#البارت التاسع والعشرين
بقيت اتصفن والعماله تدك جبت 20نفر اريد بضرف سبوع خلصان البيت امي مشت لايمن طلعو خوش ناس وابويه عرف ابوها وطار بيهم خطبناله والمهر الخميس والخميس الوراه العرس مو مال اطولها والوضع موخوش اقلها يلفي بالبيت مويضل بالكهاوي ويفتر وي جماعته انخبصت بالشغل واني انخبصت بجهاز ايمن وشهوده. شعدي فلوس جوه ايدي قربت تخلص وصيت امي وي ذهب نور مرت ايمن تاخذ ذهب لمرتي اوف شحلوه مرتي الكلمه اللي تمنيت اكولها الها شنين سنين واني اتحلم بيها تزين بيتي يارب لك الحمد مر كم يوم واني بالبيت على راس العماله تقريبا هالاربعاء يخلص وفعلا كمل الاسبوع وخلص البناء صار كلش مرتب رغم البيت الجره صار بي خنكه بس اسوي وره البيت كشفه حتى يصير نفه وفعلا سويت التهيت حتى عن نرجس وعن بنتي كمل الاسبوع والعينتين مشرفت
ام غسان- يمه شهد خابري مرت اخوج بلكن تكدر تجي كوليلها حتى تساعدينا بالمهر مال ايمن طلعي حجه بيه
شهد- اي يوم خوش دكيت عليها
الو
هلو بلبل
هلاو شهوده شونج
زينه عفيه متجين
جريت نفس والله مادري
شنو ما ادري مو كلتي يومين شو مجيتي
مادري شو كرار ممقتنع يكولي متتحملين
لا انتي سبعه ومو هو اليحجي عنج انتي اكبر من هالشي
شهد عفيه حاجي بلكن يقبل ينطيني بنتي وكلمن يروح لدربه والا والله المحكمه تحكم النا لان الحضانه عدي
بقيت صافنه بلعت ريك،طب غسان ورايه مشفته عبالي امي --- لج بابا ميقبل غسان يتخبل اذا مو نرجس كدامه ليش تخلين غيرج يربي بنتج
غسان- من. هاي ابابيل شنو كلبت خفه وراحه باعي كوليلها كمت اصيح بصوت عالي مستغل عدم وجود ابويه
كوليلها اذا مترجع اجي اخذ بنتي واخاف عبالها محاكم وهاي كوليلها شون فضحتي بت عمي افضحج واطلعج موزينه بالمحكمه واخذ بنتي فاهمه لو لااااصحت وصرت نار
شهد- غمضت عيني وهذا ديصيح ورايه انداريت عليه باوعته بعتب اباوع ابابيل ساده الخط باوعتله علكيفك تره حرام عليك
ممسوي شي اني تره والقران يومين متجي اخابر اخوها الوكف يتجالب وصايرلي سبع واكوله كلمن لدربه واريد واحد يحجي لا احرك البيت تريدني ابوس ايدها نعال عليج وعلى اخوتج واهلج والله يا الله عفت البيت وطلعت مرت يومين والثالث ماكو منها خبر خابرت عمار رد ورحب بيه
حبيبي اختك خلص عشر ايام ماكو راح اجي اخذ نرجس وخليها يمكم كلتها بزمجره ونتره
لالا غسان شنو هالحجي مو عيب احنا ولد منطقه وحده
لعد هذا حجي بالله
اني اللي اعتب عليك شون تكول اطلعها مو زينه واخذ بنتي مو هاي ام بنتك عمي مامولك حبيبتك ومرتك بس بنتك متفكر بسمعتها
اذا وصلت المواصيل غير ابويه ماعرفه
ماشي يابه ماشي جريت نفس هسه دتتحضر راح اجيبها ابابيل متكدر تعيش دونها ولا احنا النكدر نعيش بالفضايح
جريت نفس الله وياك سديته منه اتلفت عالغرفه منين ماامشي كطوف جكاير وهدوم وصخه والتراب نايم بالاخشاب وقواطي الببسي وكارتونات الاكل لزمت الكارتونات دااعبي بالجيس دااذبه بالزبل مالي خلك نضره انه بدوني تضيع فد جرجوبه عساس دك تلفوني نرجستي رديت
الو بيبي
حبيبي شونك
زين يابه كملنا البيت الحمد لله
ديله حتى ننضفه خطيه خاله وشهد وحدهم
ها تجين
اي حبيبي طبعا بيت عمي واساعدهم
اروح فدوه زين لبسي تراك لان تابللين ومتعرفين بالدشداشه
اما انت واحد مستغل ديله جيت شهد يمكم مو
شهد داكه اقامه يمنا
هههه الله يديم بيت اهلها الها
ويخليج الي سديته منها نصيت اكمل تلملم
انفتحت الباب مال غرفتي نرجوسه مدت راسها بابا همست وضحكت
باباتي حبيبي ركضت لحضني حضنتها وابوس بيها مخلت شي مسوته كمزت عالفراش طبت امها وراها اباوعها سمنانه وخدود ذبت العبايه بدون حتى متسام ضلت تتلفت عالبيت وعليه مباوعت هزيت راسي والله وكت الضاهر جيت كرار كبرت راسها دك تلفونها ردت بهمس
الو اي ميخالف ميخالف باي سدته وخلته عالشحن اخذت الجيس نزلته للزبل الجوه وبقيت بالبيت جوه وي شهد وامي ننضف سمعت نزلتها من عالدرج صاحت شهد
شهد- بلبل اني حطلع على بيت ايمن
ابابيل- اوكفي خل اجيب المساحه من فوك يمعوده لتجيبين
غسان- بقيت اباوعلها معاجبني متباوع بوجهي ابد طبت لبيت ايمن وفتحو المي واشتغل الغسل والجلف اني وي امي وهي وي شهد مداشوفها لان جوه ببيت ايمن شوي واندكت الباب كمزت ركض ابتسمت امي كالت من. هاي عزه خاف خطار
لا يوم هاي مريتي باوعتلها اركص بحاجبي
دروح روح اوووف الله يهديك
هههه طلعت فتحت الباب طبت كلبي كالت خاله اوكفي جيت وياج
يمه جايه مناك لهناك عيب
لا خاله عفيه شنو هالحجي مو علمود غسان والله قبل كلشي احنا اهل انصدمت نرجس بنته طبت تمشي وتلعب بالمي انداريت عليه غمزلي مبتسم بلعت ريك همست شوكت جتي
قبل شوي لتخليها ببالج انتي كل العمر
ههه لا اني اكبر من هالشي واعرف انت بس الي كام يرشلي واني امسح المي وخاله ويايه بس هي مسمعت صوتها صوت صدى بالبيت شهد مدري ويامن دتحجي توقعتها وياها بس مسالت ابد شوي وطلعت من الصاله اللي صارت مشتمل ايمن
ابابيل- شفتها واكفه يمه ابد مدرتلها بال وعفيه القالب الثلج اللي على كلبي هذا منين اجه اصلا مباوعتلها وطلعت اضحك وي شهد على ايمن وسوالفه دتحجيلي عليه من شافت نرجس التفتت باوعتلي شافتني مبتسمه وارش بالمي ماباوعلهم التفت غسان داباوعه بالجامه العاكسه واني رافعه الدشداشه اصلا معبرته من نطوني ضهرهم اباوع شعرها اسود فحمي مسويته تسريح وصابغته يمكن حنه اماراتيه وجسمها ابد موحلو منقسم من التراكسود الحصر مبين رجليها رفاع ومن فوك عريضه ابد موحلو نصيت يابه انتي شعليج. كملت شغلي وي شهد وطلعت وياها شريت الوصل مال مسح عالمحجر خالتي تباوعلي بقلق واني مبتسمه الها وهالثنين كمت ماشوفهم واكفه بصفه وتمسح وهو يحجي همس على اصدقائه بالشغل وشون هالحجي كله سامعه منه جان يحجيلي قبل احسها تباوعلي من جوه ليجوه
غسان- اي فكتله يابه انت العليك تكولي كم غرفه تريد واني المواد عليه احجي واباوع لابابيل من جوه ليجوه جانت قريبه هي وشهد بالحديقه ديفرغون الگلك مال بيت وتحجي وياها. وتضحك كانما مدتشوفنا
نرجس- اي وتالي حسيته جذبت انتباهه مرته ردت اشوفه ويايه لو لا كمل منين موصل معناها مويمها
كلي لا اني اجيب المواد لان تطلع ارخص كمت احجي واباوع بعينها لنرجس وهي تمسح وتباوعلي --- تالي جاب المواد كلها تلعب النفس بناء يومين ويتفلش مامو اني هم عفت مكان العمل واخذت العماله وطلعت كتله عيني شوفلك غيري يبني وضل يتوسل كتله مااكدر ابني ولا انت تكدر ترجع المواد مياهذوها بعد بعد شوي يبجي
هههههه تالي
هاهي سويتله بلوك شك كلبي
زين تسوي
غسان- سكتت اسمع هاي شدتكول لشهد وتضحك
ابابيل- شهد اما جابلي كرار فستان الا بشده
من بره
اي صدك البسه ويطلع صغير حنطجيا انتي انعم مني من تجيبن تلبسي
خوش ههه عالحاضر
شسوي احسن مااتفرج وانقهر
حرامات جان لبستي بمهر ايمن
لا مو بت خالي الثوله مشتريه فستان هم يخبل بعد احلى من هذا جابته البارحه تكول عبالي على كدي اشتريته طلع صغير ومقبل يرجعه كتلها غير تكدري كالت لا شفته عبالك زين من رجعت انصدمت
اي لبستي
اي لج ستندر عليه
اي زين سوت مصائب قوم عند قوم فوائد
اي والله كيفت كتلها بالوكت المتاسب مالي خلك افتر بالسوك واشتري احجي على مرت ايمن حلوه
تخبل بس انتي احلى منها
لا خطيه ايمن
لا لج يموت عليها
الله يوفقه يستاهل كل خير والله مشتاقتله
سكتي البارحه سويت بيتزا زفني يكولي بطلي انتي مو مال هالسوالف هاي لو بلبل جان سوتها مال مطاعم
فدوه لعينه والله شون مشتاقتله
هسه يجي ويجيب ست الحسن دتشوف البيت رفعت راسي شفت غسان يغسل بالباب وعينه عليها وهي مويمها برودها يخوف رافعه الدشداشه وتترس كواني الكلك وتشيل وتخليها على صفحه صاح
غسان- شهد عوفوها لتشيلون اني اشيلها هسه يجي ايمن
عرفت قصده عليها باوعتلي بلبل وذبتها من ايدها ونفضت ايدها حتى ملتفتت عليه
يله كملنا امشي بتج تطربست بالمي
اي هاي بطه تكيف شلت نرجوستي. دااصعد فوك ضلت تباوعلي الحوبه حتى مباوعت نضره وحده
بدلت بتي ونيمتها وكمت عالبييت من صدك مااعرف منين ابدي اباوع كلها جياسه مال مكوي والجواريبات مطشره وحاركلي الزوليه بجمر الجكاره بس يكون الله ميصعد فوك وين الله ومحمد و12امام ربي دخيلك كملت تلملم طلعت اشر هدوم باوعت لسطحهم تذكرت من شفتهم اوووي هزيت راسي لتفكرين لتفكرين انسي كرار كلج ميستاهلون دمعه من عيون بنت ابو كرار الكاضمي ولا حركه من حركاتي القديمه كملت شر طبيت عالحمام جلفته طلعت لكيت المسواك على ميز المطبخ مكوم كلشي جايب رتبته بالثلاجه ورجعت حضرت هدومي فتت سبحت سمعت صوت بجي نرجوستي مديت راسي جيتج ماما جتي يم باب الحمام بقيت الباب مفترجوحه ببالي هسه اكمل بس دااتعلى من الشامبو بقيت احاجيها
نونه ماماتي وهي تبجي متنحسه توها كاعده عالسريع دااتعلى سمعتها سكتت غسلت وجهي فتحت عيني اباوعلها شفت غسان. شايلها يسكت بيها يباوعلي وينصي درت وجهي جريت المنشفه راح للغرفه عالسريع نشفت ولبست تراكسودي جنت مقرره لبسي كله اسوي مستر سالفه الاغراء مااغراء انساها بعد
غسان- طبيت للغرفه على بجي بنتي شفتها واكفه بباب الحمام وامها تحاجيها تقربت شلتها باوعت بالحمام شفتها دتسبح والشامبو تارس جسمها ارتبكت درت وجهي رجعت باوعت عليها دتتعلي بسع جوه الدوش بنتي سكتت اندارت التقت عيني بعينها درت وجهي راسن وهي جرت الخاولي عفتها وطلعت اسكت بنرجس بنتي طلعت لفت الخاولي على راسها وتعطرت اباوعها وادير وجهي واهز بنرجس شفتها طلعت من الثلاجه عصير خلتها بالكلاص مال نرجس نرجس اشرت الها تريده مدت ايدها نطتهيا باوعتلها متباوعلي ابد اباوع عالبيت يلمع صار بضرف ساعتين خليت نرجس بحضني لزمت الفون اكلب بي كعدت عالميز تواليت مشطت ضفرت ضفيره هنديه مااعرف ليش مركز وياها يمكن مستغرب وخايف من برودها تقربت على نرجس اخذت الكلاص لان فرغ باوعت بوجهه ابد متباوع لدرجه حسيت روحي شفاف ومدتشوفني غسلت التومي الكلاص ورجعته واخذت السبه وطلعت للسطح لمت الهدوم واني داكلب بالجهاز. بيدي ونرجس متمدده بفراشي دتتفرج كارتون وتهز برجلها كزكزت على رجلها نصيت عضيتها على كيفي كامت تتنعوص طبت امها شغلت اوتي جريت نفس وبدت تكوي بقمصاني 50قميص والبناطير كلهن بالساعتين تكوي دك تلفونها عالشاحن مخليته صامت اباوع عليه منتبهت مكتوب حزام الضهر
مكتلها ديدك وكفت بدلت تراكسودي ونزلت جوه كعدت يم ايمن وره موده مرته وبقينا نفمر عكب باجر شنسوي وشنوصي للمهر
ايمن- زين شلبس اني
قاط غير
ولك القاط الجبته الي بالعرس مالتك الستره واكفه
لا بربك مكرش
اي والله
ههه دكوم بدل دنشتري حتى منحير باجر بس الغراض ندزها الكاسات الهاي حتى مننخبص وبعد ديجيبون الغرفه
ها ديله لعد
صعدت شفتها بعدها تكوي ونرجس تكمز وهي تحاجيها من طبيت سكتت رحت للكنتور طلعت قميص من القمصان ايباه هذا القميص نسيته لان جان وصخ وممودي للمكوي لبسته ولبست البنطرون تعطرت وطلعت شميت ريحه اكل مديت رلسي بالمطبخ شفتها دتكلي سكالوب. طلعت باوعتلها متباوع ابد يطبج طوب اني هم ممكطع روحي نزلت جوه ايمن بوجهي صار كال
هذا واحد حلو يريد بلبل شنو جتي
اي
وينها لعد لج بلبل
ها ايمن
لج هلاو عابت متنزلين تسلمين مو عود اني عريس
ولك مبروك والله مادري بيك جيت
غير جبت مرتي عبالي موهنا حان خليتها تصعد تسلم عليج عود انتي الجنه الجبيره وهاي
ههههه عابتلك يله نتشاوف بمهركم انشاء الله
دتعاي اكو واحد عبالك فرنسي بره كال اريد ابابيل
من. عكدت حاجبي غسان يباوعلي معاجبه مباوعتله ابد جريت الحجاب ونزلت حجابي هالفتره ضلطته اكثر من كعدو اخوتي ويايه وكلي كرار شكد مجنتي محافضه عروحج هسه اريد تحافضين اكثر مو بت ابو كرار اللي تنزل راس اهلها وتفتر بالبيوت وتفضح العالم انقهرت من كلامه وحلفت غسان ميهمني بعد --- نزلت اشوف منو مديت راسي شفت كرار بالباب ابتسم من شافني ركضت عليه حضنني
شونج حبيبي
زينه كلش تعال اعرفك على خاله وايمن
لالا اخجل هاج هاي فون نزلتلج كل البرامج عليه العالم كلها عدها انترنت بس انتي
شسوي بي
لا تحتاجي هسه وبعد محد يمنعج شفت رجلها طلع وراه ولد فتحلي الباب وجهه يضحك اندارت ابابيل
كرار باوع هذا ايمن الكتلك عليه
ايمن- سلام
هله ياب مديت ايدي صافحته وراه طلع غسان باوعتله يباوع معاجبه مديت ايدي مد ايده سلم من وره خشمه
ايمن- تفضل يابه تعال فوت انت اول واحد يشوف بيتنا بعد التعديل
ههه لا يابه داروح ابن خالي ينتضرني
ابابيل- مديت راسي شفت عبد الله بالسياره نصيت جان ميباوع لناحيتنا رغم كل عيوبه بس ماانسى وكفته ويايه سلم كرار وراح لزمت التلفون ارقى موديل شفت غسان ديباوع عليه درت وجهي وصعدت فوك بقيت اكلب بالجهاز حتى فيس مسويلي وميويلي اضافه لبيجات طبخ يدري بيه اموت عالطبخ. نرجس يمي تتفرج كارتون واني اكلب بالصفحان مال طبخ نسيت روحي والوكت مشه بسع طكيت صوره للسكالوب المسويته ونشرتها وبدت كومه تعليقات واعجابات كيفت دزتلي مرت عمار طلب قبلته اني اعرف كلشي عن التواصل الاجتماعي بس غسان بوكتها مقبل يشتريلي جهاز كال يلهيج وراها اشترالي بس مقبل انزل برامج الفيس بس فايبر حتى من احتاج شي اخابره قبلت الطلبان اخوتي وخوات مرت عمار وبنات خالي وبنت خالتي الله يرحمها
سلسبيل
سمتها والدتي خالتي الصغيره اللي تمرضت اثناء فتره نفاسها بحمى النفاس وماتت وامي رضعت بنتها لحد ما صار عمرها سنه واخذها واالدها وتزوج بنت خاله وبدت معاناتها جانت كل اسبوع تجينا تبان والعطله كلها يمي لحد ماصارت مراهقه. والدها منعها لان عدنا شباب كمت اشوفها بس بالاعياد ببيت جدو ونبقى نحجي للصبح اختي بالرضاعه وصندوك اسراري الوحيده الجانت تعرف بعبد الله وليش تركته هي دخلتلها حسابها مسويته باسمها سلسبيل خالد حجيت وياها ودكيتلها وبقيت احاحيها لل1بليل نسيت نفسي حجيتلها كلشي بجيت وضحكت وحجتلي كلشي وهم بجت وضحكت عرفت انها تخرجت وصارت معلمه وبعدها ممتزوجه على الرغم من انها جميله بس هيج مكتوب الها وبعدها مرت ابوها تعاني منها ووالدها حنين يكسر ويجبر هذا كلشي عرفته عنها واني احجي واضحك انفتحتت الباب غسان فات فزيت باوعلي مستغرب درت وجهي
باعي باجر اخابرج حروح انيم نرجس هههه ماشي الله وياج لا لج شوكت متردين دكي عادي يله باي اي ههه باي الله وياج سديته وربطت التلفون عالشحن لان خلص شحنه التفتت على نرجس تباوعلي وتلعب بشعرها نعست غسان مشال عينه واني ماباوعله طب للمطبخ سمعته فتح الفرن طبيت سويت ممه لنرجس شفته دياكل سويت وطلعت من المطبخ شربتها ونامت طفيت الضوه ونمت حسيته اجه للحمام وفرج اسنانه وتقرب للفراش ينام بهدوء نطاني ضهره سويت روحي نايمه كلشي يذكوجرني بذيج الايام وشون نزلت نفسي ورحت لبت عمه وبيت عيال ذيج اكره روحي واكرها لياحال وصلني مكدرت شلت مخدتي ورحت للهول جريت جربايه نرجس ويايه لان بيها جروخ ونمت براحه تعلمت انام وحدي غفيت براحه الحمد لله ربي طلعته من كلبي
غسان- حسيت الصبح شفتهامو بالغرفه باووعت مستغرب حتى جربايه نرجس مو هنا رحت للهول لكيتها نايمه عالقنفه استغربت دورت التلفون مو يمها نفس مكانه عالشحن رحت عليه فكيته احدث نوعيه حتى احدث من جهازي كلبت بي اخر مكالمه سلسبيل عالمسنجر قفلته ورحت للمطبخ توقعت محضره ريوك كلشي ماكو لبست وطلعت خابرت نرجستي تصبحت بصوتها الحلو
كلبي
ها عيني كعدت
اي
وين نمت البارحه
بغرفتي ليش تنهدت فرحان يغار حبيبي
اي همست
لتخافين نامت بالهول
ها شعجب
سكتي كارمتني بسكوتها
اي شفتها بس تريد الصدك اخاف منها اخاف الهدوء اللذي يسبق العاصفه
لتخافين واني موجوده كم مره كتلج
اي حبيبي يله حتريك
واني مالي ريوك
ليش متريكت مريكتك
لا والله ههه غير تجين تريكيني
مبقه شي عمري عوفها
لا يابه لابسه يطبها هرشي
ديله حبيبي باي
باي سديته ورحت للمكتب بعد غياب12يوم باجر مهر ايمن لازم اخلص اموري حتى باجر مااجي كملت الشغل لل10بليل يله رجعت للبيت لكيت شهوده يمنا وديحضرون الكاسات. وابابيل وياهم ملتهين زين اني ميت جوع صعدت بدلت وفتحت الفرن اكو كبه طلعتها وكعدت اكل كملت ونزلت جوه حجيت وي ايمن و امي خاف محتاجين شي شفتها اخذت بتها وصعدت بقيت للوحده جوه وي محمود وراها صعدت شفتها مطفيه كلشي ونايمه عالفراش مالتنا جريت نفس وذبيتها فتت سبحت وطلعت تمددت بفراشي انداريت باوعتلها من تنام تعكد حاجبها نوبات بقيت اباوع بوجهها دك تلفونها مثل رنه التعليق الاعجاب بالفيس رحت عالجهاز فكيته شفت ناشره صوره الكبه عالبيج مال طبخ ذبيت الجهاز تنعدت رجعت تمددت جريت الجرجف اتغطى تحركت جنت مندار عليها فكت عينها باوعت على جسمي متباوع بعيني ابد نضرها صار على جوه ركبتي المكان اللي تحبه هي دارت وجهه شالت مخدتها وجرت سرير نرجس وراحت للهول سويت نفسي نايم ويطبها طوب دزيت رساله لمرتي
اريد تنيميني
حبيبي مو مرتك هنا
ميخالف نامت بالهول
ماشي حدكلك
اوك
دكت رديت. همس الو عمري تعبااااان
ادري حبيبي ادري قبل شوي يله جيت لان شفتك من البرده
تنهدت جسمي مكسر وراسي طبل
ميخالف يجي يوم اخلي راسك بحضني وترتاح
اوف يابه مجرد انخيله اووون
ههه يله تنام كلبي
اي حبيبي بقيت على نفسها لحد مغفيت كعدت الصبح على بجيه نرجس فزيت ذبيت السماعه كمت بعدني ميت نعس بس لازم اروح اكمل شغلات حتى ارجع من وكت كمت توقعت مسويه ريوك لان كعدتها نرجس طلعت للمطبخ شفتها كلشي ممسويه ونرجس بحضنها دتهزها على رجلها وتكلب بالتلفون بقيت اباوعلها متباوع تخوصرت متباوعلي
كومي سوي ريوك نترت
مرديت وكانما مسمعته بقيت اكلب واهز نرجس
مو وياج لجج نترت
هم مرديت كانما مموجود هز راسه متحلف واني عيني بالتلفون وطلع من البيت وراح لازم يتعلم اني لخاطري ولخاطر نرجس داسوي عشا وغده واليبقى اخلي بالفررن يله ميخالف تجي نرجس وبعد ميحتاجني واخلص ------
