البارت ٤٣
كاعدين بالعزه داوزع بالمي لان سلسبيل ومرت ابوها انهد حيلهم وميصير يكومون لان الناس تجي تعزي بيهم اني ومرت عمار حرنا بالتوزيع اوزع وانشوف مرت عم غسان كاعده تباوعلي بشماته والنسوان داير ميدورها شون مدري شون يباعون بقيت صافنه وزعت اخر شي مره من جيراننا التحف سالتني
ها ابابيل شونج تزوجتي
باوعتلها متفاجئه عكدت حاجبي لا خاله متزوجت جريت نفس داارفع روحي من النصيه مال توزيعه لان نصيت عليها بالصينيه ردت كالت لعد عليمن تركتي رجلج هنا بقيت صافنه التفتت على مرت عمار عكدت حاجب بغضب تباوع عالمره المره نصت راسها نمل جسمي من الخجل شنو قصدها شكايلتلهم هاي العار كملت توزيعه ومرت عمار ضلت كل مترفع المره راسها تخزرها لحد ماراحت
اني صرت اعصاب راحو النسوان بقت وحده جيراننا ارمله مقربه النا جانت كاعده وياهم حاولت تردهم وسكتوها انتبهت عليها غيرت مكانها من يمهم راحو بقينا وحدنا وهي هم ضلت كاعده ساعدتنا باللم وتباوعلي بالم كالت
يمه لتهتمين الناس ميخلص
خاله بروح العزيز عدج شكالت هاي الحقيره
مكالت شي
خاله لعد تقبلين يجيبون بسمعتي دمعت عيني نصيت راسي كالت يمه حشاج قابل منعرفكم انتو شنو من الشي بس هاي وحده لغويه لتهتمين
خاله بس فهميني
يمه شفهمج
شكالتلكم عليه
تكول مو هي طلبت الطلاك نسيبها طلكج لان لكفج وي واحد طالعه
عززززه بعيني لطمت على وجهي عزه لج الله لاينطيها رجعت للبيت متت قهر ومرت عمار تهدي بيها وتتحلف ثاني يوم هم رحنا جننا مقررين اذا حجو مندير بال لان حيل تاذيت والموضوع قررنا يضل بيننا اني ومرت عمار رحنا شفت نرجس جايه وامها شافتني نرجس رفعت راسها بشموخ يووو هاي حبلت هتكرع راسنا يابه شبعي بغسانج تقربت مرت عمار وزعت الجاي جان تكولها بكل صلافه امها
هاي شون متحملتها بالبيت وياج وشون اهلها مكتلوها خلاص هاي لو بتي اذبحها
اشوف مرت عمار خزرتها وكالتلها طلعي بره اباوع نرجس تنغ بامها وتباوعلي اريد اعرف شكو حتخبل كملت تلملم واسمع نترت مرت عمار بامها بهدوء خاله تفضلي طلعي بره وفعلا شوي وطلعت هي وبتها والعالم تباوع اسمعها بالطرمه تدردم وي امها
ماما شكو حجيتي هالحجي
يمعوده والله لا افضحها فضيحه لعد بس هي تفضحج هههه ام الزلم ام التلفونات
ماما يمعوده جايين نعزي
اني هنا تخبلت نار وطلعت من راسي بس ردت العزه يخلص واكعد وي مرت عمار راحو الناس وجرتني سلسو
ابابيل لخاطر الله لتهتمين الله يرحم ابوج جان يكول حلك البلوعه ينسد وحلك الناس مينسد
هي شكالت وينها زينه
ها بلبل
هاي الحوبه شكالتلج
ممكالت شي يله سلسبيل كملنا تنضيف اني حروح
والله تعبتكم ويايه
تعاي وين متباتين
لالا ابقي انتي يم سلسبيل واني ابقي نرجوسه يمي جريت نفس
راحت زينه واني النار تاكل بيه اريد اعرف شحجت شفتها حجت وي سلسبيل يله اضل انك بكلبها بليل تحجيلي
مرت عمار - رجعت للبيت جنت قبل 3ايام مخابره عبد الله مبلغته برفض بلبل
الو
ها خويه
ها بشري
مموافقه باوع هاي متعقده من الزلم بابا طيها مجال توها عدتها طلعت
موافقت مو بابا يا من الزلم اني من جانت بنيه مخلي عيني عليها وادزج وتدري ونضراتها وابتسامتها تبين انه موافقه شو كتلت نفسها على غسان وهيه هم رفضتني بابا هاي كارهتني الي
والله خويه مادري يكول عمار بس كتلها ميقبل تكملين كالت ماوافق
ها والله لو كاييلها اخليج هم متقبل اني مو على شي بس اخاف عليها من الروحه والجيه وشنو ناويه تتوضف يعني من تكمل همه مهندسين كاعدين بله تعيين هاي بطرانه
والله خويه مادري
اووووف روحي زينه روحي
لتقهر روحك اكولك امي ليش مجتي اليوم بالعزه
تكول البارحه جيت
ها كيفها ديله باي
الله وياج --- سديته واني نار اعصابي منهاره ليش هلكد مطايقتني اباوع لروحي بالمرايه والله حتى احلى من غسان اووه راح ارجع انقهر من اول مره رفضت هاهي بعد متفتح حلكك وترد تتقدم يعني لو مطلقه راح تقبل شلتها من. راسي بتاتا لو تنصب ذهب هم ماريدها بعد----
ابابيل-
ابابيل
كعدنا بليل وضليت الح على سلسو متقبل تحجي اخر شي مرت ابوها كالت
كوليلها خل تعرف هالحيه شتكول عليها توكفها عد حدها
ماما لخاطر الله علاج الجاهل التجاهل
يمه مو بهيج حالات لازم توكف عد حدها لتضل تخربط
بلبل- بقيت صافنه هاي شحاجيه لعد اذا مرت ابوها لسلسو محروك دمها جريت نفس خاله شكالو فدوه بروح عمو كوليلي
يمه حجي بسمعتج تكول لاكفها وي واحد وطلكها وتكول لمرت اخوج هاي شون عايشه وياها بنفس البيت لو بتي جان ذبحتها خابري عمتج كوليلها ترضين بهالحجي ينحجي عليه
بلبل- بقيت صافنه جامده جسمي يرجف صدك غديت دم خابرت عمار اجاني اخذني طبيت منهاره لاهلي. عمار بهدي بيه واني نار اصيح وابجي اخر شي حضنني همس باذني
فدوه اروحلج حسبيهم تراب وطار عوفيها شتحجي خل تحجي
عمار تطلكت ومخلصت
لا خلصتي عوفيهم من شوكت احنا نهتم بحجي العالم
هزيت راسي بس شنو ممسوره احس اخجل اطلع بعد للشارع ابتعد عمار يباوع بعيني وامي تباوعلي وتبجي نرجس خاتله وره ماما سمعت دكه الباب باوعلي عمار كال تره هذا عبد الله عازمه عالعشا عبالي حتبقين بيت خالتي. عادي لو اخذه ونطلع بره نتعشى اني ويا
- لا عادي شعليه منه جريت نفس طلع فتح الباب لبست جبتي والحجاب وطب عبد الله سلم مباوعلي درت وجهي مو بحاله اني جاب عمار الكباب الشوي موصي من بره وكعدنا بهالول فرشنا ولبن وزلايط والطرشي وهالسوالف اروح واجي اجيبها كعدت نرجس يم ياسر ابن عمار تاكل وحده متاكل وي الخبز عبد الله بس يباوعلها يبتسم وهي تضحكله بسنونها الثنين كملنا اكل وشلنا الغراض كاعدين دنشرب جاي اني وامي ومرت عمار على صفحه وهو وعمار على صفحه نحجي عالصار بالعزه بعيد عن الحجي الحجو الحوبه وامها انتبهت ياسر يركض يروح لابو يكولها لنرجس بابا هي باوعتله بقت صافنه خلت ايدها بحلكها باوعت على عبد تضحك وعبد يضحكلها ركض على حضنه كالت لياسر بابا نفس طريقته تقلده عبد شالها يبوس بيها فقد بقيت صافنه عليها سبحان الله شكد حبته فعلا الطفل يحس باللي يحبه
باوعلي عبد انتبه داباوعله صافنه دار وجهه على عمار همس كوم نشتريلهم نتمشى شوي الكباب وكف على كلبي
كوم يله
طلعو الولد واني طبيت لغرفتي خابرت سلسو وحجيتلها كلشي كالت تضحك دتحس بي ابوها ههههٍ.
انجبي لج موصوجج
سديته منها لان الفهمته رجلها بات بيت خالتي تخبل عليها من شافها تبجي كام يلوب الله يخليهم
بقيت افكر طب عمار بيده نرجس نايمه كال غفت بالشارع هاجياها اخذتها منه نيمتها بقه يم امي ينطيها المصرف واني اباوعله
شبيج بلبل محتاجه شي
لاخويه النطيتنياها مخلصت بعدها
لعد شبيج احجي شتريدين تكولين
جريت نفس خويه اني موافقه على عبد
ابتسم ودار وجهه رجع باوعلي. ماشي هز راسه ماشي بلبل متاكد مراح تندمين
انشاء الله نصيت راسي افكر بروحي وبنرجس لازم رجال يسندني ويسندها عبد الله يحبها ويحبني حتى لو عده جانت مكسرات اكيد هسه تركها لان كبر وحجي العالم دمرني خل اتزوج حيضلون يلغون صعد عمار فوك
عمار- خابري اخوج بلبل موافقه
هاا شنو
موافقه عليه كالت
ها اي بباجر اخابره
ماشي
نام عمار واني بقيت صافنه صار نار من كتله رافضه هسه يعرف من وره حجي العالم ثاني يوم الصبح بس طلع عمار للشغل خابرته للمكتب
الو عبد
ها الله يساعدج
هلاو حبيبي بلبل قبلت
شنو
وافقت
لا والله ومنو كال اني اقبل
ليش مو تقدمت شهالحجي
بابا عندي عزه نفس وكرامه اني شنو هالخريط رفضتني وهسه من سمعت الخربطه مال عالم خافت لو من شافن بتها جتي على وكالت بابا اني ماريد
عفيه عبد لتسوي هيج
شنو الماسوي داكولج ماريدددد صحت
عبد الله الله يخليك هي بعدها تعبانه مال زواجها الاول
اي اني هم تعبان والله وكلبي خلصان متزوج مرتين ومطلك مره عاقد ومره زواج فعلي مالي خلك اجيب وحده قبلت بيه علمود بتها لو علمود تخلص من الحجي
لك هاي بلبل
والله لو تصير كناري ماررريد داكولج
هسه اني شكول لعمار عفيه لتخجلني وياه فدوه
كوليله عبد الله لكاله غير وحده
هذا شون حجي
هو هذا العدي ولي يله عدي شغل
اني معليه انت خابره وكوله
هو المن نطه الم افقه خابرني الي وكلي لو كلج الج
اااكلي الي
هاذ هو لعد يسمع الرفض منج لو متصل بيه اني اكوله يابه لكولي غير وحده ومشينا عليها
مراح يكولك ليشمكتلي احضر مشيتك
يووووو زينه روحي مالي خلكج
اي زين زين كيفج خل اخابر امي احسنلي
امي شعليها بابا
هي دواك
زينه تره بديت افور وحطلع القضى والمضه
كيفك كيفك----
