنه شفت اي رقم غريب ويا مسحته ورجعت الجهاز بمكانه ببالي شهد هم تمسحه من تلفون محمود بعد منين يجيبه قابل يكول لبهاء طيني تلفونك لا ممعقوله رجعت نمت وحضنته
غسان- مر يوم يومين وحنيت لصوتها غمضت عيني استغفر الله مكدرت مسيطرت اني بالمكتب جنت جريت الفون شفت نفسي وحدي بس اسمع صوتها واسده بيني وبين نفسي اكول دخلت عالسجل اكلب اكلب ماكو ولا رقم كعدت عدل شننو الفلم بقيت اكلب ماكو ممسوح السجل شون انمسح صفنت معقوله بدون ماادري لو الجهاز من وحده مسح ذبيته لزمت راسي ردت اسمع صوتها كلش مثل جرعه الهيروين حبيبتي صوتها كمت املخ بروحي طلعت بره المكتب اتمشه ورجعت للحسره ساعه ورديت رجعت همزين عدي شغل كعدت اخططه واعدل وانضم التهيت ورجعت للبيت كضه شهر شهرين 3 واني هاي حالتي عايش بس برواز ولو تجي لداخلي ماكو حياه وابابيل حايره متعرف شتسوي من حركات واغراءات ودلال تجذبني بي يوميه اكل شكل يوميه لبس شكل ويوميه دهن شكل تسوي بي مساج وصلت حد تعلمت عليها جوايبي ماانزعها هي تنزعها الي حتى زيان كامت هي تزينلي وطايره من دتسوي هالشي نرجس دتكبر وبدت تلزم القنفه وتمشي وكلسا مهطوره واكمز عليها لج بابا اكعدي حتتسكطين شو بيها هاي ----
شهد- بطني بدت تكبر صرت بالرابع. محمود كلش فرحان ومتشوق وبيوم من الايام صبحت الصبح واشوف اثر بملابسي الداخليه صفنت متخبله كعدته من النوم
محمود حباب كوم
شكو شبيج فزيت شبيج شهد يوجعج شي
لا بس مادري شو اكو دم
منين ليش
شمعرفني كعدت ابجي عالجربايه
زين لتخافين شهوده بدلي اوديج لامج
اي حباب جريت نفس بدلت وهو بدل باستعجال وقلق اكثر حتى مني ورحت لماما كالت لتخافين صايره عدي هيج وهسه نروح للدكتوره بس تفتح -- روح يمه انت لشغلك توكل بالله وبرد كلبك
الله يطمنج خاله خليت ايدي بجيبي طلعت المحفضه
شهودي هاج هاي الفلوس جوه ايدج للدكتوره تكفيج
مادري دمعت عيني حضنني لتخافين حبيبي هاي مو خاله كالت ماكو باعي لو شي يخوف جانت شفتيها تضرب اخماس باسداس وودتج مستشفى
اي صح جريت نفس بسته من خده ابتسم اخذت الفلوس وراح طبيت احاجي ماما سمع ايمن مد راسه
شبيج لج من صباح الله تعوين
انت معليك ولتلح مالي خلكك
الله باعي اكعد الصبح ضايج اريدلي واحد اتونس بي اضوجه الله عليج شبيج خل الح
مابيه ايمن مو وكتك نصيت ابجي غطيت وجهي
لالا هاي صدك شبيها هاي لج يوم هاي شبيها
مابيها يمه وجع ببطنها
خاف محمود ضاربج
جاوبته بنتره لا دروح ماعدك دوام
اي رايح يله يوم في امان الله
الله وياك يمه --- على كيفج يمه مامو شي
مامه خاف الطفل بي شي خايفه
لا مو داكولج صارت بيه بايمن هيج وربطت يمكن يرادلج ربط بس لا طارحه لا شي هسه نروح ونشوف ليضل بالج
خوش تنهدت تمددت للعصر رحت للدكتوره كالت الطفل نازل تخبلت منعت عني الحركه وميقترب زوجي مني كتلها اي وطتني مثبتات ورجعنا خابرتي محمود وكتله ضل ساكت ادري بي صعبه عليه بس شسوي بيضت عيني يله حبلت
محمود- ميهم نعيش خوان كلها اربع شهور
اي
يبه هاهي راح اجي اخذج
مامه كالت تتغده يمنا مسويه برياني
اوك جاي
شهد- مرت ايام واني يومين بيت اهلي ويومين ببيتي محمود كام يوميه يوديني الصبح ويجي يتغده ببيت اهلي ونرجع سوه ماما خطيه معافتني واني جنت كلش خايفه عاللي ببطني اخذت سونر وطلع ولد فرح محود دمعت عينه كال
جنت متاكد جواد مو كتلج طلبته من الكاضم
جانت فتره صعبه عليه ينام بصفي يحضني وايده على بطني وميكدر ياخذ حقه الزوجي جنت ادلله. بهالاكدر عليه. مرت ايام وبيوم من الايام العصر من دااطلع من بيت اهلي اتسوك وي امي للجهاز واشوف بيت فاطمه صديقتي القديمه الجان محمود عده علاقه وياها عركه بالباب اخوتها يتصايحون وامها هم من اباوع ذوله عيالها يتعاركون وياهم اني اعرف عيالها لان رحت بالحنه مالتها والزفه شايفه رجلها وامه واخوته من ركزت اي تاكدت همه شفتها واكفه وره امها وامها تصيح باوعتلي ونصت علاقتي مكطوعه بيها صار كومه من تزوجت لحد هسه مااعرف عنها شي نصيت راسي مقهوره عليها ومشيت رجعنا للبيت وبقت ببالي بسشتكول اذا عرفت بيه اني اخذت محمود واني الجنت امنعها منهلا يابه عافها قبل ليتزوجني وتزوج قبل ليتزوجني الي غير وحده كاعده بالمطبخ. يم ماما دكيت على محمود يجي عالغده رفض كلت هاي بالباب ساعه ومااجه رجعت دكيت علي ماكو ميرد. وكف كلبي سمعت صوت سياره طلعت للطرمه باوعت من الزرف مال باب شفت سيارته طابكه هاي شنو هاي بيت اهله يجوز يريد يتغده يم امه عفته براحته بس ليش مديرد رجعت دكيت رد بالو
الو حبيبي وينك
هنا بيت ابويه جريت حسره
شبيك خوماكو شي
محمد رجل نرجس ضاربي
وكفت على حيلي شنووو
علكيفج شهد فدوه
شنو شنو احجي
شحجييييي داكولج ضاربي عصابه
مات
جريت حسره اختنكت اي مات
عزه بعينيي سده بوجهي بقيت صافنه ماما باوعتلي كالت
منو
ماما رجل نرجس كاتلي
يا عزززا خطيه امشي لحكي خابري اخوج خل يروحلهم
مامه غسان مسافر
ولج يمه ايمن
ماما عفيه خطيه هاي شحيصير بيها
استغفر الله استغفر الله من الله لا ينطيهم هيج سهله كتله بني ادم عدهم لا حساب لا كتاب الله لا يوفقهم
بقيت مصدومه اجه بابا معصور عصر وراحو بيت عمي واحنا هم رحنا شفتها لنرجس تبجي والله لو اني اموت مامه واخيرا طبت بيت عمي وبعدها مرت عمي تباوعها بانفه اعرف عيونها شدتكول الله اليعلم تكول جايه تتشمت بيه كملت ايام الفاتحه ابابيل جانت كلش خايفه اجتي ويايه للفاتحه ورجعت باوعتلي كالت
ابابيل- لو اني ميته ولا وجلها
ليش عزه بعينج
خايفه من اخوج
لج بابا محمله المرضوع اكبر من طاقته نرجس صفحه وانطوت
الله يسمع منج جريت نفس
شوكت يجي غسان حلحك اجيب وبعده مجاي
كال بعد سبوع
لج صارله شهر
اي هي سفراته تطول دراسه مواقع يطور من عمله جريت نفس زين هي ليش ملزمت عده على رجلها
مو جانت حامل وطرحت يكولون من هيج وتجيب متلزم عده وتره بيت عمي هيلك مالهم علاقه بالدين
اي منتبهه الله يستر
جريت نفس
زين هي بيت اهلها عايشه لو رجعت
لا عد اهلها بس اهل رجلها ناطيها الصيدليه تشتغل بيها وي حماتها الصغيره
ها
اي تلتهي احسن
اي جريت نفس خايفه
شهد- داارجع لبيتي جانت اربعين محمد ورايحين لكربلا واني موزين عليه السياره الطريق الطويل دااتمشه على كيفي اروح لبيتي اللي بالفرع الثاني من اهلي شفت فاطمه صرنا وجه بوجه باوعتلي بنضره خبث ابتسمت
شونج فطم
زينه الحمد لله شنو حامل
اي نصيت راسي
كالو متزوجه محمود
تحاجيني عبالك اخذته منها عكدت حاجبي اي والله صارت القسمه بعد
لعد ليش جنتي تمنعيني منه تكوليلي مو خوش ولد
نصيت راسي مااعرف ارد باوعتلها عافتني وراحت كملت مشيتي لبيتي مزاجي تعكر صفنت على روحي هاي شبيه اني هاي من غيرتها دخل دتولي وصلت لشهر الثامن وبعدني كل فتره ينزل اثر وارجع للدكتوره وهم تنطيني ابر مثبته عمي راح للحج وي عمتي
غسان- مصدكت كملت الدوره بره جانت تقويه ودراسه خرايط وعمارات اقترح الحارث عليه اطور من روحي من افكار الغرب ورحت وياه شهرين ورجعت اشتاقيت لنرجوستي كلش حتى لا بابيل اشتاقيت لدلالها ولامي وابويه وصلت من المطار بالثمانيه الصبح للبيت نزلت من التكسي اني والجنطه حاسبت التكسي وراح وكفت بالباب افتحها بالمفتاح طلعت المفاتيح انفتح باب بيت عمي رفعت راسي توقعت بهاء لو عمي دااسلم عليهم واشوف بنيه لا بسه اسود فتحت الباب ثنينهم دتطلع السياره كلبي رجف رجفه قبل التفتت عليه واشوف عيونها نرجسه اخ كلبي وكع المفتاح من ايدي ويده الجنطه انهدت بله مااحس بلعت ريك بقت صافنه عليه رجف حنكها تريد تبجي جسمي كله كام يرجف هاي هي لو اتخيل بقينا متسمرين دموعي نزلت بله عصره بجي وعبره هسه اريد اباوعها زين هي لو متوهم انفتحت الباب ابويه فتحها
التفتت عليه ورجعت باوعت لنرجس طبت للطرمه مالتهم وسدت البيبان وحتى السياره طفتها نمل جسمي ابويه جرني حضنني تحمدلي بالسلامه واني فاااااصل صعدت فوك ابابيل ونرجوستي نايمين طبيت على اطراف اصابعي لهول بيتي تمددت عالقنفه صافن ممصدك بعد سنتين اشوفها حبيبتي ضعفانه ورايحه حيويتها بس ليش لابسه اسود بقيت صافن اباوع الساعه بالعشره هيج ثلث ساعات تروح ركككض شون اروح لبيتهم اتحجج لا غسان اكعد دتسوي تخزي روحك كدام نسابتك والله بس شهد توكع بيها سمعت مشبه ابابيل غمضت عيني ماريد اشوفها شافتني حسيت بنفسها فرحانه يم راسي باستني وراحت بهدوء متريد تكعدني غطتني بغطه خفيف والله حسيته طابوكه على جسمي روحي مطايقها ولا طتيق البيت لو ميت ولا شايفها هالشوفه بس حان لا م يصير لقاء وره هالسنين اخ ياكلبي كعدت نرجوستي تخطي وتدردم وكفت يمي تلعب بملامحي بوجهي فتحت عيني اباوعلها كامت تضحك جتي امها ركضبعدتها عني
لج ماما نايم
عوفيها كعدت حيل مبيه ركضت عليه حمد الله عسلامتك حبيبي حضنتني كوه حضنتها الله يسلمج شلت نرجسه بحضني اباوعلها وتبا علي احس عبالك حست بيه
غسان شبيك عمري
يعني واحد توه طاب من السفر شبي يعني نترت بيها بعلو صوتي
ها العفو ابتعدت خطوتين نرجس نزلت من يمه خايفه ولحكتني للمطبخ صفنت شنو دره عرف مو اي اكيد عرف صار شهرين لا ليلي ليل. ولا نهاري نهار مثل الينتضر الاعدام سويت ريوك لنرجس وكلتها طب اخذ كلاص مي من البراد جان بطرك الشورت ميحجي ابد وطلع من يمي سمعت سدت باب الغرفه ونزلت الدرج عرفت بي نزل
- نزلت لهول اهلي ردت ابقى وحدي وحدددددي ياالله شوون اني بس ارد افتهم شون اعيييش وهاي زره زرعتها وكبرتها بكلبي شون يربي دك الحارث باوعت عالرقم رديت
ها يابه
ها وصلت
اي بالبيت
خو مبيك شي شو صوتك. تعبان
ابو مصعب داموت
سلامتك يمعود شكو
شفتها همست وغطيت عيني شكد عيب كمت ابجي
تجيني غسان اني ببيتي حدي تدري اهلي بره
اي اي اريد انهزم من البيت اجيك
بيك حيل تسوق لو ادزلك احد
والله مادري جريت نفس راح اخذ تكسي
يله منتضرك
سديته منه رجعت فوك لبست تراكسود ابابيل تراقب بخوف باوعتلها ودرت وجهي شورطج يبت الناس شورطج احاجيها بداخلي من دون ماباوعلها جتي نرجوستي عليه جرت البجامه عتيتها منها وكعت على راسها صرخت تبجي شمرت البجامه وكعدت عللجربايه خليت ايدي الاثنين على راسي ابابيل متقربت بس صافنه بالزاويه ونرجس تصرخ زعلانه صحت بيها
تعاي اخذيها شون تموووت بجي جاي ركضت اخذتها وفاتت لهولنا طلعت من البيت راح احركه بعصبيتي رحت للحارث من الباب حضني تحمد بسلامتي وكعد ميحجي حس بيه اريد اسكت ارتاح تركني شوي ورجع جايب شرب خلاه كدامي باوعتله صفح
هاي شنو همست
اشرب ترتاح
هه تمددت على قنفته مجان الي واهس بشي حتى النفس مالي واهس بي كال
شجابها حضي المطععج مو مسافره
مااعرف همست لو تدري شون ضعفانه ووجهه شاحب مبي حيويه ولابسه اسود
ليش
مادري مادري والله مادري
اوك اوك
من شفتها حيل انهد رجف حنكها برطمت تريد تبجي اخ ياااابه
هون على روحك غسان اكو عالم ولدها بيدها راحت مكطمه ذوله شيكولون
والله لو ميته ماانقهر وات مر هيج والقران
سكتت مو مال اناقشه طفيت الضوه الفوك راسه وجبتله غطا صاح لتغطيني
ماشي جريت نفس وطلعت تركته بالهدوء
صنننطه هاي الردته غمضت عيني وصورتها من جانت طفله كايدها اوديها للمدرسه اخاف عليها ومن ابويه يجيب حلاوه اضملها ومن صرنا كبار شبيج حبيبي ليش تعبان شكلج منو الماذيج مردت بس اشوفج مرتاحه والله ارتاح لراحتج ربي صبرك راح اخسر حياتي نمت ومكعدت غير العصر مكسر الحارث يمي كاعد عالقنفه من كعدت نزع المناضر باوعلي تبسم
ها
ها همست بتعب نصيت راسي جريت التلفون بالسبعه
اي صار المغرب
دوختك
ماعدي شي وحدي جريت نفس ليش متبات
لا يابه خل اروح
ليش
احسن البيت صار شهرين عايفهم
كذاب
شنو كذابز
مو علمرد هالشي رايح تكول عسى ولعل ارجع اشوفها
جريت نفس هزيت راسي عليمن حكذب باوعتله خل اروح
روح الله وياك على راحتك
