7مشينا داني لواحد المطعم حدا البحر.. طلبلي الحوت.. وبديت ناكل ولكن هاد المرة ماشي بداك الشراهة ديال ديما.. حسيت الشهية ديالي تسدات ع الماكلة.. كنت باغاه غير امتا يهضر.. -هضر عفاك.. شنو بغيتي مني.. وعلاش هادشي كله.. انا راه التعاسة اللي عشت فيها كافية مافيا مايزيد شي حاجة اكتر.. عارفاك شايفني حثالة المجتمع.. وشايفني غير بنت الشارع ومتسولة.. ومشابعة حتى ماكلة.. وحوايجي مقطعين.. وانت مختلف عليا بزاف.. طوموبيل.. والهضرة والقراية والحوايج.. والبارفان اللي عمري عرفت اشناهو انا.. اشنو اللي يجمعني انا وياك.. خليك فحالك وخليني فحالي انا.. - واش الانسان كيتقاس باللباس والشبع والفلوس والطوموبيل.. واش داكشي باش كتعرفو واش الانسان حثالة ولا ماشي حثالة.. نبعي نطمنك باللي كاين اللي عايش ففيلات وقصورا وهو حثالة الحثالة.. - هادي غا هضرة زايدة .. الواقع بوحده.. - انا اكفس منك ايمنى.. نتي معارفة عليا والو.. وماشايفة غير هاد اللبس والطوموبيل.. معارفاش حقيقتي.. - شنو بغيتي تقول .. - انا سميتي ياسر .. ولكن حتى واحد معارف هاد السمية من غيرك.. كلشي عارفني بالقلب الميت.. هادشي باش كيعيطولي.. دوزت طفولة اسوء منك بكثير.. عشت مع حثالة الناس .. عشت فبار كبرت فيه.. كنشوف المخدرات قدامي شي حاجة عادية والشراب .. مللي كبرت وليت عساس فهاد البار.. وبعد داكشي وليت حاجة اخرى.. حيت طلبو مني نقتل واحد البنت .. كانت خدعات رئيس الحانة وفعلا كانت اول مرة كنقتل فيها شي حد.. ومن تما ولا عندي القتل حاجة عادية.. جريمة مور جريمة ومكنخلي حتى اثر ليا فيها.. حتى وليت قاتل مأجور محترف.. كنقتل للمافيات الكبرى ومكتربطني حتى صلة بدوك الضحايا.. ماكيهمنيش نعرفهم..ولا قلبي ميت .. مكيفكر فحتى واحد.. كنقتل ونشد الفلوس.. - ياسر.. وشنو ذنب للي ماتو.. - كل واحد وذنبو.. ذنوب مكنعرفوهاش حنا .. - وشنو بغيتي مني .. بغيتيني نولي قتالة بحالك.. انا حاسة باللي ديك الماكلة اللي كليت كلها.. هي لحوم ناس قتلتيهم.. - خليني نكمل وتفهمي... هادي شهرين.. كنت فالخدمة ديالي.. عساس للبار.. حتى صونالي التلفون.. بنت كتهضر.. - الو شكون معايا.. - القلب الميت هادا.. - اه هو هادا.. شكون نتي.. (كنت عارف ان هاد القلب الميت مكايعيطلي بيها غير اللي باغي شي قتيلة.. - ماشي مهم تعرف شكون انا.. عندي ليك واحد التبزنيسة زوينة وغادي تغيرليك حياتك مزيان..ايلا كيهمك الامر دخل للبار.. واجي للطبلة للي فيها واحدة دايرة النقاب وجلس تسمع كلشي.. متسنيتش بزاف دخلت وبقيت كنقلب.. حتى لقيتها.. مغطية كلها.. طبعا هادي اللي باغا تقتل مغتوريش وجهها ليا وحتى انا مكيهمنيش نعرفها.. مشيت جلست حداها وحنيت راسي وقلتلها كنسمعك.. - انا بغيت .. بغيت .. درت ابتسامة خفية وعرفت انها مرعوبة من داكشي اللي غاتطلبو .. نوغمال القتل ماشي حاجة ساهلة- بغيتك تجيبلي الثروة ديال واحد الراجل .. ماتخافش هي ماراهاش فبنك.. هي راها فخزانة سرية فالقصر ديالو.. وحتى واحد ماقدر يوصل لداك الخزنة.. الا قدرتي نتا توصل ليها .. ليك الربع ديال ديك الثروة.. - وكيفاش غادي نقدر نوصل ليها.. - انا غانصيفطك لواحد السيد قولو طلبته حارش شخصي للبوص.. غادي يتيستيك ونتا خاصك تنجح فالتست.. هادي اول خطوة ثاني خطوة هي خاصك تتقرب منه.. باش يعطيك اسراره.. ومنها يوريك بلاصة الخزنة .. ديك الساعة.. نتا عارف الباقي.. وانا غانكون مواكبة ليك.. كملت معاها الهضرة وفعلا داكشي اللي درت مشيت عند داك السيد دارلي تيست.. ونجحت ودخلت للقصر وكسبت ود البوص من دوك الحراس الشخصيين ديالو.. ولا تايق فيا بزاف خصوصا بعدما بحث فالماضي ديالي.. وعرف اني قاتل مأجور.. واني عمري ماخويت بالزبائن ديالي.. حس بالامان معايا.. وانه ميمكنش شي حد يآذيه الى انا معاه حيت ذكي.. يمنى: شنو المطلوب مني انا.. ياسر: انا لحد الآن مقدرتش نوصل لديك الخزنة.. خاصك تعاونيني.. انا غاندخلك للقصر تكوني من المساعدات ديالو.. وانا تايق فيك.. غاتنجحي... - نتا اللي ذكي ومقدرتيش نقدر انا؟ - متخافيش انا ديما معاك .. ما عليك غا طرطقي ودنيك .. وتجيبيلي اخباره.. وتجبدي معاه الهضرة حيت داك الشارف كيعجبو يهضر مع البنات.. ويديوه على قد عقلو الى كان بقالو شي عقل.. - ياسر.. مبقيتش باغا نشوفك.. انا ماموافقاش.. بالسلامة..نضت وخليتو تابعني بعينيه.. متحركش من بلاصته..انا غادية ومصدومة من هادشي اللي سمعت اكيد كما قالت ياسمينة مكايناش شي حاجة فالدنيا من دون
