البارت الواحد والثلاثون
ابابيل- نزلت وباوعت لروحي نضره اخيره الثوب الكحلي جمال جسمي المثير المزيد تخصر الثوب على طولي شعري النازل جو ضهري على كوله سلسبيل عابر الدفتين شعري الجوزي بدون صبغ بس سشورته صار كلش حلو بقيت اباوع لمكياجي عدلت تحديد حمرتي وطلعت للهول جانو خالات غسان جايين ابتسمت هلو يباوعولي بشفقه لبست الابتسامه على وجهي وتقدمت بوستهم وكفت يم الديجي دااعدل الاقراص اشغل الاغاني خالتي كالت
يمه بلبل وينه شهد منزلت
هيانها خاله بالحمام حتطلع بقيت اكلب بالاقراص حضرت واحد وطبيت للمطبخ احضر صواني المي شلت الطبلات حتى يصير مكان واسع طبت شهد سلمت بثكل بدو الناس يجون ونضراتهم عليه حرجتني تعبت من المجامله وتعبت من الهمس جتي الحوبه اباوعلها صدك تحجي لابسه ثوب كريمي مدنفش قصير من كدام ومن وره طويل صدك تحجين مسويه روحج عروس باوعت ودرت وجهي مخليه كيلو مكياج طوخ وملفلفه شعرها ورجلها ركبها سوده ورفاع درت وجهي عنها انتي شعليج منها خرب روحج ابابيل انتي شلج غرض يطبه طوب هاي اختياره وحب عمره مو انتي تجننين شو عافج وراح شكد عقلج صغير ارتبكت بتفكيري وكعت كلاص من ايدي خاله صاحت اسم الله يمه
مامو شي خاله
يمه طكطكي حرمل
همست باذني
لا خاله عيب شيكولون العالم من وره عينهم تره عيب
ها زين لعد اني اقره معوذات
ماشي خاله باوعت لهاي طايره فرح كامت شغلت الديجي وعلته خاله غسان الجبيره كالت يله نرجس ركصيلنا انتي هم عروس ولو توج مترمله بقيت صافنه جاوبتها بضحكه ودارت وجهه وكامت تركص هاي القوه الحجت عنها سلسبيل اهمدايه اي والله طبيت للحمام استعيد نشاطي ورجعت طلعت مااعرف باجر شحيصير بيه مادري شراح احس. خليني هسه مافكر باي شي ربي منك الصبر طلعت شهد صارت بوجهي وجهه اصفر
شبيج شو وجهج اصفر لو الكونتور ضارب
مادري همست بلعت ريك اكولج حصعد فوك لغرفتج اتمدد هنا هوسه
روحي ارتاحي خومبيج شي
لالا بس دخت
اي عادي صعدت وعيني عليعا شبيها هاي بس لا حتعرس علينارحت للمطبخ اعصر برتقال شوي تتقوه طبت خالتي ونرجس
يمه المن هاي
خاله شهد شوي دايخه
يا شبيه
مامو شي خاله هي متاكل
اي خبلتني
نرجس- طيني اني اصعده الها باوعت بعينها متباوعلي وممبين مضغوطه مني تقربت منها عافتني وصعدت فوك
ابابيل- شكد اكره من تتلوك وتريد تقرب روحها الهم بابا يحبوج لتخافين بت عمهم قابل غريبه مثل حضي احجي وي روحي صعدت لكيتها نايمه خليته بالثلاجه مالتي نزلت خاله كالت يمه الولد حيطبون رجعت صعدت لبست القفطان وحجابي خففت الحمزه الطوخ نزلت لكيت هاي علكت اغنيه مال حنه ودتمركص طبيت لغرفه عمي حضرت صينيه الحنه مال ايمن خليتها عالبوفيه وطلعت صاحو يا الله الولد طلعت للهول اباوع الحوبه بعدها ببدلتها الكصيره وتتمركص ولج حيطبون صدك طبو خوال غسان وعمي وابوها و وغسان وايمن وهي عادي صدك جذب هاي هيج كدامهم والله خبلتني بس اني شعليه اني حطب للنار لو هي طب ايمن يضحك فدوه لطوله خجلان بالقاط التفتت شفت غسان نسيت عيوني عليه باوع لنرجس يضحك بفرح وينصي باركولهم واني النار بدت نسيت نفسي شون هيج تباوعيله شون يمكن يمكن لان طالع حلو والسكسوكه اللي احبها مسويها وقاطه الزيتوني يخبل عليه اللون لازم انهزم صعدت فوك وشغلو الديجي ناسين الم كلبي اصلا محد حس بعدم وجودي صعدت لغرفتي باوعت لشهد عركانه غاديه مي وشفتها ترجف كشفتها مسحت العرك
شهد شهد شبيج يمعوده
ها
شبيج اثاري ها
مادري دخت
حضي المصخم وكتج
مادري شبيه فكيت عيني كمت اخربط اني شفت هالشي لو لا لا يمكن مشفت واني دااتخيل اباوع لبلبل راحت للثلاجه طلعت عصير برتقال بارد دولكه
هاج زقي كله
اوك شربته وي كل كمعه اتذكر لقطه لا بابا انتي كلشي مشفتي هاي مو خفتي واستوحشتي جيف وخدج تخيللج كملت الدولكه وعيون بلبل تباوعلي بقلق اخر لقطه تذكرتها محمود بالفانيلا والشورت يلحكني زين وهاي شنو هم مشايفته هم دااتخيل عكدت حاجبي عبالك كمت مااعرف شون افكر وكفت عدلت كحلتي وشعري وبلبل ورايه تنفشه تعدل بي وبثوبي صفنت على روحي بالمرايه عقلي وكف لدرجه محمود نسيته منو وحتى شكله نسيته بلعت ريك تذكرت بس الفرحه الجنت بيها هااي ليش اني فرحانه هااا اليوم حنه ايمن انداريت عليها يله خل ننزل بلبل جوي كلهم
اي جوي الهول متروس واخوتج جوه ديدبجون
لعد امشي
بس دابدل نرجوسه كعدت
خوش انتضرج لعد هنا
اوك كيفج باعي حصبلج حليب وجج صار احسن
لزمت بطني ابتسم لدرجه بذيج اللحضه نسيت كلشي موزين بحياتي رست عقلي عالفرح
---
وكت الحزن الشديد العقل يحاول يتذكر شغلات تفرحه وتضحكه وينسي اللي ديمر بي من ضرف صعب حمايتا للعقل والدماغ اذا كانت الصدمه ميتحملها من قدره الله هالشي يصير--- مريم السعدي
---
اي اي بلبل صبيلي خطيه مااكلت شي هسه الطفل جاع صبت بالكلاص الجبير شربته كله وذبيته كملت تبديل نرجس فدوه البدله تخبل عليها لبستها جناجل الذهب والسوارات والكلاده اللي جبتها الها
يله كملت امشي
بلبل اني حلوه
تخبلين
عدلت ثوبي من ناحيه ضهري خاف يبين الاثر ونزلنا سوه خاله جانت دتحجي وي غسان بالممر رفع راسه عالدرج باوعلنا وباوعلي درت وجهي عن نضره عينه رحت للهول وي شهد خلله كالت يمه وينج
هياتني ماما نمت وكعدت احجي واضحك ركصت وي ايمن
ايمن- لج ها حبله هاي شنو هههه حلوه عليج هاي بلبل نزلت هاي شطالع يابه كله مغربي
ابابيل- نصيت راسي خجلت من مجاملته تقرب جر ايدي يريد يركص ويايه كمت احركها لايدي بثكل ومبتسمه بس كلبي اوف ياكلب معصور سوينا دائره عليه ويركص وي شهد وخالته الصغيره وهاي بتي مجلبه بالثوب جوه رجلي هسه اخاف ادوس على رجلها وتنمرد اصابعها طلع عمي وايمن حنو خالاته. وطلع وي خواله شايلي بره يكملون الحنه مال ولد التفتت لاغسان ولا الحوبه غسان طلع همزين والحوبه بلكن راحت او الا اذا طلعت تركص بنص الولد والله مااستغرب منها صاحت وزعنا الللفات والعصير ونزعت القفطان والحجاب رجعت لبست ثوبي الكحلي ضايقني من ناحيه الصدر اضوج اتشلح كلش كلسا يطلع واجره كمت اركص وي البنات اهلي مجوي لان والدي بعد مكمل سنه رغم الم كلبي على فراكه بس مردت ابين روحي ضايجه ومااركص لان مراح يكولون علمود ابوها حيكولون لان رجلها حيتزوج عليهافر كصت ممهتمه ----خاله كالت يمه الكرزات موزعناها نسيتها
يووو عزه شكد عيب ركضت لغرفه عمي مردوده الباب طبيت ضلمه الغرفه البدايه مالتها يم البوفيه مشيت رفعت جسمي دااخذ الجياسه سمعت همس وضحك جمدت بمكاني هالصوت اعرفه كلش زين بلعت ريك وكفت جامده مابين ليجوه اكو ضوه واني بالضلمه كلبي بده يوجعني كلام مسامعته ابد ---
نرجس غسان همست
ها ولج شجابج ههه شنو من اميره شنو من جمال
عجبتك افتريت كدامه اني هم عروسه هم باوع حتى لابسه ابيض باوعتله بدلع
بقيت صافن عليها وايدي بجيبي نسيت حتى الطبيت للغرفه علموده ابتسم بتعب مميل ركبتي
شبيك حتبجي همست باوعتله بقلق ببعد شبر عنه
مداصدك همست
شنو رفعت راسي ايدي وره ضهري اباوعله بدلع
تتذكرين بعرس ابن خال ابويه من رحنا كلنا جنجنتي لابسه البدله الحمره مالتج جنتي بالثاني ابتدائي واني صف خامس
هههه اي اتذكر
شنو كتلج
كتلي اجتي عروستي واني لزمت ايدك كامو يضحكون علينا كلهم نصيت خجلانه
ههههاي تقربت لميتها بحضني اني هسه احس روحي بهاليوم ههه اوف نرجس هواي تعبنا بعدتها باوعت بعينها دمعت نصت راسها
اهوو نرجس اني فرحان اكثر من ايمن اليوم لتبجين
حبيبي باوعت بعينه ليش هيج صار بينا
صارت بعد هاهي والحمد لله ابتسمت واني هسه لو مااعرف شيصير ماتركج
ولا اني بس وعد مني الك مراح اخليك تنغث بحياتك
ههه ليش اليعيش وياج يحس بمغثه
ههه باع شنو عدي
شنو هاي لج باوعت بيدها طاسه صغيره بيها حنه
حنه اليوم حنتي اني وياك مو بس غسان
رغم اني اموت منها بس حتحمل علمودك
احنيك وكفن بدلع احس روحي صغيره وهو يموت عليه من اتدلع يتذكر ايام قبل مد ايده دخلت اصبعه الصغير مبتسم طاير من الفرح
بعد اني حنيت ايدها الصغيره وسدتها تضحك باوعتلي بمكر
بوسني قربت شفتي اله
باوعتلها ابتسم تقربت بستها برقه من شفتها ادري بروحي من ماسيطر على نفسي ابتعدت اباوع عالباب خاف لا احد يفوت همست
حبيبي
نعم همست ذايبه
قبل لا انسى البسج ذهبج
شنوعكدت حاجبي مجان اله داعي عمري
حالج حال العرايس بستها من راسها وانتي ست البنات
نصيت راسي دمعت عيني
افتري همست لبستها كلادتها والتراجي اباوعلها مبرطمه
شبيج ياعيني
اكرهه
شنو عكدت حاحبي باوعت بعينها لزمت وجهه شنو كلتي دموعها كامت تنزل
الذهب
ليش هذا اني جبته
من وراه تفاركنا كمت اشهك لو عدك قبل مجان جبروني
جريت راسها لحضني دمعت عيني كافي فدوه
اي اي هزيت راسي
اخذت ايدها البسها الحلقه
لالا
ليش عكدت حاجبي ليش غير حلقتي تلبسيها ابتسمت
كالت البس هاي نزعت زنجيلها من ركبتها اباوع بي محبس من باوعته زين هذا محبسي لزمته خنكتني العبره توقعت ذبيتي
بحياتي منزعته من ركبتي مسحت الدمعه من وجهه تقرب باسني من راسي
زين اكولج سر
شنو اسمع باوعتله بدلع كافي دموع نرجس هاي اللحضه اللي انتضرتوها
اشرتلها على حلقتي
شنو تخوصرت مداعرف قصده يعني زواجه من ابابيل ماادري
هاي شنو
شنو ششنو
هاي باعي نزعتها
اباوعها خليت ايدي على وجهي تاريخ لبسنا بي خلقاتنا واسماءنا منقوشه بالداخل-- عبالي مال مرتك
چچ كل عقلج اول ملبستها الي اختنكت نزعتها شمرتها بالمي ورجعت لبست حلقتي وهي عبالها حلقتها
بقيت صافنه عليه عمري منسيتك ولا لحضه ولا يوم وادري اذيت هواي ناس بس كله تحصيل حاصل من اذيتي بفراك تدري امي تمرضت مانقهرت عليها تدري تلرب بالفراش واني ابد منكسر كلبي عليها
جريت نفس واني مثلج صرت قاسي بس من شفتج لنت بستها من ايدها ولبستها حلقتها بست داخل ايدها همست عمري روحي حطلع من هاي الباب عالطرمه يم الولد هسه ميكولون وين راح
اوك حبيبي باجر موعدنا وره عرس ايمن قبل ليزفو بربع ساعه ادكلج تطلعين واخذج للفندق قبلهم متفق وي اهلي
ماشي حنتضرك على احر من الجمر
مو كثري يله روحي لتركصين هواي وراج تعب باجر
غساان عضيت شفتي بخجل وطلعت من الغرفه سديت الباب
بقيت اباوع عليها جريت نفس رايدي بجيب سترتي تلمست شي ها القران مال ابابيل امي جابته وي ذهب نرجس كالت اجبر بخاطرها بي هي لو تنطيني مجال ابرد نارها واحلفلها اعدل بينهم بس هي مستحقرتني الشي الديخليني اتخبل منها جريت نفس ذبيت الستره ووكفت صليت صلاه المغرب حسيت نفس ويايه بالغرفه التفتت وره مكملت صلاه تقدمت يم البوفيه سمعت شهكه بهدوء مديت راسي جسم واكف شغلت الضوه انصدم بابابيل بلعت ريك واكفه بشموخ ورافعه راسها لابسه ثوب كحلي على طولها وبي فتحه من الفخذ للحجل بقيت اتامل جسمها وبياضها صدرها اليرتفع وينخفض وشعرها المي النازل ومكياجها الهاديء تقربت واتذكر الصار قبل صلاتي وي نرجس عضيت شفتي بقوه وغمضت عيني مندار عنها تنهدت بعدها همست. متقرب منها خطوه
ابابيل من شوكت انتي هنا
مترد بس واخيرا خلت عينها بعيني ولو ممخليتها جان رحمه بحالي عيونها مستقره الدمعه بيها متنزل حتى دمعتها قويه تقربت اكثر بلعت ريك جامده متتحرك وايدها عالحايط الوراها مديت ايدي عالباب نصيت راسي قفلتها رجعت باوعت بوجهه حنكها بده يرجف واحس مقلصه كلش حتى متبجي
ابابيل- اريد امشي مااكدر بقيت جامده انهزمي غبيه انهزمي حتنزل دموعج ياغبره مدااكدر جمدت كدامه يباوعلي بشفقه ماريد شفقتك اريد اهلي ياربي قويييييني داخلي يصرخ بس ساكته شكد كرهتته هسه كرهته اكثر
غسان- اباوعها بدت ترجف شفافها يبست وعينها مفتوحه كلها ومليانه دمع خفت عليها تقربت اكثر بيني وبينها كم اصبع اخاف المسها احس حيصير بيها شي خفت عليها ولاول مره اتندم وضميري انبني كلش ماعرف شسوي شلت ايدي الاثنين الزم وجههه كام يرجف حنكها همست
ابابيل بلعت ريك ابابيل علكيفج بقيت اباوع بعينها تباوع بعيني همست ابجي لتضغطين على روحج
هزت راسها لا بنص حركه بدون صوت
هزيت راسي اي ابجي طلعيها لتخنكين روحج غمضت عينها تلمست خدها الناعم طفله طفله يا الله شداسوي ببت العالم اني
كافي اهداي اباوع ايدها سادتها كلللش قوي لزمتها رخي جسمج
هزيت راسي لا بدون صوت مااعرف شديصير بجسمي كل الاعرفه طلعت عن السيطره كره وحقد بس
بلبل همست دمعت عيني وووجهها بيدي اباوع ارتفاع وانخفاض صدرها بنفسها المضطرب
احجي احجي لتسكتين جريت ايدها ضربيني ضربت صدري بايدها ابابيل نترت بعصبيه فزت غمضت عينها نزلت الدموع وبجت طلع صوتها مكدرت بعد حضنتها تبجي وتشهك بصوت عالي وخلف الله عالديجي البره جريتها للغرفه الداخليه كوه مكدرت تمشي شلتها وخليتها عالسرير مال ابويه كعدت يمها اهداي امسح بدموعها منصيه وتريد تسكت متكدر كامت ترجف
لزمت ايدها بلبل والله العضيم مقصر وياج باوعتلي هدات بلعت ريك بقت تباوع بعيني عبالك تريد تشبع مني
اذيتج يبت الناس بس والله موبيدي
ابابيل- وكفت كوه عدلت شعري جريت نفس باوعتله ليش همست بس كولي ليش شبيه موحلوه قصرت وياك بيوم صرتلك خدامه شلت ايدي اعدد ودموعي بله ماحس تنزل هو كاعد واني احجي صرتلك ام وصديقه راقصه وبت ليل لرغباتك وصبرت عليك من جنت تنزل بغرفتك القديمه تطلع الصورحسي مطلع دائما اضحك ولك منو بعد يخبز ورجلها مقاول واني امرل لا يحب خبزي لزمت ضهرك رغم انت متمكن بس امول لا حتى يحبني مامون مبذره شبيه موحلوه ناقصني شي وكف من كملت حجي تلمس وجهي
احلى البنات بس اني كلب ابن كلب
ضلمتني لو لا
اي ضلمتج
بالجذب بالجذب لافد يوم سمعتني حجايه حلوه كلمه حب مسمعتني لك مداصدك هالحجي يطلع منك من داسمعه تخبلت ليش 3سنين وياك بس اگدي حب مره صايتجنتك ومحد شايف خيالها غيرك
اي صح كل التكولي
لعد عوفني وطيني بنتي مااكدر اعيش وياك بعد
غمضت عيني مااكدر عذريني طلعت من جيبي قران ولبستها ابابيل وحق هذا كتاب الله كمت احب البيت من وراج. لا عبالج انتي مو عزيزه عليه انتي ام نرجس بس الله يدري بمعزتج بس انتي تدرين بيه شكد احبها وحق الله اعدل بينكم ولا اقصر وياج بيوم واذا قصرت الج حق تاخذين بنتج وتطلعين
هزيت راسي اي من دون مااحجي بقه يباوع بعيني
بس لتستحقريني تخبلت هالفتره باوعت بعينها ساكته ومدمعه ابتسمت شايفه خليه العسل من تگطر عسل
عكدت حاحبي شديخرط هذا
نفس عيونج بلون العسل وتنزل قطرات عسل على وجهج الكيمر بستها من راسها راح اعوضج بلعت ريك شفتها نزعت حلقتها ونطتنياها عكدت حاحبي شنو هاي ليش
ماريد البس حلقتك وماريد شفقه من احد جريت نفس
شنو قصدج باوعتلها معاجبني
ماقصد شي بس ماالبس الحلقه بعد
اوك ماشي تنهدت براحتج عرفت علمود هالكلام الكلته لنرجس حقها سكتت وبلعتها
عفته وطلعت شمرت شعري ورايه شكد جنت حاقده هسه قاطات بس شنو من احساس من كلي مقصر وضلمتج ارتاحيت ومن طلعت اللي بكلبي هم ارتاحيت اباوع على القران بركبتي اختنكت لان شفقه منه نزعته ولبسته لنرجس بتتي طلعت للهول بعد معدلت مكياجي ركصت ركص رجوي شهد العالم صفنت عليه متدري شكو بگلبي كملت الحفله وصعدت فوك وي بتي شوي وشفت غرفه شهد الفوك الصغيره معلوك الضوه طبيت لكيت شهد متمدده
ها شوش
ها ابابيل جريت نفس اكولج
ها
اشو عبالك
شبيج شو من العصر معاجبتني
مادري بجيت
شبيج شهد وكفت لج شبيج صدك خفت عليها
بلبل اختنكت
ليش
مادري همست
لعد متروحين ببيتكم رجلج جوه بالهول ينتضرج كاعد وحده
بقيت ساكته صافنه ماعرف شسوي كلبي معصور اكو وجع ببطني خفيف وكفت كوه واحس كومه مي نزل باوعت لابابيل فكت كل عينها ركضت كعدتني ونيمتي كالت سدي رجلج صاحت امي
خاله خاله
ها ها شكو
هاي شهد يمكن طك مي الراس كومه مي نزل على غفله اشوف محمود سوه الدرج شبختين ركض صعد طب لغرفتها وخاله وراه كالت اركض وديها للمستشفى شالها وركض نزلها
ابو غسان- هاي شكو
مامو شي عمو مامو شي يمكن عدها ولاده
بعدها بيا شهر
ام غستن- يايمه سوده عليه بعدها بالسابع دخيلك ياربي شون
شهد- رجوره هالهوسه حسيت بصدره بدت الصوره تغوش خليت وجهي على صدره يباوع بوجهي بقلق بس خليت عيني بعينه بعد مشفت شي بس هوسه وصياح واحس روحي ديركضون بيه اريد افتح عيني جغن عيني ثكيل رطوبه بين رجلي وصياح ودكه كلب محمود السريعه اخر شي سمعته بعدها محسيت باي شي
ام غسان- ابابيل تعاي ويايه يمه مااكدر وحدي فدوه احجي وابجي رجليه تخيطت
ابابيل- اي خاله جيت حرت بنرجس عمي فدوه ابقه يمها هسه اخابر اخريه يجي ياخذهز
ابوهاااا وين هيج هيج منكم
عمي فدوه على كيفك ابتسمتله اطمنه بس وين شيطمنه هالوحده وهزيزه كلبه طب غسان صاح شكو هذا محمود شبي ركضت وره محمود وخاله غسان حروح للمستشفى وي خاله ودي نرجس لبيت اهلي وتعال
هاااا فكيت عيني بعد وكتها
سبيعي فدوه مو وكتك صدك خفت عليها حبيبتي صغيره وجانت كلش قريبه مني رحت وياهم شوي واجه غسان وبهاء وايمن والحوبه حالوها عمليات فوري لان مغمى عليها محمود يلوب يفور دمه بالردهه ساعه ساعه ونص طلعو كالو نريد دم ركض بهاء تبرع احنا بس صافنين نرجس يم غسان تهدي اباوعله اعصاب مبقت بي عمي وخاله خامو القران وعمي وجهه بده يصير احمر الضغط بدع يرتفع ركضت جبت بطل مي باوعت بعينه عمي فدوه شربه كله
ماري يابه مارد
عمي لخاطر الله ضغطه ارتفع هسه تتخربط
ايمن- يابه فدوه اشربه
ابابلي-شربه كله شوي وه عمار اخويه طلعوها لشهد بلحضتها ركض محمود وره السديه وطلعو الطفل للحاضنه كالو حبل المسر ملفوف على ركبته والبنيه ارتفع ضغطها كوه سوولها همليه رادو يفقدون الطفل لو ماستر الله عمي تحربط وركضو بي الولد اني رحت وره الطفل ونرجس ويايه شفتهم خلو بحاضنه وبعده صغير خطيه اندارت عليه نرجس كالت
اخذت ابر مال رئه
همست مااعرف مباوعتلها زحت لشهد للغرفه بدت تصحى بس حيل تعبانه خلولها مغذي راسن نزعتها كاب العمليه محمود كاعد عالمراسي ببعد عنها اباوعله حيموت
ابتسمت شفته لجواد
هزيت اسي لا بدون صوت نصيت راسي شون هيج سويت شون كدرت تاثر عليه شون ضليت اكل بروحي ومتدمر ---------
وللحكايه بقيه
