معرفتش علاش كيخافو منو هادا وهو عقلو قد حبة العدس.. دوزت عشرة ايام فالقصر.. والبوص ولا فيدي بحال الخاتم.، مكيديرش شي حاجة بلا منكون حداه ولا بلا ميتشاور معايا.. حان الوقت باش نعرف منو بزاف ديال الحوايج هادا هو المطلوب مني.. جا عندي ياسر وهضر بطريقة رسمية فهمت انه مراقب.. - مدموزيل لينا اليوما البوص عندو حفلة فالقصر غايجيو عندو اصحابه .. وغادي يتافقو على شي صفقة.. البوص بغاك تكوني حداه.. وجدي راسك.. ومشا .. هادي فرصة اكيد هادي رسالة من ياسر اني خاص نحل ودنيا وعينيا.. وصل الليل وجدت راسي.. لبست كسوة سامبل وجمعت شعري.. درت ماكياج انيق..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحفلة كانت بادية والناس كيجيو.. هاد الزمر شحال ةيخسر دالفلوس على والو..وهادشي اللي خسرو هنا الى وكل بيه المشردين غادي يدخل للجنة ديريكت.. ومشيت عند البوص.. -وااااو اش هاد الزين.. فغيمون انا حاسد راسي عليك.. - مغسي ميسيو .. حتى نتا كتبان انيق بزاف.. الناس كيستناونا.. عطاني دراعو باش ننزل معاه وفعلا.. كلشي بقا كيشوف فيا وحال فمو.. انا نظرة ديالي كانت على هاداك اللي على بالكم.. كان كيشوف فيا ولكن مكنش مستغرب .. الشخص الوحيد اللي مكانش حاملني هي ديك العشيقة.. حسيتها غاتترطق مللي شافتني.. جلس البوص وانا وقفت حداه.. كلشي كان غاياكلني بعينيه ولكن انا مديتهاش فيهم.. المنظر كان خايب بزاف.. اول مرة كنكره الفلوس.. الفقر نعمة حيت على الاقل كنبقاو نقيين.. انا عمر ما كان حلمي يكون عندي الفلوس وندير هاد الحالة .. كان اقصى طموحي ناكل ونوكل الجبعانيين.. الله ياخد فيهم الحق.. بقيت كنتصنط ماديت ماجبت تقريبا مكانو كيهضرو لا على صفقة ولا والو.. كملت الحفلة قالي البوص راه عيا بقوة الشراب.. غيمشي ينعس.. ديتو لبيتو.. ومشيت انا لبيتي.. عاد بديت نحل فشعري وانا نسمع الدقان فالباب... حليت لقيت واحد الشايب كان فالحفلة وباينة فيه حتى هو مرفح.. - بغيت نهضر معاك.. - دابا وقت النعاس .. قول شنو بغيتي دغيا..- انا .. بغيتك تكوني عشيقتي.. وغتولي ملكة غتكوني شريكة ليا فمشاريعي وغنفتحليك حساب فالبنك.. وغنشريلك فيلا وطوموبيل اخر موديل .. وطلباتك كلها اوامر.. بغيتك تتهلاي فيا كما درتي ليوما للبوص تكوني معايا بدل متكوني معاه ومتخافيش غتكوني معايا فأمان.. - سير بحالك.. انا مغنكون العشيقة ديال حتى واحد.. وغاتكون كتتوهم الى صحابليك اني ممكن نتشرا.. سير بحالك قبل منديرلك شي شوهة نتا مازال معارفني.. بقا واقف وانا نسمع التصفيق 👏👏👏 .. هادا كان البوص.. - برافو لينا برافو.. انا كنت متأكد باللي نتيا ماشي بحالهم.. ومستحيل تبيعيني بالفلوس..انا: اشنو واقع .. ياسر: البوص دارليك تيست يختبرك فيه ويختبر الولاء ديالك ليه.. ونتي نجحتي فيه.. بقيت مسمرة فبلاصتي.. ياسر علاش مقالي والو .. يعني لوماكان بالصح انا مكنحمل نكون عشيقة لحتى واحد دابا نكون ميتة.. مثلت حداه باللي ولاءي واخلاصي ليه ومكيهمونيش لا فلوس ولا غيرها.. دخلت لبيتي وبقيت كنفكر.. النهار اللي كنت متسولة فالزنقة كانو يجيو يطلبو مني نكون عشيقة ولكن مقابل الماكلة وصاف.. مللي وليت فمستواهم ولا المقابل اكبر.. فيلا وفلوس وطوموبيل.. المرأة فنظرهم ديما كتكون سلعة.. بحالها بحال الطوموبيل وبحال الدار.. الله يمسخهم
