اشهادشي... تسونامي.. البحر كيفيض علينا وااااع.. اشهد ان لا اله الا الله .. وان محمدا رسول الله.. واعتقو الروووح.. اعباد الله.. وااااااع... - مالكي يمنى فيقي مالكي.. - اه اه اه فين هو.. تسونامي.. تسونامي.. - واتي كاين شي تسونامي قدك.. بغيتو يفيض ليك فداك العقل.. ها اللي قلنا.. بقيتي كتعمري فداك الكرش حتى سداتليك العقل.. بقاي تنعسي خفيفة يا هاد الويلة.. يا ربي الصبر مشا وخلاني.. اويلي هادا كان يشوف فيا وانا كنهضر فالنعاس.. تشوهت .. دابا مغنبقاش نعجبو.. يعني مغيتزوجش بيا.. يعني غنعنس.. وغنشرف وانا بوحدي.. وغانموت بالبرد.. فشي جردة عمومية.. بقيت كنخمم هاكاك حتى داني نعاس..الغد ليه جات فقت بكري .. بدلت حوايجي.. وقلت ندير عقلي .. باراكة من هاد الشوهات.. مشيت فطرت مع ديك مريم بالعقل.. وياسر كيشوف فيا مستغرب..قالي الله يدومه عليك عقل... درت ابتسامة خفيفة باش منخسرش الرأي دياله علي.. جات ديك السلية ولا سلينا ولا معرفت سميتها.. مشيت معاها نتعلم الرياضة.. قالتلي نركب بحالها على العود.. جاني كبير.. كيغاندير وراتني فين نحط رجلي ونطلع.. اااااالحافيظ الله السلامة .. درااااف.. اي راسي.. اي دراعي اي كنموت .. الدم الدم المصارن خارجين .... جا ياسر كيجري : مالكي فين كيضرك... - شكون نتا.. - اويلي واش فقدتي الذاكرة.. - ههههه ياسر ... دعيتك لله على هاد تمارة اللي طيحتيني فيها... - ونوضي باراكة من التبوحيط.. ولا عرفتي اش غايجيك مليح.. جلسي وتفرجي فالناس... جلسني وناض ركب على العود اما الاخرى ركبات على العود ديالها.. بقات كيديرو السيرك قدامي غاديين جايين.. وانا عيوني غير على ياسر.. الله .. شحال تمنيت يركبني معاه.. ويضور بيا ويقولي حبيبة كنبغيك.. غمضت عيني وبقيت كنتخيل.. - يمنى.. - اا نعام.. - اجي الدور ديالك.. - يااه غتركبني معاك.. - لا غتركبي بوحدك وايلا طحتي راكي عارفة اش غاندير ليك.. - عرفت صافي ... درت يدي على ودنيا وراسي... شفت فيه حبس الضحكة.. مشيت عاوني ركبت... بقا جار داك العود وانا غير راكبة جابلي الله راسي بحال شي عروسة بلدية... احساس زوين.. شوية وهو يعطيني الحبل ديال العود قالي يالله .. شديتو وانا مرعوبة شوية بدا داك العود كيتمشى بالزربة وانا كنغوت والعااادااااااو... اعباد الله وقفوه.. ااااااااا ... هو غا مازايد كيجري... طلقت من داك الحبل حتى بانتلي السما .. شوية بداو الطيور كيدورو علي ... ومبقيت كنشوف والو...
