.. داني فالسطافيط وهو كيعاير.. شبعني معيور مكرهش يقتلني ديك الساعة .. سمعت واحد البوليسي اخور معاه كيقوله شاف عدنان برد شوية متستاهلش منك هادشي غوت عليه بحال الرعد... حسيت داك السطافيط تهزات بصوته.. نقزت من بلاصتي شاف فيا وبدا من جديد كيعاير ويسب .. بحال الى فايتلي قتلتليه شي حد.. وصلنا للكوميسارية نزلني وهو كيجرجر فيا.. جرني نزلني فواحد الدروج حتى دخلني لواحد البيرو.. بدا يضرب فيا سكتت وتكمشت وهو غا ماكايزيد يضرب.. ويركل.. مكايعياش هاد السخط.. هادا عنوان اخور للسعادة اللي حنا فيها.. لوكنت بنت شي واحد لاباس عليه.. ولو حتى كانت عندي عائلة مكانش يحتقرني هادا ويزعم عليها بهاد الطريقة.. مللي كمل بقا كيخرج غدايدو بالسبان.. نوضني وبقا كيشوف فيا وكيضحك بحال الى مستمتع بمنظر انه خسرلي وجهي وشايف عينيا منفوخين والدم كيسيل من فمي ونيفي.. عدنان: عاجبك زينك.. انا غانخسرلك وجهك.. شكون صحابلك راسك.. وانتي غير بنت الزنقة.. يمنى: وهاد بنت الزنقة معندها الحق تعيش.. ضربني بطرشة حتى طحت الارض عاود تاني.. وقال: مازال كتردي عليا الهضرة.. انا غانوريك.. وجدت راسي ناكل شي قتلة دالعصا اخرى.. حتى سمعت شي صوت : الشاف عدنان..هادا كان صوت الشاف ديالو .. عدنان: كوميسير احمد.. !! احمد: اش هادشي كادير...وشكون هادي وشنو دارت حتى درتي فيها هاد الحالة.. عندنان: هادي مون كوميسير.. ا.. هادي.. احمد: شاف عندنان.. غتحمل مسؤوليتك فهادشي.. بقا عدنان حاني راسو وانا عاجبني الحال فيه.. على الاقل لقيت شي حد اللي دارلي قيمة.. توجه ليا الكوميسير .. وقال: اجي ابنتي .. انا غانعيط للطبيب يداويلك دوك الجرحات فوجهك.. بقيت حالة فمي فيه بحال شي بنت صغيرة .. داني معاه وعيط للطبيب .. بقا كيداوي فالجرحات وكيخيط.. وانا عاد بداو كيحرقولي بعدما بردو.. مافهمت والو.. فجأة ولات عندي قيمة.. فالوقت اللي كان فيه الطبيب كيداوي الجرحات جا الشاف عدنان .. وبقا كيخنزر فيا محاملنيش.. لوكان النظرات يقتلو كون قتلني داك الساعة.. مشفتش فيه.. انا معندي شكون يحميني منه وايلا دارني فباله.. مشيت فيها.. خليني فحالي احسن.. مللي كمل الطبيب وقال الكوميسير احمد نمشي بحالي خرجت وكان ابو العريف في الاستقبال.. اعوذ بالله من الشيطان الرجيم .. درت راسي ما شفتوش وتمشيت وهو يشدني من دراعي بلا مانشوف فيه قرب لودني وقال.. مغانعطيش التقار.. معمرك مغاتهناي مني.. انا سكتت وهو طلق مني وكملت الطريق.. لا حول ولا قوة الا بالله.. واش بنادم واخا بغا يديها فراسه ويبعد على المشاكل حتى واحد ميخليه
