#البارت الخامس والعشرون
رجعت خايفه بس لا هاهي بعد ماعدي شي اخسره للعصر طب غسان والمسواك بيده كان وجهه قلق والتلفون كلسا يجي يمه يشوفه ويرجع يشمره احساس الانتصار مااعرف منين جاي برود فضيع صبيت الاكل ىكعدت اكل حتى مصحتله باوعلي عاكد حاجبه
ها صبيتي
شدتشوف احجي وماباوعله
اكو شي بقيت اباوعها
لا كلشييييي ماكو باوعتله ببرود وكملت اكل مد ايده ياكل بدون شهيه ابا وع على رجله تنهز بتوتر لكمتين ودفع الماعون ويتافاف مهتميت كملت اكل شفته كام نزل جوه لميت الميز ولفيت راسي ونمت اني وبنتي ساعه وصعد ---
غسان- موتتني من البارحه مسامع صوتها ولا رساله منها وصلتني الوب خلتني مكدرت شغلت ورحت لصيدليتها مموجوده بس بهاء شفته وطلعت كبل بالسياره رجعت للبيت رفعت راسي لغرفتها ماكو حركه برده اخابر مترد مذهب الحلو وينها هم اروح بيت عمي والله انلكف هسه غير تخلص العده النوب حتصير شطولها براسي هي اصلا ملازمه عده بس الناس تاكل وجوههنا اهووووو عفيه نرجس كضيتها وياها حيه ودرج بقيت بالطرمه والتلفون بيدي وين اولي اخير شي صعدت انام تعبت طبيت لكيت ابابيل نايمه بلبس مغري يمكن صار سبوعين ممقترب منها احساسي صار كله بكلبي وي نرجستي بقيت اباوعلها والله كل اليصير بيه حوبتها تمددت شوي ببعد عنها نطيتها ضهري وراسي ميت حسبه وحسبه ليش نرجس ماكو لحد ما تعبت وكمت اغفي حسيت ابابيل تقربت من وره حضنتني برقه بضهري جريت نفس مااعرف شسوي لهالبنيه اتمنى الصار مصار واني متزوجت غمضت عيني شوي واحس رجفت جسمه تبجي بخنيك اللهم طولج ياروح همست
شبيج تبجين
فزيت سكتت
االا هيج مسحت دموعي مشتاقه لابويه
جريت نفس الله يرحمه اقريله الفاتحه ونامي ارتاحي
امم
رجعت كعدت وخليت راسي بيدي
شبيك غسان
جريت نفس ماكو شي اوووف ربي اني حنزل جوه يم امي نامي ارتاحي
ماشي
نزلت لكيت امي نايمه طلعت من البيت كعدت بالباب عالرصيف وعيني على بيت عمي والتلفون بيدي التفت اشوف سياره محمود من بعيد طبكت وراها طلعت ومطب لفرعنا لعد ليش وصل لهنا دنيا ضهر فااارغه الشوارع استغربت هو اذا ميريد يجي ليش وكف ورجع مشه طلع من الفرع واني صافن على نهايه الفرع طبت بيت جوارينه للفرع صديقه شهد القديمه لبسها كصيييف مو مثل قبل بقيت اباوعلها مستغرب درت وجهي سمعت بيها تطاكت ورجعو اهلها لبيتهم بعد مااجرو وطلعو لتركيا يسوون لجوء بس مكدرو يتحملون طبت للبيت مالتهم وسدت الباب مادري شون تباوعلي عكدت حاجبي ودرت وجهي فركت وجهي خل اطب كتلتني الشمس وكفت شفت البرده تحركت فكيت عيني يعني دتشوفني دالوب ومدترد شسويلها بله لهاي اني دزيت رساله
هيج هنت عليج دتشوفين شديصير بيه ومتردين
ماكو رد
تردين لو شون
مامو رد العصبيه البيها تخليني مااتحمل دزيت رساله
اليوم جاي احاجي عمي اطلبج خل تحترم الدنيا ردت راسن
لا
بقيت صافن باوعت عالبرده هزيت راسي متحلف دزيت. راح اخابر ردي لا اطبلج لبيتكم
غسان الله يخليك كافي لا اني الم ولا انت الي
غصبا عننننج انتي الي وبسسسس رديت واحس حكسر اهاز من العصبيه
غسان ماريد مشاكل
شمسويلج مو ملصوم ردي مدااكدر اكتب ردييي
دكيتلها ردت وبديت اشمر
والله انعل ابوج يابو امج ليش هيج تستمتعين بعذابي ليييييش صحت بهمس ونار تاكل بضلوعي احس تلعب بيه
الله يخليك وسكتت
شبيج بلعت ريك هديت روحي نرجس ليش تبجين مو كلنا مامو دموع بعد
غسان اني اخاف من المشاكل
اني مشكله لج فكيت عيني باوعت عالشباك والتلفون بيدي اشوفج من المشكله نزلي فتحي الباب
غسان عوفنيييي
بابا كل عقلج اعوفج اني مصدكت ترملتي كطنه وطلعيها من اذنج ماااعوفففج لو تحترك الدنيا بعد
غسان لخاطري كمت اشهك وابجي
لج غير اعرف خرب روح امج ليش تبجيييين صحت بعد متحملت كمت اتلفت خاف يشوفني احد لو يسمعني
غسان روح
مارو وتدرين ماروح وكل زين تعرفين ماعوفج بعد فاطلعييلي بالصافي وكوليلي شكووو
بقيت ساكته جريت نفس ثواني وكال
داانتضر تره نترت بيها وبعدها الرجفه بجسمي ليش هيج دتلعب بيه يوم دلال وعشره عذاب ردت
تنهدت مرتك جتي للصيدليه
هااااا فكيت عيني كملي شصار طبيت للبيت صدك ردت اشك هدومي كمللللي سكتت،
هاهي وكالتلي عوفي لتضل تصيح رجعت ابجي
كافي بجي كااافي وكولشي يصير تحجي لا وحق نبوه محمد احركج واحرك روحي وراج
اي همست
كملي شكالت
كالت تنهدت كالت لو تعوفي لو جريت نفس لو بما معناه هددتني تاذيني
اي مو دااحرك عشيرته اليقترب منج روحي ساعه واخابرج واريد من الله ومحمد و12امام اخابر ومتردين فاهممممه
اي همست الله يخليك ماريد مشاكل
معلللليج روحي
اي همست سديته ابجي شمرت التلفون رفعت راسي للسما ربي انت وحدك تعرف المرينا بي شنو ربي ساعدنا دخيلك
طبيت للبيت شايط طبيت للشقتي ركعت الباب فزت نرجوسه بنتي وابابيل رفعت راسها من المخده فازه شلت نرجس الضلت تبجي نزلتها لامي
يمه شبيك ياستار غسااان تعال بس خل احاجيك
ماكوووو شي محد اله علاااقه كمت ادك على محجر الدرج الالمنيوم قوي واصيح كلشي مابيه ولحد يسال شكو ولا اي احد يتدخل
اي اي سكتنا اخذت بنته واهز بيها ميته بجي
غسان- رجعت طبيت شفت ابابيل ببرود واكفه عالمرايه بقيت اباوعلها بحقد وغضب اذا الزمها بضربه اموتها خليني بمكاني لا ابتلي بيها
ابابيل- كمت من فراشي عرفت كلتله الادبسز اخذ نرجس ونزل حتى ديصعد يتعارك براحته جريت نفس مستعده وكفت عدلت الفرلش ببرود اسمعه يصيح وي امه سبحان الله القوه الجتني رهيبه وكفت عالمرايه اعدل شعري كدام المرايه وهو ورايه ماباوعله
والله من طبيت عرفت مسويه مصيبه
ابتسمت ودرت وجهي ببرود داروح للمطبخ
تعاااي داحاجيججج صحت لزمتها من ايدها بغضب احس عضمه ايدها حتطك جوه ايدي
نعم بس ايدي اريدها حجيت بهمس وعيني على مكان لزمته دااتاذه بس ممبينتها رفعت عيني بعينه كول احجي كلشي تريده
انتي وحده ممتربايه
ههه يااااا والله خلينا التربيه لبت عمك حبيبي عفته داروح للمطبخ
تعاي لج هاي شنو هالصلافه مو داحاجيك بقيت عاكد حاجبي مستغرب كلش وكفت وانسدت بالحايط لان تقربت اريد املخها رجعت خطوه ليوره ادري بروحي اذا لزمتها راح تموت بيدي عصرت جفوف ايدي وانداريت رجعت اباوعلها مخليه عينها بعيني تستفزني
شنو تستفزيني تقيسين صبري
شتريد غسان اي وحت وتعازكت وياها ومزين مسويت فضيحه الها بس انت وكفت بين عيني وشهد بقت اباوعله شفته صار كلش عصبي
دااششششك حلكج تقربت بعد مكدرت لزمتها من فكها اذا تصرفتي بعد هيج تصرف دقيقه مابقيج هنا
دفته مكدرت كمت ارفس بي واضرب --- وديني لعد شكو مبقيني كمت اصيح وفكي بيده عاصره وعينه نار خفت بس كمت اصيح فاقده
شكو باقيه هنا خدامه خددددامه الك دفعته ابتعد كمت املخ بروحي ولك تربه ابويه منشفت ولك شكيت هدومي الاسود بعدني مذابته خاف الله بيه
شمسويلج مقصر عليج بشي شمسوروووووي
شتريد تسوي بعد حتتزوج عليه كمت الطم ولك اني وحدي وانت عقلك يمها مو عاد وياي شريكه
تنجبين وح ميطلع تعرفين كلشي من اول ووافقتي
اني لو ادري تترمل ماااااوافق خرب حضيي كمت الطم والله بعزه ابويه ملطمت هاالطم
انييي لو ادري بيها تترمل مااتزوج اضل طول عمري انتضرها من ساعه السوده الشفتج بيها دفعتها عالحايط انركع ضهرها قوي كعدت بالكع منصيه بلعت ريك جسمي يرجف امي تدك بالباب صار ساعه وتصيح شبيكم واني قافلها مدايرلها بال متحملت صحت
مااااااااكو شييييي روحي عوفينا لحد يتدخل سكتت وراحت بقيت اباوع لابابيل كاعده وراسها بالكع مقرفصه فجها صار بيه زراك بلعت ريك اريد اهدا مدااكدر ورثت جكاره الموضوع لازم ينحسم
باعي ابابيل جريت نفس لو ترضين تنزل عليج ضره لو اطلكج واخذ بنتي ذبيت نفس وي كلامي رفعت راسها تباوعلي بنضره حقد مردت بقت ساكته ونفس النضره اباوعلها رافع حاجبي انتضر جواب ماكو
ها شكلتي كلتها بهدوء لو تكعدين باحترامج لا والله تشوفين شي بحياتج مشايفته وبنتج تنسيها وكفت طفيت الجكاره بالنفاضه سديت سحاب تراكي اللي انفتح من دااتعارك وياها درت وجهي داانزل هسه امي ماتت خوف وهاي تصرخ بعدها نرجوسه توني افتح الباب كالت
ماعدي شي اخسره بعد همست
التفتت عليها شنو قصدج رجعت كعدت على ميز الجربايه اللي يم الباب خل اكعد اتفاهم داريد اخلص احجي شتقصدين خل نفضها
مااقصد شي همست وكفت وضهري احس انفلع من الالم عدلت شعري فكي يون يباوعلي بانعكاس صورتي نضره قلق مو عليه من اللي حيطلع مني
اني العليه كتلج وحذرتج بعد براحتج
هزيت راسي اي عافني ونزل واني ميت فكره خبيثه ببالي وحقد دفين جريت نفس لملمت الهوسه الصار شوي وصعدت خالتي
يمه شبيكم
ماكو شي خاله همست اخذت من ايدها نرجس
شنو ضربج وجهج ازرك
لا اني وكعت باوعتلها ابتسم عجيب دمعه منزلت مني عافتني خاله من شافتني ماريد احجي شي نزلت لملمت البيت ورتبته وسويت عشا تكول كلشي ماكو ساعتين وطب غسان راسن نزع تراكه ونام لبسته تفرجت فلم بالهول ونرجس تلعب تعشينا اني وياها مديت راسي للغرفه شفته ديكلب بالتلفون باوعتله ببرود باوعلي رفع حاجبه ورجع باوع للتلفون تركته يطبك مرض تعشيت اني ونرجوستي ونيمتها طبيت خليتها بفراشها شفته سماعات باذنه ونايم عفته تمددت ببعد عنه وغفيت من التعب
غسان- نزلت من يم ابابيل وخابرتها ردت
الله يخليك اجلتسوي شي
شمسوي بعدني كلشي ممسوي بس كرريها وشوفي اليصير
غسان فدوه صياحك واصل لبيتنا ماريد يكولون من وراها صارت مشاكل بالبيت
عمي اني من ورايه انتي مالج دخل بس لتضمين شي تره والله ابتلي بيج
اي همست غمضت عيني شايله هم همست ضربتها
لا نترت جريت نفس صلفه ادبسز
حقها لو ياخذوك مني وانت زوجي احرك الكائنات
من اول تعرف كل القضيه ومحد ياخذني منج لتخافين
جريت نفس
احجي
شكول
تعبان ببعدج لتعوفيني بعد اذا تحبيني قوي روحج ماادري بيج هيج ضعيفه وراسن تتنازلين
موقفي ضعيف هي مرتك
انت روحي نرجس مااسمح لاي احد ياخذج مني افهمي اني مجنت عايش قبلج واللللللله وحق هو اللللله
اي همست غمضت عيني
احجي
شحجي شكول
برديني حموت نار بكلبي
جريت نفس خايفه
ويايه لتخافين هاي ثاني مره اكولج
اوك سكتت اسمع نفسه المظطرب وسكوته
انت وين
بالسياره كاعد همست
ليش
اريد احاجيج ماريد مخلوق بصفي
بلعت ريك هلكد تحبني
خرب حضي تساليني النوب تساليني
غسان
خرب روحه لغسان هم لتكوليلي غسان
همست قسان
سكتت بيدها اموت وبيدها احتيي
حبيبي
بقيت ساكت مغمض عيني طلعت سماعه البلوتوث ربطتها وهي ساكته بس نفسها اسمعه
دقيقه
اي اوك
ربطتها وذبيت الجهاز همست اممم
ها
احجي
بقيت ساكته وهو ساكت باوعت بالبرده شفته مغمض مكتف ايده ومنزل الكرسي شوي متمدد ابتسمت
شبيج همست ليش ضحكتي
شون عرفت
حسيت همست ابتسمت
باوعتله ابتسم وهو مغمض
ليش ابتسمت
ها زين انتي شون عرفتي
داشوفك لانه
عكدت حاجبي واني مغمض فهمت كلامها فتحت عيني صارت بعينها ابتسمت جريت نفس ارتاحت روحي حركت شفتي بستها بهدوء بااوعتله وباذني نفسها اليرجف عضت شفتها بخجل ابتسمت بلعت ريك
تحبيني
امم
لتاذيني
جج
اه ه ه ه ه همست بهدوء وعيني بعينها
شوكت تزينين بيت عمج
مبقه شي
روحي طلعت
اسم الله همست ابتسمت
بس اكو مشكله
شنو
بقيت اباوع بعينها مبتسم اتمنى ابابيل متتحمل واطلكها لان مااكدر اعدل بينكم الكفه دائما تنزلج خليت ايدي جوه خدي صافن مبتسم عليها ابتسمت وطلعت سنونها
اني اطردك واجبرك تعدل
ممم واجي نص الليل تحسرت واطب لفرلشج بلعت ريك للتخيل غابت عنها الابتسامه نضرتها سكطتني سكتت نفسنا ضل يرجف شون حنكون سوه يمكن من السعاده حموت بقيت اباوع ملامحها التغيرت من حجيت هالكلمه بقيت صافن عالتاثير البريء بعدها نفس الشي همست نعسان
يله كوم اصعد نام
ماريد ترحين بقيت اباوعلها بلهفه ابقي عالخط
لا عفيه مرتك
ششششششش بس نفسج مااحجي
ماشي همست ماشي بقيت اباوع بعينه وهو يباوعلي ذايب رجيت ضهري عالشباك واباوعله من وره كتفي كلبي يدك سريع
اريد انام بعيونج
ابتسمت نصيت خجلانه
اموت من تخجلين ابتسمت
اصعد نام
هزيت راسي وانتي هم نامي
صار
صعدت بقيت اتراسل شوي وياها بعدها تمددت ابابيل نمسويتلي فضل بالهول وي بنتي تغطيت براحه همست باذني
شنو مامو احد يمك
جج بس انتي،
وينها انعصر كلبي اغار عليه. النوب اني ام الراهي
بالهول وي بتها تتفرج تلفزيون
مممم جريت نفس يله نام
لتروحين ابقي طفيت الضوه واسمع نفسها نزعت كالت دتسوي
داانزع
همم غمضت تخيلته تمددت لفراشي
تمددتي?
تغطي زين همست دااتخيلها نايمه وروحي ذابت
اي تغطيت همست لتحجي بعد خاف تسمع
جريت نفس عادي اتنفس
اممم
اوك غمضت احبج
بقيت ساكته
ميحتاج تكليلي ادري بيج تموتين عليه
امممم
غمضت عيني كمت اسمع نفسها بقوه همست
تتذكرين حجينا بليل جننا اوكح من هسه
بقيت ساكته مبتسمه
تتذكرين من حضنتج بالسطح
قسان
عمره
احبك
بقيت ساكت مغمض مسافر بخيالي يمها خليت المخده على راسي ونمت على نفسها حسيت ابابيل جتي نامت بهدوء مفتحت عيني غفيت وكعدت الصبح السماعه خلصان شحنها ذبيتها اذني ماخذه وضع تىجعني بس احلى نومههه التفتت على ابابيل ادور فانيلتي ضوه الشمس طاب للغرفه من شباك السطح فزيت من منضر فكرها صاير زراك بلعت ريك بقيت اباوع عليها كمت من الفراش لبست فانيلتي مستغرب مكاعده تسوي ريوك يعني هي زعلانه عوفها براحتها طلعت للهول شفت الاكل عالميز ومغطه لزمت قوري الجاي يصمط معناها توها سوته بلعت ريك والله لو تقصر تريحني تريكت وطلعت للشغل بلشت شغل بكل نشاط الافكار كامت ركض تلزك براسي وكلسا داز رساله لحبيبي لحد الليل يله خلصت كدرت احاجيها من بقينا. حدنا سالفه منا وحجايه منا اباوع ساعه 12يوو تاخرت
حبيبي شوكت ترجع
هسه حرجع
لعد روح مااكدر احاجيك اليوم مترهم اليوم الها
ههه امرك حبيبي سمعت كلامها رغم صعبه عليه بس ماريد تلزمها ابابيل لزمه عليه رجعت للبيت طبيت كعدت شوي وي امي من البارحه مشفتها سولفت وياها ضحكت طمنتها بهاء يم ابويه ديقيس الضغط كعدت يمهم راح بهاء وضليت اني وابويه نسولف على امور الشغل لل2الا صعدت طبيت نرجستي نايمه شتاقيتلها توقعت ابابيل هم نامت لان ضلمه توقعت بفراشها انفتحت باب الحمام طلعت بالبرنس شعرها شايلته بمنشفه وريحه الغسول نزعت وطبيت سبحت وطلعت حسيت بجوع باوعتلها نايمه بالفراش محاجيتها وهي هم متريد تباوع بوجهي طبيت للمطبخ فكيت الفرن اكو فخاذه مشويه كعدت اكل واتفرج شفتها طلعت من الغرفه طبت الهول دتروح لانطبه لابسه دشداشه مال نوم قصيره وتمشي بهداوه باوعتلها ودرت وجهي مالي خلك رغم غرتني طلعت حليب من الثلاجه بقيت اباوعلها متباوعلي صبت بالگلاص وشربته شايله تك من رجلها لافته عالثانيه بوكفه مغريه بلعت ريك ونصبت عالاكل كملت ووديت الصينيه للمطبخ خليتها عالميز جيت يم الثلاجه الحانت واكفه هي بصفها متباوعلي ابتعدت تنطيني مجال اباوع بياضها وصفاء جسمها نهايه ركبتها واخاذها بنصيه راسي ااخذت كم صوره بس متباوعلي ابد شربت ببسي من باب الثلاجه انتبهت محور عينها على صدري لان ملابس بس شورت ردتها تبتسم وابتسملها واخذها للفراش حسيت برغبه خليت ايدي على صدري تلمست الشعر واباوعله من جوه الكلاص الداشرب بي راسن دارت وجهها وراحت فتت للحمام فرجت استاني ورجعت انام ضهرها عليه نصه طالع ردت اسحبها عليه ترددت غمضت عيني وانداريت ونمت نص الليل فزيت على لمسه ايدها لصدري بس التعس غلبني رجعت نمت وكعدت الصبح فكيت عيني حسيت بيها تبوس بركبتي اني الصبح مزاجي يتعكر كلش دفعتها على كيفي اكوم جرتني بقوه بلهفه باستني تفاجات بلعت ريك اباوعها ملابسه شي غمضت عيني تقربت منها ومغمض كالعاده تعلمت مو اله اتخيل غيرها بس اخذتها عادي من اتقرب منها اغمض وهالشي يزعجها اعرف بس موبيدي متعتي هاي فتحت عيني باوعتلها تباوع مبرطمه بلعت ريك
شبيج
همست اني منو
ابابيل بلعت ريك
لتتخيلني غيري
لالا همست ببرود كملت وابتعدت عنها فتت للحمام وحجايتها تاذي لتتخيلني غيري شون راح اعدل واني خيالي شنو خيالي مو يمها طلعت تريكت ورحت لشغلي
ابابيل مدام تقرب مني يعني اكو امل يرجع الي وحدي كمت عالبييت اليوم يتغده هنا سويت الغده تحضرت بالغت بالدلال حضرتله المعجنات اليخبها سمعت صوت السياره فاتت للبيت ايمن وعمي موموجدين وخاله هالوكت الضهريه تنام بقيت انتضر ماكو ساعه ساعه ونص شنو السالفه اني سمعت سيارته نزلت شفته من الشباك بالحديقه وعينه على بيتهم مبتسم دز بوسه طايره بالهوه معناها ديشوفها اباوعله ملامحها وياها غير لازم احا ب علموده انساه اذا اخذها انساه معناه اني اعلمك يا ام الرياجيل شسوس شسوي طلعت للطرمه صحت غسان
كعدت عدل فاز باوعت لنرجس ودرت وجهي على ابابيل
ها شكو
يله جعت باوعتله بعتب كارهته
اي جيت جريت نفس مدااكدر اعوف كلبي سدت البرده بعد مفتحتها الجبانه ابتسمت
اموت عالجبان كتلها بالتلفون
روح تغده نترت
اي حبيبي ولو شبعت
دروح باي
هلاوجريت نفس غير تفض اليوم كام ميمشي صعدت تغديت ونمت راسن تعبان مرت يومين ونفس الحاله لحد مافد يوم بليل داالعب وي نرجوسه بنتي طكيتلها صوره ودزيتها الها
شوفي هاي بنتي الشايله اسمج
فدوه لكلبها شايفتها شهد شوفتنياها بس كبرانه ماشاء الله
كمت اراسل مبتسم التفتت محاس على روحي شفت ابابيل تباوعلي مخنزره ذبيت التلفون وتمددت اباوع عالتلفزيون مالي خلك مشاكل
ابابيل- مدااكدر اتحمل ثاني يوم جتي شهد خرطتلها الاكو والماكو ضلت صافنه بوجهي محتاره اني احجي وابجي كلشي مكالت بس صافنه عليه راحت من اجه رجلها
شهد- متت قهر على بلبل متستاهل واخويه مال ذبح جنت حاسه بس خطيه هو هم تعذب هواي يحبها بقيت بحيره على غفله وجتي عدها نرجس وكعدنا نسولف جانت وجهه يضحك وعيونها تلمع ابتسمت
نرجس شوكت تطلع عدتج
بعد 20يوم باوعتها بحيره شنو تدري
جريت نفس مبتسمه ونصيت
تدرين انتي
هزيت راسي اي
منو كلج
جريت نفس ابابيل دمعت عيني نصيت
والله مااخذه منها واخليه يعدل
واثقه من هالشي اني بس نار الغيره حراكه تدرين صار سبوع سبوعين اخوج متغير عليه واني تار تاكل بيه اكول خاف عده وحيده بس هو ضغط الشغل عليه مو عاد متاكده عده وحده شبصير بيها
هزيت راسي اي والله صح بس عفيه حاولي تقنعيها مااراح يتغير شي بس لا اني ولا هو نكدر نعيش بله الثاني
الله كريم
زين محمود
لا يابه شون اكوله
اي عفيه تره يسويلي هوسه
لا ماكو شي انشاء الله بس خل تطلع العده
اي ابتسمت اتخيله روحي بحضنه
ابابيل مرت ايام هو ميباوع بوجهي كلمه ميمول صار الشغل عالمكشوف اكوم تالي الليل اشوفه بالهول نايم والسماعه باذنه واني اتكرضم جتنا شهد حجيت وياها كالت
والله بلبل حاجتني وكالتلي والله مايتغير عليها شي
ولج ياميتغير اني مرته مرته ومينام يمي حتى يحاجيها بالهول كوله نومته بابا بعدها مماخذته ومينام يمي مو عاد تاخذه بس هي وحده منتربايه واني اعلمها
لا والله حتى حلفتلي
زين رجلج دره
لا عزه غير يذبحها
مممم هزيت راسي غمضت عيني متنهده دااحس بتعب وبعدني صغيره مو مال هالتعب مر يومين لخ غسان مشه لاربيل خابرت شهد كالت نرجس مسافره اطمني
كتلها وين كالت لدهوك عدها وجبه مال ادويه لازم هي التستلم بمكان زوجها وراح بهاء وياها تخبلت كتلها حبيبه اخوج هم مسافر ردت اموت بيومها مكدرت شفت سياره محمود بباب بيت اهله وسيارتها هم يعني جوي بس غسان بعد مواصل بعد مكدرت لبست عباتي ورحت دكيت الباب كم دكه طلعلي محمود
ها ابابيل شعجب
بلعت ريك ابوك موجود اريد احاجيه
شكو باوعتها مستغرب طبت كدامي سديت الباب شبيها هاي مخبله
طبيت كدامه امشي بعصبيه شفت امهم باوعتلي مستغربه وشفت ست الحسن دتاكل عالميز سم وزحير انشاء الله باوعتلها التفتت محمود ورايه وبهاء توه طب ووراه ابوه ديضحك باوعلي راحت الضحكه بلعت ريك باوعت لنرجس خافت وكفت
باوعت لابوها
عمي اني جايه عليك
خيرج يابه
باوعت على محمود
محمود صارلي سنتين وكسور وياكم وانت تعرفني طلع مني شي شفتو مني شي
لا باوعت مستغرب شبيها هاي شبيج ام نرجس تره انجر بوشي اباوع لاختي وجهه كام يكلب الوان
عمي احسبني بنتك واحكم ترضاها رجلي صار شهرين ميباوع بوجهي والنها كله تلفونات انتو شيوخ واهل عشاير وتعرفون اليهجر مرته شنو معناه مرته مسويه
يابه احجي شكو موتتيني
نرجس- ابابيل اصبري خل احاجيج
وخري انتي باوعت لابوها لو تشوفولكم جاره وي بتكم ولا والله العضيم افضحها فضيحه بالمنطقه بعدها ممكمله عده ومسويه علاقه وي رجلي ام السطوح كلتها بنتره اباوع محمود نار وشرار صار باوع لنرجس امها صاحت
امشي لج ام الوصخ منو يمج هو رجلج ابو نسوان من يومه
خاله رجاءا الموضوع مو يمج واو انتي امها بس بعدج هاي تربايتج عيني بتكم يوميه بالسطوح للفجر ولو اشوفك الصور تتخبل فكيت جهازي طيته لمحمود والقران واللي نزله اذا متفكين يتخه عنه لا افضحج فضيحه شنو ملكيتي غيره متتحملين بله وجال يمعوده خل تطلع العده على الاقل باوعت لابوها لزمت الميز ايده ترجف. هي بقت منصيه بهاء ركض زفع الكرسي لابو كعد عليه وجرني
روحي ابابيل لخاطر الله
جريت ايدي منه
تلزمون اختكم لا والله وروح ابويه افضحها عفت البيت وطلعت ميته خوف وراحه بلعت ريك ماابقه اليوم هنا يذبحني هذا لميت هذومي ورحت لاهلي--------
