نعست فبيت زوين.. الله على راحة .. هادي اول مرة كنعس بيها بعد اخر مرة مللي ماتت مي فاطنة.. مكرهتهاش تكون حدايا دابا باش تدوزلي على شعري.. نعست حتى شبعت.. فقت بكري.. قبل مايجيو دوك المسمومات.. مشيت للدوش.. ولقيت تما شي صابونات .. وشي شمبونات غا الروايح ولكن توحشت الحمام البلدي.. مشيت كنقلب فالكوزينة خديت الزيت البلدية.. ملقيتش الحوايج الاخرين.، خرجت مشيت للسوق كان قريب شريت من العطارة اللي بغيت.. وجيت دغيا للدار.. درت حمام بلدي.. مكنتش كنلقا شكون يدخلني ليه وهانا درتو فالدار وخرجت غدايدي.. الما السخون..كلشي هو هاداك.. درت الماسك وخليتو.. ودرت الما فداك البانيو بعدما دهنت الجسم ديالي كله..؟ درت الصابون البلدي.. ودرت شوية الرغوة فداك الما اللي فالبانيو.. ايوا وداني النعاس.. احم احم.. ياسر.. واش كتبغيني.. - اه كنبغيك.. - ههههه ياسر ياسر ياسر.. - فيقي.. - خلينا هاكا احسن اياسر.. - يمنى ى ى وتتي فيقي من النعاس.. - احم فين انا.. ياسر اش كادير فالحمام اخرج اخرج.. شنو بغيتي دير.. بديت كنغطي الجسم ديالي ولكن مكان كيبان والو تقريبا فداك البانيو بدوك الرغاوي.. - اش ندير .. شكون غايقرب عندك ونتي كتخلعي بداك الماسك.. اوووف اش هاد الريحة.. واش قتلتي هنا شي فار.. - هادي الحلبة والبيض.. درتهم ماسك.. - ودوك لي برودوي لاش جبتهوملك.. ماحلاتلك غير الحلبة.. الله ياربي غنتقيا بهاد الريحة.. شو كيرديتي هاد الحمام.، خرجي راكي تعطلتي على البنات .. غضيعي النهار هنا،. اخر مرة نشوفك درتي هاد الحالة فراسك.. والا غنعلقك من دوك الودنين اللي مكيسمعوش وغنحيد ليك داك العقل اللي ما فيه نفع ناكلو مع الرفيسة وراكي كتعرفيني بلا كنعاود الهضرة.. خلعني بديك الهضرة.. خرج وانا نوض دغيا غسلت ديك الحالة.. كله الا عقلي ووديناتي .. نخاف على راسي.. هادا قتال وغايديرها..
