#البارت الواحد والعشرون
طلعت من يمه لهفه لهفه بكلبي مااعرف شلونها نفس الدكه القديمه ونفس الاحساس والرجفه بس اقوه قاطاااات طلعت بالسياره واحس كل اغنيه تطلع بالراديو تجسدني حسيت روحي ودموعي تحرك بخدي عبالك تحفر بي كانما هالدموع راكده من زمان مثل المي الواكف بالبير المتكلس من يطلع بعد التكلس يصير يحرك الايد هيج تخيلت روحي دموعي صارت تيزاب وصلت للبيت نزلت وعيني على باب بيت عمي الفرع صنننطه جريت حسره بس والله تفزز الروح حسرتي طببت السياره لطرمتنا شنو من فاصل من دنيتي والناس العايش وياهم عايش بس بخيالي وافكر هيه هم هيج لو بس اني بس عبرتها ورجفه حنكها تكول مذبوحه طبيت وسديت الباب سمعت صوت ايمن ورايه
هااااا حمد الله عسلامتك
التفتت عليه صافن عبالك اني شخصين مو واحد واحد عايش وي نرجسه والثاني عده هاي العائله اللي تحبه بلعت ريك --- هلو حبيبي ايمن كلتها بتعب تقرب باسني بس عيونه بيها ميت سوال اني اباوعله وادير وجهي انتبهت عليه باوع لبيت عمي رفعت راسي مثل الذكرني باوعت لشباكها القديم شفت البرده تحركت اخخخخ ياروحي اللي احتركت بحركتها كعدت شكو ذكرى بقيت رافع راسي حتى ايمن كمت ماشوفه ليش هلكد اني متاثر على كوله ابو مصعب لا اني اول ولا اخر واحد العالم دتموت بزرتها بديها ليش اني هيج طبيت وايمن احسه خايف مني وعليه من عيونه حسيت بي كعدت بهول اهلي ماريد اصعد رجعت تمددت جتي امي كالت
يمه تغديت اكلت شي
لايوم مااشتهي جرت نفس بحسره كعدت كدامي ايمن راح وسد الباب على كيفه باوعت لامي تقربت مني خلت ايدها على راسي شلت راسي من يده القنفه نمت على حضنها ضلت تقره على راسي واني صافن اريد اعيش لاول مره اريد اطيب من حبها هسه هي تزوجت هالدتسوي كله ماله فايده بس كلام الحارث صح يجي يوم تصير عادي هاي لان اول لقاء ---
يمه شبيك
مابيه حجيه شوي تعبان مال سفر
غسان يمه اني امك
والله يمه مبيه شي جرت نفس وكالت
يمه حبيبي كلمن عايش حياته وانت هم صار عدك عائله شنو ذنب نرجوسه صار شهرين مشايفتك وتالي تشوفك ساعه زمان وتطلع من البيت شنو ذنب ابابيل
يمه عدي شغل غمضت عيني وطلعت اكمله ماريد احد يكولي انت مقصر ويلوم بيه
اي يمه ادري انت شايل همنا كلنا بركبتك
يمه فدوه لتكولين هيج. كعدت عدل كمت من حضنها رجيت جسمي بكفوف ايدي عالقنفه وكفت
ها حتصعد فوك
باوعتلها لامي جريت نفس هزيت راسي بله صوت صعدت فوك بالكوه طبيت ريحه البيت ورد نرجوستي نايمه بفراشها معلوك قران بصوت هاديء طبيت على كيفي تلمست شعرها وغطيتها زين ورايه صوت ابابيل كالت
الله يساعدك حبيبي
هله التفتت عليها عيونها وارمه من البجي ووجهه مبتسم درت وجهي فركت وجي بايدي وكعدت عالجربايه رفعت راسي باوعتلها تباوعلي بفرح رجعت نصيت على رجلي انزع الجركز ركضت على رجلي تنزعني رفعت رجلي تفركها بحنان بقيت اباوعلها بالم شنو ذنب هالطفله بله تمددت كالت
لعد متاكل
مااشتهي همست وعيني عالسكف اكلتي ؟؟
لا داانتضرك
روحي تغدي معليج مني
اوك ركض تغديت ورجعت تمددت يمه لكيته غافي يشخر غطيته وطفيت الضوه مااعرف شمنتضرني والله يستر نمنا ب9 بالليل ذبيت روحي محسيت بعد من التوتر الجنت بي
غسان- ساعه وحسيت باوعت عالساعه ب11 الا ابابيل نايمه بصفي جريت نفس باوعت لفراش نرجوسه نايمه كمت على كيفي طلعت للسطح رفعت راسي على سطحهم افتر واباوع على مكان وكفتها القديم صوت الطابوكه من يتعدل ولهفتي القديمه غمضت عيني دك تلفوني الحارث يسال حاجيته طمنته وسديته سمعت خطوات بالسطح مالتهم بلعت ريك بقيت جامد بعدها سمعت انسدت الباب مال السطح فززت روحي سمعت الزلج غمضت عيني كعدت عالدرج مال السطح العالي ثكل جسمي بقيت صافن ارتجيت بالمحجز مال الدرج ثللج صاير بس اني محسيت بي الا بعد مرور ساعه واني على هالحال غركان بذكرياتي حسيت ببروده كمت ورجعت طبيت للغرفه نمت بالكوه حسيت الصبح على صوت نرجوسه مخنكه من تبجي فزيت وابابيل فزت ويايه شلتها تصمط ولج هاي مصخنه باوعت لابابيل بقلق باوعتلي وتقربت لزمت راسها ضلت نرجوسه تبجي ولزمتها البارده اباوع ساعه سبعه تذكرت بهاء شون ادز عليه وين اوديها هسه هاي مستشفياتنا الطايح حضها لزمت بلاعيمها تصمط لبست بجامتي ونزلت صاحت ابابيل وين حتروح
ادز علو بهاء لزمت التلفون دكيتله دكتين ورد مبين مجان نايم من صوته كال
ها غسان حمد الله عسلامتك
حبيبي بهاء الله يسلمك
ها كول خو ماكو شي ضل بالي داك من الصبح
ولو ازاحمك انت بالبيت
اي بعد مطالع
تكدر تمرلي هاي فد مره مخنكه
منو نرجوسه
اي والله
ديله جيتك ها اها
ممنون
لا ياب شنو السالفه
شو وانفتحت الباب اجه ناحيتي بقلق صعدنا راسن فوك دكيت الباب كتلها لبسي بهاء هنا لبست وطب لزم راسها فتح حلكها ونرجوسه تصرخ ---
يووو هاي بلاعيمها فول
تالي
يابه ابره تكعدها وزن
هسه اجيب من الصيدليه
لا هسه اخابر --
كالها شال التلفون وصفن بوجهي بقيت اباوعله مستغرب شبي هذا --- شكو
لا هيج احم التلفون دك مجبت اسمها ماريد يتحسس نفس الوكت محمود كال خلوها عاديه الشغله من تضلون لتكولون كدامه ولتكولون كدامها حتخلوها براسهم وغسان هسه عايش حياته ومكون عائله -- الو هلو هلو اكولج اريد ابره مال التهابات اي هسه حمرلج الله وياج سديته ضل غسان يباوعلي بتساول انهزمت من عيونه باوع هسه اجيبها واجي اضربها الها
ها اي يله كيفك
رحت لصيدليه نرجس اختي جبت الابره وجيت اضربها ضربتها ودك التلفون كملت وضل نرجس بنته تصرخ لبستها امها وتسكت بيها ردت عالتلفون
الو ها اي ضربتها خوش اي من ارجع الضهر ادزه ماشي هسه جايج ---وين حاطتها---هسه اجيبه ويايه سديته التلفون منها بقه يباوعلي بقلق بس يريدني اكول هي لو مو هي كال
شنو منين جبت الابره
هو من الصيدليه
همم انت هسه دتشتغل وين قبل لا اطلع كتلي تركت الشغل وي الجنت تشتغل عده
ها اي دااشتغل بصيدليه رجل نرجي اختي -- شفته عكد حاجبه هز راسه بهدوء بقه بهالحاله
يله يابه اترخص انس
الله وياك همست بقيت صافن يعني من عدها الدوه والابره يعني بدلت ورحت للشغل تريكت هناك شوي وخابرت شهد بالي يمها
الو ها حبيبي شونج شونه النونو
زين الحمد لله شوي تعبانه
يله ميخالف قوي روحج اكلي زين مامو شي عاجبج
اي والله منگا ومحمود كلب الدنيا عليها ومديلكاها
وانتي ماكلتها قبل هههه
لا والله بس شفتها بالنلفزيون وحمض حلكي
ههههه ديله اذا لكيتلج اجيبلج
الله يخليك النا ---
سديته منها ورجعت دكيت لابابيل اسال على نرجوسه كالت احسن ارتاحيت وكعدت اشتغل لليل رجعت اكلت ونرجوسه فاكه الحمد لله خابرني صاحبي وصيته على منكا الصبح جان ديجي لبغداد من دهوك وهستوه وصل كال اني يمكم داانطيك الامانه وفعلا مرلي واخذت المنكا منه لبست
ابابيل- ها حبيبي تطلع
هسه بس امر لبيت شهد متوحمه على منكا ورجلها ملاكي ببغداد
ها صفنت شنو عرف بسالفه نرجس لو لا احجي بداخلي قاطع تفكيري
محتاجه شي
لالا سلامتك
ياه ثيماللا
الله وياك
طلعت تمشيت وصلت لشهد بقيت ادك بالباب كومه يله فتح محمود-- ادري مذهب الحلو نايمين توها ب9لاوالله هاي شو متخربطه وحايرين بيها
شبيها شكو
مادري فقر دم
لا بربك خاف متاكل
لعبان نفس وكلشي متكدر تاكل طيحت حضي
وينها شو شويه خل ارزلها طبيت كدامه ذبيت شحاطتي بالباب سنعتها تحجي وي احد التفتت على محمود عكدت حاجبي مستغرب
منو يمها ويامن دتحجي
ها اا وي شسمه
سمعت صوتها بلعت ريك اي هي هذا صوته هاي لهجتها اخذتني رجلي الترجف وبيدي جيس المنكا مديت راسي لغرفتها محمود جر نفس ورايه شفتها دتطلع الهوه من الاصرنجه دتريد تضرب شهد بالكانونه بلعت ريك من وكفتها ثكلت حيل ردت اوكع صارت عينها بعيني ارتبكت بقينا صافنين حتى الحجي خلص صوت شهد مثل الصدى
هلو غسان متحرك راسي عن نرجسه ولارديت على شهد اصلا مااكدر ارد ولاهي كدرت تتحرك حركه وحده وجهها ذبلان وعيونها تعبانه ولابسه اسود صوت محنود ورايه
نرجس الدوه حيتلف
ها اي اي ايدي ضلت ترجف اريد احقنه بالكانونه مدااكدر بعد كعدت باوعت لمحمود همست خابر بهاء اني حروح
اوك جريت حسره
نرجس- فتت من يمه ملتفت بقه صافن على مكان وكفتي للقديم طلعت من بيت محمود ورجعت الطريق كله ابجي راشهك انعل ابو الدنيا يتبو الفقر يابو حتى اهلنا
غسان- انفضحت ومو بيدي مداسيطر على روحي خليت الجيس يم شهد وكعدت ضلت تحجي ويايه اني مداافهم شدتكول لحد مااجه محمود طلعت من البيت امشي بثكل ليش هسه بيت اهلها دائما شنو الصار ليش دائما اشوفها مكدرت بعد شلت التلفون واني بالشارع دكيت لشهد ردت
الو ها غسان
شهد احد يمج
لا محمود طلع يتسوك
شهد شوكت جتي نرجس سكتت شويه وردت
صار شهرين وكم يوم
ليش هسه مو كالو تستقر بره
حبيبي انت كلشي متدري مو
شكو شادري
تره نرجس زوجها مات
هاااا كعدت عالرصيف رجلي مشالتني بعد شنو شون وشوكت
كتلو خطيه
بقيت ساكت افرح لو انقهر عليها سديته من شهد خليت ايدي على راسي شووون يربي اخذها ومحد يفتح حلكه اكلبها للدنيا محد يكوولي لاا والله حتى شهد اخليها تطلك من محمود اذا رفضت امها العكربه رجعت للبيت صعدت فوك يمكن احس روحي اقوى من قبل بس ليش مخابرتني ومكالتلي يمكن لان بعدها بالعده بس شون تطلع لعد غمضت عيني ونمت مرتي صار شهرين ممقترب منها مال نفس احساسي بس بكلبي وهاذ هوو
