عشقتها فغلبت قسوتي

الفصل العشرون"عشقها أحياني"

فوت و كومنت 😉قراءة ممتعة💙

#الفصل_العشرون
#عشقها_أحياني

-أوصل عشقك بي حد الهوس عزيزي؟!

-ولما لا حلوتي..وأنتِ صاحبة العيون الفيروزية!..

بعدما عاد من العمل بصحبة شقيقه في تمام الساعة الثامنة..دلفا القصر فقال سامح بصوت غلبه النُعاس

-أنا طالع أنام مش هتعشى
-طيب..

صعد سامح إلى غُرفته وإتجه جاسر إلى الصالون..ظل يبحث بعينيه عن زوجته فوجد عمته تقول بخبث

-مرتك نايمة من بدري
-تنحنح جاسر وقال:شكرًا يا عمتي
-نهضت وهى تقول بجدية:أستنى يا چاسر..رايدة أتحدتت وايك
-تنهد جاسر بهدوء وقال:طب تعالي يا عمتي فـ المكتب
-فجاء سؤال والدته الحنون:مش هتاكل يا حبيبي؟
-رد عليها جاسر:لأ يا أمي..لا ولا سامح..أحنا أكلنا فـ الشغل
-طيب يا ضنايا

خطى خطوتين ثم عاد سريعًا وتساءل بـ إهتمام

-روجيدا أكلت وخدت الدوا؟
-ربتت على كتفه وإبتسمت بسعادة:أه كلت وطلعت تنام
-فسألها بقلق لم يستطع إخفاءه:هى تعبانة!!
-ضحكت عمته وقالت بصوت عالٍ:يا بني البينة حبلى..ولازمن تتعب..ومنتساش مرتك ضعفية ولازن ترتاح و تتجوى..

ضحك جاسر بهدوء وهو يتلهف شوقًا برؤيتها..بالرغم أن والدته وكذلك عمته طمأنته على زوجته..إلا أن قلبه لا يرتاح إلا برؤياها..واااه من غرامك يا ذات العيون الفيروزية!..

جلس أمام المكتب وكذلك عمته والتي حدثته بجدية

-أنت عارف موضوع أمجد من ميتة يا چاسر!.وليه انا مخبرش
-ضيق عيناه وسأله بمكر:وأنتي لسه فاكرة دلوقتي يا عمتي تتكلمي فـ الموضوع دا؟

-ردت عليه ببديهية:وهو أنت كنت شايف الوجت يسمح بسؤالي يا بن حسين!..

أعاد رأسه إلى الخلف وحاد ببصره عنها ثم عاد لها وقال بهدوء وعملية

-بصي يا عمتي من يوم موت والدي الله يرحمه..وأنا بنخور ورا عيلة الهواري وموضوع أمجد بيه مكنش صعب أعرف عنه حاجة
-إبتلعت ريقها بتوتر وقالت بصوت خافت:وآآ..وليه..مسجلتنيش عن الموضوع ده!..وبما إنك عارف..أنه آآآ

-قاطعها من حديثها المخجل بالنسبة لها:بصي يا عمتي..أنا طول عمري قاسي أنا قولتها قبل كدا بس عمري ما كنت ظالم..وكون إني إتعلمت برة بس منستش إني صعيدي..لكن هقولك جوزاك من سليم كان أكبر غلط صحيح أنك كنتي طفلة لما إتجوزتيه..وبالرغم من حبك لأمجد بيه اللي هو غلط وكبيرة من الكبائر عندنا..لكن..

صمت قليلًا وهو يرى تلهف عيناها إلى الحديث ليُكمل برزانة تليق بهبيته

-لكن والدي مرضاش بالظلم لا ليكي ولا لأمجد بيه..هو هربه وأنا عرفت بطريقتي كل حاجة..والدي حماكي بروحه لحد أما مات..مات عشان رفض يسلمك ليهم عشان يغسلوا عارهم زي ما بيقولوا..فـ مش هاجي أنا جاسر بن حسين ويبيعك ويسلمك لأبنه الـ*** يقتلك..هو سابك ليا أمانة وأنا هصونها حتى لو كنتي قاتلة قتيل