- مرحبا بيك.. شنو سميتك.. - ميغسي مسيو..انا لينا.. - اووووه لينا تو يي تخي شاغمونت.. - ميغسي تي تخي جونتي..هاد بوكرش بوعيالات مكرهتش نشنق عليه دابا.. بقا كيعبرني من ساسي لراسي.. وانا واثقة من نفسي وواقفة ورافعة راسي.. - عرفتي شنو دورك .. - اه عارفة ميسيو.. انا غانكون المساعدة ديالكم .. واللي طلبتوها مني غنفذها.. وغنكون فالخدمة ديالكم باش سيادتكم ترتاحو.. - برافو عليك.. وشنو تاني.. شنو هما هواياتك.. - ركوب الخيل.. والبيلياردو.. وحتى الجولف.. ورياضات .اخرى.. - اوووه لينا... راكي فغيمون فنتاستيك.. انا حماقيت عليك.. نتي عليك كنت كنقلب.. فين كنتي شحال هادي.. ياسر.. فينك اولدي.. وريها بيتها وتهلا فيها.. راها غاتكون عزيزة بزاف... ياسر: امرك ميسيو.. تفضلي مادموزيل..تمشا ياسر وانا موراه.. حتى بعدنا شوية على بوكرش وانا نهضر.. - توحشتك.. - شووووت.. عندك يسمعك شي واحد.. هنا مكاين اخطاء.. مشاعرك نسايها دابا.. وحللي عينيك وحضي راسك .. -واخا كيما بغيتي.. بقينا كنتمشتو طلعنا للقصر .. كان واسع ومرعب.. طلعنا فالدروج وتمشينا حتى وصلنا لواحد البيت.. فتحو ياسر دخل ودخلت موراه.. - هادا هو بيتك.. يمنى تاني مرة .. كنقولك حضي راسك.. حياتك اهم من كل هادشي.. وايلا شي مرة حسيتي انه كاين خطر عليك راكي عارفة كيفاش توصلي ليا.. - مفهوم.. - مابغيتي تقوليلي والو..- ااام لا.. اه بغيت نقول.. حتى نتا تهلا فراسك.. ابتسم ابتسامة هادئة قرب عندي دغيا وباسلي جبهتي ومشا .. سد الباب دغيا.. اه يا قلبي.. ركابيا فشلو.. اش هادشي وقع.. واش كنحلم.. فيقي ايمنى.. طحت جالسة على الناموسية وانا مصدومة وممتيقاش داكشي اللي عاد وقع دابا.. ياك قلبو ميت.. واش حيا من جديد.. بقيت دايخة شوية دخل عاود تاني .. شاف فيا وخرج عينيه فيا.. تما فهمت راسي باللي شي حد جاي عندي.. كانت واحد المسمومة.. عرفت انها عشيقته وساكنة هنا وهي شريكة ليه فبزاف ديال المشاريع.. وكلشي كيخاف منها فالقصر بحال البوص ولا اكتر.. شافت فيا.. شوفات الشك.. - شنو سميتك.. - لينا .. احتراماتي ليك- ممم مزيان جابك ياسر.. نتمنى تكوني بحالو.. ذكية وتعرفي طريقك مزيان.. ياسر اجي معايا.. خرجو وخلاتني مسمرة.. هادي اش كتقصد.. واش تكون عارفة علاش انا هنا.. لا ياسر قالي ماديري الثقة فأي واحد.. انا مندير الثقة فأي واحد الا فيه هو.. ااااه يا ياسر.. مممم.. قلبي كيفرفر.. اويلي فين داتو هاديك.. عشيقة .. اتكون داتو ي... لا .. خرجت كنجري وانا نتفكر .، ممنوع الاخطاء ايمنى ممنوع الاخطاء ايمنى.. واش غانخسرها من الاول.. دخلت لداك الدوش اللي قد القيسارية .. وبديت نتسارا حتى استكشفته كله.. عاد بديت ندوش.. كملت خرجت صاوبت الميك اب واللباس.. مشيت لعند البوص.. طلب مني نجلس معاه.. الهضرة ديالو بااااااسلة.. كايعاود النكت الباسلين.. وانا مسايساه بحال شي دري صغير .. وهو عجبو الحال.. طلب مني نتغدا معاه وكما علماتني مريم .. كليت بالايتيكت.. شاف فيا البوص واحد العالم اخور.. بقيت كنفكرو بشنو عندو.. الغد ليه لقاني مفيقاه وموجدا ليه الحمام.. فطرت معاه .. واقترحت عليه ركوب الخيل.. وافق على الفور.. المفاجأة انه مكانش يقدر يركبه بداك الكرش اللي عندو طلب مني ندير استعراض قدامه وفعلا بحال الا حياتي كاملة وانا كندير الفروسية... الباراكة فسيليا.. هو عجبو الحال.. وياسر غا كيتفرج فيا..
