9مشينا لواحد الدار غريبة.. دخلني ومعايا شي حوايج شريتهم.. لقيتو موجد فديك الدار كلشي .. الماكياج والحوايج.. والماكلة.. - هنا غاتدوزي 15 يوم.. تكوني تعلمتي فيها كلشي.. معندناش الوقت ومكاينش النعاس.. - اويلي واش مشيت العسكر ولا.. - يمنى.. - صافي هانا ساكتة..خرجو 3 دالبنات.. ووقفو فصف واحد وبقاو يشوفو فيا مفهمت والو شكون هادو..- هادو غايعلموك كلشي فهاد 15 يوم .. مريم غتعلمك طريقة اللبس والمشي والماكياج والاتيكيت ديال الماكلة وكلشي بالموضة .. باش ميبان فيم حتى اثر بللي جيتي من الشارع.. - الله يسامحك.. - مكانعايركش.. - ياسر علاش وليتي هاكا معايا.. اش هاد القسوة.. - مازال مكملت.. هند غتعلمك القراية والكتابة.. وغاتعلمك الكومبيوتر والهواتف الذكية والالكترونيات.. حيت غتحتاجيهم.. - ايوا والثالتة- هاديك سيليا.. غادي تعلمك الفروسية والرياضات.. حيت البوص عزيزة عليه الرياضة بزاف.. - ونتا.. اش غاتعلمني.. قرب مني ووقفتو معتدلة ويديه مور ضهرو.. وشاف فعيني بزاف .. بدون اي ردة فعل..وقال - انا غانعلمك كيفاش دافعي على راسك.. خلاني سرحانة ومشا.. بقيت تابعاه بعينيا وهي تفيقني ديك مريم.. - يمنى تفضلي معايا.. ناري اووف .. دايما كيجي انسان غير مناسب في الوقت غير المناسب.. دوزت نهار مع مريم كتعلم فيا نتمشى بالطالون.. ونتلوا فالمشية بلا منطيح.. اووف اش هاد الزمر.. كيفاش كيتحملو البنات هادشي.. حتى هي فقصتها مقدرتش نتحمل.. وصل الليل.. قالتلي باراكة عليا سي trop.. مشات وعيطلي ياسر لقيتو موجد الطابلة دالعشا.. - ياه الماكلة.. - اه الماكلة.. اليوم غانخليك تاكلي براحتك من غدا كل وجبة غادا تاكليها مع مريم.. وغاتبقا تعلمك كيفاش تاكلي.. راني عارفك فيك غا الكريشة.. هي اللي كتفكري بيها .. - ديك مريم لوكان محشمت منك كون نتفتها.. - علاش شنو دارتلك.. - النهار كامل وانا صابرا معاها فالاخر سباتني.. - سباتك .. مستحيل.. الله الله جلستي مع البنت نهار خرجتي منها اسوء حاجة رديتيها كتسب.. - ومال السبان فيه بنادم نقي ولا منقيس .. (كنصرط وكانهضر)..راه كلهم.. بحال بحال دار يدو على خدو وبقا كيشوف فيا.. شوفة الاستياء.. مديتهاش فيه وركزت فالماكلة.. دازت مريم.. وهو يسولها.. - مريم قالتلي يمنى راكي سبيتيها مللي ساليتو.. - كدوب .. مسبيت حد.. - سبيتيني كالاك.. اجي نقولك فودنيك اياسر شنو قالتلي.. ياسر: قولي ايمنى باش حتى هي تعرف شنو قالت.. يمنى: قالتلي.. قالتلي.. قالتلي (غمضت عيني وقلتها) سير تخراي.. ياسر: اشنو..مريم: انا قلت سي trop ماقلتش هاد الهضرة لا امبوسيبل.. ياسر: هههههههههه😂😂😂😂😂😂😂 اميمتي كرشي.. يمنى: اهيا عاوداتها .. متقولش راني كدابة.. ياسر: هههه سي تخو كتعني هادشي بزاف بالفرنسية.. هههه وهادشي علاش بغيتك تتعلمي وتقراي.. حيت غتسمعي بحال هاد الهضرة بزاف.. وخاصك تكوني فاهماها.. هههههه يمنى: ومتضحكش عليا.. صافي.. خليني ناكل.. ياسر: سيري امريم ليوما.. وصبري معانا 🙏مريم: pas grave mr yassirبقيت خاشية وجهي فالماكلة.. كلما طلعتها كنشوف ياسر كيضحك عليا.. ضحك ضحك.. نتا راك قاري.. ياك حتى نتا كنتي بحالي.. - اه عندك الحق.. ضروري خاص الانسان يتعلم اولا.. ويدير مجهود.. - غنتعلم.. كنواعدك .. - مزيان.. باراكة عليك من هاد الماكلة راه الليل هادا.. واش بغيتي تباتي كتحلمي بالكوابيس.. ولا بغيتي تخرجلك ديك الكرش متولي صالحة لوالو.. غايجري عليك البوص من النهار الاول.. - ياك قلتيلي هادا اخر نهار ناكل فيه وخليني ناكل.. - اخر نهار؟؟ يا ربي الصبر من عندك.. انا غانوض حسن ماتجيني شي جلطة اليوما.. ناض من حدايا.. جلطة.. واش هي؟.. واش فيه شي حاجة ولا.. وااا ياسر .. شرب الشيح راه زوين وغيحيدهالك.. راه كيحيد الاسهال.. معرفتش منين جاتني واحد الصندالة للراس.. اي .. اي اححح راسي.. - هادي باش تسكتي وتسمعي اكتر ما تهضري.. نتي باينة فيك غتشوهيني ماشي غتجيبيلي الاخبار.
